البحث المتقدم
pharma board, The Official Board

كلية الصيدلة تفعيل العضوية المحاضرات Practical Gallery ضوابط المشاركة هذا المنتدى الرئيسية

 

العودة   منتدى كلية الصيدلة - جامعة المنصورة ҉ ][ملتقـى طلاب كلية الصيدلة بجامعة المنصورة ][ ҉ الفـرقه الثـالثـه الفرقة الثالثة 2011

الفرقة الثالثة 2011 هذا المنتدى تم أرشفته .. وأصبح فقط للإطلاع


 

 
أدوات الموضوع انواع عرض الموضوع
قديم 14-07-2009, 12:25 PM   #1
summer breeze
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 2366
تاريخ التسجيل: Jul 2008
الدولة: in my wishes
المشاركات: 1,840
الفرقة : خريـج 2010
تواصل مع summer breeze:

female

summer breeze غير متواجد حالياً
افتراضي مع بعض نتعرف على سنه تالته

السلام عليكم ورحمه الله وبركاته

ازيكم ياسنه تالته الجداد نورتوا القسم اللي كان بتاعنا لحد امبارح ويارب تبقى ايامكم فيه احلى من ايامنا

طبعا الطالب بتاع صيدله دا مسكين ياعيني اول مايدخل الكليه يدخل على اعدادي
يلاقي نفسه ضايع وحالته حاله ولاعارف يروح ولاييجي ويقول يارب بس انجح لو حتى بمقبول بس ما اشوفش المواد دي تاني وبعدين يطلع على اولى يحس بقى بالفرق وان الدنيا بقت بمبي شويه ويندمج مع الجو ويشتغل صيدلانيات ويحضر مركبات يحس انو بقى صيدلي خبير ويعمل تفاعلات في العضويه وتلاقي السعاده بتنط من عينيه وهو بيجري على المعيد وبيوريه الكريمسون ريد كولر اللي قتل نفسه لحد ماطلعه وتمضي الايام ويلاقي نفسه في سنه تانيه اللي هي شبه سنه اولى يعني المواد مش جديده عليه لكن طبعا الكونتنت اكبر بكتير والى حد ما اصعب شويه لكن برضه مقدور عليها وعدى الطالب الهمام وانتهى بيه المطاف الى انه دلوقتي في سنه تالته وقاعد يقرا الموضوع بتاعي دا وهو هيتشل خلاص لاني من اول الموضوع مقلتش حاجه عن سنه تالته

طبعا عارفه ان كل واحد جاي في دماغه خلفيه اسطوريه سوداويه عن سنه تالته وانها اصعب سنه في الكليه والكلكعه والعقد والفيران والضفاديع والحاجات اليااااااااااي دي عارفه والله بس ياجماعه صدقوني الكلام دا مش سليم سنه تالته احلى سنه في الكليه كلها موادها حلوه وجميله ومرتبطه مع بعضها والاهم انها هتحسسك انك صيدلي بجد
في سنه تالته عندنا 6 مواد اللي هما الفارما والمدسنال الفايتو (عقاقير الناس الكبار) والبيو المعايرات الحيويه اللي هي الاساي واخر حاجه الصيدلانيات

لو خدناهم واحده واحده :

اولا الفارما:

دي اللي اسم كليتنا مشتق منها ماده جميله هتعرفك كل حاجه عن الدوا باستثناء الاستركشر بتاعه

في الترم الاول.....
هتتكلم عن autonomic nervous system
هتدرسوا فيها السمباثاتك والباراسمباثاتك طبعا احنا عارفين ان الدوا علشان يعطي مفعوله لازم يربط مع المستقبلات receptors وساعتها ياما ان الدوا يربط مع المستقبل ويعطي تاثيره اما بتنشيط او تثبيط الوظيفه او انه يقفل المستقبل ويمنع ان اي حاجه تانيه تربط معاه وهو دا محور الدراسه هتاخد المستقبلات بانواعها الفا وبيتا (تخضع للسمباثاتك ) مسكارنك ونيكوتنك ( تخضع للبارا سمباثاتك )
وتعرف الادويه اللي بتمسك معها agonist والادويه اللي بتقفلها antagonist دي كمقدمه للفارما ....
بعدها هتدرس حالات من GIT و RESPIRATORY SYSTEM وايه الادويه اللي بتعالجها يعني مثلا هتاخد peptic ulcer , diarrhea,vomitting والكحه والازما بتاعه الربو وهكذا طبعا اسماء ادويه كتير جدا علشان كدا حاول قدر الامكان مذاكره اول باول

