النتائج 1 إلى 4 من 4

الموضوع: السياسه الاعتصاميه والاضرابيه

  1. #1
    Pharma Student
    تاريخ التسجيل
    May 2007
    الدولة
    في ضميري
    المشاركات
    1,139

    Smile السياسه الاعتصاميه والاضرابيه

    السلام عليكم ورحمه الله وبركاته

    حاجه غريبه جدا نفسي اتناقش فيها واسمع آراءكم

    السياسه الاعتصاميه والاضرابيه اللي بيتخذها الشعب المصري اليومين دول

    بجد الموضوع ده عاد ممل جدا
    كل يوم مع اخبار الصبح
    اضرب فلان
    واعتصم علان
    بقت عامله زي المسلسل التركي اللي مش بيخلص

    يا تري ليه قبل كده الناس معترضتش؟
    وفجأه ظهرت مشاكل الدنيا وبدأنا نتكلم

    اكيد حد هيقولي حد اتكلم فغيره اتشجع
    طيب ليه اصلا الشجاعه دي مش كانت موجوده من زمان؟؟

    للاسف الاعتصامات والاضرابات بقت شيئ ممل جدا
    لان اكتر الناس فبل ما تحاول تحل المشكله بهدوء
    لازم تعمل مشكله

    وده بيسئ لينا جدا كشعب مصري

    اللي سيرته بقت عامله زي اللبانه

    مستنيه آراءكم

  2. #2
    Pharma Student
    تاريخ التسجيل
    Apr 2007
    الدولة
    Mansoura
    المشاركات
    1,190

    افتراضي

    أنا مش معاكي يا دكتورة في الكلام ده

    الناس بدأت تعمل اعتصامات لما حست ان حقها مهضوم ولما لاقت إن الدولة بتستجيب للاعتصامات دي

    والاعتصامات مظهر حضاري في الاعتراض على أسلوب ما أو سياسة معينة

    وده من وجهة نظري الحل الهادئ للمشاكل

    الناس مش بتعمل مظاهرات وبتنزل تكسر في البلد

    هم بس بيعترضوا ...في صمت

    يا تري ليه قبل كده الناس معترضتش؟
    عشان كانوا فاكرين انهم لما هيعترضوا مش هياخدوا حقهم
    لا وكمان هيتهانوا
    بس لما لاقوا ان العملية مش كده
    وان اللي بيعترض بياخد حقه إلى حد ما
    فشافوا إن البلد بقى فيها مساحة أكبر من الحرية والديمقراطية
    وبالتالي الاعتصام بقى بيوضح آراءهم واعتراضاتهم وبيجيبلهم حقهم

    إذن المحصلة في النهاية
    الاعتصام= شكل من حرية إبداء الرأي
    إذن الحرية موجودة...الديمقراطية موجودة...البلد أكثر تحضر

    للاسف الاعتصامات والاضرابات بقت شيئ ممل جدا
    لان اكتر الناس فبل ما تحاول تحل المشكله بهدوء
    لازم تعمل مشكله
    فين المشكلة المنبعثة من الاعتصام السلمي؟
    تعطيل المصالح...؟؟؟
    أعتقد إن أكبر مثال على الاعتصام السلمي مع عدم تعطيل مصالح الشعب كان اعتصام الصيادلة
    منسيوش وهم مضربين حق الشعب عليهم


  3. #3
    Pharma Student
    تاريخ التسجيل
    May 2007
    الدولة
    في ضميري
    المشاركات
    1,139

    افتراضي

    بس يا دكتوره اكيد انتي معايا ان فيه ناس كتير بدأت تدلع
    وتنادي بما في مصلحتها
    بمعني انهم عايزين الشهره وبس
    يعني اسبابهم مش بتكون مقنعه
    وكمان بيفتروا الاكاذيب
    وده شايفينه جامد علي القنوات اليومين دول

  4. #4
    Pharma Student
    تاريخ التسجيل
    Dec 2008
    الدولة
    جزيرة الأحلام
    المشاركات
    226

    افتراضي

    انا مع الدكتورة ايه في كلامها ده
    والموضوع ده مهم جدا علي فكرة يا جماعة
    بس فعلا أي مشكلة لابد من حل لها
    ولكن الظاهرة الحديثة ان الكل بيستخدم الأضراب من ساعة موضوع غزل المحلة
    وعلي فكرة



    في أي دولة أوربية متقدمة بيستخدمو الأعتصام دوت للحصول علي حقهم
    وأهوه يا جماعة ادينا بنقلد وخلاص
    وربنا يستر في الأيام اللي جاية

المواضيع المتشابهه

  1. حكمتك يارب...بس بعيد عن السياسه!!
    بواسطة Ahmed Aldakny في المنتدى أرشيف إكلنيكي 2008
    مشاركات: 30
    آخر مشاركة: 04-11-2007, 02:25 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •