مشاهدة نتائج الإستطلاع: مالذى يعوقنا فى الوصول الى مصاف افضل 500 جامعة على مستوى العالم

المصوتون
291. أنت لم تصوت في هذا الإستطلاع
  • ليس لدينا كليات معتمدة او متزاملة مع جامعات عالمية المستوى

    151 51.89%
  • مستوى الخريج لا يناسب متطلبات سوق العمل

    189 64.95%
  • العملية التعليمية قليلة الفاعلية فى إستيفاء مخرجات تعلم ممتازة للطالب

    200 68.73%
  • الأنشطة الموجهة لخدمة المجتمع و تنمية البيئة غير مؤثرة او قليلة

    119 40.89%
  • مجمل الأبحاث العلمية لا تنشر فى مجلات عالية الأثر مثل الطبيعة و العلم

    131 45.02%
  • النشاط الطلابى قليل او لا ينشر على موقع الجامعة او لا يشارك فيه اكثر من 50% من الطلاب

    148 50.86%
  • النشاط الطلابى لا يشمل خدمة المجتمع و البيئة المحيطة

    92 31.62%
  • تفتقد العملية التدريسية مهارة انماء التعلم الذاتى لدى الطلاب

    192 65.98%
  • الأرشاد الأكاديمى للطلاب غير فعال

    187 64.26%
  • مصادر التعلم: المكتبة الإلكترونية - المراجع المعاصرة - التعليم الإلكترونى الخ, غير كافية

    113 38.83%
  • ليس هناك الكثير من أعضاء هيئة التدريس حصل على جوائز عالمية رفيعة المستوى من علماء الجامعة

    77 26.46%
  • نسبة الطلاب الى أعضاء هيئة التدريس ليست مثالية (اكثر من 25 الى 1)

    172 59.11%
  • مساحة الجامعة بالنسبة لعدد الطلاب و العاملين بها ليست مثالية

    80 27.49%
  • المعلومات المتداولة عن الجامعة غير كافية للطلاب و العلماء و المجتمع الخارجى المحلى و العالمى

    107 36.77%
  • لا يشترك الطلاب و طلاب الدراسات العليا بفعالية فى لجان الكليات و ليس لهم وجود فى مجالس الكليات

    161 55.33%
  • تعمل الجامعة على تيسير الحصول على عمل او توظيف الخريجين

    39 13.40%
  • ليست هناك ادارة فعالة لشئون الطلاب الوافدين و استيعابهم

    93 31.96%
  • لا تستعين الجامعة بأعضاء هيئة التدريس او العلماء الأجانب ذو المستوى العالمى

    154 52.92%
  • نسبة الطلاب الأجانب الى الطلاب المحليين ضئيلة للغاية

    110 37.80%
  • هناك خريجين حصلوا على جوائز نوبل او فيلد

    15 5.15%
إستطلاع متعدد الإختيارات.
صفحة 1 من 9 123 ... الأخيرةالأخيرة
النتائج 1 إلى 10 من 86

الموضوع: العشرة الأوائل.... هل مستحيل؟.

  1. #1
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي العشرة الأوائل.... هل مستحيل؟.

    ترتيب جامعة المنصورة عالميا هو 2943 و جامعة الملك سعود بالمملكة العربية السعودية هو 197 (الجامعة العربية بل الإسلامية الوحيدة من اول 500 جامعة عالمية) بينما جامعة تايوان الوطنية (تايوان: جزيرة مفعوصة فى المحيط الهادى تنتج الإلكترونيات المتطورة) هو 32. هذا المقياس يقيس بدليل الأثر المشاهد من مخرجات هذه الجامعات الدراسية و البحثية و المجتمعية و بياناتها المتداولة و المنشورة فى فضاء الشبكة العالمية. و طبعا ليس هناك اثر بدون فعل او جودة كيفية و كمية فى الإنشطة المختلفة للجامعة.



    اترككم مع الموقع العالمى لقياس الترتيب و تفاصيل ادوات و كيفية القياس. ثم انتظر منكم المشاركات الخاصة و التى قد تؤدى بنا لمعرفة الخلل و كيفية النهوض لننطلق الى فضاء ترتيب افضل مائة جامعة على الأقل فتفضلوا.

