3-1......طب وبعدين...تعالو نفكر سوا
السلام عليكم ورحمة الله وبركاته
مش عارفة افرح ولا اقلق اكتر يا جماعة
دلوقتى الجزائر كسبت رواندا 3-1
وبالتالى
موقف الحكاية ايه بقاااااا؟
لو كسبنا الجزائر 1-0 يبقى عليه العوض ومنه العوض
اذا فزنا على الجزائر باذن الله الماتش اللى جاى 2-0
هنتساوى فى الصدارة
وبالتالى هنلجأ لفرق الاهداف
واللى هيصعدنا ساعتها هدف تريكة اللى كان فى الجزائر لانه بجونين
يبقى مبروك علينا
ولكنننننننننننننننننننننننننننننننننننن
ودى مشكلة احتار فيها الاطباء والمحللين وكل الناس
لو كسبنا الجزائر بعد الشر بعد الشر 3-1
وهما كسبينا هناك على ارضهم 3-1
انقسمت الاراء
ناس بيقولوا اننا بكدة هنتساوى فى كل حاجة
فى النقاط
وفارق الاهداف
وعدد الاهداف
وبالتالى هنلجا للقرعة
هتقوللولى يعنى ايه قرعة هقولكوا يعنى ملك ولا كتابة!
واحنا وحظنا
وطبعا احنا عارفين حظنا الحلو بالاوى ويبقى ضعنا واللى كان كان
:
وناس بيقولوا اذا كسبناهم 3-1
هيلجئوا لمباراة فاصلة يحددها الفيفا على ارض محايدة
وطبعا الكلام دة هيكون قبل منتصف ديسمبر اللى هتقام فيه القرعة
:
وناس تالتة بتقول
ان الفيفا هيلجا فى حالة فوز مصر 3-1 على الجزائر
انه يرجح كفة الفريق اللى له لعب نظيف اكتر من التانى
بمعنى ان الفرقة اللى عندها انذارات اقل وطرد اقل
هى اللى تصعد
"
وعلى فكرة الموضوع صعب اوى
والاراء اللى انا قلتها دى من على لسان محللين كرة قدم ومديرين فنيين والمدير الفنى للاتحاد المصرى والمحاضر لدى الفيفا
:
الاهم من كدة بغض النظر عن الكلام والاراء دى كلها يا جماعة
مطلوب مننا اننا نكسب الجزائر على الاقل بفارق 3 اهداف عشان نصعد واحنا مرتاحين من غير حسبة بيرما
يعنى
4-1 تصعدنا
5-2 تصعدنا
لكن
4-2 او 5-3
يبقى روحنا بلاش
:
انتو بقا ايه رايكوا فى الكلام دة؟
""""
ملحوظة بسيطةعلى معلق المباراة:
تقريبا كدة والله واعلم ان الاخ اللى كان بيعلق على المباراة ولا يعرف اى حاجة فى اى حاجة
وقال ان الجزائر قطعت تزاكر كاس العالم
وقعد يعقد الواحد فى حياته وحسسنى ان خلاص الجزائر صعدت وان مصر مباراتها تحصيل حاصل
وعمل حسابات مع نفسه غريبة الصراحة لا تمت للواقع باى صلة
مش فاهمة لحد امتى هيبقى فيه معلقين بالمنظر دة!
""""""""""""""
وكمان الجمهور الجزائرى كان مبسوط اوى خصوصا بعد الجون التالت
لييييييه؟
السبب اللى سمعته انه هيفرق معاهم لو مصر كسبتهم 3-1 فى القرعة
هيزود من فرصهم
الجزئية دى للاسف مفهمتهاش فياريت لو حد فاهمها يقول معناها ايه؟
رد مع اقتباس
المشاركة الأصلية كتبت بواسطة Chimera
