المشاركة الأصلية كتبت بواسطة amira
الماده الوحيده اللى كتابها يتفهم هى الصيدلانيات وخصوصا كتاب د/عبد المنعم كنت بذاكر منه على طوووول وكان بيبقى نفس الكلام اللى فى المحاضره بالظبط ولو فى حاجه ناقصه كان الدكتور بيقول لنا زودوها
اما بقى كتاب التحليليه والعضويه No Comment والله مكنتش بعرف اطلع اى حاجه منه ولا حتى العنوان اللى الدكتور بيشرح فيه
لسه بقى كتاب العقاقير برضو كان الى حد ما كويس من حيث ان المعلومات اللى فى الكتاب نفس اللى الدكتور بيقولها بس محتاج شويه تنظيم
ياريت الكتب كلها تبقى زى كتاب د/عبد المنعم
ويـــــــــارب الكتب تنزل بدرى بدل ما نضطر للورق من الاول من غير حتى مانشوف الكتاب اذا كان حلو ولا وحش
لأ انا فاكر ان كتاب العضوية بتاعنا كان ممكن يتذاكر منه
اماكتاب التحليلية
فهو الكتاب الاول فى ان مفيش ولا طالب بيستفاد منه
لان الكتاب حاجة والمنهج حاجة تانية خالص
المشاركة الأصلية كتبت بواسطة rose_pharm
فعلا كتب الصيدلانيات بس اللي كان ينفع يتزاكر منها
حاولنا كتير نزاكر من الكتب بس بحس انها مش مرتبه خااالص
بالذات كتاب المايكرو اسوا كتاب شفته في حياتي
انما العضوية قريت كتير من الكتاب بس كنت بزاكر من الورق بصحح المعادلات من الكتاب وازاكر من الورق المصدر الرئيسي عشان فيه تدريبات وكمان عشان الامتحانات وطريقة السرد
والتحليليه من الورق
والعقاقير كان الكتاب الي حد ما كويس بس الترتيب بردو محتاج اكتر
يريت كتب العملي تنفصل عن النظري لان فيه كتب كتير نظري احنا مش بنستفيد منها ولو شيفين اننا هنستفيد مكناش فتحنا الموضوع
الموضوع ببساطة ان لو الكتاب متظبط وده مش هيتكلف كتير ممكن يبقي طلبه اللي يصممو الكتاب ويبقي تابع لاشراف الدكتور
مثلا يكون الدكتور صاحب اسرة ياخد فريق من الطلبة المحبين للماده يعدلو الكتاب للطريقة الافضل مش هنغير صيغة الكلام بس هيتعدل شكله وترتيبه وحجم خطه بحيث يبقي سهل انه ميتعبناش ولا محتاج نضارة تكبير زي الميكرو كده ومش عيب اننا نشوف الاحسن ونحاكيه ونطوره لمصلحتنا ومفيهاش حاجة لما يبقي شبه ورق الدروس علي الاقل هيبقي مريح للطالب وهيبقي تعديله مرة واحدة والطلبه كلها هتحب تشتريه بما انه مصمون ومن الدكتور نفسه
ومش عايزين نحس اننا بيتفرض علينا ندفع فلوس من غير لازمة اجبااااار احنا اكبر من كده ودكاترتنا اكبر من كده
واعتقد ان الكليه في الفتره الاخيره بدات تتطور جامد فشكلها وحش
اكيد العملي هو اللي هنبقي بردو مرغمين عليه وده كفايا اوي
خصوصا ان ناس كتير جدا مش قادره
هو انت ليه بس بتسموا البتاع اللى ستلمناه من قسم الميكرو كتاب
دى ...............
ماهوا لو الكتاب نزل متأخر وعلى الطلبة ماتعدل فيه
يبقى احنا بكده هنستلمه بعد مانتخرج
المشاركة الأصلية كتبت بواسطة shimoaa
اولا شكرا لحضرتك يا دكتور علي الموضوع ده جه في وقته الصراحه
بم اني الحمد لله مش متعوده خالص اني اذاكر من الورق واني بذاكر من الكتاب فياريت الكتب تنزل بدري وتكون وكمان بعض الكتب تتظبط زي ما زاميلنا قالوا بجد يا جماعه معظم كتب الكليه جميله جدا علي الاقل بتكون مصدر موثوق فيه
-هو اه كتاب التحليليه محتاج تظبيط بس انا كنت بكتب المحاضرة واتاكد من المعلومات اللي انا كتبتها من الكتاب وبذاكر في الاخر من المحاضرة
- الصيدلانيات طبعا كتبه جميله ولا تعليق
-العضويه جميل جدا بس لو ينزل بدري شويه لان كل سنه العضويه دي بتاخر في مذاكرتها جدا
-العقاقير هو الكتاب حلو بس السنه دي كان جزي د/ عطا الله اعتمدت اكتر علي باور بوينت بتاع الحاضرات لان الكتاب مكانش وافي اوي فكنت بكمله من الباور بوينت
- بس بجد اكتر كتاب عجبني السنادي للاسف مش من كليتنا كان كتاب الهستولوجي بتاع طب يااااااااااااااااااه تنظيم وصور بالالوان وجلده الكتاب نفسها شكلها شيك تخليك تستخسر تفتحه لتبوظه والشرح علي شكل نقاط كان حاجه روعه الصراحه
انا اسفه علي الاطاله بس يا ريت يا جماعه الموضوع ده يوصل لحد مسئول قبل ما الدراسه تبدأ
عشان حتي ينزله الكتب بدري علي الاقل لان اعتقد ان التظبيط ده ممكن ياخد وقت
بس يا ريت مش نقعد بتكلم كده علي الفاضي
انا مش عارف ليه حاسس اننا بنتكلم على الفاضى
وهتتأكدوا اذا كان كلامنا فاضى ولا لأ
لما تدخلوا تانية باذن الله وتعرفونا رايكم فى الكتب
المشاركة الأصلية كتبت بواسطة قناع الذهب
والله انا شخصيا بشوف ان فية كتب كويسه وممكن يتذاكر منها ودا هتشوفوة فى كتاب الalkaloid للدكتور عطا الله فى سنه تالتة ان شاء الله وكتب المديسنال كمان كانت كويسه جدا وكتب الفارما كمان وفية كتب طبعا ماتتفتحش اصلا عشان بحس ان هيا مفبش بين الكلام اى فروق وانا لازم يكون الحاجة اللى بذاكر منها متظبطة ومتعنونة مش كله سايح على بعضة حتى ان كنت مش هفهم منها اوى او ان كنت هبذل مجهود شويه فى الفهم
وبعدين بصراحة ان حاسه ان دا بقى مبدا عندنا كللللنا ان اول ما الورق ينزل نجرى عالمكتبه وايام المراجعة ميبقاش فية مكان فى المكتبه عشان الورق المنقذ نزل وانا مش هقول ان انا مبعملش كدا
لا بعمل كدا والمشكله ان احنا بنلاقى نتيجة مع الورق دا
فياريت يتنظر شويه لشكل المذكرات اللى ماينفعش حد يذاكر منها ولو ذاكر للاسف ممكن ميعرفش يجمع وبالتالى هيرجع تانى لورق الدروس المنظم...
