صفحة 2 من 4 الأولىالأولى 1234 الأخيرةالأخيرة
النتائج 11 إلى 20 من 35

الموضوع: Patient Counseling ... The Art of Pharmacy

  1. #11
    Pharma Student
    تاريخ التسجيل
    Nov 2009
    المشاركات
    257

    افتراضي

    طبعا الموضوع مفيد جدا

    .....وبعدين الصيدلى مش هيصحى من النوم يلاقى بقت الدنيا ربيع والناس غيرت نظرتها

    .لازم هو الى يحاول يطور من نفسه ويكسب الناس بحسن المعاملة وتقديم النصيحة.(للى عايز أو الى عنده

    استعداد للتقبل ......لأن فى ناس معندهاش ثقة فى الصيدلى يعنى لو هو عايز دواء معين بس الدوا دا مش موجود

    وتحاول تديله بديل مش بيوافق...... ومهما تقنعه انه نفس المادة الفعالة ونفس التأثير مفيش فايدة.)

    ولأن معظم الناس بسيطة وبتبقى عايزة حد ينزل لمستوى فكرها ويكلمها باللغة بتاعتها

    ...فتلاحظ حضرتك ان لو حد واقف وهو مش صيدلى ولا حاجة شعبيته كبيرة ....دا لانه بسيط وفاهم

    الناس ........هو انا كرهت الصيدلية من فراغ.....ربنا معانا بقه ان شاء الله.
    التعديل الأخير تم بواسطة العيون الضاحكة ; 16-07-2011 الساعة 08:00 PM سبب آخر: محبطة جدا

  2. #12
    Pharma Student
    تاريخ التسجيل
    Oct 2009
    الدولة
    in my world
    المشاركات
    74

    افتراضي

    جزاك الله خيرا د- انس

    متابعيييييييييييييييييييين ان شاء الله


    بالمسبة للاسئلة
    - فاكيد الموضوع مفيد وهايفيدنا جدا ....خصوصا لو كان الاعلب بينزل الصيدلية وبيطيق عملى
    - سمعت كتير عنه الحمد الله وحضرت ندوة ليه قبل كده

  3. #13
    Pharma Student
    تاريخ التسجيل
    Jul 2009
    الدولة
    Away from the way
    المشاركات
    703

    افتراضي

    مجهود مضنى يا أنس

  4. #14
    Pharma Student
    تاريخ التسجيل
    Oct 2009
    الدولة
    A world of illusions
    المشاركات
    1,880

    افتراضي

    متابعين باذن الله

    جزاكم الله خيرا.

  5. #15
    Pharma Student
    تاريخ التسجيل
    Jan 2009
    الدولة
    mansoura
    المشاركات
    827

    افتراضي

    موضوع مميز وان شاء الله يفيدنا
    جزاكم الله خيرا د/انس........ متابعة ان شاء الله

  6. #16
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    اقتباس المشاركة الأصلية كتبت بواسطة أمــ هـنـد ــة الله مشاهدة المشاركة
    أكيــــد هيفيـد جدااا لان دا اللى هيفرق بين الصيدلى و البيـاع زى ما بيقولو علينـا
    تمام ... و هو ده الغاية المراد الوصول ليها من الموضوع ... ان تعود للصيدلي مكانته

    اقتباس المشاركة الأصلية كتبت بواسطة أمــ هـنـد ــة الله مشاهدة المشاركة
    إن شاء الله متـابعين بس يـاريت لو سمحت يا دكتور كم كبير وكل يوم لو امكن يعنـى عشان نلحق نستفيد قبل ما ننزل التدريب ^^
    جاري دراسة إمكانية تنفيذ الفكرة

    بس الأهم هو متابعة الناس و تفاعلهم عشان يدي دافع اكبر


    اقتباس المشاركة الأصلية كتبت بواسطة العيون الضاحكة مشاهدة المشاركة
    طبعا الموضوع مفيد جدا

    .....وبعدين الصيدلى مش هيصحى من النوم يلاقى بقت الدنيا ربيع والناس غيرت نظرتها
    .لازم هو الى يحاول يطور من نفسه ويكسب الناس بحسن المعاملة وتقديم النصيحة.(للى عايز أو الى عنده
    استعداد للتقبل ......لأن فى ناس معندهاش ثقة فى الصيدلى يعنى لو هو عايز دواء معين بس الدوا دا مش موجود
    وتحاول تديله بديل مش بيوافق...... ومهما تقنعه انه نفس المادة الفعالة ونفس التأثير مفيش فايدة.)
    ولأن معظم الناس بسيطة وبتبقى عايزة حد ينزل لمستوى فكرها ويكلمها باللغة بتاعتها
    ...فتلاحظ حضرتك ان لو حد واقف وهو مش صيدلى ولا حاجة شعبيته كبيرة ....دا لانه بسيط وفاهم
    الناس ........هو انا كرهت الصيدلية من فراغ.....ربنا معانا بقه ان شاء الله.


    بالضبط كده ... الفكرة في الوصول للناس و مخاطبتهم على قدر عقولهم و تفكيرهم

    أنا كصيدلي عارف كل المعلومات و مطلوب مني اتعامل مع أكتر من مستوى تعليمي و ثقافي و اجتماعي

    و مطلوب مني برضه ان لو هتعامل مع 5 أشخاص مختلفين في التفكير و هياخدو نفس الدواء

    يخرجو الـ 5 من عندي و هما واصلهم نفس القدر من المعلومات عن الدواء ده

    بس الاختلاف في الطريقة اللي اتكلمت بيها مع كل واحد على حسب مستواه

    اقتباس المشاركة الأصلية كتبت بواسطة cefzil مشاهدة المشاركة
    جزاك الله خيرا د- انس
    متابعيييييييييييييييييييين ان شاء الله
    بالنسبة للاسئلة
    - فاكيد الموضوع مفيد وهايفيدنا جدا ....خصوصا لو كان الاعلب بينزل الصيدلية وبيطيق عملى
    - سمعت كتير عنه الحمد الله وحضرت ندوة ليه قبل كده

    اقتباس المشاركة الأصلية كتبت بواسطة Ahmed Al KhaTeeB مشاهدة المشاركة
    مجهود مضنى يا أنس

    تعاطفك لوحده مو كفاية

    اقتباس المشاركة الأصلية كتبت بواسطة S!lent Tear مشاهدة المشاركة
    متابعين باذن الله
    جزاكم الله خيرا


    اقتباس المشاركة الأصلية كتبت بواسطة eeeman مشاهدة المشاركة
    موضوع مميز وان شاء الله يفيدنا


    جزاكم الله خيرا د/انس........ متابعة ان شاء الله




    و جزاكم مثله


    -----------------

    الحلقة الثانية بعد قليل إن شاء الله


  7. #17

    تاريخ التسجيل
    Dec 2009
    الدولة
    يارب مع رسول الله
    المشاركات
    2,600

    افتراضي

    جزاكم الله خيرا كثيراا

    متابعه مع حضرتك ان شاء الله

    بس ياريت حضرتك مش تتاخر علينا كتير

  8. #18
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    الحلقة الثانية





    هنتكلم النهاردة إن شاء الله عن دور الصيدلي و المطالب بيه من خلال وقفته في الصيدلية و تعامله مع الجمهور

    أول حاجة لازم نعرف الكائن اللي اسمه الصيدلي ده عبارة عن ايه !!!

    للأسف ناس كتير فاكرة الصيدلي ده ساحر أو مشعوذ بيعمل كل حاجة و يخلص أي حاجة ...

    يصرف الدوا و يكتب الاستخدام و يحسب السعر و يطلع الباقي و يشوف فكة و يغير على الجروح و يدي حقن و يقيس الضغط و السكر لحد ما في النهاية بيبقى هو اللي عنده الضغط و السكر

    و مطلوب منه مع ده كله يكون مركز مع كل واحد قدامه و كل زبون فاكر نفسه هو الوحيد اللي جايلك الصيدلية و لازم تسمعله بيقول ايه و تحل مشكلته اللي عجزت الأمم المتحدة و مجلس الأمن عن حلها



    انما التعريف بتاعنا بقى باختصار ... الصيدلي ده بتاع الدواء

    بالضبط زي بتاع الخضار و بتاع اللبن و بتاع أي حاجة في أي حتة


    بتاع الدواء دي يندرج تحتها إن الصيدلي يكون عارف كل حاجة عن الدواء اللي عنده في الصيدلية ...

    من أول تصنيعه و تغليفه و تعبئته و توزيعه و تخزينه في الصيدلية و السعر اللي هيتباع بيه و مين المريض اللي حالته يناسبها الدواء ده

    لحد ما المريض ياخد الدواء و ياخده كام مرة في اليوم و لمدة قد ايه و يدخل الجسم و طبعا يكون عارف بيمتص منين و بيشتغل ازاي و بيخرج من الجسم بعد قد ايه

    طبعًا ده كله بالإضافة للآثار الجانبية للدواء فضلاً عن تفاعلاته سواء مع الأدوية الأخرى أو مع الأطعمة اللي بيتصادف وجودها في المعدة مع الدواء !!!!!



    طب ما هو طلع ساحر فعلا انه يكون عارف كل الحاجات دي

    طيب هل ده بس اللي بيعمله الصيدلي ؟؟؟
    "قال يعني ده شوية"

    الصيدلي زي ما اتكلمنا قبل كده بحكم قربه من الناس و تعامله معاهم بيبقى ملقى على عاتقه دور أكبر بكتير من مجرد الدواء هنجمعه في صورة مبسطة في 4 نقاط رئيسية




    أول حاجة و هي المعروفة لدى الجميع هي صرف الأدوية ... سواء كانت الأدوية دي موصوفة في روشتة طبية من دكتور و دي بتبقى سهلة مقارنة بالبلاوي التانية اللي هنشوفها دلوقتي ... أو اللي جايلك الصيدلية يقولك انا عاوز الدواء الفلاني

    و هنا بقى مكمن الخطر و منبع المشاكل و مخزون الكوميديا السوداء في الصيدلية

    ان كل واحد بيقولك الدواء بطريقة معينة بما يتناسب مع طريقة تفكيره و تعليمه

    سواء حسب شكل العلبة او الحباية او يشبه الاسم الانجليزي بأي حاجة تيجي على باله ساعتها

    و دي بتختلف من مكان لمكان و مصطلحات حسب البيئة اللي انت موجود فيها

    و دي طبعا متحاجة قواميس و مجلدات عشان نجمعها

    جايبلكم مجموعة أمثلة من بعض الحاجات اللي قابلتي في الصيدلية واللي كنت هتشل بسببها



    الحباية اللي شبه العدس



    Cataflam 50


    الحباية اللي شبه الفاصوليا



    Oblong Novalgin


    الحباية نص أصفر و نص أبيض



    Bi-Alcofan


    الحباية البني بتاعت المغص



    SpasmoPyralgin


    العلبة اللي عليها معلقة



    Toplexil


    العلبة اللي عليها رسمة الكبد



    و دي أنا قلبت عليها أدوية الكبد كلها لحد ما طلعت في الآخر














    Gastroloc
    و طبعا بذلنا مجهود لإقناع الحاجَّة انها رسمة المعدة مش الكبد


    دوا الهضم بتاع الحاج عويس



    Spasmo-Digestin


    علبة برونتوبلاك



    ProntoPlus


    و التقيلة بقى ... واحد عاوز حباية بين البينين !!!