كمان كان في جزء chemotherapy
ودا تقريبا مراجعه لما سبق دراسته في جزء Antibiotics بتاع الميكرو مع بعض الاضافات الصغيره

واخر جزء بقى جزء اسمه الAUTACOIDS
الواد دي على راي دكتور حسن مواد بتفرز داخل جسم الانسان بالطلب كدا يعني مش في كل وقت هنلاقيها زي الهستامين والسيروتونين ماشي بكده نبقى غطينا جزء الفارما بالهنا والشفا

الفارما دي طبعا هي الملكه لان منها هتتفرع ماده المعايرات الاحيائيه وماده الكيمياء الطبيه

بالنسبه للطبيه :

هى تقريبا تكرار للفارما لكن الفرق ان هنا بقى بتبقى ملزم انك تعرف استركشر الدوا وتعرف الSAR بتاعه السار دي هي اختصار لكلمه STRUCTURE ACTIVITY RELATIONSHIP يعني مثلا الدوا دا بيشتغل على مستقبلات الالفا يبقى مثلا لازم الدوا دا يبقى فيه حلقه بنزين ماسك فيها 2 OH اورثو لبعض ويبقى فيه ترمنال نيتروجين وهكذا وكمان ازاي العب فيه علشان اتغلب على عيب فيه او اعلي الافينيتي بتاعته تجاه المستقبل ماشي
كمان هتدرسوا مواضيع متفرقه زي
مثلا مدرات البول وادويه لعلاج ضغط الدم المرتفع ولعلاج الHYPER LIPIDEMIA ودي الموضوعات اللي هترجع تاخدها تاني بالظبط في الترم التاني بس في كورس الفارما انتوا لسه شفتوا حاجه
كده خلصنا على الطبيه


اما بقى المعايرات :

فماهي الا دراسه لوسائل الحكم على الدوا يعني انت النهارده جالك واحد يقلك ان زجاجه الدوا دي فيها اي حاجه بتشتغل كبيتا ون اجونست مثلا يبقى انت هنا عليك حاجتين انك تعمل SCRENING للدوا بمعنى انك تشوف الفارماكولوجكال اكتيفيتي بتاع الدوا يعني معروف ان البيتا ون دي موجوده في القلب وبتعلي سرعه ضربات القلب وكمان قدره القلب على الانقباض يعني المفروض لما تحقن الدوا دا في حيوان التجارب تلاقي التاثير دا حصل لو محصلش يبقى الدوا دا بايظ ومينفعش

تاني حاجه بقى بعد ماعرفنا ان فعلا الدوا دا بيشتغل على مستقبلات البيتا اننا نحدد بقى الجرعه الدوائيه والجرعه السامه من الدواء ودا مايعرف بعمليه ال BIOASSAY ماشي كدا نقول باي للاساي

ندخل بقى على الفايتو :

الفايتو بتاعت سنه تالته هي عقاقير بالمقلوب يعني احنا دايما متعودين ناخد النبات ونشوف استخداماته اللي بتتحدد عن طريق الماده الفعاله اللي فيه هنا بقى لا احنا هندرس الماده الفعاله دي شخصيا يعني
هناخد الالكالويدز
طبعا اشهرهم على الاطلاق التروبين الكالويد الموجودين في عيله السولاناسي طيب مين الامثله عليهم الاتروبين والهيوسين والهيوسيامين هنعرف موجودين في نبات ايه بيلا دونا داتورا الاستركشر بتاعهم ايه ازاي نعملهم سيباريشن وبيوريفيكيشن واخيرا بنستخدمهم في ايه طبعا صعوبه الفايتو برضه هو في انك لازم تحفظ الاستركشرات برضه (هيا الاسركشرات دي اللي بتطلع روحنا في سنه تالته بس شويه بشويه ربنا هيسهل ودماغك هتتعود على حفظ المركبات يعني ان شاء الله هتوصل لمرحله انك تبص على المركب وفي فيمتو ثانيه صورته تتطبع في دماغك ).........بلاش احلام واصحوا معايا
تاني جزء هو الزيوت الطياره
ودا مقدمته لوحدها نص المنهج تقريبا يعني ازاي نفصل الزيوت دي من النبته والاجهزه اللي بنستخدمها في العمليه دي خواص الزيوت دي الفيزيائيه والكيميائيه وبعد كده بقى هتدرس امثله عليهم كل واحد بحضره ازاي وبجيبه منين شبيهه شويه بالعضويه تحسها في الاخر كلها خرايط هنبدي بالمركب دا نحط عليه H2SO4 يتكون انتر ميدييت اللي بعد كده يحصله ايزوميريزاشن علشان يعطينا دا .....اوكي وبرضه مش محتاجه اقول ان الكلام دا كله بالاستركشرات
اخر جزء
جزء مش عارفه ايه لازمته بصراحه بيتكلم عن الRESIN ,RESIN COMBINATION ,BITTER PRINCEPILS
ربنا يعينكم بكده ندخل على اخر ماده مجهوله بالنسبه ليكم واللي هيا

البيو... الكيمياء الحيويه :

وفيها يتم التعرف على كل الحاجات اللي ربنا خلقها في كل فرع من فروعها الماده مقسمه لاربع فروع

فرع كاربوهيدرات
ودا يعتبر اسهلهم بحكم دراستنا السابقه جزء الفيتامينات والدهون الفيتامينات الذائبه في الدهون والذائبه في الماء والذائبه في ماء البحيره ههههه مش هيبقى نفسكم في حاجه

الجزء التالت هو جزء البروتين والاحماض الامينيه
برضه هتاخد العشرين حمض اميني باستركشارتهم وتتعرف على خصائصهم وتقسيماتهم اللي مبتخلصش وهكذا حاجات بسييييييييييطه

واخر حاجه بقى جزء د/عبد الله الموافي
دا كان فيه انزيمات بالاضافه الى الحاجات اللي بتشتغل ك ANTI OXIDANTS وكمان بقيه الفيتامين تقريبا شرحلنا الفيتامينات الذائبه في الدهون دا جزء حلو بجد بس
لازمله حضور... من غير حضور هتبقوا بتحفظوا بس من غير فهم

نصيحه :
ذاكروا كويس جدا في الترم الاولاني وحاولوا تجيبوا على قد ماتقدروا في الترم الاول في كل المواد بس البيو تحديدا لان الترم التاني بتاعها اصعب من الاول

اخر حاجه بقى الصيدلانيات :
تعتبر اسهل مواد سنه تالته مقسمه الى جزئين :

جزء BIOAVALABILITY
وفيها هتتعرفوا على العمليات اللي بتحصل للدوا من ساعه مايدخل الجسم هو جزء كله شبه بعضه هتقلب الورقه تحس انك بتقراها تاني ياسبحان الله هيبقى شعاركم فيهاال ABSORPTION ثم ABSORPTION ثم ABSORPTION اكتر كلمه هتشوفوها في حياتكم في الصيدلانيات وكمان بقى هتدرسوا الدستربيوشن والاليمينيشن بتاع الدوا برا الجسم

تاني جزء هو جزء الSUPPOSITORY
دا جزء سهل خالص شبه بتاع سنه اولى وكلامه شبه الصيدلانيات اللي احنا عارفينها يعني

ماشي انا كده خلصت يارب اكون قدرت افيدكم واعطيكم فكره عن مواد سنه تالته ويارب تبقى سنه حلوه وسهله عليكم بالتوفيق

ملحــــــوظه:
الموضوع ده د.سمر كانت عاملاه السنه اللى فاتت لبتوع رابعه دلوقت

التعديل الأخير تم بواسطة Amira ; 28-07-2010 الساعة 03:56 PM سبب آخر: ملحوظه
 
قديم 28-07-2010, 08:15 PM   #2
MoRsY
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 3013
تاريخ التسجيل: Oct 2008
الدولة: Gooogle earthe
المشاركات: 397
الفرقة : خريـج 2012

male

MoRsY غير متواجد حالياً
افتراضي

شكرا يا دكتورة على الموضوع المفيد جدا
 
قديم 28-07-2010, 08:24 PM   #3
Mohamed Al Gohary
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 54
تاريخ التسجيل: Apr 2007
الدولة: Mansoura
المشاركات: 5,164
الفرقة : خريـج 2011
تواصل مع Mohamed Al Gohary:

male

Mohamed Al Gohary غير متواجد حالياً
افتراضي

بعد اذن الدكتورة سمر .. هابقى احط شوية تعليقات كده وخصوصا ان فيه مقررات اتغيرت زى الميديسنال ..
 
قديم 28-07-2010, 10:52 PM   #4
le pharmacien
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 2277
تاريخ التسجيل: May 2008
المشاركات: 311
الفرقة : الرابـعه
تواصل مع le pharmacien:


le pharmacien غير متواجد حالياً
افتراضي

جزاكم الله خيرا
 
قديم 28-07-2010, 11:13 PM   #5
dr_orchida
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 3727
تاريخ التسجيل: Apr 2009
المشاركات: 1,168
الفرقة : خريـج 2012

female

dr_orchida غير متواجد حالياً
افتراضي


gazaky allah kol 5er ya dr
 
قديم 28-07-2010, 11:59 PM   #6
Volcano90
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 4847
تاريخ التسجيل: Nov 2009
المشاركات: 105
الفرقة : خريـج 2012

female

Volcano90 غير متواجد حالياً
افتراضي

جزاكى الله خيرا طبعاً_
يس ليه أول القصيدة(سنة تالتة)كــفـر؟؟؟؟؟ولا يمكن أنااللى شايفاها كده؟؟كل شئ جايز برده
 
قديم 29-07-2010, 01:15 AM   #7
ganaa
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 3812
تاريخ التسجيل: Apr 2009
الدولة: فى ارض الله
المشاركات: 125
الفرقة : خريـج 2012


ganaa غير متواجد حالياً
افتراضي

جزاكم الله خيرا
 
قديم 29-07-2010, 01:26 AM   #8
dr.monalizaa
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 4563
تاريخ التسجيل: Oct 2009
الدولة: Far Away From Here
المشاركات: 1,477
الفرقة : خريـج 2012
تواصل مع dr.monalizaa:


dr.monalizaa غير متواجد حالياً
افتراضي

تسلم الايادي وربنا يسهلها يارب
 
قديم 29-07-2010, 01:35 AM   #9
NonY
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 636
تاريخ التسجيل: Sep 2007
الدولة: Mansoura
المشاركات: 2,026
الفرقة : الرابـعه

female

NonY غير متواجد حالياً
افتراضي

لأ شكلها سنة عسولة ان شاء الله
 
قديم 29-07-2010, 02:55 AM   #10
د.نونا
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 4630
تاريخ التسجيل: Oct 2009
المشاركات: 320
الفرقة : خريـج 2012

female

د.نونا غير متواجد حالياً
افتراضي

ميرسى اوى ليكى طبعا يادكتوره سمر
لكن الكلام دا سابق لاوانه شويا يعنى لما الاجازه تخلص نبقى ناخد فكره عن تالته لكن حالا جيت اقراه خفت وحسيت انى همتحن بكرا
 
 

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مع بعض نتعرف على سنه تالته summer breeze الفرقة الثالثة 2010 57 18-02-2010 11:54 PM
اضغط على النبات وتعرف على فوائده أمــ هـنـد ــة الله منتدى الصحه 10 01-05-2009 04:32 PM
عيش معانا ثالثه :|©؛°¨¨°؛©الصيدلى الذهبى© الفرقة الثالثة 2009 50 16-10-2008 06:26 PM
يلا بنا نتعرف على بعض zidane555 الفرقة الاعدادية 2008 1 26-10-2007 12:59 AM


الساعة الآن 02:27 PM.

Powered by vBulletin
جميع التعليقات تعبّر عن رأي كاتبها ، ولا تعبر عن رأي الموقع او الكلية مطلقا.