Mid-term ......ايه رأيك؟؟

[Mouri Ran]

[FONT="Georgia"][FONT="Courier New"][SIZE="4"][COLOR="DarkRed"]مقدرش انكر ان الميد تيرم خلانى ابقى عارف اغلب المواد ماشيه ازاي وخلانى ازاكر بس بصـــــــــــــــراحه كده الناس اللى علقت قالت كل حاجه بس انا عاوز اوضح حاجه كده تكون غايبه عن بعض الطلبه بعمليه حسابيه بسيطه
دلوقتى كان الشفوي ب 30 درجه .....شفوي ب 20 درجه و ال 10 درجات بتوع اعمال السنه او الميد تيرم ايا كان المسمى كلهم مخصومين من الشفوي يعنى لو هنقول انا طالب متوسط يعنى بدخل الشفوي عند دكتور معتدل باخد عنده مش هقول 27 لا ياسيدي هاخد 25.....
دلوقتى بقى الشفوي ب 20 يعنى لو قست على نفس المنوال ونفس الدكتور هيدينى بدل ال 25 هيدينى 15 من 20
ولو انا فارس بنى خيبان ف العك اللى حصل ف الامتحانات ده قوول هجيب من ال 10 درجات ف مواد 7 ومواد 8 ومواد 9 ومواد 5 درجات .....
يعنى كتوتال من ال 30 درجه الل كنت باخد فيهم 25 هاخد دلوقتى 15 + 7=22 ده ف حاله الدكتور المعتدل .....بغض النظر عن النظام كويس ولا مش كووويس

نتكلم بقى عن النظام بتاع الميد تيرم كان سئ للغايه عشان ملقتش اي تنسيق مابين اي قسم والتانى من الاخر كل قسم كان بيعلن عن الامتحان بفتره بس مكنش ليه دعوه بالطاالب اللى هيمتحن سواء كان عنده امتحان قبلها عنده اي حاجه المهم انه اعلن ويقسم الطلبه ولو حد اتكلم يبقى الطالب اللى غلطان

بالنسبه لو عاوزين تعملو ميد تيرم اعملوا بس يبقى بتنسيق وترتيب مشكلتنا عندنا همجيه او ممكن نقول فوضى مرتبه ياريت الاخطاء اللى حصلت الترم الاول تتلاشى ف الترم الثانى ولو الكلام اللى كتبه ضياء على لسان د/ ناهد صح يبقى كده الميد تيرم كوووويس جدا جدا جدااااا....
انا عارف ان انا رغاي اوووي بس معلش استحملونى ف الكلمتين اللى كانوا محشورين ف زوري

موافقة على الكلام دا.. يمكن عشان في إعدادي ومعنديش غير مادتين شفوي بس مش حاسة بالجزء الأول من الكلام بس هو منطقي جدًا

وكمان موضوع المواعيد كان مستفز أوي وملحقناش نذاكر خالص وكللله كان مظلوم في المواعيد

اسمحولي أقول رأيي مع إني اتخرجت خلاص
الكلية لما كنت فيها مكانتش بتساعدنا إننا نبدأ نذاكر من بدري المنهج النظري وكان الترم بيتذاكر فيه عملي كتير وتكملة كتاب وهكذا ودي في حد ذاتها مشكلة مش للي بيبدأ يذاكر من بدري للي بيذاكر قبل الإمتحانات بس لأنه ببساطة المذاكرة اللي قبل الإمتحان دي بتتحط في الذاكرة المؤقتة أما اللي بيذاكر من الأول مرة واتنين بيخلي المعلومات تتحط في الذاكرة الدائمة وده بيفرق بعد التخرج . واحنا كنا بنسمع الكلام اللي بيتقال ايه فايدة اننا أذاكر من الأول طالما هنسى اللي ذاكرته تاني . بجد الموضوع بيفرق إنك لما بتذاكر حاجة مرتين بتخلي عقلك يحس إنها مهمة ويحتفظ بالمعلومة . أنا كنت بذاكر حاجات من الأول وحاجات في نهاية الترم ولي واحدة صحبتي كانت مذاكرتها معظمها قبل الإمتحان وما شاء الله كانت بتحفظ على طول واتخرجت بتقدير أعلى مني بس دلوقتي وأنا بتكلم معاها عن حاجات أساسي للصيدلي يكون عارفها لقيتها ناسياها . يا جماعة اللي عايز ما يذاكرش إلا قبل الإمتحان عشان يحل كويس وبس ده هيرجع يندم جدا جدا بعد التخرج وبجد كنت اتمنى انهم كانوا طبقوا عندنا الميد تيرم ده .. ربنا يوفقكم يا رب

معاكي جدًااااا بس للأسف الميزة اللي في الموضوع ضاعت بسبب الفوضى واللخبطة بتاعت المواعيد واننا معرفناش إلا متأخر ان فيه ميد تيرم

بالإضافة لإننا -في إعدادي- امتحننا الميد تيرم مع العملي في مادتين -الحيوان والنبات- وطبعا من أتقل المواد

ولا لحقنا نذاكر للعملي نفسه ولا الميد -اللي كان على المنهج كامل- وكانوا أسوء امتحانين شفتهم في حياتي

الكيميا امتحناها الأول وكنا عارفين من قبل العيد المعاد وكان امتحان جميل

كنا بنذاكر لجزء محدود عارفينه ومفيش عملي معاه ولا اللخبطة دي فاستفدنا فعلًا

يا رب اللي حصل التيرم دا ميتكررش

لإني أقدر أقول الحمد لله التيرم الأول ضاع مني خلاص، بسبب الميد والعملي اللي راح في الرجلين معاه دا

[د///*مطحونة*\\\]

ايه رايكم يا جماعة فى النظام بتاع الميدتيرم بعد ما تم تطبيقه بالشكل الجديد
ناس كتير كانت بتطالب هنا فى الموضوع ان الكم يبقى اقل وان يبقى مفيش مع الميدتيرم محاضرات او سكاشن
وفعلا الميدتيرم الترم دة كان على كم اقل من الترم الاولانى وامتحنناه بدرى وكمان الدراسة توقفت اثناء الامتحانات
فبعد ماخلصنا الميدتيرم الاسبوع دة رايكم اختلف وبقيتوا مع وجوده ولا الناس اللى كانت معترضة لسة ضد انه يبقى موجود
ايه تقييمكم بقا بعد الميد تيرم بشكله الجديد وايه رايكم فى الامتحانات بصورة عامة؟
.....

[Mouri Ran]

رأيي زي ما هو

رغم اني محليتش حلو بس بردو العيب كان مني مش من الميد تيرم

صحيح هنقص في المواد المهمة بس هيفيدني في آخر التيرم على كل الأحوال

[*Jessy*]

صعب امتحان كل يوم ده بصراحه ,,, علي الاقل كان يبقي يوم ويوم ,,, وكمان فيه مواد عندنا كان الكم ليها كبير بردو كنا بنذاكر كتير علي درجات قليله ويارتنا كنا بنحلق نخلص لا كنا بناخد الباقي قرايه وكروته,, انا حاسه اننا كنا بندخل نضيع ال 10 درجات ونطلع

[كليوباترا]

صعب امتحان كل يوم ده بصراحه ,,, علي الاقل كان يبقي يوم ويوم ,,, وكمان فيه مواد عندنا كان الكم ليها كبير بردو كنا بنذاكر كتير علي درجات قليله ويارتنا كنا بنحلق نخلص لا كنا بناخد الباقي قرايه وكروته,, انا حاسه اننا كنا بندخل نضيع ال 10 درجات ونطلع

I agree with u

[egyptian and proud]

هي الحاجه الوحيده اللي انا شايفاها كويسه ف امتحان الميدترم
انه الواحد قرأ شويه ف الماده واخد عنها فكره وده ف حد ذاته كويس
انما من حيث الدرجات فهي زي قلتها بصراحه

[A.Elrayes]

كل اللي اقدر اقوله حسبي الله ونعم الوكيل....المجموعة الاولي كل يوم بتتظلم لاننا بندخل اول ناس كل يوم ونتصدم والناس اللي بعدنا بيتكررلهم كتيير جدا من اسألتنا وبيبقوا داخلين عارفين الامتحان فيه ايه وشكله ازاي.....بجد انا حسيت بظلم شديد جدا طول الاسبوع ده

[Rooose]

مازلت بقول الميد تيرم ده تجربة فاشلة !!
تضييع درجات وخلاص .. ومفيش فيه عدل ، مجموعة بيبقي امتحانها سهل ومجموعة امتحانها صعب ..
المفروض بدل مكانوا يمتحنوا شوية من كل دفعة في نفس الميعاد كانت كل دفعة تمتحن مع بعضها في نفس الوقت ولو فيه أكتر من موديول يبقي كلهم متكافئين ..
وفي مواد كانت الكمية المطلوب تتزاكر أكبر بكتير من 10 درجات ، وكانت النتيجة ايه الأغلبية محدش زاكر الا مادة واحدة ولا اتنين بالكتير والدرجات ضاعت مننا ..
للأسف زي ميكون سوء التنظيم بقي هدف من أهداف الكلية!!! والعك ده كله تحت اسم الجودة !!!!!!!!!!!!!!!!!

[mido17]

كل اللي اقدر اقوله حسبي الله ونعم الوكيل....المجموعة الاولي كل يوم بتتظلم لاننا بندخل اول ناس كل يوم ونتصدم والناس اللي بعدنا بيتكررلهم كتيير جدا من اسألتنا وبيبقوا داخلين عارفين الامتحان فيه ايه وشكله ازاي.....بجد انا حسيت بظلم شديد جدا طول الاسبوع ده

دا اذا مكنش هوه الأمتحان نفسه!!!
فعلا كان في ظلم

[khokha]

كل اللي اقدر اقوله حسبي الله ونعم الوكيل....المجموعة الاولي كل يوم بتتظلم لاننا بندخل اول ناس كل يوم ونتصدم والناس اللي بعدنا بيتكررلهم كتيير جدا من اسألتنا وبيبقوا داخلين عارفين الامتحان فيه ايه وشكله ازاي.....بجد انا حسيت بظلم شديد جدا طول الاسبوع ده

انا فعلا مقدره كلام حضرتك ده
افتكرت امتحان الصيدلانيات السنه اللي فاتت العملي كنا ميعاد الساعه 9 واتفاجأنا بيه
انا كنت متخيله الميد تيرم ده هيبقي احلي من التيرم الاول بس بجدددد مش له لازمه حتي لو بيخلينا نزاكر يكفي بيضيع درجات ...الشفوي كنا بندخل وفيه ناس مكنتش بتجاوب وكانت بتنقص درجه او اتنين