اخر كلام للشيخ الشاعر - امين الديب

[mr_toxic]

أخر كلام
بعد مابقلع هدومى
قبل نومى
لازم أقرا كام مقاله
نرفزونى..سخنونى
حفزونى..إنى أكتب
عن ولاد الكلب
والسفاح شارون
قول سهرت
نمت..بعد الفجر ما إدن
والعيال بيقومونى
صحصحونى
قمت مفزوع من منامى
هجت فيهم
جت مراتى قالت لى..مالك
إيه جرالك؟
ليه بتشخط فى العيال
قلت باحلم
كنت باحلم إنى ميت وانفزعت
انبسطى..؟
كشرت وبسرعة قالت:
إيه دا أصله. طب وماله
يستحق الموت وأكثر
اللى يهرب من عياله
كنت فين م المغربية؟
تيجى بعد الفجر مادن؟
إنت فاكر إن دا ح يخيل على
شعر إيه؟
واللا إيه بتهببه.. وتقول قضيه
هى فين هى القضيه؟
هم يعنى كلمتينك.. اللى حى يحلوا
القضية؟
هيه ناقصة
وإحنا مالنا
ما انت شايف . كله خايف
والمدافع همسه حايره..عالشفايف
وانت عارف
الصهاينة ناس قويه.. ومفتريه
واللى أدهى من داكله
لما يبقى الكل نايم.. وانت قال تكتب
قصيده!!
عن ولاد الكلب والسفاح شارون
أبقى نايمه!!
أسمعك بتقول شارون؟
من غير سلام ولا يحزنون!
انت فاهم إنه ح يهمه الكلام؟
واللا دول عايزين سلام؟
واللا ح يخاف من كلام؟
هو همه من كلينتون. واللابوش
واللاهمه من باراك.. واللاهمه من...!
واللا عايز تبقى شاعر؟
واللا من أبنود جنابك؟
واللا عايز تقديريه؟
قلت طبعاً
أى شاعر يستحق التقديريه
يستاهلها عن جداره
مش خساره
ليه يا خويا
هو طلع إسرائيل؟
واللا عمر فى الصحارا
حاجه تانيه!!
والقطاع العام بيخسر
كان منع عنه الخساره؟
واللاسكان المقابر
كان بنالهم كام عماره؟
واللاشغل ألف عامل
أو منعهم من الدواره؟
واللا وزع عالغلابة
ألف طن من الدقيق
واللاحتى كام شيكاره؟
فوق لروحك
هو خدها عن وهيبه
والأغانى لعبد حليم
مش عشان حل القضيه
القضية هى.. هى
واحنا فى الخيبه القويه!
قلت جاهله.
إنتى جاهله
انتى فاكره الشعر ساهل؟
دا اللى ينكر فضل شاعر
يبقى جاهل
قلبك ابيض
مش حترجع الا لما يحبسوك
عالكبر ويبهدلوك
انت بتقول يا سادتنا يا قادتنا..
ارفضوا تهديد أمريكا والتحيز لليهود؟
طب ولو زعلت أمريكا
طب منين حيأكلونا؟
والحكومة نفسها بتمد إيدها
ويقولوا لهم شحتونا!!
انت عايز يحبسونا ؟
لوعايزنا نقب اكتب
حط همك فى الأغانى
فطر الشعب بأغانى
نيم الشعب باغانى
والأغانى..
بيبعوها بالدولار الأمريكانى
واللا يعنى جت علينا
واشتهينا الفقر.. تانى؟
عيش وهيص
شجع الأبطال ولادنا
اللى رفعوا راس بلدنا
مسخروا أولاد ناميبيا
واللا ليبيا.
عيش وهيص..
انت يعنى كنت غاندى..؟
واللا حافظ واللا شوقى؟
واللا بيرم أو جاهين؟
مانت طول عمرك بتكتب!
حد سمعك؟
قول لى مين؟
والا كام واحد بيحضر
فى النداوى ف أى حته
حتلاقيهم..خمسه سته!
أما لو تكتب أغانى
تبقى نجم ولك سماك
واللى جاى يطلب لقاك
واللى يتصور معاك
والصحافة والإذاعه
والبرامج..
كله ح يسجل معاك
زى شعبان عبدالرحيم
واللا شوف جمهور حكيم
تبقى شاعر زى صاحبك
كل واحد يرضى عنك
الحكومه والصهاينه والخلايجه
والتوانسه
والاجانب والذوات
بالخصوص صنف البنات
هو دا آخر كلامى
تمشى بيه.. أو تفارق من سكات
ميت يمين ماتقول قصيده
لاملا كل الدار صوات
واللى يسأل تانى عنك
راح اقول له غار ومات!

[dr.noody]

الله ع الكلام الجميل , فعلا بيعبر عن الواقع
شكرا ليك يا د/ نبيل

[mr_toxic]

http://www.youtube.com/watch?v=mH4mNy1cWjw

a5er kalam

[Alaa_Resala]

مش هقول حاجة

غير شكرا عشان عرفتنا راجل جامد زي ده

[Anas]

جزاكم الله خيرا يا نبيل

الشيخ أمين الديب أنا متابعه من صغري
و كان له تأثير كبير في القصيدة العصماء اللي كتبتها
و هي الوحيدة في حياتي

و لسه شايفله حلقة عالعاشرة مساء

بجد الراجل ده رائع جدا جدا جدا جدا

و اللي متابعه هيحبه أكيد
خصوصا استخدامه للرموز عن طريق شخصياته اللي بيوظفها بطريقة ممتازة جدا

و الشخصية اللي عاجباني بجد ... " الواد سلامة ابن ابراهيم " أكيد اللي متابعه هيكون عارف

جزاك الله خيرا يانبيل مرة أخرى

[شاعره البحر الصغير]

قول ياعم الشيخ امين
قول ع اللى المترشحين
قولنا وباعلى صوتك
مين اللى ينفع مين ومين


فيه حد ميعرفش الشيخ امين

ميرسى يا د/نبيل
انك رجعتنا لعم الامين
اللى قال
من قلبى باكتب كلمتى
وباحس ان الكلمه طالعه
من صميم قلبى امانه ف ذمتى
وبحس ان الكلمه ضى كبير منور دنيتى
وان كانت الكلمه تعبر عن شعور قلبى
وادقق فيها القى منيتى
اكتبها اوااااااااااااااااااام
اهى دى الكلمه
الكلمه دى هى المروحه للعارقنين
الكلمه دى هى المرتبه للتعبانيين الشاقينيين
الكلمه هى الشفا للعيانيين
الكلمه تدينا الامل تكشف لنا المترشحين
الكلمه مش قولنا وقيل وقال
الكلمه مش شتمه بتطلع م اللسان
الكلمه مش كلمه نفاق تمجد السلطان
وان كانت الكلمه مش خالصه لوجه الواحد الديان
ملعونهااااااااااااا دى الكلمه ومقطوع دا اللسان

ولو تحبوا نكملكم الباقى
بس اصلها طويله اوووووووووووووووووى

[DoAa_RESALA]

فظيع الموضوع ده يا نبيل

سبحان الله
انا اول مرة اسمع عنه لسه امبارح لما كان في العاشرة مساءا

بس قصيدة معبرة فعلا

[mr_toxic]

kamli w malo

w aho 7ata nwns b3d f el m3tqal
:-p

nb2a magmmo3at elsaydala henak

D:

[mr_toxic]

الله ع الكلام الجميل , فعلا بيعبر عن الواقع

شكرا ليك يا د/ نبيل

اى خدمة يادكتور بس ابقوا اتوصوا فى العيش والحلاوة

مش هقول حاجة

غير شكرا عشان عرفتنا راجل جامد زي ده

دة انتى متعرفيش الحاجات الباقية بتاعتة

ان شاء الله اجيبهالكم

جزاكم الله خيرا يا نبيل

الشيخ أمين الديب أنا متابعه من صغري

و كان له تأثير كبير في القصيدة العصماء اللي كتبتها
و هي الوحيدة في حياتي

و لسه شايفله حلقة عالعاشرة مساء

بجد الراجل ده رائع جدا جدا جدا جدا

و اللي متابعه هيحبه أكيد
خصوصا استخدامه للرموز عن طريق شخصياته اللي بيوظفها بطريقة ممتازة جدا

و الشخصية اللي عاجباني بجد ... " الواد سلامة ابن ابراهيم " أكيد اللي متابعه هيكون عارف

جزاك الله خيرا يانبيل مرة أخرى

شكرا يا انس

بس المشكلة ان قصايدة متعتبرش قصايد تعتبر ملاحم شعرية

قول ياعم الشيخ امين

قول ع اللى المترشحين

قولنا وباعلى صوتك
مين اللى ينفع مين ومين

فيه حد ميعرفش الشيخ امين

ميرسى يا د/نبيل
انك رجعتنا لعم الامين
اللى قال
من قلبى باكتب كلمتى
وباحس ان الكلمه طالعه
من صميم قلبى امانه ف ذمتى
وبحس ان الكلمه ضى كبير منور دنيتى
وان كانت الكلمه تعبر عن شعور قلبى
وادقق فيها القى منيتى
اكتبها اوااااااااااااااااااام
اهى دى الكلمه
الكلمه دى هى المروحه للعارقنين
الكلمه دى هى المرتبه للتعبانيين الشاقينيين
الكلمه هى الشفا للعيانيين
الكلمه تدينا الامل تكشف لنا المترشحين
الكلمه مش قولنا وقيل وقال
الكلمه مش شتمه بتطلع م اللسان
الكلمه مش كلمه نفاق تمجد السلطان
وان كانت الكلمه مش خالصه لوجه الواحد الديان
ملعونهااااااااااااا دى الكلمه ومقطوع دا اللسان

ولو تحبوا نكملكم الباقى
بس اصلها طويله اوووووووووووووووووى

u r wellcome ya dr

[skelsemo]

thanks alot 4 the wonderful poem it's really beautiful
waiting more