اما النتيجة تبان بس الاول ربنا يستر
اى نعم انا مش متخيلة نفسى وانا ماسكة فيران وضفادع
بس بما اننا لازم بقى ومضطرين فانا مش هخلى فيهم حتة سليمة
لازم اطلع كل البلا اللى بيطلع علينا عليهم
انتظرونى ايتها الضفادع القبيحة
اما النتيجة تبان بس الاول ربنا يستر
اى نعم انا مش متخيلة نفسى وانا ماسكة فيران وضفادع
بس بما اننا لازم بقى ومضطرين فانا مش هخلى فيهم حتة سليمة
لازم اطلع كل البلا اللى بيطلع علينا عليهم
انتظرونى ايتها الضفادع القبيحة
ياه ده أنا بحب الفئران والضفادع أوى
بس خساره هتبقى فى التيرم التانى بس
مش كانت تبقى فى التيرمين
يارب يطمنا جميعا على النتيجة يارب
وإن شاء الله يادكاترة بجد انتو داخلين على أجمل وأمتع سنة ممكن تعيشها فى كلية صيدلة
وبجد هتستمتع بكل حاجة بتدرسها فيها ونصيحة عيشوا السنة دى صح من أول يوم ماتأجلش المذاكرة لأخر التيرم وربنا يوفقكم ونسمع عنكم كل أخبار خير
هتبقى زى الفل ان شاء الله
وشكلها هتبقى سنه كبيسه عشان احنا حظنا حلو اوى مش كده؟
احلى حاجه اننا هنلعب مع الفيران والضفاديع
اخيرا همارس هوايتى فى القتل و التدبيح
بس على فكرة فيرانا فيران ولاد ناس و متربيين ع عالغالى والجبنة الرومى يا جماعة
انتو طبعا عارفين كيلو الجبنه بكام دلوقتى
________
الطريف ان دكتور محمد منصور قال قبل كده ان تانيه اصعب من تالته
قولو يارب نطلع و النتيجة تبان الاول كده
انتو بتتكلموا قبل الهنا بسنة
ربنا يسهل و يسترها علينا
والضباب يروح و تنقشع الغيوم
يا جماعة والله أحلى سنة انا عشتها هيا سنة تالتة , واحلى تيرم جبت فيه تقدير كان الترم الاول فى تالتة (مع اعتبار ان نتيجة التيرم التانى لسة مظهرتش)
معظم المواد اللى هتدرسوها مرتبطة ببعضها (الفارما والاساى والمديسينال)
الفارما من اسهل وأمتع المواد اللى هتدرسوها , الترم الاول بيكون اصغر واسهل من الترم التانى شوية اما بالنسبة للعملى فبيكون مواضيع نظرية بتاخدوها زى<الصداع وفيرس سى واحتقان الزور ..الخ> وبتمتحنوا عليها شيت فى كل تيرم
الاساى هى تؤام الفارما واسهل من الفارما بكتير ومبتحتاجش مزاكرة من الاول يعنى ممكن تأجلو مزاكرتها للاخر علشان فى مواد اصعب منها بتكون محتاجة مزاكرة من اول يوم(الفايتو والمديسينال)
العملى بتاعها بيكون تجارب فيران وضفادع بس فى التيرم الاول شيت والتانى بقى بتشتغلو عملى
**ادعوا ربنا انه يجيلكو فار فى الامتحان لانه بيكون اسهل بكتير من شغل الضفادع وبصراحة شغل الضفادع مقرف بصورة فظيعة ( المفروض تجيب الضفدعة وتقطع راسها بعينيها بالمقص وبما ان معظم المقصات تلمه فالضفدعة هتتعذب معاكم وبعد كده تفتحو بطنها بالمقص وتبعدوا الاحشاء بتاعتها على جنب وفى الاخر بتحطو رجليها فى حمض HCL طبعا لازم تكون عايشة بعد ده كله والا التجربة تبوظ منكم
شغل الفيران بيكون عبارة عن حقن بس وبتلاحظو اللى هيحصل للفار وخلاص على كده من غير شغل الجزارة اللى هتعملوه مع الضفادع**
المديسينال بتكون نفس الفارما بالظبط (يعنى الادوية اللى هتاخدوها فى الفارما هتاخدوها فى المديسينال مع الاستركشر بتاعها)
مشكلة المديسينال هى الكم الهايل من الاستركشرات اللى عمركم ما هتشوفو زيها بس فى الاغلب بتكون مرتبطة مع بعض (يعنى كل كام مركب كده بيختلفو فى ذرة او اتنين)
العملى بتاعها شبه عملى التحليلية مع شوية اختلاف بس معظمه شغل تيتريشن
البيو هيا تانى امتع مادة هتاخدوها. فى التيرم الاول سهلة جدا ولذيذة لكن فى التيرم التانى فهيا تعتبر اصعب مادة فى التيرم التانى عشان كده حاولو تجيبوا فيها اعلى تقدير ممكن فى التيرم الاول.
العملى بتاعها سهل جدا سواء فى التيرم الاول او التانى بس فى التيرم التانى بيكون امتع لانكم هتاخدوا فيه تحليل البول والدم فبيكون ممتع
الصيدلنيات بقى طبعا معلهاش كلام طول عمرها سهلة وهتفضل سهلة وكمان ممكن تأجلو مزاكرتها للاخر
العملى بتاعها لذيذ جدا وهتضحكوا فيه لما تقولو بس. فى التيرم الاول هتعملو لبوس بمختلف انواعه
وفى التيرم التانى هتعملو مستحضرات تجميل <هتعملوا شامبو ومعجون اسنان وكريمات حلاقة وكام نوع كريم كده مش فاكر بيعملو ايه بصراحة
نيجى بقى لبعبع تالتة <<الفايتو >> بصراحة هيا اصعب مادة فى التيرم الاول لكن فى التيرم التانى بتكون سهلة شوية بالنسبة ليا هيا اسوا مادة جبت فيها تقدير فى التيرم الاول بس ناس كتير جدا جابت فيها تقدير . يعنى من الاخر على قد ما هتتعب فيها على قد ما ربنا هيكرمك فيها
الفايتو لازم تتزاكر اول باول ومينفعش تتاجل والا هتوهوا فيها
العملى بتاعها كويس ومعقول وفيه حاجات جديدة هتتعلموها
انا متكلمتش عن المواضيع اللى هتدرسوها فى كل مادة خليها لوقتها وان شاء الله هتعرفوها لوحدكم
المهم تشدوا حيلكم ومتخافوش من تالتة خالص وان شاء الله ربنا هيكرمكم فيها
ويا رب ما أكون طولت عليكم.