    عنوان الموقع هو: http://www.webometrics.info/
    مع تحياتى
    التعديل الأخير تم بواسطة Dr. Atallah F. Ahmed ; 28-09-2009 الساعة 09:08 PM
    "من لا يتقدم يتقادم .. فلا بصمة و لا أثر"

  2. #2
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    يعنى يا حلوين:
    62 مشاهدة
    و
    Zero مشاركة
    طيب تيجى ازاى؟


    التعديل الأخير تم بواسطة Dr. Atallah F. Ahmed ; 29-09-2009 الساعة 01:14 AM
    "من لا يتقدم يتقادم .. فلا بصمة و لا أثر"

  3. #3
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي



    عادى يادكتور هو دا العادى

    بتاع الطلبة

    بيخافوا يقولوا رألأيهم فى اى حاجة

    تبع الكلية

    ثقافة امشى جنب الحيط لحد مايقع عليك

    بجد اللى حضرتك قلته ده

    فايدته ان احنا مش بنتعلم حاجة

    لان لو كنا بنتعلم كان زمان ترتيب الجامعة اعلى من كده

    بس ده هو هدف التعليم الحكومى

    وهو تضييع المواهب لفتح المجال امام الجامعات الخاصة

  4. #4
    Pharma Student
    تاريخ التسجيل
    Sep 2008
    الدولة
    nt ur business
    المشاركات
    313

    افتراضي

    تعليم وجامعات؟؟

    حضرتك بتتكلم عم مصر...بلد الهضبه عمرو دياب والقديس الخلوق (ابو تريكه)..تعليم ايه وبتاع ايه؟

    والله لسه شايف متش مصر للشباب وكل لاعب واخد 10.000 جنيه عشان لعب 90 دقيقه...حاجه تحرق الدم
    بلدنا الجامده دى بتشجع لعيبه الكوره..المغنيين لكن مواهب وجامعات وتعليم حقيقى مفيش طبعا

    جامعاتنا عباره عن مكان يتجمع فيه الأحبه ( ع الارصفه والكافتريات) ومحاضرات ممله ومناهج عقيمه عفا عليها الزمن

    عشان كده ده ترتيبنا الحقيقى وسط جامعات العالم اللى فيها علم بجد...ده جنوب افريقيا كل جامعاتها واخده ترتيب اعلى مننا

    عشان كده لو بلدنا دى عايزه تتقدم لازم يطورو التعليم الجامعى عشان ربنا يكرم ونبقى ف المركز 1000 ولا حاجه

  5. #5
    Pharma Student
    تاريخ التسجيل
    Jul 2007
    الدولة
    mansoura
    المشاركات
    670

    افتراضي

    يادكتور عطاالله هنقول بس ايه ولا ايه مش عارفة هية حكاية امكانيات ولا عقول ولا نظام ولا ايه بالظبط ____ارجع واقول بالنسبة للعقول عندنا الحمد لله بالنسبة للماكنيات حضرتك زكرت ان فى امكانيات اضعف مننا لكن انجح مننافى ظنى ان الحاية حكاية نظااام لانظام صحيح _____لا رؤية______ ابسط مثال بس مادة زى مادة العقاقير ثلاث سنواااات من الحشو والمناهج العقيمة التى لاتسمن ولا تغنى من جوع عشان اكون عادلة الموضوع متحسنش الا من سنة تالتة ___بالنسبة للعملىىىىى فدة بصرااااااحة مهزلة مافيش ولا عملى فى اى مادة عجبنى بصراحة فين يادكتور الاجهزة الحديثة المطبقة حاليا اين حديث العلم عملى زى عملى الفيتو الترم التانى عملى زى عملى العضوية فصل مكاشر وحجات عبيطة كان الناس عارفينها من قرون احسن حاجة عجبتنى فى العملى المشروع كانت حاجة رائعة روحنا وجينا بحثنا شفنا ازاى الناس بيفصلو وبيفكرو الخلاصة ان مافييييش هدف واضح ولا رؤية ثابتة فيه لخبطة مافيش تطوير فيه حشو هيخلق ايه يعنى غير زهقان وملل واحجام عن نزول الكلية

  6. #6
    Pharma Student
    تاريخ التسجيل
    Oct 2007
    الدولة
    samanoud
    المشاركات
    192

    افتراضي

    اقتباس المشاركة الأصلية كتبت بواسطة Dr/HULK مشاهدة المشاركة

    عادى يادكتور هو دا العادى

    بتاع الطلبة

    بيخافوا يقولوا رألأيهم فى اى حاجة

    تبع الكلية

    ثقافة امشى جنب الحيط لحد مايقع عليك

    بجد اللى حضرتك قلته ده

    فايدته ان احنا مش بنتعلم حاجة

    لان لو كنا بنتعلم كان زمان ترتيب الجامعة اعلى من كده

    بس ده هو هدف التعليم الحكومى

    وهو تضييع المواهب لفتح المجال امام الجامعات الخاصة





    فعلا وانا اايد هذا الكلام



    لكن هقول رأيى بس محدش يزعل منى

    الجامعات المصريه تعتمد على تعليم نظام احفظ وانسى يعنى اهم حاجه ان الطالب يحفظ مش مهم هو بيحفظ ايه ومش مهم يفهمه لكن المهم يحفظ وبعد ما يتخرج يبقى ولا اكنه درس حاجه (ومن هنا جائت كلمه ان فيه واحد عنده خبره وواحد معندوش على الرغم ان الاتنين خاريجين كليه واحده لكن ده اكتر حاجه توضح اننا بندرس شئ والتطبيق العملى شئ تانى طب ليه يكون فيه كده طب ما نحاول نغير من نظام التدريس ده بحيث يكون الخريج عنده الخبره العمليه وان يكتسبها من كليته وليس بعد التخرج)

    وده طبعا واضح من المناهج وطرق تدريسها وكذالك الامتحانات وانا عن رأى الامتحانات تقيس مدى سرعتك فى كتابه و رص اللى انت حافظه بالنص اللى فى الكتاب يعنى طول ما انت حفيظ وبتكتب بسرعه يبقى انت كده ميه ميه لكن لو انت بتفهم كويس وطبعا كتابتك هتكون ابطأ لأنك بتفكر فى السؤال قبل ان تبدأ الاجابه يبقى المقبول هى اعلى مرتبه لك
    وكذالك امتحانات الشفوى والعملى وغيرها المنظومه التعليميه فى مصر لا تقارن ابدا بالغرب و اصبحت الان لا تقارن ببعض الدول العربيه

    لكن نيجى لنظام الدول الاوروبيه او الدول المتقدمه عاماّّّ نلاقى اعتمادهم الكلى على ان لا يتخرج الطالب الا بعد ان يكون مؤهل فعلا للعمل فى مجاله وقادر على تحمل مسؤليه وعبئ العمل
    يعنى مثلا مش اهتمامهم انهم يخلصوا محاضرات المقرر وخلاص دون استفاده الطالب
    ولا يعتمدوا على الحفظ لكن اهتمامهم بجزئيه الفهم والجزء العملى رقمواحد بالنسبه لهم لكن عندنا مثلا لن نستطيع ان نقارن العملى عندنا بالعملى عندهم يعنى مثلا عندنا بنلاقى الاهم ان الطالب يكون حافظ السكشن ويدخل يقعد يفتكر اللى حافظه ويطبق وده بعتبره نظام فاشل لأنه بيقيس مدى قدره الحفظ وسرعه ارتجاع ما تم حفظه لكى يطبقه
    لكن عندهم الاهم هو قياس مدى القدره المعمليه للطالب يعنى مش المهم يحفظ لكن المهم انه يطبق صح

    وفيه مثال على كده مثلا العضويه هل فيه طالب بعد تخرجه يقدر يدخل المعمل ويشتغل عضويه بناء على ما درسه لأ طبعا
    لكن احنا لازم نحفظ التجربه بمعادلاتها بالكميات ونحفظ الاسكيمه واحيانا تدخل الامتحان وتلاقى نفسك نسيت خطوه فمتقدرش تكمل
    لكن الاصح ان يتم تمرين الطالب على كيفيه عمل التجارب صح وقياس مهارته العمليه وليس مهاره الحفظ

    حاجه تانيه ليه هم الدكتور انه يخلص منهجه وخلاص حتى ولو كانت اخر محاضره قبل الامتحان بأسبوع (على الرغم من المناهج بها حشو كتير ممكن يتم شرحه دون حفظه وكذالك فيه كثير من الاجزاء ندرسها ولا نفهمها بسبب عدم التطبيق العملى لها) هل فعلا يقدر الطالب على الالمام بالمنهج وفهمه لكى يظل فى ذهنه بعد التخرج لأ طبعا ده حتى لو استطاع ذالك لن يظل فى ذهنه اكتر من اسبوعين بعد الامتحانات
    وغيرها من المشكلات اللى بصراحه بسببها بعتبر ان الترتيب اللى الجامعه واخداه يعتبر كتيير عليها وانهم كده كارمنا قوى كمان

    اسف يا دكتور انى اكون طولت فى الكلام او اكون اتكلمت فى كلام بعيد عن صميم الموضوع شويه

  7. #7

    افتراضي

    شكرا دكتور عطا الله على الموضوع والمقارنة اللى حضرتك أبرزتها
    بالنسبة لموضوع الردود فهقول ايه بس بعد اللى قاله محمد
    بس بجد الموضوع يغيظ ليه اطلبة مبيشاركوش فى الموضوعات التى تمسهم بشكل مباشر وفى صميم حياتهم
    على الرغم انه ممكن يدخل يرد على موضوع فى الترفيهى أكثر من مرة
    عامةمش موضوعنا

    فى رأييى المتواضع أرى ان الأختلاف الواسع فى ترتيب الجامعات العالمية يعود لأسباب محددة


    تعالوا نقارن بين جامعة خارجية م الجامعات دول والجامعات المصرية

    1-جامعة خارجية من قائمة ال500 :-
    التعليم عندهم هو رؤية ورسالة ..واجب والتزام نحو الوطن فاذا كان التعليم الأساسىهومنيضع الأساس ويبنى القواعد فأن التعليم الجامعى وشهادته هما من يعطى الختم النهائى بأن حامله شخص قادر على خدمة المجتمع وتطبيق علموه التى تحصل عليها.
    يعنى ان القائمين على العملية التعليمية ينظرون الى هذه المرحلة بأعين ترصد المستقبل
    أنهم لا ينظرون الى طلابهم على انه طالب قليل العلم جاء ليتحصل على شهادة ما
    ولكنهم ينظرون اليهم على أساس انهم المستقبل وعلى اعتبار ما سيكون فصار التعليم مسؤولية
    هذه المعلم الجامعى يدرس المادة وهو مرتقب يسعى ويبحث عن أفضل الطرق التى ستجعل هذا الطالب يؤدى مهامه فى المستقبل على أتم وجه
    ينظر الى الطالب كأرض يقوم بزراعتها لتثمر ثمرا طيبا تفيد الوطن والمواطنين -فما كان منهم الا ان اختار أفضل البذور
    وأحسنها ليحصد أفضل الحصاد وأطيبه
    أنهم يعتبون ان مرور الطالب بالمرحلة الجامعية وخروجه منها وهو غير مؤهل جريمة فى حق الوطن
    العملية التعليميةلديهم مقدسة ..والقصور يستلزم الأصلاح الفورى والعقاب ان استلزم الأمر
    التعليم عندهم هو أكثر من شهادة وأعمق من الزمن ..
    لأنه يدوم ويدوم وينتقل منجيل الى جيل بمدأ واحد
    وهو التعلم من أجل العلم ذاته والتعلم من أجل ان يعلم ويفيد غيره
    أصبح التعليم همة وروح مجتمع
    انه طريق فى الحياة ووظيفة الجامعة ان تمهد الطريق للسائرين فيه لينطلقوا دون عرقلة نحو بناء المجتمع والوطن

    طبعا ممكن أكون أضيفت لمحة افلاطونية مثالية على الناس دول بكلامى بس للعلم مش كلهم كده لكن أغلبهم كده
    الجامعة عندهم باختصار
    تهتم تحترم المجتمع وتساهم فى انتاج كوادر قادرة على حمل البلد ليواصل الرسالة


