معلش احنا بنتبهدل .. تعليق على شيت الفارما

[Mohamed Al Gohary]

انا بصراحه كنت منتظر تعليق المبدع dr_miiido على الشيت لكن يبدو انه مشغول بالأساي .. فحبيت أعلق أنا على حاجه معينه جت في بالي ..

لكن طبعا هنتظر تعليقه لان مينفعش مناسبة زى دى تعدي على دفعتنا ومنسمعش تعليقه

عارفين فيلم معلش احنا بنتبهدل والقرموطي الجن .. لما كان بيقرا البرقية بتاعة جون اللى من امريكا على انها فيزة لشغل ابنه وحيد

THANK YOU

T : تروح تاخد الفيزا من السفارة يا وحيد .
H : هنستقبلك أحسن استقبال .
A : إيه اللى أخرك لحد الوقتي يا وح وح .
N : نازل في طيارة كام .
K : كفاية تاخير بقى يا وحيد .

and So oN


شوية ملاحيظ :

جروب A اللى ارقامهم من 1-500 مش هيفهموا التوبيك ده الا اذا اكلموا مع حد من جروب B اللى ارقامهم من 500 للآآآآآآآآآآآآآآآآآآآآآآآآآآآآخر

- مع احترامي لكل أساتذتنا .. بس كون اننا بنستخدم حاجات معينه بينا وبين بعض عشان نحفظ items كتيرة تحت title معين .. فده مش علم .. بالعكس كل خبراء التعليم قالوا عن الطريقه دى انها بتحفظ بس مش بتفهم .. ازاى بقى تيجي فى امتحان !!

- شيء مميز اننا نمتحن فارما .. فتلاقي حته ميدسنال .. وحته فايتو .. وحته نظري فارما .. يعني اللى حل الشيت ده فاضل له البيو ..
ويذاكر صيدلانيات عشان شيت الاساي .. ويبقى كده خلاص عدى فى التيرم الأول ..

وأخيرا ..

[Anas]

أنا عرفت اللي حصل فيكم ... SLUDGE

بصراحة نو كومنت على نظام العملي في قسم الفارما

ده يطلق عليه أي حاجة الا كلمة عملي

سواء في الاساي أو في الفارما ... لا يمت بصلة لكلمة عملي من الأساس

خصوصا امتحان الاساي و المسمى مجازا بامتحان العملي

كوك زيرو ... يعني تاخد 5 سكاشن مختلفين طول الترم و في الآخر تمتحن في النظري

ان شاء الله هيكون ليا كلام كتير بعد الامتحانات ... لو كان في العمر بقية

[summer breeze]

ايه اللي حصلكم ؟؟؟؟؟؟؟؟؟شوقتني اعرف

[Messi]

بشروناااااااااااااااااااااااااا

[ameer]

هقولكم الكلمة اللي بتقولهالنا كل ما نمتحن امتحان صعب
(بكرة تتعودوا )
هههههه

[محمدابراهيم سلمان]

بجد مش عارف اية اللى مزعلكم عادى والله ياجماعه لو محصلش كدة فينا يبقى فية حاجة غلط بس بدل احنا بنتمرمط ويطلع عنينا كدة يبقة اطمنوا انتوا فى صيدلة المنصورة

[farah]

انا كنت فاكرة ان انا اللى كده لوحدى

[آيه محمد]

بجد مش عارفه فيه ايه؟؟
خاصه الدفعه بتاعتنا دي
سنه كبيسه ومناهج زياده وامتحانات ربنا يستر عليها
بجد الواحد دايما كان متفائل بس السنه دي مش عارفه فيه ايه
كل حاجه عكس التوقعات لدرجه اني وصلت لدرجه مش عايزه اذاكر كده كده مش هحل

[@Noh]

ماانتوا لو عرفتوا معنى sludge ماحدش هيزعل
معناها طين , وحل , روبة
سبحان الله أنا شفت معناها الصبح أصل هوايتى الأيام دى ابحث فى معانى الأسامى حتى لو كنت عارفاها
بس سؤال هى كل المشكلة عندكوا فى sludge وبس
الحمد لله أنا بادخل الامتحانات مش متوقعة أحل حاجة باكتب اسمى وشوية معلومات عامة كده وباخرج مبسوطة جدا.

[آيه محمد]

suldge
s= salivation
u= urination
l=lacrimation
d= diphoresis
g=gastrointistinal distress
e= emesis

ومع ذلك مش عارفه فيه حاجه غريبه هي ايه مش عارفه
ذاكرنا وبرده مش عارفين نحل
مين السبب؟؟؟؟؟؟؟