مهم جدا جدا جدا ......ارجوكم ادخلوا

[Dr.soma]

السلام عليكم ورحمه الله وبركاته

لكل طلبه اعدادي

اكيد فيكم كتير عنده نفس مشكلتي

المدرج

المدرج بيبقي مليان جدا وتقريبا مفيش تنفس جوه ولا في ولا مروحه شغاله ودا غير ادمي ابدا
مع ان الدفعه مقسومه جروبين الا ان برده العدد كبير ولو ملقتش مكان تقعد يبقي مضطر انك تقف وتكتب المحاضره وانت واقف وكلها نص ساعه واستيعابك للدكتور بينتهي وبيبقي كل اللي انت عاوزه انك تخرج من الفرن دا

كل يوم اروح قبل المحاضره بساعه و اول لما باب المدرج يتفتح تلاقي صراع وزحمه وناس بتزق بعض زي الاطفال وبرده مش بلاقي مكان الا في الاخر خالص وطبعا مش بشوف حاجه ولا بكتب حاجه و وجودي زي عدمه

وكل زميله تحضر وتحجز البنش كله بالجمله لزميلاتها اللي لسه جايين من بيتهم علي وقت المحاضره بالظبط واللي مستني من بدري ملوش مكان حتي يقف

انا وكتير جدا من اصحابي بنحضر كل المحاضرات ونكتبها بس طبعا بالشكل الرهيب دا مفهمناش الا 10% من المحاضرات وطبعا مبنشوفش حاجه علشان نكتبها


والحل اني اروح اي مكتبه اجيب ورق المحاضرات واحفظ واصم منغير فهم

انا بجد في مشكله ومش في ايدي اعمل اي حاجه غير اني اشتكي ليكم من الوضع المتعب دا

انا بشكر كل اللي مر علي موضوعي و بطلب انه يديني رايه في مشكلتي دي واكيد هلاقي حد عنده نفس مشكلتي وبيدور علي حل

ليكم مني كل احترامي

السلام عليكم

[د\بوسى ربيع]

يا بنتى متخافيش الخوف ده كله ورق الماتب بيفهم وبعدين ممكن تعدى على الكراسى قدام احنا كنا بنواجه نفس المشكله فى اعدادى بس بعد كده المدرج بيبقى فاضى هما بس لسه داخلين حامين وبعدين الورق بينقل المحاضره بالظبط وبنزل مراجعات فى الاخر هتلم الحاجات المهمه متقلقيش

[Dr.soma]

بشكرك جدا يا dr/pretty علي مرورك وردك

وبرده الكراسي اللي ادام مش بنلحقها ويبقي مفيش فعلا الا اني اشتري الورق وامري لله

بشكرك مره تانيه

[د\بوسى ربيع]

صدقينى تقلقيش ولو احتجتى اى حاجه اقوليلى وملكيش دعوه ومتخافيش اوى كده كلنا كنا بجد قلقانين كد بس العمليه مشت وراعى ان الدفعه بتاعتك دول ناس دحيحه وجايبن 99 يعنى مش هيسيبوا اماكنهم

[qamar el zaman]

على فكره انا زميلتك فى الدفعه ياسوما والمشكله دى زهقتنى خالص لدرجه انى كتير اوى من قله الاكسجين بحس انى هنام ونا قاعده يعنى مفيش فهم ولا تركيز ولا مكان كويس حد يقعد فيه والدنيا حر وبالنسبه للورق هو فعلا فيه كل حاجه بس بيتهيالى لازم نفهم بردو احنا بنزاكر ايه
انا نفسى نلاقى حل للمشكله دى ضرورىىىىىىىىىىى قبل ما نفطس
وياريت كل الزملاء اللى فى اعدادى يشاركو فى الموضوع بتاع سوما يمكن نلاقى حل

[kareem_abuzaid]

يا جماعة هما كام يوم وزي ما د/ pretty بتقول المدرج هيبقى فاضي والورق بيعمل الازم فعلا . بس أهم حاجة ركزوا على السكاشن ومحدش يفوت ولا سكشن . وربنا معاكم ومعانا.

[hagag]

بما انى ولد فالمشكلة عندى اكبر فانا سواء جيت بدرى او متاخر مبلقيش مكان فى جميع الحالات فالبنات محتلين المكان كله ادام و وراء و الولاد يادوب لو كملوا 1/4 الدفعة يبقى كويس و الحمد لله 3/4 منهم واقفين و الربع اللى قاعد لازق فى بعضه و يا سلام على الجو بقى !!!! ...........و مبيكنش ادامى الا انى افضل واقف او اقعد فى الاخر وفى الحالتين مابعرفش اشوف حاجة ولا بكتب حاجة و بقضيها سماع ......... نص الكلام اسمعه و افهمه و النص التانى فى الباى باى لكن لما جبت الورق ارتحت كتير و عرفت اذاكر شوية و بقيت كمان ما بحضرش كل المحاضرات و لو حضرت بسمع و مابكتبش حاجة لحد الورق لما ينزل و ابقى اجيبوا و اشوف نفسى بقى........يالا بقى ربنا معانا والف شكر يا د.سوما

[dr_BLACKHORSE]

بما انى ولد فالمشكلة عندى اكبر فانا سواء جيت بدرى او متاخر مبلقيش مكان فى جميع الحالات فالبنات محتلين المكان كله ادام و وراء و الولاد يادوب لو كملوا 1/4 الدفعة يبقى كويس و الحمد لله 3/4 منهم واقفين و الربع اللى قاعد لازق فى بعضه و يا سلام على الجو بقى !!!! ...........و مبيكنش ادامى الا انى افضل واقف او اقعد فى الاخر وفى الحالتين مابعرفش اشوف حاجة ولا بكتب حاجة و بقضيها سماع ......... نص الكلام اسمعه و افهمه و النص التانى فى الباى باى لكن لما جبت الورق ارتحت كتير و عرفت اذاكر شوية و بقيت كمان ما بحضرش كل المحاضرات و لو حضرت بسمع و مابكتبش حاجة لحد الورق لما ينزل و ابقى اجيبوا و اشوف نفسى بقى........يالا بقى ربنا معانا والف شكر يا د.سوما

ايه يا حجو يعنى زاكرت يا معلم من ورايا ماشى يا سيدى المهم يا جماعه والله برضو انا زيكوا بس لما بزهق بطلع اقعد فوق جنب الكمبيوتر المكان فوق كويس جدا وبفهم من الدكاتره _ بس مش كلهم _ واللى فى جروب A معانا ايه رايكوا فى اللى عملته د /امينه ده ان هيا تسيب المحاضره وتمتنع عن الشرح يلا عملت فينا خير

[dr_BLACKHORSE]

بس الورق يا جماعه هيعمل شغل جامد جنب الفهم بس ياريت نصيحه من اخ ,,, محدش يعتمد على الورق بس ياريت كلكوا تزاكروا من الكتب لو عايزين يعنى تقدير ,,, ويلا عشان المنافسه بينا تكون جامده السنه دى ........

[hagag]

مذاكرة ايه بس يا عم احمد ؟؟؟ دى حاجة على الخفيف كدة ........ هو طول ما فى نت و ـــــــ و كرة هيبقى فيه مذاكرة ؟؟!!! بس الكلمتين بتوعك دول خلونى اقلق من الورق بعد ما كنت ارتاحتلو .......... و الكتب دى يا عم فى معظم المواد ما بفهمش منها حاجة اصلان بحس انها فى حاجة و اللى الدكاترة بيقولوه حاجة تانية خالص ....... عندك physics مثلا !!!! و بجد اللى د.امينة عملتوه معاكم ؟؟!!! ياعم انا فى B و كلهم محترمين