مصر مصر مصر مصر
كنتي قوة وكنتي نصر
كنتي نسر وكنتي صقر
انتي دايما كل عصر
تبقي جنه وتبقي قصر
تبقي دايما في المعارك
بيكي دايما نستبارك
وفيكي دايما نقول
انتي يا مصر علي طول
انتي اللي جايبه دول
جايبه ولاد الاصول
اللاعيبه الشداد علي طول
اللاعيبه دول ولادك
دول عمادك
دول رجالك
في الشدائد يبقوا ايدك
في بطولاتك يبقوا عيدك
جابو ميداليه وكاس كبير
عقبال المونديال الخطير
يالا يا مصر علّي اسمك
علّي اسمك في العلالي
قولي انك مش لوحدك
ده وراكي شعب غالي
شعب ساندك شعب قالّك
كوني دايما في المعارك
يا مصر ياللي انتي معلمه
ما خلتيش حاجه مش ممكنه
علمتي التلامذه الصغيرين
ازاي يكونو معلمين
وخلتيهم كمان يقولو ا
احنا احنا موجودين
مصر ولادك فنانين
مصر ولادك رسامين
عمال وفقراء وفلاحين
بيقولولك ويعيدولك
يهتفولك و يغنولك
بيقولولك يا حلوة يااللي
يااللي ماليه الكون تملّي
مالياه نصر واماني
مالياه فرح واغاني
وده كله عشان تملّي
عشان خاطر عيون حبيبتي
اللي هيّا يعني مصر
اللي احلي في كل عصر
بقلم احد رواد البيت الأدبي