.. مطلوب مندوبين دعايه للحكمه فـ السعوديه ..

[same7]

مطلوب مندوبين دعايه لــ شركه الحكمه السعوديه

ثابت 6 الاف ريال
2 الف بدل سكن
1.5 الف بدل سياره
3 تذاكر طيران اضافيه
تأمين صحى للاربع افراد
اجازه شهر مدفوعه الاجر
الجمعه اجازه
الاقامه هتبقى فـ جده

بس بتبعت سيفيهك على الميل ده

[email protected]

بيوصل للمكتب فــ القاهره
وهما بيبعتوه للسعوديه
فـ خلال اسبوع بيوصف رد بالموافقه
واحد تبعهم هنا بيتصل عليك ويخلص معاه كل حاجه

بياخد منك 6 الاف جنيه
وبتبقى هناك فـ السعوديه

بالتوفيق لكل اللى حابب يقدم

وكمان الراجل ده بيسفر لـ صيدليات بس على 4
ومعنديش اى معلومات تانيه عن عرض الصيدليات


وربنا يقدم اللى فيه الخير

[drsherbiny]

دكتور سامح لو سمحت يا فندم تجيبلي مصدر الاعلان ده للتاكد منه لاني شاكك فيه وفي اسلوب الاعلان

A.El Sherbiny
Boehringer Ingelheim

[same7]

ده يا سيدى مصدره كده بالظبط
دكتوره كانت شغاله ف صيدليه كنت شغال فيها
قالت لواحد شغال لسه هناك ان فى راجل بيسفر صيادله
المهم روحت قعدت معاه انا وصاحبى وده الكلام اللى سمعته منه


هوه حته السته الاف اللى بياخدهم دول
هما اللى ف ناس معترضه عليهم
لان مفيش صيادله بتسافر بفلوس
غير كده مش عارف

بس فده مصدره
ولا تقصد ايه يا شربينى
ولو عندى اجابه هقولك

[drsherbiny]

بص يا باشا السفر علي شركات له سستم معين
بيكون كالتالي
مكاتب متعاقده معا شركات في الخارج بتعمل فيها حاجة اسمها اسسمنت عشان يشوفوا انته كواليفيد ولا لا بعدين تبدا تعملو انترفيوهات في الشركات المتعاقده حسب احتياجتها والمكاتب دي يا اما بتعمل اعلانات في الاهرام يا اما انتا بتكون معاك تليفوناتها وبتابع معاهم

يا اما الشركات نفسها بتعمل اعلان في الاهرام وبعدين بتكلم الناس وتعمل معاهم انترفيوهات علطول هنا في مصر

وفي الحالتين مفيش فلوس بتتدفع لاشخاص معينين

وانا بشكرك يا باشا علي تعاونك معا زملائك وربنا يجزيك خير

موضوع ان واحد بيسفر صيادله والحوارات دي بتكون غالبيتها نصب ومص دم

[same7]

بص يا باشا السفر علي شركات له سستم معين
بيكون كالتالي
مكاتب متعاقده معا شركات في الخارج بتعمل فيها حاجة اسمها اسسمنت عشان يشوفوا انته كواليفيد ولا لا بعدين تبدا تعملو انترفيوهات في الشركات المتعاقده حسب احتياجتها والمكاتب دي يا اما بتعمل اعلانات في الاهرام يا اما انتا بتكون معاك تليفوناتها وبتابع معاهم

يا اما الشركات نفسها بتعمل اعلان في الاهرام وبعدين بتكلم الناس وتعمل معاهم انترفيوهات علطول هنا في مصر

وفي الحالتين مفيش فلوس بتتدفع لاشخاص معينين

وانا بشكرك يا باشا علي تعاونك معا زملائك وربنا يجزيك خير

موضوع ان واحد بيسفر صيادله والحوارات دي بتكون غالبيتها نصب ومص دم

هو قال السى فى اللى بتبعته بيوصل مكتب الشركه ف القاهره ف المنيل
ومنه للسعوديه
وبعدين يجيله تليفون يقوله خلص مع فلان وفلان وفلان من غير انترفيوهات ولا حاجه
قال بمجرد الموافقه على سى فيهك يبقى انت مقبول



انا عارف ان مفيش صيادله بتسافر بفلوس وممكن تسافر بمصاريف تخليص ورقها بس هنا

بس من رأيى لما ادفع 6 الاف جنيه واطلع على عقد مظبوط وتمام
اعتقد انه مفيهوش مشاكل لبعض الناس

وفى ناس ممكن تقولك لا مدفعش حاجه واستنى

وفى ناس تقولك اشترى فيزا حره وانزل ادور هناك على الشركات الكبيره علطول
كل واحد له فكر معين خاص بيه


وربنا يوفق الجميع


على فكره انا مليش دعوه بالراجل ده ولا بدافع عنه
انا معرفوش ومقعدتش معاه غير مره واحده يوم ما كتبت الاعلان ده

بس اعتقد انه واخدها تجاره لنفسه بيطلعله منها مبلغ معين بيظبط نفسه بيه

[drsherbiny]

لما ربنا يكرمك وتخلص يا سامح هيكون عندك ملكة انك تحكم علي الحاجات دي وتعرف ده نصب ولا مش نصب مفيش حاجة يا سامح اسمها هيتوافق عليه من السي في وخلاص والا انا اعملك اجدع سي في والدنيا تبقي زي الفل


انته بتقول اه المشكله لما ادفع واطلع علي عقد تمام مين قالك انه عقد تمام ؟؟؟ في واحد هيطلع علي عقد تمام كده من الباب للطاق من غير ايفاليويشن ولا انترفيوهات وبالصورة دي ؟؟؟؟؟

انا بقدر فيك حرصك ومبادرتك وانا مش بهاجمك ولا حاجة انا دوري كزميل مهنه اكبر منك اني ااقولك حاجة زي دي حرصا مني علي الزملاء لعدم خداعهم في الاعلانات المغلوطة دي


والله الموفق علي راي العسكر

[same7]

الف شكر يا كبير


وانا اسف يا جماعه

بس بعد اذنك ايه ايفوليوشن دى

[a_fouda2]

بس بعد اذنك ايه ايفوليوشن دى

Evaluation

تقييم

[same7]

Evaluation

تقييم

قرأتها ايفوليوشن

[drsherbiny]

احنا اسفين يا سامح


كنا نقصد ايفاليواشن