هتبقي مين?? وليه ??

[rose_pharm]

هتبقي مين.؟؟وليه؟؟ وهتعمل ايه؟؟

كل حد مننا ممكن يكون عنده شخصيه في دماغه معجب بيها او بيحبها اوي او متغاظ منها اوي او مش بيحبها خااااالص او عايز يغير فيها


وانا قاعده فاضية كده فكرت ممكن نعمل زي مناقشة بسيطة كده في صورة لعبة

لو قلنا لكل واحد في المنتدي يغمض عنيه ويحلم انه يكون شخصيه لمده شهر

ياتري هتكون مين ؟؟؟؟؟

لييه الشخصية دي بالذات؟؟؟

هتعمل ايه ياتري؟؟؟؟


سؤال تاني كده صغير بعد ما تجاوب بقي

مع حبنا وتقديرنا لعميد كليتنا طبعا د- محمود ابو بكر

لو انت مكان دكتور محمود عميد الكلية.... ياتري اول حاجة هتعملها ايه في الكلية ؟؟؟؟

يريت ناخد السؤال ده بجدية اكتر

[rose_pharm]

انتو مكسلين تردو يا دكاترة علي العموم الجو حر اكيد متضايقين من الحر هههههه

عموما هرد انا الاول

انا عن نفسي احب ابقي مسؤلة عن الطرق

عشان بصراحة مخنوقة جدا من حكاية رصف الطرق كل يوم يشيلو الطرق ويرصفو مش عارفة ايه السبب ما يشوفو حاجة تانية يشتغلو عليها تقريبا من يوم ما دخلت الجامعة بيشيلو الرصيف ويصلحو فيه مش فاهمة ايه الموضوع بالظبط

لا ويفضلو يرصفو كتير اوووووووي والعربيات متعرفش تمشي ويبقي الموضوع وحش اوي

هعمل ايه بقي
هعمل الشهر ده حالة طواريء لرصف كل طرق مصر في مده شهر ونخلص من الموضوع ده بقي ونشوف حاجة جديده بقي نشتغل فيها ونشجر الطرق كلها ونحط سلات مهملات في الطرق عشان منبقاش مضطرين غصب عننا نرمي في الشوارع ولا نشيل المهملات في شنطنا لحد ما نروح منظر بصراحة مش حضاري

اما بقي لو انا مكان دكتر محمود مع طبعا اعترافنا ان الكلية اتطورت كتير

اول حاجة هعملها اخلص الكلية الجديده وننقل المعامل اللي في الكلية القديمة ويبقي كله جديد في جديد هههههه

و مشكله الدواليب عشان تعبنا ودكتور محمود وعد ان هيبقي فيه دواليب

واخيييرا بقي هحاول اعدل المناهج واللي ملهوش لازمة هشيله من الكتاب علطول ههههههه وشكرااااا

[dr_orchida]

لا لا يا روز ابعدي عن الطرق دول تبعنا
عموما هوصل صوتك للمسؤلين
هههههههههههه

وانا عايزة ابقي مكان زاهي حواس
بجد بموت في اللي بيعمله وبحب قوي اكتشاف الحاجات الفرعونية الاثريه دي جدا
ممكن ابقي اشتغل مستكشفة بعد الظهر

هههههههههههههههه

وحلوه قوي فكرة الموضوع
تسلم ايديكي

[Mahmoud_Seif]

فكره الموضوع جميله ....تسلمي دكتور عليها .........

افكر في شخصيه كده وبعدين ارجع اقولكم عليها .........

لكم سلاماتي ......

[same7]

ياتري هتكون مين ؟؟؟؟؟

هبقى رئيس الجمهوريه

لييه الشخصية دي بالذات؟؟؟

هتمكنى من حاجات كتير

هتعمل ايه ياتري؟؟؟؟

هشدد على عقوبات وقانون الضرائب عشان نحل مشكله الفقر

وكمان هوزع الصحراء على على الشباب العاطل عشان نزرع ونوفر لنفسنا الحاجات اللى بنستوردها ونشغلهم والصحراء عندنا كتير ومفيش مانع نوزعها بشكل رمزى صحيح هتحتاج شغل كبير طرق ومبانى وكهرباء ومياه لكن اعتقد على فتره معقوله ممكن نلاقى الصحراء بقت حاجه تانيه

لو انت مكان دكتور محمود عميد الكلية.... ياتري اول حاجة هتعملها ايه في الكلية ؟؟؟؟

اولا هعمل اجتماع للدكاتره
واخليهم يتواصلوا مع الطلبه بأى شكل وينزلوا ورق يماثل ورق دكتور محمد العوضى بتاع سنه اولى وبلاش الكتب اللى مبتستعملش او نخلى الكتب زى كتاب الهستولوجى
وكمان اجتماع مع الادارين
ونلغى اقسام الحاسب والانجليزى والفسيولوجى وعلم النفس ونعملهم اقسام عندنا فى الكليه تحت سيطره الكليه عشان نلغى المهزله اللى بتحصل كل سنه فى المواد دى
بجد الواحد بيتعب لما يتعب ويذاكر ويلاقيه شايل الماده

واحاول اوفر المواد الكيميائيه فى المعامل لان ازاى ابقى شغال فى المعمل والماده تخلص منى واجى اطلب يقولوا خلصت اويجى كميه صغيره جدا يقولوا كل بنش واحد بس اللى يشتغل عليه
بجد بيتسلل احساس غريب لما اسمع او اشوف كده

بجد شكرا على الفكره دى
ونفسى بقى لو العميد يشوف المشاركات دى لان بجد اكيد الناس هتفضفض عن مشاكل كتير
لانها عايزه كليتها تبقى احسن كليه فى الجامعه

[black]

موضوع حلو اوى يا سارة بس هفكر شوية وابقى ارد عليكى

[نون نون]

لو حد مشهور


هبقى هتلر

علشان اى حد ميعجبنيش على طوووووووووووول وبلا تردد

[rose_pharm]

موضوع حلو اوى يا سارة بس هفكر شوية وابقى ارد عليكى

ونا منتظراكي سارة وميرسي لزوقك

لا لا يا روز ابعدي عن الطرق دول تبعنا

عموما هوصل صوتك للمسؤلين
هههههههههههه

وانا عايزة ابقي مكان زاهي حواس
بجد بموت في اللي بيعمله وبحب قوي اكتشاف الحاجات الفرعونية الاثريه دي جدا
ممكن ابقي اشتغل مستكشفة بعد الظهر

هههههههههههههههه

وحلوه قوي فكرة الموضوع
تسلم ايديكي

ميرسي اوي يا نسمه علي زوقك وطالما الطرق تباعكو ههههههههه نبعد بس وصيهم انتي شوية بقي علينا هههههه


وحلو تبقي مكان حواس بحس انه بيشتغل بحس عالي اوي

فكره الموضوع جميله ....تسلمي دكتور عليها .........

افكر في شخصيه كده وبعدين ارجع اقولكم عليها .........

لكم سلاماتي ......

ميرسي اوي دكتر ام منتظرة الرد

بجد شكرا على الفكره دى

ونفسى بقى لو العميد يشوف المشاركات دى لان بجد اكيد الناس هتفضفض عن مشاكل كتير
لانها عايزه كليتها تبقى احسن كليه فى الجامعه

ميرسي اوي للرد وبجد افكار حلوة اوي ويريت حد يسمع يارب المنتدي يكون متراقب ههههههههههههه

شكرا يا دكاترة علي ردودكم ومنتظرة البقية

-----

لو حد مشهور


هبقى هتلر

علشان اى حد ميعجبنيش على طوووووووووووول وبلا تردد

ههههههههههههههههههههههههه

ليه بس كده يا نون نون فين التفاهم


كده هتاخدي جايزة نوبل للسلام هههههههههههه

[monosh]

منورة يا سارة منتدى المناقشات...

كلامك جميل قوى مقدرش أقول حاجة عنه...

جميل اننا نتخيل....

بلاش بس نسرح كتير....

الحقيقة أنا لو نفسى أكون حد ...هحب أكون نفسى برده.

بس طبعا لقوانين التوبيك لازم نتكلم جد شوية ....

عايزة تكونى منين يا مونوش؟؟؟!!!

اه ...افتكرت.

بصى هما ناس كتير...بس الحاضر فى ذهنى الوقتى بالذات.

وزير الشباب...ايون وزير الشباب.

نفسى حال الشباب يبقى أحسن من كده..

بلاش نبص للجزء الجميل اللى بيدنا أمل ان الشباب فى مصر بادئين يطوروا من نفسهم ويتحسن حالهم..

بس تعالوا نبص للناس للى تحت شوية...

حال الشباب فى مصر بقى يرثى له بجد...وتدمع له العين...

الواحد بقى ممكن يعمل أى حاجة عشان يجيب فلوس...وصلت انه يبيع نفسه ويعمل اللى أبشع من كده كمان..

مش عارفة دى مسؤلية مين...

مسؤلية اقتصاد وسياسة بلد ...ولا ايه بالضبط.

ليه البطالة ليه الإدمان ليه الجرايم اللى بتملى الصفح والجرايد والتليفزيون..

والمتهمين شباب ...بل وأطفال..

ربنا يتولاهم برحمته...

مش هقول بقى أنا ممكن أعمل ايه...

كل اللى هقوله..

ان اللى عايز يعمل حاجة بيعملها ...على الأقل بيحاول..

وطالما انه نوى بها إرضاء ربنا سبحانه وتعالى ...ونوى بها الصالح العام..

وأخلص ذمته وضميره...

ان شاء الله ربنا هيقويه ويساعده ويذلل كل العقابات والصعاب اللى ممكن تعترض طريقه..

أخيرا..ربنا يوفق الجميع...

مرسيه يا سارة كان نفسى أرد أحسن من كده..بس بجد المشكلةدى خانقنى جدا..

-----

طبعا منقدرش ننسى الدور العظيم والفرق البارز جدا اللى د\ محمد بكر قايم بيه عشان يخلى كليتنا أحسن كلية..

واللى ان شاء الله عن قريب هتكون كده...

ربنا يوفقك يا دكتور...وأكثر الله من أمثالك.

__لو أنا مكان د\ محمود....وطبعا ليا عظيم الشرف.

ههتم بموضوع الدواليب أكيد فى المقدمة ...وكمان جدول المحاضرات والمعامل..

هتكلم عن مشكلتى...

من سوء حظى انى كل مرة رقمى بتغير فيها بيكون له أسوأ مواعيد..

أيام بيكون فيها فواصل كتيرة جدا...وأيام تانية كله ورا كله مفيش حتى فاصل للصلاة..

حتى امتحانات العملى....مادتين فى يوم واحد وقبلهم مادة وبعدهم مادة ..مفيش فاصل يوم واحد .

موضوع الجدول وطريقة وضعه ومراعاة المواعيد فى أيام الأسبوع دى ...برده محتاجة نظرة شوية.

وشكرا د\ محمود لكل اللى بيعمله علشان ولاده(اللى هما احنا طبعا)...جزاه الله عنا كل خير.

شكرا سارة ....توبيك فوق الرائع..

منتظرين منك المزيد....

[rose_pharm]

منورة يا سارة منتدى المناقشات...
ميرسي يا مني

كلامك جميل قوى مقدرش أقول حاجة عنه...

ربنا يخليكي يارب

جميل اننا نتخيل....

بلاش بس نسرح كتير....
منقدرش نعمل غير كده

الحقيقة أنا لو نفسى أكون حد ...هحب أكون نفسى برده.

بس طبعا لقوانين التوبيك لازم نتكلم جد شوية ....

عايزة تكونى منين يا مونوش؟؟؟!!!

اه ...افتكرت.

بصى هما ناس كتير...بس الحاضر فى ذهنى الوقتى بالذات.

وزير الشباب...ايون وزير الشباب.
يريت

نفسى حال الشباب يبقى أحسن من كده..
اكيد

بلاش نبص للجزء الجميل اللى بيدنا أمل ان الشباب فى مصر بادئين يطوروا من نفسهم ويتحسن حالهم..

بس تعالوا نبص للناس للى تحت شوية...

حال الشباب فى مصر بقى يرثى له بجد...وتدمع له العين...

الواحد بقى ممكن يعمل أى حاجة عشان يجيب فلوس...وصلت انه يبيع نفسه ويعمل اللى أبشع من كده كمان..
عشان يعيش ويريت حتي قادر يعيش

مش عارفة دى مسؤلية مين...
مسؤلية مين ولا مين دول كتير اوي

مسؤلية اقتصاد وسياسة بلد ...ولا ايه بالضبط.

ليه البطالة ليه الإدمان ليه الجرايم اللى بتملى الصفح والجرايد والتليفزيون..

والمتهمين شباب ...بل وأطفال..

ربنا يتولاهم برحمته...
اللهم امين

مش هقول بقى أنا ممكن أعمل ايه...

كل اللى هقوله..

ان اللى عايز يعمل حاجة بيعملها ...على الأقل بيحاول..

وطالما انه نوى بها إرضاء ربنا سبحانه وتعالى ...ونوى بها الصالح العام..

وأخلص ذمته وضميره...

ان شاء الله ربنا هيقويه ويساعده ويذلل كل العقابات والصعاب اللى ممكن تعترض طريقه..
اكيد

أخيرا..ربنا يوفق الجميع...
يارب

مرسيه يا سارة كان نفسى أرد أحسن من كده..بس بجد المشكلةدى خانقنى جدا..
معلشي مني ده الحال وكلنا شافينه بعنينا

-----

طبعا منقدرش ننسى الدور العظيم والفرق البارز جدا اللى د\ محمد بكر قايم بيه عشان يخلى كليتنا أحسن كلية..
اكيد

واللى ان شاء الله عن قريب هتكون كده...

ربنا يوفقك يا دكتور...وأكثر الله من أمثالك.

__لو أنا مكان د\ محمود....وطبعا ليا عظيم الشرف.

ههتم بموضوع الدواليب أكيد فى المقدمة ...وكمان جدول المحاضرات والمعامل..

هتكلم عن مشكلتى...

من سوء حظى انى كل مرة رقمى بتغير فيها بيكون له أسوأ مواعيد..

أيام بيكون فيها فواصل كتيرة جدا...وأيام تانية كله ورا كله مفيش حتى فاصل للصلاة..
معظم الكلية بتعاني من نفس المشكله وقليل اوي لما حد يبقي جدوله كويس اعتقد ان المواعيد هتبقي كويسة لو زاد عدد المعامل عشان محدش يضطر يقعد متاخر

حتى امتحانات العملى....مادتين فى يوم واحد وقبلهم مادة وبعدهم مادة ..مفيش فاصل يوم واحد .
انا برده كان عندي تلت ايام ورا بعض مش بلحق اخد نفسي

موضوع الجدول وطريقة وضعه ومراعاة المواعيد فى أيام الأسبوع دى ...برده محتاجة نظرة شوية.
صح

وشكرا د\ محمود لكل اللى بيعمله علشان ولاده(اللى هما احنا طبعا)...جزاه الله عنا كل خير.

شكرا سارة ....توبيك فوق الرائع..
ميرسي مني علي زوقك

منتظرين منك المزيد....

اسعدني ردك ومشاركتك جدا ويارب احلامنا تتحقق