يعنى يا جماعة لما يبقى عندى محاضرة فيزياء من 8 ل 10 وبعدها بساعتين محاضرة عضوية مع العلم ان فرق الساعتين فيه برده محاضرة عضوية يبقى احضر فين استنى الساعتين فى الشارع ولا احضر فى مجموعة تانية وكمان لا فيه سكاشن للمجموعة دى ولا دى يبقى ايه الحل
انشطة طلابية ما اعتقدش (عن نفسى يعنى ) انى اقدر افيد حد وبالتالى مش هاعرف اشترك فيها يبقى ايه الحل يا دكاترة؟
يا جماعه بجد حرام كدا يعنى انا المفروض انى مسافرش واشوف اهلى وافضل قاعدة ف المنصورة طول الترم يعنى ؟؟؟
بلاش نشوف اهلنا !!!!!
انا نفسى اعرف كنت هموووووت وادخل الكليه دى علي ايه
يا ريت بس نقدر يعنى هما محاضرتين موش بحضرهم ف الجروب بتاعى
عشان اعرف اسافر اشوف اهلى بس كدا موش هسافر يعنى كدا حرام
ولا هو ذنبنا اننا عايزين نبقى دكاترة كويسين ونحضر
ما نكبر وخلاص !!!
وبعدين هما اسبوعين كمان ومش العدد ده كله هيحضر وبالتالى موش هيبقى فى تكدس كدا
بالنسبه للانشطه الطلابيه والله الواحد معندوش اى مانع وبحب كدا جدا وطول عمرى ف انشطه طلابيه من ابتدائى
بس انا موش لاقيه حد من صحابى يدخل معايا يشجعنى
بس دى كل الحكايه
عندكم حق يا جماعة والله احنا لو التزمنا بمجموعاتنا هنضيع وقت كبير جدا ومشكلة التكدس دى بتبقى فى الاول بس وبتبقى مسالة وقت مش اكتر وياريت فعلا يكون فية حل وخصوصا ان جدول جروبbسىء جدا جدا
وعلى فكرة يا دكتورة ponpona انا اشتركت امبارح فى اسرة وهى جميلة اوى و اعمالها كلهاخيرية جدا واحنا كتير فى اعدادى هناك يعنى انشاء الله هتلاقى كتير يشجعك
انا كمان فى مجموعة (ب ) وجدولها بجد وحش الترمين كمان مش ترم واحد وفيه ساعات كتير فاضية فى النص وده هيضيع وقت كتير اوى مننا ومن الواضح ان الترم ده اتقل بكتيييييييييييير من الترم اللى فات يعنى عاوزين نشد حيلنا من الاول
اسرة رسالة