أغـانى فى الكليه !!

[Amira]

السـلام عليكم

بيتهيـألى كلكم شوفتوا الكلام الفاضى اللى بيحصل فى الكليه ، تانى مره الترم ده يتعمل حفله فى الكليه جوا المدرج واغانى بصوت عالى جداا ،، والشباب والبنات كله قاعد جوا يسمع للأغانى !!

بس ياريتها تيجى على سماع الاغانى وبس ، الحفله اللى فاتت بتاعه الإتحاد ( د.خالد زياد تقريبا ) معديه قدام المدرج لقيت اولاد بيرقصوا فوق البنشات !!!!!

انا بس عاوزه اعرف ازاى العميده تسمح بالكلام ده جوا الكليه ؟؟؟

يعنى هم فاكرين كده ان الطلبه هتتبسط منهم !! لما الكليه تتحول من مكان للتعليم تبقى مكان للرقص والغناء !!

يعنى بدل ما تشوفلنا حل فى مشاكل اسعار الكتب او مشاكلنا مع الدكاتره تسمح بالكلام الفاضى والتهريج اللى بيحصل ده ؟؟؟

كمان لما الحفله اللى فاتت دخل واحد من دفعتنا معرفش اسمه .. وانتقد الكلام ده جوا المدرج كانوا هيتخانقوا معاه وكانوا عاوزين يمنعوه من انه يكلم الطلبه اصلا ، سمعت انه كلامه كان شديد بس رأيي عنده حق

والله مايصحش اللى بيحصل فى الكليه ده ، من امتى والكليه كانت مكان للاغانى والرقص ومن امتى المدرج اللى بيدخل يقف فيه دكتور يشرح للناس بقى مكان الحفلات والاغانى الشعبيه !!

العميده سامحه بالكلام ده ليه ؟!!
والاتحاد اصلا ازاى يعمل حفله فى الكليه ؟!!
وازاى مسئول الاسره يوافق على كده !!
النهارده كانت اسره وقبل كده الاتحاد
وانا ماشيه النهارده واحده _ ربنا يهدينا ويهديها _ داخله الكليه مخصوص وشكلها من كليه تانيه بتقولى هى فين الحفله اللى هنا !!

عموما أياً كان اللى سامح بأن الكلام ده يحصل فى الكليه .. والله العظيم حرام عليهم بوظوا الكليه

طبعا انا عارفه انى هتكلم هنا واقول اللى انا عاوزاه ولا حد هيعبرنا !!
اصل فى أولويات الكليه بتهتم بيها !

حسبى الله و نعم الوكيل

[M.Hegazy]

أنا معاكي يا د. أميرة في كل كلمة حضرتك قلتيها ..

بجد الكلية مبقتش كلية خالص ..

اللهم لا حول و لا قوة إلا بك ..

مش كفاية كده ..

[Mouri Ran]

وعليكم السلام ورحمة الله وبركاته

مشيت بدري النهاردة بس كنت سمعت عن حفلة رامي عصام دي ومتخيلتش هتكون عاملة مشكلة كبيرة كدا.

هو فعلا موضوع الحفلات دا زايد عن حده حبتين من يوم ما دخلت الكلية وأنا ملاحظة كدا..

ويا ريت فيه نفس الاهتمام مع أي حاجة مقابلة علمية

أنا حضرت ندوة في مدرج سنة تانية وكنت أنا وبنتين أصحابي بس اللي حاضرين مع طلاب الأسرة (كانت صيدلي المستقبل) وكان منظر يكسف بجد .. ونفس المدرج كان مليان على آخره في حفلة أسرة قبلها بأسبوع !

مش عارفة بصراحة ايه الحل ..

[same7]

عندك حق والله يا اميره
بجد كلام اخر مسخره وقله ادب
واما نشوف حفله بكره كمان
ربنا يستر بجد بكره
لان مش هيبقى فى حرس ولا اى حاجه
والناس هتتجمع من الكليات التانيه ويمكن من بره
وهتبقى ربنا يستر بجد


اذا كان فى المدرج كده
هتبقى فى الساحه عامله ازاى



هوه العيب فى الاول على اللى طلب بتنظيم الحفلات دى
سواء اتحاء ولا اسره ولا اى حد


وبعد كده على المسئولين اللى وافقوا
ده اما بتحب تعمل معرض ولا حاجه بيطلع عينك


يتوافق ازاى على حفله فيها اغانى
والله اعلم فيها حاجات من اللى اتسمع عنها ولا لا


والاخر على فكره هيجيبوا اللوم علينا
وعلى تفكيرنا واولويتنا



ولا هما فاكرين ان هما كده بيريحونا وبيوافقوا
ولا بيفكروا ازاى يعنى


ولا حاجه نتلهى فيها عشان منفكرش فى حاجه تانيه


ومهما كان السبب ميوافقش انها تتعمل فى الكليه
والله الواحد زعلان اوى على اللى بيحصل ده

[ahmed kewan]

no comment

كفاية اقول ان اللي بيحصل مش عاجبني ومعترض عليه وده يكفيني لاني مش ناقص انذارات صراحة
وربنا يستر من بكره مش عارف ممكن يحصل ايه

!!!!!!

[E.Raafat]

شويه شويه وهنبقى زي الجامعات الخاصة وبدل ما يبقى اسمها كلية صيدلة جامعة المنصورة هيبقى اسمها كلية فنون جميلة جامعة الدلتا...
بصراحة حاجة مسخرة !!!!!!!!!!!!!!!!!!!!!!!!!!!!!!!!

[same7]

no comment

كفاية اقول ان اللي بيحصل مش عاجبني ومعترض عليه وده يكفيني لاني مش ناقص انذارات صراحة
وربنا يستر من بكره مش عارف ممكن يحصل ايه

!!!!!!

بجد انا نفسى نطلع بكره كده كلنا نعترض على الحفله دى قبل ما تبتدى
وتتلغى

مش ده ممكن يحصل


نجمع مجموعه من المعترضين هنا
وانا اولكم

ونعدى على المدرجات الصبح بدرى
يا جماعه الساعه 12 مثلا كله يطلع قدام المبنى الادارى ويطلع فوق على مكتب العميده ونطالب ان الحفله تتلغى ومتتعملش


هنقدر نعمل كده ولا هنقف نتفرج؟

[Hope1]

أكتر كلية فيها كمية هلس في الجامعة كلها الناس بتتظاهر و ناس بتداس و احنا أعدين نغني ...... ما شاء الله ...... حاجة تفرح بجد النهارده في السكشن الدكتورة مش كانت عارفة تشرح حاجة
و لا احنا سامعين حاجة بس احنا لازم نفرغ الطاقات المكبوتة في الطلبة يا جدعان مش كده و لا ايه !!!!!!!

[Mouri Ran]

فيه ايه بكرا ؟

[Hope1]

ولا حاجه نتلهى فيها عشان منفكرش فى حاجه تانيه


بالظبط كده