وربنا يسهل ويعدى السنة دى على خير
ربنا معاكوا دا انتوا هتصابوا بالملل
لما تلاقوا اللى درستوه فى السنيين اللى فاتت
هترجعوا تدرسوه تانى
وكأنكوا خلاص خلصتوا العلوم كلها وبتراجعوا عليها
المشاركة الأصلية كتبت بواسطة drza2009
والله يا دكتور انا بحب اذاكر من الكتب بحس ان فى كليه محترمه وبدرس حاجات مهمه
مش شويه ورق هفق احفظلى كلمتين واخش اقولهم فى الامتحان
انا كنت براحع من الكتاب ورا الدكاتره فى العقاقير والصيدلنيات بس علشان احلل
فلوسهم
وذاكرت من كتاب د عبد المنعم طول السنه والحمد لله مجبتش ورق خالص
الا المراجعه وجزء دثناء ود الصباغ التيرم الاول ذاكرت من الكتاب كان حلو وكنت بتابع
منه وفهمت منه لكن التيرم التانى مكنتش بعرف اتابع وراهم اصلا
والتحليليه كتاب طلاسم والعضويه يعنى كان جزء د حسن بس مكنتش بعرف اذاكر
منه حاجه
يعنى بتهيالى لحل المشكله دى ان كل دكتور يخش ومعاه الكتاب ويقول هو فى
صفحه ايه ويشرح زى ما الكتاب بيقول و لو فى حاجه زياده يقولنا نكتبها حتى علشان
الكتاب يبقى ليه اهميه
هو التعليم الصح اساسا ان الدكتور يطلب مننا اننا نبحث فى المواضيع اللى بيتكلم عنها
لكن طالما ان الدكاترة بينزلوا مذكرات وبيشرحوا منها يبقى ملزم انه ميخرجش عنها فى الشرح
وفى نفس الوقت تكون معاصرة لاخر المناهج اللى بتدرس فى باقى العالم
وغير كده يبقى بقت تجارة مش تعليم
المشاركة الأصلية كتبت بواسطة DR.BIBO
على فكرة يادكتور اقتراحك كان جميل
وهو ده اللى المفروض يحصل بس مش بالشكل ده
يعنى المفروض الدكتور يدخل اول محاضرة
ويعرف الطلبة بالعناوين اللى هندرسها فى المنهج
وبعد كده يعرفهم على المراجع الاحسن فى المجال ده
والطلبة تروح وتجيب المراجع دى او تصوره العناوين اللى الدكتور قال عليها
وطبعا بم انها مراجع فالمعلومة الطالب هيفهمها من اول قرأة بس
وبعد كده تبقى المحاضرة عبارة عن مناقشة بين الدكتور والطلبة فى اللى قرأوه عن الموضوع بتاع المحاضرة
لان المناقشة هى اقوى سبيل لتثبيت المعلومة
وفى الاخر الامتحان يكون عبارة عن اختبار الطالب فى تحليل المعلومة اللى قدر يجمعها وناقش فيها الدكتور طول السنة (يعنى اختيارات)
وابقى قابلونى لو الطالب اللى بيعتمد على الدروس والورق عرف ينجح بيهم بس
دا نظام التعليم اللى معظم الدول المحترمة بتشتغل بيه
نيجى بقى للكلام اللى ملوش فايدة
- الطلبة عندنا عددها كبير ومش هينفع الدكتور يتعامل مع العدد ده كله(الحل بسيط خالص:كل قسم فيه مايقلش عن 10 اعضاء هيئة تدريس من معيدين ودكاترة يبقى المطلوب ان لو اطالب مقدرش يستفسر من حاجة فى المحاضرة انه يروح لواحد منهم ويكون لكل دكتور يوم يعنى يوم السبت دكتور كذا هو الى ممكن تسأله وبكره دكتور تانى وكده على مدار الاسبوع بحيث ان كل دكتور فى القسم يبقى ليه يوم فاضى يقابل فيه الطلبة ويوضح ليهم اللى عاوزينه)
طلبة كتير مش بتعرف تذاكر من المراجع (يبقى الغلط عليهم انهم دخلوا كليات اساسا لان التعليم الجامعى دا المفروض النظام اللى يطبق فيه)
حكاية زى دى برضه لو اطبقت هتقلل مهرجان الامتياز اللى عندنا فى الكلية وساعتها اللى هيتعب اكتر هو اللى هيقدر يجيب امتياز (مش زى دلوقتى اللى بيجيب امتياز هو اللى بيتعب معاه ناس اكتر)
يعنى بياخد كورسات وبيجيب ورق وده كله مجهود ناس غيره واللى بيخليه يتفوق على شخص تانى ممكن يكون بيتعب اكتر منه بس مش بيقدر يجيب درجة زيه
لان الاول وصل للهدف بتاعه من المعلومات فى قبل دخول الامتحان
فى حين ان التانى كان محتاج وقت اكتر عشان يوصل لنفس القدر من المعلومات
انا الحمدلله بره الحسبة دى لانى لو قعد 10 سنين اجمع معلومات مش هجيب جيد حتى
انا تعبت من الكتابة اكمل بعدين