صفحة 1 من 5 123 ... الأخيرةالأخيرة
النتائج 1 إلى 10 من 50

الموضوع: انفجااااار في أول سكشن مديسنال

  1. #1
    Pharma Student
    تاريخ التسجيل
    Oct 2007
    المشاركات
    196

    Unhappy انفجااااار في أول سكشن مديسنال

    السلام عليكم ورحمة الله وبركاته

    كل سنة وانتو طيبين يا دكاترة وكل سكشن مديسنال وانتو بسلامة وصحة وعافية


    النهاردة كان اول سكشن مديسنال في سنة تالتة كان سكشن مرعب ومخيف مع ان الشغل كان بسيط وحلو


    مع بداية السكـشن طبعا لاوم نسمع تكسير الانابيب والنسلر تيوبز اللي تفتت تفتتا النهاردة .. وطبعا لابسين النظارات وعاملين زي اللي رايحين نغطس

    كله ماشي تمام والمعمل جديد وعسول والعدد كويس والحمد لله

    وبعد ساعة تقريبا من بدأ المعمل او ساعة ونص دكتور مريم بدأت تعملنا dry egnition
    وطبعا لا يخفى عن الجميع انه لما يكون المعيد بيعمل حاجة نروح نلزق في البنش ( زي ما يكون بيوزعوا لحمة ) والقصير زي حالتي مش شايف حاجة

    المهم بدأنا نعمل ethyle borat test اللي اتشائمت منه ،، واحنا متجمعين كلنا كدا والدكتورة بدور على الكحول .. فجأة ببص ورايا لقيت الفليم اللي جنبي انا وصاحبتي بيسرب ،، بس بيسرب نــــار بعدنا عنه وبدأت النار تزيد شوية بشوية
    جت أخت شجاعة حاولت تقفل المحبس مش راضي يتقفل خالص ،،، والكل بيصرخ يا أماني يا اماني تقريبا كان اسمها اماني ( دي العاملة)

    اللطيف في الموضوع ان الدكتورة مريم خرجت وتقولنا اخرجوا يلا واحنا واقفين نتفرج بس من بعيد ،
    يا جماعة اخرجوا وبردو واقفين نتفرج .. ( حب العلم بقة انتو عارفين بقينا في تالتة ومديسنال بقة وكدا ) واحنا واقفين بردو ،،


    فـــجأة
    لقينا نااااااااااااااااااااااااار كأن خرطوم نار شغال وصوته فظييييع ومنظره لا يوصف طالع من عند الفليم كله صرخ وطلعنا نجري زي المجانين اللي ماسك ماصة واللي ماسك تيست تيوب
    كنت حاسة اني مش لاقية الباب واني مش هلحق اخرج ، والعمال مقابلينا عالسلم اجروووو اجرووو اخلو المبنى الانبوبة هتفرقع ، حالة من الرعب والذعر بصراحة عمري ما حسيتها قبل كدا سبحان الله في لحظة كدا كان المعمل هيولع والحمد لله محدش حصلة حاجة الحمد لله
    طبعا طلع الحرس ود .محمد مصطفى والمعيدين والعمال ومعاهم وأناببب إطفاء حريق
    الحمد لله الموقف اتعالج عشر دقايق ودخلنا تاني المعمل بعد ما كنا قلنا بقة خلاص هنروح ومفيش كويز واتقفلت الفليمات ومتنسوش علبة كبريت معاكو المرة الجاية عشان اللي عايز فليم يولعه وبعد كدا يطفيه

    عايزين تعويض بقة على راي البنات بدل خضة وفي اول سكشن كمان عالاقل ناخد الدرجتين بتوع الكويز ده احنا خفنا بردو ومعرفناش نشتغل بعدها ولا حتى نعدي بس من قدام اي فليم العامل بيجربه

    الظريف بقة ان الدكتور لما جه يعيد التيست بتاع ethyl borat كل واحد وقف في مكانه يبص من بعيد لبعيد وفي ناس راحت وقفت جنب الباب ونقوله خلاص يا دكتور شفنا كفااااية حرمناااااااااااااا بقة

    وفي الاخر خدنا الكويز بردو ،، ربنا يطلعنا من الكلية على خير ويسترها معانا مش عارفة السكاشن السنة دي جميلة كدا ليه سكشن نطلع رجلينا متكسـرة والتاني حريقة ونار

  2. #2
    Pharma Student
    تاريخ التسجيل
    Dec 2008
    الدولة
    in heart
    المشاركات
    50

    افتراضي

    ربنا يحميكو يا دكتوره بس دي مخاطر المهنه

    ومحدش بياكلها بالساهل


  3. #3
    Pharma Student
    تاريخ التسجيل
    Mar 2008
    الدولة
    alone on the moon
    المشاركات
    639

    افتراضي

    وفى الآخر أخدتوا الكويز بعض الخضه دى
    هههههههههههههه
    لأ لازم تطالبوا بتعويض إلغاء جميع الكويزات بجميع السكاشن تعويض عن الخضه اللى إتخضتوها
    وومكن تلجآوا للقضاء

    ربنا يستر يا رب ويعدى أيامنا فى الكليه على خير من غير حوادث

  4. #4
    Pb Elite
    تاريخ التسجيل
    Jul 2007
    الدولة
    المنصورة
    المشاركات
    1,340

    افتراضي


  5. #5
    Pharma Student
    تاريخ التسجيل
    Aug 2007
    الدولة
    طير فى السما
    المشاركات
    309

    افتراضي

    ياااااااااالهوى
    أيه اللى انتى حكيتيه ده يا دكتورة
    ده أنا أترعبت وأنا قاعدة مكانى
    خلاص يعنى هى بقت كده!!!!!
    ربنا يستر فى الأيام الجاية
    وحمدا لله على سلامتكم.

  6. #6
    Pharma Student
    تاريخ التسجيل
    Oct 2007
    المشاركات
    285

    افتراضي

    هو السؤال المنطقي ... ليه ما فيش طفايات حريق جوه المعمل ؟
    وياترى ايه التجهيزات اللي الكلية عاملاها في الظروف دي ؟
    متهيألي لو قالولنا حاجات نعملها في الظروف دي ممكن تكون أفيد لنا من حاجات كتير بناخدها ...

  7. #7
    Pharma Student
    تاريخ التسجيل
    Nov 2008
    المشاركات
    216

    افتراضي

    ايوه يا ايمو انتى لحقتى يا بنتى
    تعملى موضوع عن الانفجار الثلاثى
    انا كنت معاكى والله فى السكشن برضه
    وصدقينى كل الموضوع النهارده كان رعب فى رعب
    وبرررررررررررررررررررررررررررضه خدنا الكويز
    وتسلمى على الوصف الدقيق من قلب الحدث


  8. #8
    Pharma Student
    تاريخ التسجيل
    Oct 2007
    المشاركات
    196

    افتراضي

    هههههههههههههههه اه لحقت من خضتي والله
    الناس تخلي بالها وتنزل حاجتها من عالبنش واحسن حاجة الفليم يفضل مقفول خالص
    اما بالنسبة لطفايات الحريق انا مخدتش بالي قبل كدا انه مفيش في المعامل مع انه اكتر مكان لازم يكون فيه
    وربنا يسترها معانا جميعا

    كانت معكم مراسلتكم dr_amina من سكشن المديسنال على شمال السلم الدور التاني مبنى ج

  9. #9
    عضـو هيئـة التـدريـس
    تاريخ التسجيل
    May 2007
    الدولة
    EGYPT,MANSOURA
    المشاركات
    330

    افتراضي

    السلام عليكم ورحمه الله وبركاته
    اولا حمد لله علي سلمتكم جميعا ويارب يكون كل اللي مرو بالموقف ده علي احسن حال ان شاء الله
    محدش يقلق يا جماعه هو حادث عارض ومش هيتكرر ان شاء الله
    بس لازم بقي نأخد بالنا بعد كده واحنا بنشتغل في المعمل وخصوصا مع الكيماويات والنار
    وحمد لله علي السلامه مرة تانيه

  10. #10
    Pharma Student
    تاريخ التسجيل
    Nov 2007
    الدولة
    Mansoura
    المشاركات
    2,100

    افتراضي

    هو طلع سكشنكو يا أمونه ،

    ده الخبر شكله هيوصل للحياة اليوم يا بنتى ،
    العمال بيتعازموا النهارده مين اللى يدخل المعمل ده ومحدش راضى ..

    كان الله فى عونكم بجد ،
    والمفروض يكون فيه تعويض عن الخضة دى ، السكشن كله ياخد امتياز ....
    لالا ......... الدفعه كلها ..

    منتظرين باقى يوميات وأخبار سكشنكم اللذيذ بس عاوزينها من نوعية أخبار سيد أبو حفيظة ،
    بلاش خلف الاسوار ..

    ربنا يعافينا ويعافيكم ياااااااااااااااااارب ، ونطلع منها على خير ..

صفحة 1 من 5 123 ... الأخيرةالأخيرة

المواضيع المتشابهه

  1. سكشن العضوية الاول
    بواسطة محمد_على_سلام في المنتدى أرشيف إكلنيكي 2010
    مشاركات: 5
    آخر مشاركة: 12-01-2010, 07:55 PM
  2. سكشن الحيوان الاخير
    بواسطة ameer في المنتدى الفرقة الاعدادية 2010
    مشاركات: 7
    آخر مشاركة: 17-12-2009, 11:47 AM
  3. صور آخر سكشن مورفولوجي
    بواسطة ASOOOM في المنتدى الفرقة الاعدادية 2010
    مشاركات: 22
    آخر مشاركة: 11-12-2009, 11:43 PM
  4. !!! مغامرات × سكشن الصيدلانيات !!!
    بواسطة Anas في المنتدى الفرقة الثالثة 2010
    مشاركات: 22
    آخر مشاركة: 30-10-2009, 06:31 PM
  5. صور سكشن مراجعة العقاقير
    بواسطة MoCo 3001 في المنتدى أرشيف إكلنيكي 2009
    مشاركات: 9
    آخر مشاركة: 10-05-2009, 07:41 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •