لا على فكرة هما تلاتة
و كل واحد بيدفع عشرين جنيه فعلا ..
و الشروط لازم يكونوا التلاتة من نفس النوع و من نفس الفرقة الشعبية و مش اخوات
و دا الكلام اللى اتقالى النهاردة أنا و صحابى
و الله
-و بالنسبة لدولابى القديم اللى كنت دافعة فيه 40 جنيه اللى مرمى ورا الكلية يا عمو و فيه حاجتى و عايش عادى لسة ؟؟؟
-لا روحى خدى حاجتك منو عشان هيتكسر كلو و هيترمى
و تعالى احجزى دولابك الجديد
-ميرسى جدا ..
كلية صيدلة فيها حاجات ظريفة بردو بتحصل
و لا ايه رأيكوا
؟؟؟
عادى يا جماعة
السنة الجاية ان شاء الله فى نفس المعاد ..
وارد جدا يعملوا دواليب جديدة و يكسروا القديمة و ندفع احنا تانى
و دا قانون جديد لسة نازل امبارح الصبح بالليل ..
اسمه (( قانون تجديد الملكية ))
و القانون دا له عدة مزايا ..
أولا .. بيساعد الطالب على تدمير حياته الروتينية من خلال تجديد دولابه كل سنة
بحيث ميزهقش من الدولاب و الدولاب بردو ميزهقش منو
الحاجة التانية .. بيعلمنا روح المشاركة الإجبارية بين الزملاء
و دى الحاجة اللى فشل نظام التعليم انو يعلمهالنا فبالتالى نظام الدواليب عن جدارة سد الفجوة دى
ثالثا .. مالك الدولاب هو المستفيد الأول ,, ليه ؟؟
لأن لو تلاحظو أنا قلت كنت جايبة دولابى ب 40 جنيه
لكن لو ختوا بالكوا انا هجيب الدولاب تانى ب 20 جنيه
لاحظتوا النطة فى السعر ؟؟
حاجة جميلة جميلة جميلة
أنا طولت أو حاجة