صفحة 1 من 4 123 ... الأخيرةالأخيرة
النتائج 1 إلى 10 من 35

الموضوع: Patient Counseling ... The Art of Pharmacy

  1. #1
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي Patient Counseling ... The Art of Pharmacy

    بسم الله الرحمن الرحيم

    و الصلاة و السلام على سيد المرسلين

    سيدنا محمد صلِّ اللهم و سلم عليه و على آله و صحبه أجمعين

    ---------------------

    الحمد لله بعد ما خلصنا الامتحانات و استريحنا بدأنا ننزل الصيدليات سواء شغل أو تدريب

    و طبعا كتير مننا بيتضايق لما بيسمع أشهر كلمة في تاريخه و هي

    الصيدلي عبارة عن بقال

    و في أحسن الأحوال يقولك بقال برخصة

    و ده يرجع لأسباب كتير احنا كصيادلة بنتحمل جزء منها و الباقي يرجع لثقافة خاطئة في المجتمع

    و مش مجالنا في الوقت الحالي اننا نناقش الموضوع ده

    بس اللي في ايدينا اننا نحاول ننهض بنفسنا و نطور من أدائنا عشان محدش يقول علينا الكلمة دي

    طيب نطور من أدائنا ازاي ؟؟؟

    ده اللي هنتكلم فيه ان شاء الله خلال حلقات السلسلة دي

    Patient Counseling ... The Art Of Pharmacy

    أو بالعربي هو فن مجالسة و تقديم المشورة للمريض

    و ازاي اخلي وظيفتي في الصيدلية لا تقتصر على اني اجيب الدواء من على الرف و اخد الحساب

    انما ازود على كده اني ادي للي قدامي المعلومات الكافية اللي تساعده على انه ياخد الدواء بالصورة الصحيحة و اللي بيها يحقق اكبر استفادة من الدواء و يشفى في أقرب وقت بمشيئة الله

    ---------------------


    الحلقات ان شاء الله هتكون يوم بعد يوم بداية من غد السبت 16/7/2011 إن شاء الله

    و هتكون مواضيع الحلقات عن الـ Patient Counseling في 3 محاور

    WHAT

    WHY

    HOW

    و أثناء تناول الموضوع هنشوف بعض المواقف اليومية من الصيدلية و نتشارك مع بعض خبراتنا في التعامل معاها ازاي



    دمتم بودٍ


  2. #2
    Pharma Student
    تاريخ التسجيل
    Jan 2009
    الدولة
    Under the blue sky
    المشاركات
    1,748

    افتراضي

    بقال او بتاع الشامبو و الكريمات و الوقتي بعد التكليف عرفت ان اسمنا الكتبة و الخزنة
    و زي ما النقابة ليها دور كبير في تدهور احوالنا سواء بالتراخي او عدم التحديث لآليات التعامل
    فالدور الاكبر ملقي علينا كصيادلة في البحث عن الماااادة فقط و البعد عن الهدف الاساسي و الاسمي للمهنة

    ان شاء الله متابعة مع حضرتك لأن الـ
    Patient Counseling فرع مهم جدااا و هو سر نجاح الصيدلي بالعلم اولا

  3. #3
    Pharma Student
    تاريخ التسجيل
    Jun 2007
    المشاركات
    977

    افتراضي

    حاسة انه هيكون موضوع مميز ان شاء متابعين يا دكتور باذن الله

  4. #4
    Pharma Student
    تاريخ التسجيل
    Nov 2007
    المشاركات
    122

    افتراضي

    انا فعلا محتاجه الموضوع ده جدا متابعه ان شاء الله

  5. #5
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    اقتباس المشاركة الأصلية كتبت بواسطة yojeena مشاهدة المشاركة
    بقال او بتاع الشامبو و الكريمات و الوقتي بعد التكليف عرفت ان اسمنا الكتبة و الخزنة
    و زي ما النقابة ليها دور كبير في تدهور احوالنا سواء بالتراخي او عدم التحديث لآليات التعامل


    فالدور الاكبر ملقي علينا كصيادلة في البحث عن الماااادة فقط و البعد عن الهدف الاساسي و الاسمي للمهنة



    ان شاء الله متابعة مع حضرتك لأن الـ Patient Counseling فرع مهم جدااا و هو سر نجاح الصيدلي بالعلم اولا


    اقتباس المشاركة الأصلية كتبت بواسطة Pharmcist_girl مشاهدة المشاركة
    حاسة انه هيكون موضوع مميز ان شاء متابعين يا دكتور باذن الله





    تشرفني متابعة حضراتكم و باقي الأعضاء

    و في انتظار مساهماتكم و إضافاتكم لإثراء الموضوع و زيادة قيمته

    -------

    إن شاء الله الحلقة الأولى بكره بعد العصر بإذن الله




  6. #6
    Pharma Student
    تاريخ التسجيل
    Sep 2007
    المشاركات
    203

    افتراضي

    جزاكم الله كل خير يا دكتور
    .............waiting

  7. #7
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    جزاكم الله خيرا و جعل كل حرف يكتب في موازين حسناتكم

    لكم فائق التقدير و الاحترام

    متابعة ان شاء الله



  8. #8
    Pharma Student
    تاريخ التسجيل
    Nov 2009
    المشاركات
    257

    افتراضي

    ان شاء الله متابعين مع حضرتك

    أما بالنسبة للاضافة ..........فحضرتك ابدأ بس وسيب الباقى علينا


    ربنا يوفقك ويوفقنا باذن الله..

  9. #9
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    الحلقة الأولى


    زي ما اتكلمنا في المقدمة ان حديثنا عن الـ Patient Counseling على مدار حلقات السلسلة كلها إن شاء الله هيكون في 3 محاور



    WHAT

    يعني ايه أصلا Patient Counseling ؟؟؟

    بصورة مبسطة هو تقديم المشورة و المعلومات عن الدواء للمريض اللي قدامي ... و من خلال المعلومات اللي هديهاله دي يقدر انه ياخد الدواء بالطريقة السليمة و اللي تجيب معاه النتيجة المطلوبة في الوقت المتوقع ليها و يشفى بإذن الله

    و المعلومات اللي هقدمها للمريض دي مش مجرد معلومات خاصة بالدواء بس ... انما اقدم له المعلومات بقدر الإمكان عن المرض اللي عنده و بطريقة مبسطة تتناسب مع مستوى تفكيره و تعليمه على حسب الحالة اللي قدامي

    و هنا بيبرز دور الصيدلي في وجود فرصة اكبر للتواصل مع المريض أكتر من تواصل الطبيب معاه ... لأسباب كتير منها ان وقت الطبيب قد لا يسمح له بالمناقشة مع المريض او إن الصيدلي أقرب للناس من الدكتور بحكم موقعه في الصيدلية مقارنة بالطبيب في المستشفى أو العيادة

    WHY

    طيب ايه لازمة و أهمية الـ Patient Counseling ده ؟؟؟

    بيعود على الصيدلي بفوائد كثيرة جدا سواء من الجانب الإجتماعي عن طريق زيادة تعاملاته مع المرضى و دهب يعطي مصداقية أكتر و ثقة أعلى في الصيدلي ... و طبعا كل دهب ينعكس بصورة مادية على مبيعات الصيدلية و ارباحها كجانب لا يمكن ان نغفل عنه

    HOW

    ازي اقدم النصيحة للمريض ؟؟؟

    لازم في البداية أعرف ليه الناس بتيجي الصيدلية ؟؟؟

    طب و ايه نوعية الناس دي ؟؟؟ يعني هل كلهم مرضى ولا مجرد زباين ولا ايه بالضبط ؟؟؟

    و ايه الطريقة المناسبة لتقديم النصيحة و المشورة لكل نوعية ؟؟؟

    هل هكلم الراجل الفلاح زي المتعلم زي الشاب الصغير زي الست الكبيرة في السن ؟؟؟

    ايه المعلومات و الخبرات اللي لازم تكون عندي كصيدلي و اللي تمكنني من اني اعطي النصيحة السليمة ؟؟؟

    و هل كل النصيحة ثابتة للدواء الواحد ولا بتتغير حسب حالة المريض اللي قدامي ؟؟؟


    كل ده و أكتر في الحلقات القادمة إن شاء الله

    ---------------
    الحلقة التالية بعد غد الإثنين 18/7/2011



    و الحلقات الجاية هتبقى أطول و فيها محتوى أكتر بالتدريج
    عشان نلحق نستفيد من الموضوع ده في الصيدلية أثناء الصيف إن شاء الله

    ---------------

    أسئلة للمناقشة

    هل حاسس ان موضوع الـ Patient Counseling هيفيدك ولا مجرد كلام نظري ؟؟؟

    سمعت عن موضوع الـ Patient Counseling قبل كده ولا دي أول مرة ؟؟؟


    و دمتم بودٍ


  10. #10
    Pb Elite
    تاريخ التسجيل
    May 2007
    الدولة
    In Oyster
    المشاركات
    3,817

    افتراضي

    جـزاكـم الله خيـــــراً ... إن شـاء الله يكـون موضوع قيـم جدا

    هل حاسس ان موضوع الـ Patient Counseling هيفيدك ولا مجرد كلام نظري ؟؟؟


    أكيــــد هيفيـد جدااا لان دا اللى هيفرق بين الصيدلى و البيـاع زى ما بيقولو علينـا

    إن شاء الله متـابعين بس يـاريت لو سمحت يا دكتور كم كبير وكل يوم لو امكن يعنـى عشان نلحق نستفيد قبل ما ننزل التدريب ^^



صفحة 1 من 4 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •