صفحة 1 من 9 123 ... الأخيرةالأخيرة
النتائج 1 إلى 10 من 89

الموضوع: امتحانات فى صحراء كلية صيدلة ولا وجود حتى للمياه الجوفية

  1. #1
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    Angry امتحانات فى صحراء كلية صيدلة ولا وجود حتى للمياه الجوفية

    باذن الله فى الموضوع ده مش هتكلم عن

    معمل العقاقير اللى مفهوش حتى مروحة اللى بنمتحن فيه

    ولا حتى على الشمس اللى بتضرب فى وش زمايلنا واللى بتأدى لتغيير الاماكن فى اللجنة

    ولا هتكلم برده عن لطعتنا خمس ساعات فى الشفوى فى الحر

    ده مشاكل الرد عليها هيبقى ان اعدادنا كبيرة .........الخ

    لكن اللى هتكلم عنه واللى ملوش اى تفسير

    الكلية دلوقتى بتركب اسانسيرات شىء جميل لراحة الدكاترة

    وجددت الجراجات لراحة سيارات الدكاترة

    لكن بقى اللى يغيظ ويجيب الضغط والسكر وكل الامراض المزمنة

    ان كلية بحجم كلية صيدلة مفيهاش مظلات عشان الحر لراحة الطلبة دا شىء ثانوى مش هتكلم فيه

    لكن المصيبة ان الواحد يبقى قاعد فى مكان مفيش فيه مية تتشرب

    حاجة تشل انك تروح تشرب تلاقى المية سخنة

    وتروح تشترى من السنتر تلاقى المية خلصت واللى موجودة لسه مش ساقعة

    وتفضل تلف فى الشمس عشان تشرب!!!!!!!!

    وده طبعا عشان مفيش حد من كليتنا فكر ان الطلبة دول بنى ادمين بيعطشوا

    لازم الكلية تركب تلاجات مية على الاقل خمسة لخدمة الطلبة فى الحر ده

    مش معقول نفضل ندوخ عشان نشرب مش كفاية بنمتحن فى الحر كمان ندخل شفوى عطشانين

    ومطلوب منى انى اجاوب

    ياريت حد يعبرنا فى الموضوع ده لان بجد الموضوع مستفذ جدا

  2. #2
    Pharma Student
    تاريخ التسجيل
    Mar 2009
    الدولة
    يارب فى الجنة
    المشاركات
    1,468

    افتراضي


    اللى ينرفز بقى اكتر لو لاقدر الله ولقيت مكان فيه شوية ضل يمشوك منه


  3. #3
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    اللى ينرفز بقى اكتر لو لاقدر الله ولقيت مكان فيه شوية ضل يمشوك منه
    لأ بجد ده شىء بسيط

    بالنسبة انك تقف 5 ساعات مستنى الشفوى ومش لاقى تشرب ولما تشترى حاجة ساقعة او مية من السنتر بتكون مش ساقعة عشان الضغط اللى عليهم فى الشراء

    فى الحر ده الواحد بيفقد اعصابه ومش بيقدر يكمل اليوم من التعب ده

  4. #4
    Pharma Student
    تاريخ التسجيل
    Jul 2009
    الدولة
    Away from the way
    المشاركات
    703

    افتراضي

    فعلا الموضوع مستفز جدا

    أنا بدأت أشك ان السنتر متفق مع ادارة الجامعة علينا
    مش معقول الصحرا اللى احنا بنتعلم فيها دى
    لا مية ولا مظلات

    انا صارف ع المشروبات النهاردة 9.5 جنيه
    وبردو كنت هموت من العطش
    يبقى الحل انى اجيب معايا تلاجة مية وانا جاى عشان اوفر فلوسى
    بس فاتورة الكهربا هتبقى على مين ؟

    دا حتى السلالم اللى هى الملجأ الوحيد وبيلومونا عليه
    بتبقى مشغولة جدا وماينفعش نشغل الطريق

    بس لازم نمشى تبع الحكمة اللى بتقول :
    "اطلبوا العلم ولو ف كليـــ صحراءـــة صيدلة المنصورة"


    وبزعل جدااا
    لما تلاقينا مش بنعرف نرتب الاولويات صح

    يعنى مثلا أنا كنت أتمنى
    اننا نقلل عدد المكيفات ف كل مدرج بمقدار واحد تكييف حتى

    ف سبيل اننا نشترى ميزان ديجيتال لكل معمل صيدلانيات
    مش معقول شغل الفراكشنات اللى بقى
    محظور علميا دا
    وغيره ف بقية الاقسام

    وربنا يكون ف عون الناس اللى بتمتحن ف المعامل ف الحر

    انا ولله الحمد بمتحن ف المدرج ابو تكييفات



  5. #5
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    انا صارف ع المشروبات النهاردة 9.5 جنيه
    وبردو كنت هموت من العطش


    ههههههههههه انا دخلت فى 22 جنيه من غير ماجيب حاجة اكلها كلها مشروبات المفروض انها ساقعة

    انا ولله الحمد بمتحن ف المدرج ابو تكييفات
    ممكن احسدك

    انا سمعت انه بيبرد المدرج لدرجة ان الطلبة بتطلب انه يتقفل

    فعلا حاجة تشرف

  6. #6
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    انا بمتحن في معمل الفارما ... حر و مفيش هوا

    أقصى أنواع الترفيه الموجودة هي ازازة مية ساقعة ... و مفيش كوباية

    كل أمنيتي انهم يخلوني أكتب على البنش مش على الديسك

    لان كده هيجيلي الديسك في ضهري على آخر الكلية

  7. #7
    Pharma Student
    تاريخ التسجيل
    Feb 2008
    الدولة
    المنصوره
    المشاركات
    118

    افتراضي

    انا فعلا كنت همووووووووت من العطش لدرجه انى شربت من ميه الخزانات وما ادراك ما ميه الخزانات والكائنات اللى بتعيش فى الخزانات دى على الاقل ضفاضع
    لدرجه ان الداده استغربت منى ومن اصحابى وقعدت تقولنا بلاش
    وكان لسان حالها بيقول دول دكاتره دول
    يييييييع
    لذلك فانى ومن موقعى هذا اطالب اداره الكليه بتوفير على الاقل تلاجه فى كل دور
    وازازه ميه معدنيه متلجه لكل طالب لحين تمام المشروع
    وشكرا سيدى الرئيس

  8. #8
    Co-Admin
    تاريخ التسجيل
    Aug 2007
    الدولة
    Away from the Away
    المشاركات
    5,843

    افتراضي

    بمناسبة الخدمات ...

    ايه السبب ان الحمامات الموجودة في الأدوار التاني و التالت و الرابع من مبنى ب

    مكتوب عليها " خاص بأعضاء هيئة التدريس "

    يعني لو طالب في الدور التالت في معمل و عاوز يدخل الحمام يا يطلع دورين و ينزلهم تاني
    أو ينزل دورين و يطلعهم تاني ...

    السؤال ... ليه في أصلا كده ... المفروض ان يكون كل الحمامات على مستوى واحد من النظافة و العناية

    ولا هيا هوجة انفلونزا الخنازير و النضافة خلصت خلاص ؟؟؟

  9. #9

    افتراضي

    انا بمتحن فى طرقه

    المشكله الكولديرات اللى جت كانت من الحكومه وكانت على درجه كبيرة من الجودة فباظت بعد ما اشتغلت باسبوعين واتكهنت ..

  10. #10
    Pb Elite
    تاريخ التسجيل
    Nov 2008
    الدولة
    In my own world
    المشاركات
    1,044

    افتراضي

    اقتباس المشاركة الأصلية كتبت بواسطة Anas مشاهدة المشاركة
    انا بمتحن في معمل الفارما ... حر و مفيش هوا
    و انا كمان انا كرهت الفارما من أبل ماخدها شكله كئيب اصلا

    أقصى أنواع الترفيه الموجودة هي ازازة مية ساقعة ... و مفيش كوباية

    كل أمنيتي انهم يخلوني أكتب على البنش مش على الديسك
    ده اسمه عذاب خصوصا للناس اللي مش طويلة ده بأه كرسي الاعتراف اللي بيأعدوا عليه المعتقلين

    لان كده هيجيلي الديسك في ضهري على آخر الكلية
    و لا فيه مروحة و لا شفاط و لا أي حاجة خالص
    السنتر اللي بيلم الناس من كل الدنيا أما جيت أعد فيه انطردت
    العذاب الرهيب بأه هو الشفوي انا بدخل للدكتور ميتة تقريبا و بروح افضل في غيبوبة 12 ساعة او اكتر كمان
    التعديل الأخير تم بواسطة Hope1 ; 20-06-2010 الساعة 08:20 PM سبب آخر: أهو أحسن بردو من الديسك اللي شبه بتاع مدرسة المشاغبين

صفحة 1 من 9 123 ... الأخيرةالأخيرة

المواضيع المتشابهه

  1. انت ندمت على دخولك كلية صيدلة؟؟؟؟
    بواسطة عائشة في المنتدى قسـم الخريـجين
    مشاركات: 39
    آخر مشاركة: 03-06-2011, 09:08 PM
  2. حملة ابدأ بنفسك .. حملة كلية صيدلة لـ 2011
    بواسطة AbU ElKhAiR-Let`s Go في المنتدى ليتس جو
    مشاركات: 73
    آخر مشاركة: 30-10-2010, 12:15 AM
  3. **من صيدلة القاهرة-->إلى صيدلة المنصورة .**عساكم من عوادة
    بواسطة w_eldali في المنتدى قسم المناسبات والأخبار الاجتماعية
    مشاركات: 13
    آخر مشاركة: 30-11-2009, 11:18 PM
  4. اول كلية صيدلة تحصل على شهادة الايزو 9001
    بواسطة m_pharmacist89 في المنتدى المنتـدى العـام
    مشاركات: 13
    آخر مشاركة: 08-05-2009, 10:26 AM
  5. اسأل عن وجود كورس اسعافات اوليه ولا لا
    بواسطة semsema في المنتدى الجمـعيه العلميـه
    مشاركات: 14
    آخر مشاركة: 18-07-2008, 09:17 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •