شيت لكل ماده

[د\بوسى ربيع]

السلام عليكم ورحمه الله وبركاته

بمناسبه ظروف الامتحانات السنه دى واللى مش عارفين شويه يقولوا اسبوعين وشويه يقولوا تلاته فاحنا لينا اقتراح ياريت يلقى قبول الناس ويتنفذ ان كل قسم ينزل شيت للماده الشيت ده يحتوى على مالا يقل عن 80%من امتحان النظرى جايز ناس هتدخل تهاجم وتقول كده الناس مش هتذاكر بس الشاطر اللى بيحب يذاكر كل حاجه هيبقى مذاكر واللى بطبعه مش بيذاكر كل حاجه مش يضر فى حاجه وكمان هتبقى فى نسبه غير امتحانات الشفوى والعملى علشان الناس اللى بتحب ترتب واحنا بس عايزين حل لازمه بجد هتواجهنا اننا نذاكر المنهج كله ونراجعه فى يوم واحده دى حاجه اولا متعودناش عليها ثانيا بجد الامر هيكون صعب اننا نلم كم كبير ونمتحن عليه فى وقت قصير بس على الاقل نبقى عارفين النقط اللى نركز عليها اتمنى ان الاقتراح يتنفذ

[عبدالله عبدالرحمن]

فى الوضع الطبيعى أصلا يادكتورة
مفروض كل قسم ينزل مجموعة كبيرة من الأسئلة التطبيقية على المنهج كله
افتكر ان دكتور وائل النجار كان قالى
انه مايمانعش ان هو ينزل 100 -200
سؤال
والطلاب يحلوهم وهو يجيب منهم الأمتحان
عادى خالص
انا مع الفكرة
على الأقل هتحط النقط على الحروف
وتعرفنا شكل الأمتحانات

ساعتها تكون الفكرة جميلة جدا واحد عوامل رفع جودة المنهج المدرس

بس على ما أعتقد يعنى
الدكتور اللى بيرفض يدى الطلاب محاضراته عمره ما هيرضى يدى اسئلة

وعلى فكرة الدكتو ر عطاالله ربنا يكرمه يارب
معانا كده
حط كمية من الأسئلة على المنتدى
وكمية اخرى موزعة فى كتاب الأكالويد

شكرا على الموضوع

[د\بوسى ربيع]

فى الوضع الطبيعى أصلا يادكتورة
مفروض كل قسم ينزل مجموعة كبيرة من الأسئلة التطبيقية على المنهج كله
افتكر ان دكتور وائل النجار كان قالى
انه مايمانعش ان هو ينزل 100 -200
سؤال
والطلاب يحلوهم وهو يجيب منهم الأمتحان
عادى خالص
انا مع الفكرة
على الأقل هتحط النقط على الحروف
وتعرفنا شكل الأمتحانات

ساعتها تكون الفكرة جميلة جدا واحد عوامل رفع جودة المنهج المدرس

بس على ما أعتقد يعنى
الدكتور اللى بيرفض يدى الطلاب محاضراته عمره ما هيرضى يدى اسئلة

وعلى فكرة الدكتو ر عطاالله ربنا يكرمه يارب
معانا كده
حط كمية من الأسئلة على المنتدى
وكمية اخرى موزعة فى كتاب الأكالويد

شكرا على الموضوع

ميرسى جدا على مشاركه حضرتك يا دكتور مهو احنا اللى عايزينه ان كل دكتور يبقى مطالب انه ينزل اسئله تطبيقيه مش قله بسيطه فقط من الدكاترهخصوصا فى الظروف اللى احنا فيها

[مهداه]

انا موافقه بس عندى اقتراح تانى لسه جاى على بالى حالا
برضه يكون فيه شيت
بس على جزء كبير من المنهج ويكون عليه درجات
بحيث الجزء ده يجى عليه فى الامتحان النهائى درجات قليله جدا
مش عارفه الدكاتره هيوافقوا ولا لا
وانتوا ايه رايكوا
انا حاسه ان ده هيخفف عنا كتير
بس يا د /بوسى حكايه شيت فى المنهج كله صعبه اوى
بس والله حلوه
يا ريت يا جماعه نتجمع ونقول راى نتفق عليه كلنا ونوصله للاداره وهما اكيد عاوزين مصلحتنا
وف الظروف اللى احنا فيها دى اكيد هيكون ف تعاون بينا
يلا يا جماعه عاوزين اراء وموافقات
تحياتى لد/ بوسى

[Mohamed Al Gohary]

واله ليه لأ .. افتكروا التحليليه كنا بنمتحن فى العملي شيت على جزء من المنهج .. ونيجي قبل امتحان النظري كنا بنلاقي الامور كويسه على اساس اننا ذاكرنا جزء منه كبير قبل كده واعتقد ان ده اللى بيحصل فى الاساي ..

اما موضوع ان يتم تحديد اسئله معينه .. فاكيد هيكون فيه اختلاف فى الراي فيها ..

[basma 90]

فكرة كويسة جدااا وياريت تتنفذ فى كل المواد ولو عليه درجات قليلة

[Chimera]

الدكاترة اعتقد هيرفضوا ..

انما إحنا طبعاً .. هنوافق .. و هتبقى الحياة زي اللوز
و انا واحد م الناس إللي مش فاتح كتاب غير الأسئلة دي و إجابتها ..!!

بس انا عندي اقتراح تاني بس هيبقى مجازفة

العملي يتخصص له 50 درجة و الشفوي 40
و كده البابر النظري هيبقى من 60 درجة

اعتقد كده ممكن يبقى اريح بالنسبة لينا و نعرف نجمع درجات

و يا ريت كمان لو يعملوا النجاح من 50% .. و الرئفة 10%
يبقى يعني عداهم العيب

.,,

[muna7assan]

فكره جميله جداااا..

وموافقه عليها جدا جدا....

لنفس السبب اللى قال عليه د.محمد الجوهرى

لما بامتحن شيت فى ماده فى جزء معين

الجزء دا بيتذاكر كويس وبالراحه لأنى مش بامتحن حاجه تانيه معاه لا قبله ولا بعده

وبعد كده الجزء دا باكون استوعبته كويس ومش باتعب فى الماده دى بعد كده

زى مثلا التحليليه لما امتحنا شيت على 5 محاضرات من جزء الدكتوره منال

دلوقتى الحمد لله الجزء دا مش تاعبنى وقادره انى اسيبه واشوف حاجه تانيه اذاكرها

بس انا مش فاهمه يعنى ايه عليه 80% من الامتحان النظرى؟

فى الكم ولا فى الدرجات يعنى؟

انا عن نفسى احب ان يكون عليه درجات قليله

لنفس الأسباب اللى قلتها فوق

هأضطر انى اذاكر الجزء دا لانى هامتحن فيه بس مفيش ضغط نفسى لان مش عليه درجات كتير

لكن لو الدرجات عليه زادت فده هيكون مش كويس

هيسبب ضغط نفسى مضاعف عن امتحان النظرى اخر السنه

بالذات لو ما حلتش فيه كويس

عاما هيا حاجه كويسه جدا واتمنى انها تكون فى كل ماده

[Mohamed Al Gohary]

يا جماعه مننساش ان فيه حاجه اسمها لايحة كلية ..

[بيتر الحكيم]

فكرة حلوة جدا جدا و اقترح لو كمان يعملوا زى ما الفارما بيعملوا فى العملى بتاعهم ينزلوا شيت و يتحل فى البيت و تيحط علىة 10 درجات او كدة و يكون منة تطبيق و منة اسئلة ميخرجش منها او من فكرتها الامتحان