مكافاة الثانوية وكمان الكلية

[drpinkysnow]

السلام عليكم انتوا اكيد كلكم اتضايقتوا من موضوع عدم صرف مكافاة الثانوبة العامع على الرغم ان الى المفروض ياخدوها هم كليات القمة مش علو وغيرها يا ريت كل واحد يقول رايه

-----
المكافاة دى يا جماعة من حقنا وناش كتير بعتوا فى صندوق الشكاوى لكن للاسف لا حياة لمن تنادى على الرغم ان كليات تانية كتيرة احنا احق منهم اخدوها ياريت تشتركوا معايا وتقولوا رايكم شكرا

[drhelaly]

مش عارفين والله المكافئه فين؟
يا ريت حد يرد فعلا ويقولو ليه احنا ما اخدنهاش
تقريبا جابو بيها تكيفات للمدرج

[Mohamed Al Gohary]

غريبه ان سنه تانيه اللى بقالهم 3 سنين لسه مخدوهاش .. انا عن نفسي اخدت بتاعة الثانويه العامه وبتاعة السنه الى فاتت .. اكيد اتصرفت يا جماعه ..

هى بس بتاعة السنه دى اللى متاخره من الجامعه مش من عندنا فى الكليه .. وانا هتاكد بكره من الكليه ..

[drpinkysnow]

اكيد يا دك جوهرى انت فى اسرة الرسالة وتعرف اكتر مننا فياريت تسال وشكرا

[Mohamed Al Gohary]

هههه اكيد يشرفني انى اكون عضو فى اسرة رساله .. بس انا امين لجنة الاسر وامين مساعد اتحاد الطلاب وعشان كده قلت هسال وهقولكم ان شاء الله ..

[white light]

اه انا مش عارفه المكافاه دى هتتصرف امتى

اختى فى كليه تربيه اخدتها علطول اول سنه واحنا بقالنا 3 سنين مش عارفين نخدها

[marooo]

هو احنا فعلا ما اخدنهاش بس هو اعدادى اللى بعدنا واللى بعدنا خدوها ولى لالالا وكمان من سنتين فاتوا اداب وتربيه خدوها اشمعنا احنا فعلا واحنا فعلا بعتنا شكاوى بس الله واعلم وكمان السنه اللى فاتت كل المكافات جت ماعدا بتاعه الثانويه العامه

[Mohamed Al Gohary]

يعني دفعة تانيه بس اللى مخدتهاش ؟؟ غريبه ؟؟

هشوف وربنا يسهل ان شاء الله ..

[Larine_Resala]

طب مفيش اخبار عن مكافأة تالتة؟؟؟؟؟؟؟؟

[Sara Saso]

مش عارفين والله المكافئه فين؟
يا ريت حد يرد فعلا ويقولو ليه احنا ما اخدنهاش
تقريبا جابو بيها تكيفات للمدرج

انا فى الفرقة الاولى السنة دى ولما رحت الشئون السنة اللى فاتت اسال عن مكافاة الثانوية العامة قالوا لى مفيش مكافات غير من اول اولى يعنى هاخدها عن تقدير اعدادى
مع انى مسالتش غير لما واحدة فى تانية قبضت مكافاتها وهى اللى قالت اروح الشئون اخد مكافاة الثانوية قبل انتهاء ميعاد الاستلام
ومع ذلك صدقت الموظف ورحت السنة دى تانى الشئون اسال عن مكافاتى عن تقدير اعدادى
قالت لى الموظفة انسيها دلوقتى خالص ومتفكريش فيها دى بتكون فى اخر السنة ووالله ده كلام الموظفين بالحرف الواحد
وانا سمعت من ناس كتير ان الشئون بتتعمد عدم الاعلان عن ميعاد استلام المكافاة لحد ما الميعاد ينتهى وتضيع المكافاة على الطلبة والحقيقة بعد التضارب اللى انا شايفاه بين كلام الموظفين واللى انتوا بتقولوه عن مكافاة الثانوية انا هاصدقهم وبجد مش عارفة ازاى ممكن حاجة زى دى تحصل فى كلية من رموز كليات جامعة المنصورة اصحابى بيحسدونى عليها مع انهم قبضوا مكافاة الثانوية العامة وانا لسه
ايه رايك يا د/جوهرى فى اللى بيحصل ده؟ اكيد عندك اجابات للالغاز اللى بنسمعها من الموظفين دى