ليه ساكتين علي الظلم

[د/منار]

السلام عليكم ورحمة الله وبركاته

مرحبا دفعتي العزيزه اللي ياما شفنا الظلم سوا انا عملت الموضوع ده لان بجد في حجات كتيييير بتحصل في الكليه وبنبقي ساكتين وللاسف هنفرقع من الغيظ
انا الصراحه شفت ظلم بس الصراحه محولتش ادافع لاني بتحرج جدا فيا جماعه ياريت لو حد شايف نفسه اتظلم في حاجه يقول لان في ناس عندها القدره ع الدفاع مش زي حالاتي احنا بجد داخلين علي سنه مش سهله وهي تعتبر الصيدله فمينفعش نسكتت علي اي ظلم فيها سوء ف امتحانات نظري او شفوي او عملي او حقوقنا ف السكاشن او ف المحاضرات طبعا بالنسبه للامتحانات وبالذات لشفوي وبالاخص شفوي الميكرو كان قهر مش ظلم نفضل واقفين 8ساعات والباقي انتو عارفينه فبجد انا عملت التوبيك ده علشان نحاول نقلل اي خسائر ممكن تقابلنا السنه دي ويارت هيئةالتدريس يساعدونا

[dr queen]

شكرا ليكى يا د/منار على الموضوع ،

أنا حسيت انى اتظلمت فعلا ولكنى ما سكتش

عملت كتير واتكلمت كتير وكلمت ناس ومسؤولين كتير ،

ودعيت ربنا كتيييييييييييييير

وكتبت شكوتى هنا فى القسم لعل وعسى حد يحن علينا ..

انا عملت الموضوع ده لانى اتظلمت وغيرى كتير اتظلم
والاحساس بالظلم وحش اوووووووووووى واتمنى انك ماتكونش جربته
ولو ان لو كنت جربته كنت زمانك حاسس بينا ..

مش سهل عليك تشيل ماده زى العضويه فى سنة تالته
وخصوصا لو كان ده ظلم وانت متأكد من كده
احساس بالضعف وقلة الحيله وانك مهما عملت مش هتاخد حقك ده احساس مش سهل..

بس اللى انا واثقه منه أوووووووووووووووووووووى ان ربنا عمره مابيضيع حق ولا تعب حد ،
وانا راضيه بنصيبى بس انا عملت كده عشان ما ابقاش سكت عن حقى
حتى لو ماكانش منه اى فايده
وعشان لو سكتنا وحصل معانا كده تانى يبقى احنا اللى نستاهل اللى بيجرى لنا ..

ليه دفعتنا مظلومة بين باقى الدفعات السابقه والتاليه لينا ؟
وليه قسم العضويه بالذات ؟

سنة اولى جالنا امتحان كلنا عارفين كان عامل ازاى
وبيضرب بيه المثل على مستوى الكليه فى مدى سووءه ،
السنة دى ترم اول جه الامتحان سهل والدرجات كانت زى الـ..... (لا تعليق )
يا فرحتى !!!!!!!!

عرفنا ان العضويه مش سهله وناس كتير بتنزل فيها الترم الاول تانيه ،وبيعوضوا الترم التانى ويعدوا (ده كلام الدفعات السابقه ) ..
جه الامتحان بالمنظر اللى شفناه الترم التانى ،
يعنى مافيش اى نيه من الدكاترة انهم يخللوا الطلبه يعوضوا .. طيب لييييييييييه ؟؟؟

انا نزلت في العضويه ترم اول ،
وربنا عالم انا زاكرتها وتعبت فيها أد ايه ترم تانى عن الترم الاول ..
وحضرت المحاضرات الحمد لله ( وانا بعمل كده علاول )

وفى الاخر أجيب زى الترم الاول .. طيب ازاى !!!
وحتى الان ماشفتش حد جاب الترم التانى أكتر من الاول فى العضويه ..

انا نفسى اتكلم ونفسى كل الناس تتكلم ،

لانى تعبانه وبجد الاحساس بالظلم ده وحش اوى ،
لما الدكتور يعطيك فى الشفوى 23درجة
وتشيل ماده زى دى عملى وشفوى ونظرى ترمين عشان 5 درجات كان ايه اللى هيحصل
لو اخدناهم فى الشفوى ؟؟؟!!!
مع العلم ان ناس كتيييييييييييييييييير اووووووووووووووووووى بتروح لدكاترة الشفوى حسب مزاجها
وحسب الكوسه بتاعتها ،
وناس تانيه بتأخد التلاتين وهما واقفين بمجرد ما يقولوا اسمهم ،
انا عارفه ان ناس هتستغرب انى بقول كده بس ده واقع لابد منه ،
و انا من حقى على الكليه وعلى نفسى اولا وأخيرا انى ما اسكتش ..
وخصوصا فى وجود ادارة نظيفه ومتميزة زى اللى موجوده دلوقتى ..

أنا أسفه جدا ع الاطاله ،
ولو انى مهما اتكلمت مش هعبر عن اللى جوايا ..
وربنا موجود ومتأكده انى هيعوضنى ان شاء الله ..

وأنا بضم صوتى لصوتك

و الحمد لله على كل شئ ..

[Dr/HULK]

هقول رأيى بعدين..............

[محمد سمير]

اى مكان فى العالم فيه ظلم ياد/ منار بس الانسان ليه دور انه يقضى على الظلم اللى بيتعرض ليه لان لا يضيع حق ورائه مطالب

وربنا بيقول فى الحديث القدسى (ياعبادى لقد حرمت الظلم على نفسى وجعلته محرما فيما بينكم فلا تظالموا وكونوا عباد الله اخوانا)

ودورنا ان لو اتظلمنا ما نسكتش ولازم ناخد حقنا ولو ما قدرناش بقه ناخد حقنا نلجأ لله وندعوه ودعوة المظلوم مستجابه

nice topic dr /manar

[Ramy Saad]

إن شاء الله تالتة مايكونش فيها ظلم
والله السنة مش محتاجة كل ده
زي الناس اللي بتخاف من الثانوية وهي لسة مادخلتهاش مع إننا لما دخلناها كلنا قلنا عليها كانت سنوات جميلة وفرحنا في الآخر والدليل وجودنا في كلية الصيدلة

إن شاء الله السكاشن مش رخمة
مش طويلة زي سكاشن تانية ( مش زي العضوية مثلا أو العقاقير )

أما مشكلة الشفوي ديه فديه مشكلة بقالها كتير ويارب تتحل قريب
( إن شاء الله تتحل وتخلص ونخلص مش هتتحل بأكياس ماية )

[د/منار]

اى مكان فى العالم فيه ظلم ياد/ منار بس الانسان ليه دور انه يقضى على الظلم اللى بيتعرض ليه لان لا يضيع حق ورائه مطالب

وربنا بيقول فى الحديث القدسى (ياعبادى لقد حرمت الظلم على نفسى وجعلته محرما فيما بينكم فلا تظالموا وكونوا عباد الله اخوانا)

ودورنا ان لو اتظلمنا ما نسكتش ولازم ناخد حقنا ولو ما قدرناش بقه ناخد حقنا نلجأ لله وندعوه ودعوة المظلوم مستجابه

nice topic dr /manar

جزاك الله خير يا دكتر بس انا قصدي بج انن لازم نبقي راي واحد لان اكيد انا لو رحت لاي واح مسؤل لوحدي هضرب يكلامي عرض الحائط ولكن لو كنا مجموعه اكيد الموضوع هيختلف
-----
اما د/كوين فربنا معاك ويعينك بس صدقيني ربنا مش هيضيعك انا بجد لو حكيتلك قصتي هتبكي لاني شفت ذل ولكن..................هل من جيب
-----

إن شاء الله تالتة مايكونش فيها ظلم
والله السنة مش محتاجة كل ده
زي الناس اللي بتخاف من الثانوية وهي لسة مادخلتهاش مع إننا لما دخلناها كلنا قلنا عليها كانت سنوات جميلة وفرحنا في الآخر والدليل وجودنا في كلية الصيدلة

إن شاء الله السكاشن مش رخمة
مش طويلة زي سكاشن تانية ( مش زي العضوية مثلا أو العقاقير )

أما مشكلة الشفوي ديه فديه مشكلة بقالها كتير ويارب تتحل قريب
( إن شاء الله تتحل وتخلص ونخلص مش هتتحل بأكياس ماية )

شكرا لحضرتك د/ رامي علي مرورك بس انا اللي مزعلني مش ظلم المنهج لائما مكنتش استاهل اني ادخل صيدله انا اللي مزعلني ظلم بعض الدكاتره لان علي رأي د/ كوينليه هي تاخد 23 وغيرها ميساهلش وياخد 30 وهي ف الاخر تشيل الماده وغيرها يرتب اما بالنسبه للشفوي فلازم بجد نعملحاجه مينفعش اللي بيحصل لاننا بنتزل مش دكاتره والله انا شفت مناظر ف شفوي الميكرو الله المستعان لو حد بيصور هيقول ايه لي طلبة كليةالقمه (الصيدله) للجامعه المتميزه (المنصوره)
-----
يا جماعه انا الاول مكنتش في المنصوره وكنت في جامعه تانيه علي قدها وهي جامعة بني سويف بس اقسم بالله كان في احترام لينا وتقدير من اول العمال لحد العميد وكان اي حاجه احنا عايزنها بتتم بس انا قلت لا اروح لجامعه متقدمه زي للاسف جامعة المنصوره حسيت بظلم الله المستعان في اكتر من اني اول يوم في الدراسه واحده تحكيلي انها دبلرت لانها شالت 3 مواد من ضمنهم المواد الطبيه مع انه كانت جايبه في الفسيولوجي الترم الاول 73وحلت الترم التاني كويس جدا راحت راجعة الورقه بتاعتها لقت نفسها تجيب 145راحت للمسؤلين ربنايكرمهم قالولها استعوضي ربنا ومنقدرش نعمل حاجه
ليه واحد زي دي تشيل سنه كامله بسبب الظلم
-----
انا فعلا حبيت المنصوره علشان كده مش عايزه احس اني ندمت اني حولت

[محمد سمير]

مش هتندمى ياد/ منار انك حولتى المنصوره

وان شاء الله كله هيكون تمام

بس تفائلى كده

[MaHoRa]

يا جماعه فعلا ربنا مش بيضيع تعب حد انا كنت بستهتر وبشيل الماده علي درجه ولا في دماغي

والترم الاول في تالته تقريبا كانت درجاته زباله زاكرت ونجحت الحمد لله

تالته حاجه

والي قبل كده حاجه تانيه خالص وقسم العضويه طول عمره كده بس علي فكره غالبا بيبقي من العملي مش الشفوي والنظري مره نقصت 15 درجه وانا مطلع السامبل صح والدكتوره تقولي غلطات في السكيم مع انها بتاعه اولي وكانت فاضيه بناخد عليها درجات

وشيلتها علي درجه وانا ليا 15 درجه في عملي ترم واحد بس

هو العملي الي تصحيحه غريب بس في تالته بجد كويسه وبصراحه الي بيزاكر هيلاقي ( الكلام ده بعد مانجحت هههههههه )

[pharma princiss]

ربنا يعينكم على الظلم
بس لو حاسين انكم اكيد اتظلمتم يبقى قدامكم حل واحد علشان حقكم مايروحش هدر
انا سمعت امبارح عن قرار نزل السنه اللى فاتت من مجلس اداره جامعه المنصوره انه من حق الطالب انه يعمل تظلم وطلب اعاده تصحيح لورقته تانى وفى هذه الحاله بيقدم طلب لعميد الكليه او لرئيس الجامعه بيطلب فيها اعاده تصحيح الورقه الامتحانيه مره اخرى وبيتم تشكيل لجنه من اساتذه الماده وبيشرف عليها رئيس الجامعه وبيتم اعاده تصحيح الورقه الامتحانيه طبقا لنموذج الاجابه اللى بيسلمه استاذ الماده
ده ياجماعه لو شكين فى ان الظلم فى ورقه النظرى اما بالنسبه للعملى والشفوى فقدر الله وما شاء الله فعل
بس ياريت ماحدش يسيب حقه لو حاسس انه ممكن ياخده ولو بنسبه 1%
وبالتوفيق ان شاء الله ياجماعه

[قناع الذهب]

يا جماعة متقلقوش وخدوا الموضوع ابسط من كدة وشيلوا حكاية الظلم دى من دماغكوا خالص لان كل انسان معرض لخطا او سهو او يمكن ظلم غير متعمد او متعمد من بعض الناس بس دا مش معناة ان كل الناس وحشين والظلم منتشر فى الكلية لا ابدا والله العظيم
كليتنا جميله جدا والناس اللى فيها كويسين جدا جدا ومتواضعين من اقل حد فيها لاكبر حد مع بعض الاستتثناءات اللى تتعد على الصوابع
وممكن كمان دكاترة الاكسترنال يكون مفيش عدل شوية بس لازم نتفاءل وناخد الموضوع ببساطة
نذاكر كويس من الاول ونعمل اللى علينا وان الله لا يضيع اجر من احسن عملا بس اهم حاجة ننسى اللى فات لان تالتة كوم والباقى سواء اللى فات او رابعة كوم تانى فياريت نبص بنظرة تفاؤل كدة ونقول بسم الله الرحمن الرحيم ومنخافش وان شاء الله ربنا يكرمكواوتطلعوا تقولوا انها اجمل سنة فى الكلية زى ماحنا بنقول دلوقتى