قصه سندريلا بس ايه أخر تشرد

[dr.gogo18]

أنا جبتلكم قصه سندريلا بس ايه أخر تشرد

تعالوا و شوفوا


مرات الاب : ** يا سندريلا اصحى يا ** كاك خابطة فى نفوخك


سندريلا : اييييه يا مرات ابويا خمسه وحقوم


مرات الاب: قومى يا ** قامت قيامتـك


وصحيت سندريلا وهى بتأفأف


مرات الاب : يـاله قومى اكنسـى وامسحى على ما اجى


سندريلا : وانتو رايحين فين ومتزوقين كده وكل واحده عامله نيو لوك


مرات الاب : رايحين حفله الامييير اللى حيختار واحده عشان يتجوزهـا


سندريلا : خدونى معاكو انا عاوزه اروح بليز


مرات الاب : بليز ايه يا معفنة وتروحى فين يا موكوسـه بلبسك المهرول ده انا عايزه ارجع الاقى البيت بيبرق


ومشيت مرات الاب وبانتها التلاته وقعدت سندريلا تعيـط وفجــأه طلعتلها الســاحره من البوتجاز


الساحره : مالك يا سندريلا ؟؟؟

سندريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع


الساحره
: ولا يهمك وطلعت من جيبها الموبايل وطلبت الاتليه بتاع مدام لولو يبعتو
فستان وجزمه اخر موديـل فرحت سندريلا ولبست وحطط الايشادو و الجليتور ورشت
البرفان

بس الساحره قالتلها قدامك للساعه 12 لازم ترجعى انا صعيديه ودمى حامى ومعنديش بنات تتأخر و لو اتأخرتى حترجعى زى ما كنتى
بلبسك المنتن وسط الناس يا بيئة

سندريلا : حاضر حاضر اما ساحره زبالة صحيح , خرجت سندريلا من البيت لقت الساحره مجهزة عربيةbmw


ركبت
سندريلا وراحت ع القصـر ولفت جمــالها كل اللى موجودين و اول ما عين
الامير وقعت عليها راح وطلب يرقص معاها و وافقــت نظرات ... همسات صمــت
ترررررررررن

ترررررررررررن


سندريلا : ده الساحره بتدينى ميسد .. يا خبر الساعه 12

وقامت طالعه تجرى قوم ايه وهى بتجرى فرده الجزمه اتخلعت خدها الامير المعجب و نده للوزير


الامير : يا وزير لؤى


الوزير : امرك مولاى


الامير
: خد الجزمه دى اسحبلى صورتها اسكانر و نزل صورتها فى كل الجرايد و ع
الويب سايت بتاع قريتنـا واكتب الى صاحبه هذه الجزمه التوجهه للقصـر
الملكــى

بنات كتير جدا راحو و يا سبحان الله الجزمه مجتش على مقاس
حد فيهم (ال يعنى سندريلا رجليها رجل معزه ) الى ان شاهدت سندريلا الاعلان
عن فرده الجزمه على ميلودى هيست وقامت بالتوجهه الى القصر
وتزوجت هى والامير وعاشو فى تبات ونبات



و خلفو تؤام ملتصق وشويه بنات

[M.32L]

ههههههههههه
لا توبك جامد بجد

[كليوباترا]

و خلفو تؤام ملتصق وشويه بنات


هههههههههههههه
قصة جميلة جدا
ضحكتنى قوى
ثانكس

[norhan_2020]

هههههههههههههههه اخر تشرد فعلا

[د///*مطحونة*\\\]

ههههههههههههه

فظيعة بجد
عندك حق فعلا فى حتة ان كل البنات راحوا يقيسوا الجزمة ملقوهاش على مقاسهم
انا مش مصدقة الحكاية دى
البنت سندريللا دى شكلها دفعت فلوس للبنات عشان محدش فيهم تيجى الجزمة على مقاسه والحكاية تبقى كوسة

شكرا على التوبيك الحلو دة

المرة الجاية بقا ياريت يبقى التوبيك عن سنووايت والاقزام السابعة
وياريت توضيح اشمعنا كانوا سبعة

[chocolata]

هههههههههههههههههههه

موضوع يتناسب مع روح العصر
سندريلا بين الاصاله والمعاصرة

تسلمى دكتور جوجو