ساحه حوار الميكرو بيولوجى

[ms_Belladona]

ممكن أشارك في الساحة بتاعتكم ؟؟؟

انا عمالة أقول الساحة بتاعتنا منورة ليه

اتاري فارماسيستينا هنا
منورة الساحة يا جميـــل

أصل مليش نفس للساحة بتاعتنا ..

الموضوع دة جه في مصلحتنا
بس طبعا عايزين نفسك تتفتح عشان البيو
بس بعد ما دة يحصل تفضلي تزورينا كدة علاطول
لأن انا شخصيا بتفاءل بكلامك

ويا ريت تدعولي ربنا يهديني و أذاكر بيو ..

ربنا يوفقك يارب وتذاكري كويس وتحلي في الامتحان كويس ان شاء الله
انتي واحنا وكل المسلميــــن يارب

[زهرة الياسمين]

جزاك الله خيرا فارمسيستينا
بجد شرح رااائع
ربنا يوفقك في المواد كلها وفي حياتك وينفع بيكِ
وشدي حيلك عشان تتعينى باذن الله عايزين ناس فاهمه وحابه العلم عشان الطلبة تتعلم صح
وياريت تنورينا دايما

[dr queen]

جزاكى الله كل خير فارماسيستينا على شرحك الجميل ده
وعلى نصايحك الجميله لنا دايما ..

ربنا يفتح نفسك للمزاكرة ويوفقك وتجيبى اعلى الدرجات ،

وعايزينك تفضلى معانا برده ..

[queen]

لو سمحتو يا جماعة
لو حد معاه محاضرة دكتور رمضان الاخيرة ينزلها
اصل كانت معايا على الفلاشة واتمسحت
وربنا يوفقنا

[خير الله]

Antibiotics

ممكن أشارك في الساحة بتاعتكم ؟؟؟

أصل مليش نفس للساحة بتاعتنا ..

قصة المضادات الحيوية بدأت تقريبا عام 1877 بواسطة العالم Louis Pasteur و العالم Jules Francois Joubert علماء فرنسيين ..

كانوا بيفحصوا فطر الـ Pinicillium notatum تحت الميكروسكوب .. فحص له كفطر ..

يعني هما علماء أحياء أصلا ..

لاحظوا ان كل الكائنات اللي كانوا بيفحصوها حواليها أسراب من البكتريا .. عادي لأن الوسط مش معقم ..

الا فطر الـ Penicillium .. حواليه inhibition zone واضحة ..

لأنهم علماء فكروا طيب ليه ؟؟ و اشمعنى البكتريا مش قادرة تقرب من الـ Penicillium notatum
أكيد ان فطر الـ Penicillium بيفرز حاجة بتقتل البكتريا ..

وبدأوا يستخدموا فطر البنسليوم في علاج بعض الأمراض ..

و كان اكتشاف الـ Penicillin فتح كبير جداااااااا و نجاح رائع في تاريخ الحضارة الانسانية ..
وبدأ مجال الكيمياء الطبية يتعرف على هذا الـ Penicillin كمضاد حيوي و عرفوا انه فيه B- lactam ring ..
و بدأوا يطوروا و يخلقوا في المعامل أنواع عديدة من الـ Penicillins

............................

لكن البكتريا مش عبيطة .. ولا هتستسلم بسرعة ..

في أنواع من البكتريا اكتشفوا انها مقاومة للـ Penicillin ..
ازاي ؟؟
وجدوا ان الأنواع دي من البكتريا بتفرز انزيم اسمه B- lactamase enzyme .. يقوم الانزيم دة يكسر الـ b- lactam اللي في البنسلين .. و يلغي تأثيره .. و تفوز البكتريا في المعركة ..

العلماء قالوا للبكتريا .. احنا وراكي و الزمن طويل ..

وبدأوا يطوروا أنواع من الـ Penicillins لا تتأثر بانزيم الـ B- lactamase .. زي الـ Flucloxacillin و الـ Cloxacillin ..
معلومة مش عليكم .. الحاجات دي شغل الكيمياء الطبية .. دخلوا ذرة فلور و ذرة كلور في الـ Fluclocacillin
و دخلوا ذرة كلور بس في الـ Cloxacillin .. الكلام دة في المعمل ..
ويدخلوا ذرتين كلور مثلا ع المركب الأساسي يطلع الـ Dicloxacillin

دة التطور الطبيعي للأدوية ..

المهم الحاجات دي كانت قوية ولا تتأثر بالـ B- lactamase
عشان كدة حقنة ف Flumox مفعولها ممتاز و أغلى من حقنة الـ Ampicillin

المهم ..

ناس تانية قالوا ..
واحنا كدة هنبطل تماما نستخدم الـ Ampicillin و المضادات الحيوية اللي بتتكسر ؟؟ دة كدة خسارة ..

فكروا و قالوا .. لا مش هنرميها ..

لكن هنحط معاها مادة تانية اسمها B- lactamase inhibitor ..
حاجة تلغي تأثير انزيم الـ B- lactamase ..
زي الـ Clavulanic acid و الـ Sulbactam و الـ Tazobactam

والحاجات دي أيضا عبارة عن B- lactam ..

الحاجات دي اللي هي B- lactamase inhibitors أطلقوا عليها أيضا اسم Suicide inhibitors

كلمة suicide يعني انتحار ..
يعني هذه الـ B- lactamase inhibitors بتنتحر .. و تضحي بنفسها و تسيب انزيم الـ B- lactamase يكسرها هي .. و بكدة يفضل المضاد الحيوي الاساسي بتاعنا سليم ..


لأن الـ B- lactamase هيكسر حاجة واحدة بس .. احنا اديناه حاجة يكسرها بدل ما يكسر الدواء بتاعنا ..

عشان كدة حقنة Unasyn غالية بـ 21 جنيه

Unasyn = Ampicillin + sulbactam تنطق يوناسين ..
على ما أذكر ..

برده في Magna- Biotic فيه Clavulanic acid

Clavulanic acid .. ينطق كلافيولانيك أسيد ..

و يا رب يكون جزء المضادات الحيوية سهل و حلو عليكم ..

و يا ريت تذاكروه كويس جدااا ..

ويا ريت تدعولي ربنا يهديني و أذاكر بيو ..

السلام عليكم ورحمه الله
شكرا جزيلا على الشرح المتميز للجزء المعقد ده وبالتوفيق فى ماده البيو
ياريت يا جماعه تدعوا معايا لدكتورتنا الغاليه فارماسيستينا انه ربنا عز وجل يكرمها زى ما اكرمتنا باذن الله تعالى ويهون عليها الصعب زى ماهونته علينا
اااااااااااااااااااااااااااااااااااااااااااااااااا ااامين يارب العاااااااااااااااااااااااااااااااااالمين

[pharmacistina]

وجزاكم بالمثل ..

ربنا يكرمكم .. كلكم جميعا و الله اخواتي ..

و أشكركم على الدعاء لي و لفرقتي بالتوفيق في الـ Biochemistry

و أذكر دايما أستاذي الفاضل في مادة الميكرو .. د- سامي خيرة الله يرحمه و يسكنه جنة الخلد ..

و أنا و زمايلي وزملائي في الفرقة الثالثة تحت أمركم ..

ويا رب أقدر أشارك معاكم تاني ..

المشكلة بس ان في أزمة وقت ..

فربنا يكرمكم و يكرمنا ..

د- سامح , لوجيت تدور على تاريخ اكتشاف البنسلين هتلاقي علماء كتير سجلوا ملاحظات .. منهم واحد صيدلي و أنا أذكر اني سمعت اسم فلمنج دة قبل كدة .. لكن لا أحد ينسى فضل لويس باستير .. راجل طيب من أكتر الناس اللي الواحد بيحترمهم على انجازاتهم ..

دة حتى عملية البسترة أو الـ Pasteurization منسوبة ليه و هي أحد طرق القضاء على البكتريا ..
مشهورة اوي في اللبن عشان يفضل سليم أكبر فترة ممكنة ..

Best wishes

Pharamacistina

[monosh]

ماشاء الله عليكى فارماستينا....

ربنا يوفقك ويوفقنا جميعا ان شاء الله....

أنا حاسة ان العقاقير عملت Block لدماغى....

مش قادرة ادخل أى حاجة تانية حتى مجرد قراءة مش قادرة...

يارب عديها على خير المادة دى...صغيرة بس شديدة شويتين تلاتة.

[Dr Anonymous]

اليوم, 12:19 PM


واضح انك كنت داخل من غير الناركوتكس ومن غير الشفوي ..

انت خرجت من البيبر فتحت الموقع من الموبايل وعملت التوبيك ولا ايه

ربنا يسهل فى الميكرو ان شاء الله

لا طبعا كنت داخل بيهم ودخلت الشفوى بس عملت التوبيك وانا بمتحن الشفوى
-----

هاى ياجماعه ايه اخباركم معلش انا مش شاركت فى ساحه العقاقير لانى كنت تعبانه مووووووت اول يومين ويادوب زاكرت بالقوه عشان كدا مكنش عندى وقت ادخل ان شاء الله افضل اشارك علطول

ها ايه اخبار الامتحان انا شايفه انه مش حلو اوى ومش وحش طبعا جزء دكتوره منى جه خارج كل التوقعات اللى كان مزاكر عملى يحله

جزء دكتور حسن حلو بس فيه تركات كتير وتخدع بس طبعا الحمد لله اكيد فاق كل التوقعات مع انه مفيش جمل متكرره من الامتحانات لاول مره فى تاريخ الناركوتك

والشفوى كنت عند دكتور فريد بدريه بجد حقيقى دكتور رائع اسلوبه حلو جدااا

الحمد لله ماده وعدت ويارب تكونوا كلكم حليتم حلو فيها وبشكر اكيد اكيد دكتور حسن الراضى ودكتوره منى زغلول

وبالنسبه للمايكرو نبدأ ان شاء الله بجزء دكتور رمضان لانه اهم واكبر بس هو قال هيجيب سؤال شورت نوس والباقى زى الترم الاول

بالتوفيق للجميع

الف سلامه يا د/ساره ولو انها متاخره بس النت كان فاصل بقاله يومين

[tango]

بالتوفيق للجميع

[خير الله]

السلام عليكم ورحمه الله وبركاته
اخبار الميكرو ايه؟
انا بس ليا سؤال لو سمحتولى
ايه هو biotechnology
عايزه بس اعرف اساسه العلمى اصل بذاكر فيه ومش فاهمه اى حاجه
فياريت تفيدونا افادكم الله

-----
انا بحثت على النت ولقيت ده

Biotechnology means any technological application that uses biological systems, living organisms, or derivatives thereof, to make or modify products or processes for specific use."

Biotechnology can also be defined as the manipulation of organisms to do practical things and to provide useful products.

One aspect of biotechnology is the directed use of organisms for the manufacture of organic products (examples include milk products. For another example, naturally present bacteria are utilized by the mining industry .
Biotechnology is also used to recycle, treat waste, clean up sites contaminated by industrial activities (bioremediation), and produce biological weapons.
There are also applications of biotechnology that do not use living organisms. Examples are DNA microarrays used in genetics and radioactive
tracers used in medicine.