شركه سعوديه كبري تطلب صيادله للعمل

[..::ciZar_Resala::..]

لأ انا سمعت ان الناس الي عملت المقابله بيقولوا كده
-----
بس نسيت اقولك ان الشغل 12 ساعه متواصل ومفيش هزار

فااااااااااااااكس .. العقود بتتقطع و بيتكتب عقود تانية لما يوصلوا السعودية ..

مفيش حاجة اسمها 8000 ريال دى بتاتاً ..

آخرهم زى ما الدكتورة قالت 4000 ..

دا غير العجز اللى بيحصل و بيتخصم من المرتب لو شغال فى صيدلية كبيرة .. و الضغط عليها كبير .. عشان مش بتلحق تراجع طلبيات .. و مش بتاخد بالك كويس من البنغالة اللى معاك فبيسرقوك ..

[pharmacistina]

ويترى البنات ليهم حق ولازى كل مرة للشباب فقط

لا مش هينفع


البنات مينفعش تسافر السعودية بدون محرم , دة قانون

لازم محرم ,

المحرم دة يكون اخ أو أب أو زوج


صعبة في كل الحالات .. مش معقول هتاخدي والدك السعودية عشان يكون مرافق ليكي بس , و حتى الأخ مش هيرضى ولا هيكون فاضي , و طبعا الزوج مينفعش تفرضي عليه خططك , العكس هو اللي المفروض بيحصل باقتناعك


بالتالي ان بنت تسافر للشغل كدة لوحدها دة صعب أو مستحيل حتى من ناحية الشرع بتهيألي حرام و الله أعلم ..


الا لو في زوج هيسافر تسافري معاه تشتغلي ماشي ..


-----
بالنسبة للشباب , أنا أسمع انه الشغل بالذات في السعودية صعب و المعاملة وحشة و الانسان المصري بطبيعته عصبي و روحه في مناخيره مش بيستحمل

ولو الواحد هيسافر السعودية و يتهان بأي كلمة أو موقف , يبقى يخليه في بلده وربنا بيدبر لكل واحد رزقه و الله ..


ربنا يوفق الزملاء و يكرمهم