انفجااااار في أول سكشن مديسنال

[Sincerity]

حمد الله على سلامتكو
وربنا يحمينا جميعا
على فكره كانت حصلت معايا ف سكشن تحليليه ف اعدادى ..
بس الحمد لله عدت على خير

[dr_amoona]

انا شايف ان الكل ركز على الحريقة ونسيو خالص ان المفروض فى اختراع اسمه طفاية الحريق على معلوماتى انه وصل مصر

اما بالنسبة لموضوع الانفجار ده غالبا اسمه اهمال لازم الكلية تشوف مين المسؤل ويتحاسب ؟!!

والحمد لله انى ماكنتش فى السكشن ده لان اى حد انضر من الحريق دا مش ضحية علم دا ضحية اهمال انا لو مكانه مش هسامح فى حقى

والغريب انا احنا قولنا كتير ان اغلب الاجهزة المعملية عمرها الافتراضى انتهى وادينا بنقول تانى والحريقة تشهد


الحاجة الى ديقتنى بجد ان الطلبة واخدة الموضوع تهريج !!!! دى حريقة وكانت ممكن تكون انفجار مش عارف هنتكلم بجد امتى لما المعمل ينفجر!!

الحمد لله ان ربنا ستر

الحمد لله ربنا سترها .. بس بالنسبة للأجهزة المعملية !!! السنة دي المعامل جديدة ولسة عمرها الافتراضي منتهاش ولا حاجة
وانا عن نفسي ملاحظة ان في تغير في المعامل والنظافة وكل حاجة ودي حاجة مبشرة في كليتنا

اما من نحية الإهمال .. هوا خطأ حصل والكلية لازم تتفادى المواقف دي عالاقل يكون في طفايات حريق في المعامل ، لكن ده بردو مش هيمنع انه ده ممكن يحصل في اي وقت ولازم كل واحد ياخد باله

ومن نحية التهريج و الهزار ، محدش مبسوط من اللي حصل خالص !!!!! انما ممكن نقول تخفيف عن عبئ المذاكرة وعن اللي حصل

[~*nourel3en*~]

حمد الله على سلامتكم يا جماعة
و الحمد لله يا ايمى ان انتم كلكم بخير
بصراحة السكشن ده رخم رخم
واليوم ده كان اسوا يوم فى حياتى
خدنا سكشن فيتو وبعده الميديسنال وتخيلى بقى كنا مروحين ازاى
والله رجلى مش قادرة ادوس عليها لحد دلوقتى من الوقفة

خير يا جمااااااااااااااااااااعة
ابتسمواااااااااا نحن فى صيدلة

[محمدابراهيم سلمان]

الف سلامة عليكم وبعدين جمدوا قلبكم شوية انتوا فى صيدلة وخليكى على يقين يادكتورة ان النار عمرها متحرق مؤمن ابدا

[dr_amoona]

الله يسلمكم يارب ماهوا لازم نتعب شوية امال هنبقى دكاترة ببلاش كدا

[live_and_learn2002]

الحمد لله ربنا سترها .. بس بالنسبة للأجهزة المعملية !!! السنة دي المعامل جديدة ولسة عمرها الافتراضي منتهاش ولا حاجة
وانا عن نفسي ملاحظة ان في تغير في المعامل والنظافة وكل حاجة ودي حاجة مبشرة في كليتنا

اما من نحية الإهمال .. هوا خطأ حصل والكلية لازم تتفادى المواقف دي عالاقل يكون في طفايات حريق في المعامل ، لكن ده بردو مش هيمنع انه ده ممكن يحصل في اي وقت ولازم كل واحد ياخد باله

ومن نحية التهريج و الهزار ، محدش مبسوط من اللي حصل خالص !!!!! انما ممكن نقول تخفيف عن عبئ المذاكرة وعن اللي حصل

انا بس عايز اعلق على موضوع الاجهزة المعملية انا واثق ان فى حجات فى الكلية بنشوفها عمرها مش اقل من 10 سنين ولو حضرتك او اى حد اشتغل water base لاى فليم وركز فى الشبكة والحامل بتاع البيكر هيعرف معنى الكلام الى انا بقوله ده بس مثال بسيط

وطبعا مش هكلم عن التهوية ولا حتى الكراسى لان الموقف شارح نفسه كويس

وموضوع ان ده قضاء وقدر وبتحصل فى احسن العائلات ده مش مبرر لعدم التصرف الجيد المفروض نهتم بالامان اكتر من كده

اما اخر حاجة صح ما عدا موضوع عبئ المزاكرة ده لان احنا لسه فى اول السنة اكيد كل ده لسه مقدمة الله اعلم هندرس ايه تانى!!

ومش معنى كلامى ان الكلية مش بتجدد انا عارف انها بتتجدد بس احنا نفسنا تتجدد اكتر من كده شوية

[وردة العمر]

يمكن كلكم نظرتوا من وجهه نظر معينه وانا ايضا نظرت له بس من جهه اخرى انا كنت فى السكشن دة بردة بس الغريبه انى خرجت اخر واحدة من السكشن يمكن علشان ملقتش حد جنبى ياخدنى او انى فضلت مزبهله من الموقف معرفتش اعمل ايه وساعتها لما روحت اقعدت افكر لاقيت انى وحيدة دايما ساعه الازمات اللى هى تعتبر اهم حاجه فى لحظه النسان اللى بيكون فيها محتاج لحد جنبه علشان يساعدة
بس انا دايما اكون لوحدى يمكن دى الحاجه اللى دايما بهرب منها ولكنهاتلاحقنى دائما
ما بعرف ليه ولا يمكن لانى معرفتش اختار ممكن
معلش ضايقتم بس دة اللى كان جوايا وكان نفسى اقوله

[pharmacistina]

أنا في اليوم دة واحدة زميلتي قالتلي ع الحكاية دي , كان في مطافي و حكاية ..

بجد الحمد لله على سلامتكم جميعا ..

لأن أنبوبة غاز لا قدر الله لو فرقعت , ............. كأنها قنبلة بالضبط , المبنى كله كان ممكن .....

الحمد لله ألف مرة ..


المفروض كلكم كنتو تاخدوا درجات الكويز كاملة .. دي أقل حاجة

أنا النهاردة كان عندي طبية برده , كنا خايفين من الـ flames بناءا ع اللي احنا سمعناه

[ملكة القلوب]

الحمد لله علي سلامتكم كلكم يا دكاترة ويارب يخفف اثر الموضوع ده عليكم لاني من مجرد السمع عنه كان قلبي هيقف من الخوف علي كل اصحابي واعتقد اننا لازم ناخد بالنا من نفسنا اكتر لغاية ما السنه الي زي الفل دي تخلص علي خير ان شاء الله

[eman sh]

انا حضرت السكشن ده بس في وقت الحريق كنت استأزنت وخرجت ارد على الموبيل الحمد لله معشتش الخضه دي اوي وعموما حاكيه الموقف بدون اي تقصير يا دوك