المشاركة الأصلية كتبت بواسطة ..huda
بناء على هذا الجدول...رحت بعد ميعاد امتحاني بساعة ...اللي كان اخر ميعاد ...ماامتحنتش يعني !
المشاركة الأصلية كتبت بواسطة noureleman
سبقتني يا هدى كنت داخله أقولها
الإمتحان راح علينا
المشاركة الأصلية كتبت بواسطة dr.nour
ع فكره بسبب الجدول الغلط الى كان محطوط ناس كتييييييييييير جدا مش راحت ف معادها وانا طبعا منهم
بس لحقت اخر مجموعه عشان كان ميعادى ال قبلهم بس دكتور ممدوح قالى هاتدخلى بس هاتنقصى درجات على عدم معرفتك بالجدول ههههههه
وقالى ان المنتدى ده مش حاجه معتمده عشان تاخدى منها مواعيدك ده عشان الطلبه تهزر فيه ويتكلموا مع بعض كده
انا مش جايه اوقع لا سمح الله انا بس جايه اهدى النفوس
المشاركة الأصلية كتبت بواسطة عبدالله عبدالرحمن
حضرتك الكلام ده مش مقبول
ابدا
امال بقى المنتدى الرسمى لكلية الصيدلة
ده كلام ايه بالظبط
اذا كان الدكاترة شايفين فعلا ان المنتدى للهزار
فدى تبقى مشكلة كبيرة جدا
الدكتور ممدوح شارك على المنتدى فى قسم كلينكال
ومكنتش اتوقع انه شايف المنتدى بالصورة دى
!!!
ثانيا انا مش قادر افهم موضوع الجدول ده
هو الجدول اللى محطوط للحظة دى غلط
ولا انتوا اللى مأخذتوش بالكم ان الجدول اتغير..
المشاركة الأصلية كتبت بواسطة dr.nour
الجدول فعلا غلط يادكتور عبد الرحمن
واذا كان الكلام مش مقبول ف والله بجد انا مش باكذب
والكلام ده دكتور ممدوح قاله بنفسه ليا قدامى النهارده ف المكتب الخاص بيه وانا باخد منه اذن انى احضر ف الميعادى الى بعد ميعادى الاصلى قولتله نفس الكلام الى حضرتك بتقوله ان المنتدى ده خاص بالكليه وعليه كل مايتعلق بيها فقالى نفس الكلام اللى انا كتبته قبل كده بالحرف الواحد
وانا مش بافترى على حد وربنا شاهد عليا بس انا طبعا ماكنش ينفع اناقشه ساعتها ف موضوع المنتدى لانى اصلا جايه امتحانى متاخر وكان بامكانه يقولى مالكيش حاجه عندى
بمعنى اصح كنت محتاجاله يكون هادى ومش متعصب ف مش ينفع اتكلم ف حاجه هاتنرفزه ف وقت زى ده
واظن لو حضرتك او اى حد تانى مكانى كان عمل كده
ولا ايه؟؟؟
هشوف الموضوع ده بكره ان شاء الله
و واضح ان المشكلة كانت مع آخر مجموعتين بس
لان محدش اشتكى غير من المجموعتين دول
بس بكده يبقى الجدول كان متعدل للمرة التالتة !!!
و محدش نبه في المحاضرات انه اتعدل تاني ... لانهم في أول مرة نبهو انه اتعدل
و مطلوب من كل طالب بعد كده يعدي على الجدول كل يوم يتأكد من معاده