    و دي فكرو فيها لحد الحلقة الجاية إن شاء الله



    و رغم الحاجات دي كلها مطلوب منك تتشقلب قدامه و تعرف كل واحد عاوز ايه و تجيبهوله !!!



    النقطة التانية في دور الصيدلي



    انه يعلم المريض و يوعيه عن حاجتين ... المرض اللي عنده ... و الدواء اللي بياخده

    لان زي ما قولنا قبل كده مش كل الأطباء بيتكلمو مع المرضى عن طبيعة المرض

    ف بيكون الدور الأكبر على الصيدلي انه يشرح بصورة مبسطة ايه سبب المرض و ازاي المريض يتعامل و يتكيف معاه و يعيش حياته بصورة طبيعية ... لو في أكلات معينة مينفعش تتاكل او لازم تتاكل ... لو في أسلوب معين للأكل سواء مواعيد أو كميات ... إلخ بما يتناسب مع كل مرض

    و كذلك الحال مع الدواء اللي هياخده ايه معاده بالضبط قبل أو بعد الأكل ... و لازم نكون فاهمين معنى كلمة قبل الأكل يبقى بقد ايه ...

    لان كتير من المرضى يفهم ان قبل الأكل يعني ياخد الحباية و يسمي و ياكل براحته بعدها ... مع ان كده الحال مختلفش كتير ...

    الغرض من قبل الأكل هو انه يكون على معدة فاضية بحيث الدواء ميقعدش في المعدة لفترة طويلة على ما يتنقل للأمعاء و يمتص ...

    او يكون الدواء له تفاعلات جانبية مع الأكل زي المثال المشهور بتاع التيتراسيكلين مع الكالسيوم الموجود في اللبن و منتجاته
    و غيره من الأدوية اللي بيؤدي تفاعله مع الأكل إلى إبطال مفعول الدواء و فقدانه لتأثيره بل و في بعض الأحيان بيطلع مواد ممكن تضر الجسم



    النقطة التالتة



    متابعة الاستجابة للدواء عن المرضى و لو ظهر آثار جانبية يبلغ بيها الطبيب المختص و الشركة المنتجة لو لم يذكر ده في روشة الدواء



    النقطة الرابعة و الاخيرة



    بيساعد العملاء بتوعه من غير المرضى حتى انهم يعيشو حياة سليمة صحية - مع انهم كده مش هينفعوه بالأدوية - سواء بالتغذية السليمة أو ممارسة الرياضة أو بالكشف الدوري ...


    و ممكن نجمع الأربع نقاط اللي فاتو في صورة واحدة



    ------------------

    الحلقة التالية إن شاء الله غدًا الثلاثاء 19/7/2011







    و الحلقات هتبقى يومية إن شاء الله نزولا على رغبة الجماهير

    والله المستعان

    ------------------

    أسئلة للمناقشة

    عاوزين كل واحد يجيب أمثلة للأدوية اللي بتتطلب عندهم بأسماء و أوصاف غريبة ... على الأقل 3 أمثلة ... و الإجابة تكون في جدول

    دُمْتُمْ بِوِدٍ


  9. #19
    Pharma Student
    تاريخ التسجيل
    Jun 2007
    المشاركات
    977

    افتراضي

    ان شاء الله بداءا من يوم السبت هبدا انزل الصيدلية اى حاجة جديدة او موقف عجيب يستفاد منه هنقله هنا باذن الله الموضوع حلوة و بيكون احلى مع امثلة اكتر كمان

    شكرا ليك يا دكتور وما زلنا على متابعة الموضوع


  10. #20
    Pb Elite
    تاريخ التسجيل
    May 2007
    الدولة
    In Oyster
    المشاركات
    3,817

    Smile


    جــزاكم الله خيـــــــــــــراً

    متـابعيــن لآخر حرف إن شاء الله ^^


صفحة 2 من 4 الأولىالأولى 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •