مهم جدا جدا جدا ......ارجوكم ادخلوا

[dr_BLACKHORSE]

لا ولا تقلق من حاجه يا عم لو عايز تجيب امتياز او اى تقدير حلو اعمل يا مان اللى بقولك عليه ... وعلى فكره انا اول مره اساسا ازاكر من كتب يا عم .... فى الثانوى والله العظيم مكونت بفتح كتاب يا عم الا فى اخر اسبوعين ... الكمبيوتر بقى والكوره والبلاى ستاشن بيضيعو الوقت يا معلم احظر منهم عشان متبقاش زى كده
تم التعديل بواسطة الادارة

[Dr.soma]

شكرا ليكم كلكم يادكاتره علي ردكم واهتمامك
وانا قلت برده هلاقي حد يؤيدني
انا هجيب الورق دا واشوف ايه نظامه
بدل ماكده علي اخر الترم هكون فطست
بس نصيحه بجد خصوصا للاولاد (مش مهم انك تدخل حامي اوي علي المذاكره من الاول وتسيب الكوره والنت انت ممكن تتابع وتذاكر علي انها تسليه ومعلومات عامه ولما تقرب الامتحانات تذاكر كويس جدا وتشوف كل المصادر واكيد هيبقي عندك خلفيه كويسه واكيد فيكم اللي ضحي بالطب وطب الاسنان علشان حابب صيدله وانا كده يبقي لازم نكون قدها)
انا بشكركم تاني وربنا يوفقنا كلنا

[د\بوسى ربيع]

يا جماعه انتم معقدين الدنيا خالص خدوا الامور ببساطه شويه وانشاء الله هتنجحوا وتقدروا بس بلاش تراخى يعنى لو ظبطوا نفسكم فى اعادى هتستريحوا طول السنين لو لبختم هتتعبوا كتير اهم حاجه طبعا السكاشن والعملى عليه درجه كبيره وحاولوا تصالحوا دكتوره امينه نصيحه علشان ميحصلكوش زى السنه الللى فاتت التحليله بتبقى ماده شيل وهى صعبه ى اعدادى بس اى حد فيكم يحب يعرف اى ورق مكان اى مكتبه اى حاجه يبعتلى وذاكروا من الاول بس بهدوء

[Dr.soma]

شكرا دكتوره علي اهتمامك ومساعدتك لينا
ايوه كده ولاد البلد لبعض برده
انا بجد اي حاجه هحتاج اعرفها هسالك بس ياريت مكونش بتقل عليكي
ربنا يوفقك ويوفقنا

[hagag]

الف شكر يا د.سوما على النصيحة ...................... وانت يا د.بوسى اكيد هاحتجلك فى يوم

[dr_BLACKHORSE]

وياريت يا حجو بقى تلعب بكره معانا كويس فى الماتش المنتخب بتاع الكليه مش ناقص هزايم عايزين نكسب بكره ,,,,,, يلا روح خلى ماما تعملك كوبايه اللبن بتاعتك واشربها ونام على طول

[د\بوسى ربيع]

بصراحه اجمل حاجه فى طلبه اعداى انهم دمهم خفيف وكمان روحكم حلوه ربنا يوفقكم واى خدمه ومتخفوش مش هضايق من اى حاجه كلكم اخواتى

[dr_BLACKHORSE]

ميرسى جدا يا dr/pretty واكيد كلنا اخوات واسره واحده
بس لحد الوقتى الموضوع ماشى تمام ... لو احتاجنا حاجه بجد هنقولوكوا على طول

[dr_BLACKHORSE]

ازيك يا حجو النهارده
شكلك مشربتش اللبن يا عم انبارح ,,, عشان كده دكه البدلاء كانت منوره بينا النهارده ,, ومشاركناش ماشى يا عم شوفت اخرت اللى ميسمعش كلامى ايه... والدكتوره زينب بتاعت الكيميسترى سايبه معايا ورق المحاضره الأخيره انا واحمد الشربينى تعالى بقى خدها عشان تذاكرها

[Dr.soma]

ازيكوا يا دكاتره

المذاكره المذاكره ورانا في كل مكان

لازم نكون كلنا ايد واحده ونهزم هذا المرض ونخلي المذاكره احلي

بس هنحتاج شويه وقت علشان نستوعب الموقف واننا ممكن نتعب تعب الثانويه العامه تاني

ربنا يوفقكم ويوفقني

يلا باااااااااااااااي