    جامعة مصرية عصرية :- التعليم عندهم هو رؤية ورسالة والتزام وواجب

    شفاهة دون فعل كلمات مكتوبة ومعلقة على كل قسم دون رؤية مايعبر عن ذلك على أرض الواقع الدكتور يرى الطالب انه طالب ولا يحاول ان ينظر اليه بغير ذلك لا أعلم ان كان نسى انه فى يوم من الأيام كان مثله فمن الله عليه بعلمه فرفعه بين عباده
    أو انه لايرى الطالب أهلا لأن يتعلم العلم منه ...
    الأستاذ الجامعى يدخل الى المحاضرة مهموم يتمنى انتهائها فور دخوله
    الحامسة مفقودة والجميع رفع شعار الأنا وأعمى عينه عن صورة الوطن
    وبشكل تلقائى تنتقل العدوى من الأستاذ الى طالبه
    وتحولت العملية التعليمية الجامعية الى سباق يلهث فيه الطلاب على الشهادة ولتقدير دون نظر الى مدى أستفادتهم من هذه الشهادة
    تحولت العملية التعليمية الى عملية سطحية لا تصل الى العمق الذى يحمل مجتمع او ينشأ جيل جديد
    توقف الأبداع والتطوير وأصبح جديد العلم كالقديم
    العملية التعليمية تعانى عطبا ما
    والكارثة ان هذه ليست المشكلة فلكل عطب من يصلحه
    ولكن المشكلة الكبيرة فى ان يعرقل الأصلاح بقصد وبنية مبيته
    التعليم الجامعى فى مصر لا يعانى بسبب الجامعة فقط
    ولكنه يعانى فى قدوم طالب غير مؤهل للوصول الى مثل هذه المرحلة
    طالب تعود على الحفظ وثقافة انجح وجيب درجةعالية
    ودون النظر الى اى معايير أخرى تقويمية
    مشكلة التعليم الجامعى عندنا مشكلة وطن كامل بجميع مؤساسته وفروعه وجميعنا شركاء فى الذنب من أول الطالب وحتى ...
    وحلها يستلزم ليس اصلاحا شاملا فى الوسط الجامعى ولا حتى على مستوى التعليم كله
    ولكنه يستلزم تغيير ا لثقافة أصبحت طبيعية على شذوذها
    ثقافة بلد الشهادات
    ثقافة الحفظ وورقة الأمتحان
    ثقافة رفض التطوير وكل ماهو جديد والتمسك بقديم فاحت رائحة العتق منه حتى أصبح لا يصلح لمجرد الخوف
    ...لمجرد الخوف من ان يضطرللتعلم او الدراسة من جديد
    ويتطلب احتراما أكبر للأستاذ الجامعى يشمل ذلك مرتبا محترما يغنى عن اى مصدر أخر ويجعل المدرس الجامعى متفرغ لطلالبه وبحثه .

    سأذكر موقف يؤيد موقفى على الرغم ان تذكرى له يؤلمنى يؤسفنى انى كنت من شاهدته
    اكر ان فى أحد المحاضرات زادتالكمية التى شرحها الدكتور عن الحد المعقول وفاق حتى العقول الحفيظة التى لا يهمها حتى ان تفهم ما يقال فانطلق الطلاب يطلبون استراحة بسيطة ليخرجوا عقولهم من بحيرة الحيرة التى غرقوا فيه ويلتقطوا أنفسهم -لعلهم يفهمون شيئا عند استكمال المحاضرة
    لكن الدكتور -والذى احترمه جدا بالمناسبةولا أعرف كيف صدر منه هذا القول- قال انه سواء كم كبير او كم صغير
    فانم لن تذاكروه الأن وستقوموا بشراء مذكرة المراجعة -مذكرات طبعا خارجية- وتجمعوا الحاجات دى قبل الأمتحان
    كم ذهلت من الموقف!!
    يا لها من دعوة صريحة لترك العلم -على الرغم من أنها قد تكون بلا قصد-
    ويالها من رسالة رسخت فى عقول الطلاب
    انها ثقافة الشهادة اللعينة التى حتى لم تترك أستاذا جامعيا محترم دون اصابة
    بعد هذ الموقف اعتقد انى بينت لماذا نحن فى ترتيب متأخر



    طبعا ما كتبته ليس السبب الوحيد فى تأخرنا فى الترتيب
    ولكن ارى انه مربط الفرس والأساس
    طبعا انا لا اريد ان اكون مجحفا فى حق الجامعة وأعضاء هيئة التدريس
    ولكن للأسف عدد كبير جدا من الدكاترة على هذا الوصف وعدد أخر راغب فى التطوير والنهضة لكنهم انقسموا الى من يتكلم ويعمل وأخرون تركوا كلماتهم معلقة على لوحات لم تترك فى نفسى سوى حلم أتمنى ان يتحقق

    شكرا مجددا على الموضوع واسف على الأطالة


  8. #8
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    ايها المشاركون الخمسة الأوائل جزيتم خيرا .
    كم كنتم ايجابيون فى المبادرة و ابداء الرأى.
    طيب فلنكن قوما عمليون.
    ادعوكم لتصفح موقع: جامعة هارفارد الأمريكية
    (الثانية على مستوى العالم) http://www.harvard.edu/-
    جامعة تايوان الوطنية
    (رقم 26 عالميا) http://www.ntu.edu.tw/english/ -
    جامعة الملك سعود
    (رقم 197 عالميا) http://www.ksu.edu.sa/Pages/default.aspx - جامعة كيب تاون فى جنوب افريقيا
    (رقم 405 عالميا)
    http://www.uct.ac.za/.
    طبعا بالمقارنة مع جامعة المنصورة حبيبتنا
    http://www.mans.edu.eg/
    الجامعات دى مختلفة عنا فى ايه؟
    ايه اللى نملكه عندنا لكن غير مفعل؟
    ايه اللى مفقود عندنا و نقدر نوجده؟
    بماذا يتميز الطلاب هناك؟
    الأبحاث - الـStaff-خدمة المجتمع
    ...... الخ
    يا للا نشوف و نقارن علشان نقدر نحط ايدنا على مواطن الخلل او قل من اين نبدأ لنصل الى القمة. قد نتعلم شيئا جديدا ممن سبقونا.
    ملحوظة: يمكنك تشغيل اداة الترجمة للعربية الخاصة بـgoogle
    همتكم يا أحباب.


    التعديل الأخير تم بواسطة Dr. Atallah F. Ahmed ; 30-09-2009 الساعة 01:12 AM
    "من لا يتقدم يتقادم .. فلا بصمة و لا أثر"

  9. #9
    Pb Elite
    تاريخ التسجيل
    Nov 2007
    الدولة
    Dakahleia
    المشاركات
    2,549

    افتراضي

    جزاكم الله كل خير يا أستاذنا دكتور عطا الله ..

    فعلا المفروض نحاول التعرف على أسباب تأخرنا ..

    و منها يبدأ الاصلاح ..

    لي مشاركة أخرى ..

  10. #10
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي


    اسف يادكتور بس انا دخلت بس عشان اسأل

    عبدالله سؤال بره الموضوع

    هو بس بيكتب الكلام ده كله امتى وبيجيبه منين

    انا معدتش بقدر اكمل مشاركته لاخرها

    لانها بقت مقالات


    باذن الله ادخل المواقع اللى حضرتك حطتها واقول رأيى

صفحة 1 من 9 123 ... الأخيرةالأخيرة

المواضيع المتشابهه

  1. مستحيل افرط فى الشنطة بتاعتى ابدااااااا
    بواسطة sara ahmed في المنتدى المنتدى الاسلامى
    مشاركات: 16
    آخر مشاركة: 02-08-2010, 11:39 PM
  2. الأوائل على اعدادى
    بواسطة rofaa في المنتدى الفرقة الاولى 2010
    مشاركات: 15
    آخر مشاركة: 10-11-2009, 09:18 PM
  3. «فيس بوك» يصل إلى 200 مليون مستخدم
    بواسطة Dr.Mohamed في المنتدى قسـم الكومبيوتر والانترنت
    مشاركات: 4
    آخر مشاركة: 13-04-2009, 10:46 PM
  4. ~*¤ô§ô¤*~المفاتيح العشرة للتفوق الدراسي~*¤ô§ô¤*~
    بواسطة dr..asma في المنتدى المنتـدى العـام
    مشاركات: 11
    آخر مشاركة: 29-09-2008, 02:35 AM
  5. المفاتيح العشرة للنجاح
    بواسطة mr_toxic في المنتدى التنمية البشرية وتطوير الذات
    مشاركات: 13
    آخر مشاركة: 23-12-2007, 03:38 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •