علي مائدة عملي العقاقير ........ لاخواني الطلبة

[dr-aya]

شكراً لحضرتك يا د/باهر على التوبيك دا و ربنا يحطه فى ميزان حسناتك إن شاء الله
أنا برده يا دكتور عندى نفس المشكلة ألا وهى (الميكرسكوب) ياريت لو حضرتك تقولنا إزاى أقدر أعمل شريحة وتطلع مظبوطة وخصوصاً لو كانت بودر لأن شريحة البودر بالذات بتطلعلى مش رايقة خالص وياريت لو حضرتك تقولنا على الحاجات اللى نتفاداها عشان الشريحة تبقى واضحة لأن بتاعتى بتطلع محمرة شوية دائماً وأبداً
وبرده ياريت حضرتك تقولنا على نظام إختيار العدسات يعنى إمته أشتغل بالعدسة 10 أو 40
وكده كفاية وأنا آسفة للإطالة

[EverLasting]

جزاكم الله خيرا يا دكتور باهر...
فعلا يا دكتور ياريت تقولنا نكمل الكتاب ازاى ؟

[khokha]

جزاك الله خيرا يا دكتور \باهر علي مجهوداتك معانا

[Dr. Baher]

السلام عليكم

شكرا ليكم علي كل هذا الاهتمام

اولا حصرت المشاكل التي كانت علي الصفحة و كانت كلاتي

1- كيف اتعامل مع الميكرسكوب و دة عايزة كل تحدي منك كطالب خصوصا لو عرفت ان الامتحان لا يخلوا منه ..........و لكن ممكن اللي عنده مشكله يقول في السكشن او يجيلي المكتب و افهمه

2- ازاي اعمل شريحة بودر

انا متعجب جدا لاني علمت الطلبة السكشن اللي فات كيفية عملها و ازاي تكون كويسة و ما هي خصائص الشريحة الجيدة ............. و لكن مع ذلك لسه قدمنا سكشنين للبودر ............... و مع ذلك ممكن يجي اللي عايز يتعلم في السكشن او في المكتب و يقولي

4- ازاي اكمل الكتاب

ان شاء الله هقول الكلام دة المحاضرة الجاية يوم الاربعاء 29 / 10
انا عرف ان المحاضرة بدري و دة علشان اعطيكم اسبوع للتحضير المحاضرة و دي مش فكرتي برده دي فكرة زميلين ليكم

شكرا لكل هذا التواصل معي و انا في خدمتكم ........... لمستوي افضل

[أمــ هـنـد ــة الله]

ما شاء الله يا دكتور باهر شرح حضرتك جميل اوى

وانا فهمت طريقه عمل البودر ولكن برده المشكله عندى ف المكريسكوب وتظبيط الاضاءة

والمشكله كانت مع الجروب بتاعى كلهم وحضرتك وريتنا الشريحه ماشاء الله حضرتك ظبطتها حلو اوى

لكن جيت اجربها تانى مش اتظبطت خالص بس انا فضلت وراها لحد ما بقت هه كويسه شويه

بس ان شاء الله احنا مع حضرتك عايزين كل حاجه تبقى مظبطه عندنا .......ولا ايه يا جماعه

وشكرا لحضرتك على تعاونك معانا وبجد كان نفسى من زمان ف ساحه حوار مع دكاترتنا نسألهم

ويجاوبونا والحمد لله كتير عملو كده

جزااااااااااااكم الله كل الخير

[Dr. Baher]

السلام عليكم

يا د هند انتي فتحتي باب كويس

ان الكتور بيظبط الحاجة و انا لا .............. انتي عارفة ليه

لان الدكتور و هوة جاي يظبط الشريحة تخيلي بيفكر في ايه ........... تركيزه فين ......... الموضوع مش سحر .......... الموضوع هو تركيز و اصرار و اتمني ان اي طالب و هوة داخل اي سكشن مش لازم النبات يكون علي اعلي قمة في التركيز و الاصرار

ودة هقوله ان شاء الله في الشرح الجاي

[أمــ هـنـد ــة الله]

السلام عليكم

يا د هند انتي فتحتي باب كويس

ان الكتور بيظبط الحاجة و انا لا .............. انتي عارفة ليه

لان الدكتور و هوة جاي يظبط الشريحة تخيلي بيفكر في ايه ........... تركيزه فين ......... الموضوع مش سحر .......... الموضوع هو تركيز و اصرار و اتمني ان اي طالب و هوة داخل اي سكشن مش لازم النبات يكون علي اعلي قمة في التركيز و الاصرار

ودة هقوله ان شاء الله في الشرح الجاي

فعلا يا دكتور انا اخر ما زهقت قولت اشمعنى مع الدكاترة المكريسكوب يتظط واحنا

بيخافو منهم ولا ايه ...بس اكيد طبعا فيه سبب اللى حضرتك ذكرت

وبرده فيه اساسيات للتعامل مع المكريسكوب واعتقد اننا مفروض ندرب عليها

بشكل كويس عشان تطلع الشريحه مظبوطه

ومش تتخيل يا دكتور مدى سعادتنا لما الشريحه تظهر حتى لو مش واضحه

بجد كنا بنعتبره انجاز ...ف ياريت ان شاء الله حضرتك ف السيكشن الجاى

معلشى تراجع لنا تانى ع السريع كده ازاى نطلع الشريحه مظبوطه تحت الميكروسكوب

وان شاء الله يارب تنتهى مشكله المكريسكوب وكل الاجهزة اللى ف الكلية حتى

موازين الصيدلانيات

[dano_90]

فعلا مشكلة الميكرسكوب دى مشكله يادكتور

وكمان ال fehling

مش عرفت اطلعه خالص

انا شفت حضرتك وريتنا كام واحد كده

لكن مش اتظبط معايا خالص

وكمان عدد ال flame قليل جدا

لازم يبقى فيه اهتمام اكتر بالحاجات دى علشان نعرف نشتغل العملى كويس

بس بصراحة شرح حضرتك راااااااااااااااااائع

اما عن موازين الصيدلانيات فحدث ولا حرج



عاوزه قرار ازاله ..

وميرسى دكتور على اهتمامك

ومنتظرين حضرتك تعلمنا ازاى نظبط الشرايح على الميكروسكوب

..

[khokha]

اه والله يا هند الموازين دي عجب

جزاك الله الف خير يا د\ باهر

[**SAMAR_RESALA**]

يا دكتور باهر معظم الميكروسكوبات اللى بنشتغل عليها بايظه
وكل مره يطلع الميكروسكوب بتاعى بايظ
ربنا يستر بقا وفى الأمتحان يبقى الميكر وسكوب سليم

جزاك الله خيراً على تفاعلك معنا