يلا...... امتحان التحليلية

[~Am@ny~]

الحمد للله
الامتحان كان كويس وطبعا بغض النظر عن اى غلطات فهو طبعا احسن من غيره
ربنا يوفقنا كلنا يارب ويعدى الفسيولوجى على خير ويسترها فى الشفوى الى اتأجل
وياله يا دكاتره هانت فاااااااااااااااااااااااااااااااااااات الكتير


بالحق يا جماعه مال طالبه صيدله كده كلهم قلبوااااااااا على نكت !!!ّ على العموم ميرسى
على سعيكم من اجل الابتسامه ولو لفتره صغنونه

[Mohamed Al Gohary]

سبقتنى والله .. انا كنت لسه داخل اعمل التوبيك كعادتى .. خير وانا وانت واحد ..

انا بقى فحكايتى حكايه .. بلا فخر .. انا كنت مذاكر لحد الـ titration curve يعنى مفيش لـ applications ولا الـ Non-aquous .. ومحدش يسالنى دخلت الامتحان ازاى ولا ليه اهه اللى حصل ..

المهم قايم تقريبا الساعه عشره .. فالمراقبه جت وقالت لى ايه عاوز تروح الحمام .. قلت لها لأ انا خلصت .. قالت هو الامتحان سهل ؟؟ قلت لها والله مش عارف .. قالت لى ازاى انت مش حليت .. قلت لها مش اوى .. قالت لى ليه .. قلت لها اصلى مش مذاكر اوى .. راحت مطبطبه على وقالت لى طب بس اقعد وسم الله وانت هتحل .. قلت لها انا مش مذاكر اصلا .. مش مذاكر وناسى .. قالت لى طب يابنى اقعد راجع .. قلت لها اراجع مين .. انا اللى حله اساسا معرفش محلول كده ليه .. انا لو الامتحان ده جالى تانى مش هحله بنفس الاجابات .. خدى بقى الورقه متحسسينيش بتأنيب الضمير ..

وانا عمرى ما هنسى الامتحان ده ابدا .. وهحاول اذاكر اى حاجه علشان الشفوى بكره .. بينى وبينكم كويس ان هو بكره علشان احاول اجمع اى حاجه .. ولو ان ده هييجى على حساب الفيسيولوجى ..

[Mohamed Al Gohary]

وانا بالمناسبه السعيده دى هقولكم على كام نكته ..

مرة واحد مخنوق من الدنيا كلها رن جرس الباب الساعة 10 صباحا
فتح
الباب لقى
وحدة مذيعة بتقلة ممكن نعرف بتعمل اية لما تقوم من النوم قال
انا
بقوم
من ام النوم بنزل ام رجلى اروح ام الحمام افتح ام الحنفية
اغسل ام وشى اروح ام الغرفة اقلع ام الترنج البس ام
البنطلون
انزل من
ام الشقة اركب ام الاتوبيس انزل من
ام الاتوبيس اروح ام الشغل وبعد ما اخلص ام الشغل ارجع ام البيت
وخلاص
فقالت المزيعة شكرا يا فندم ويلعن
ام البرنامج اللى خلانا نشوف ام وشك



تلاته كمان مع بعض

واحد شرب المر رجعه.
واحد خًُُلقه ضاق إداه لأخوه الصغير.
واحد عداه العيب إستنى العيب اللي بعده.


واحده كمان

عشرة صعايد بيركبو لمبة فى السقف واحد
ماسك اللمبة والتسعة
بيلفو
السقف


وكفايه كده .. وانتظروا المزيد بعد الفيسيولوجى ..

[B@Ssma]

هههههههههههههه
حلوة اوى النكت اللى قولتوها النهارده
شكرا دكتور انس ودكتور جوهرى ع النكت دى
والله انا حاسه انى حليت بس مش عارفه اللى انا كتبته صح ولا غلط
بس اللى مضايقنى ان التيتراشن كرف كلها عاملاه غلط
يعنى التمن درجات دول ف الباى باى
بصراحه اول صفحة ف الامتحان دى غبيه حاولت اكتب فيها اى حاجة وخلاص
يلا امتحان يفوت ولا حد يموت
خلينا ف الفسيولوجى احسن

[Ahm@d Mott@we3]

حسبي الله ونعم الوكيل فيك يا جوهري

يابنى يعنى بعد ماعقدتنا في أم الكرفات

كل شوية
الكرفات صعبة ... واقف عند الكرفات

وتيجى تقول محلتش لاكرفات ولا أبليكاشن
يلا حاول تعمل حاجة في اللى جاي إن شاء الله
وربنا معانا
قشطة

[queen]

ميرسى دكتور انس ودكتور جوهرى على النكت الجميلة دى
مع اننا مودنا وحش بس يلا

[ms_Belladona]

يالا يا جماعة عايزين نحمد ربنا علي ان الامتحان عدي وخلاص مع ان اكتر حاجة غيظاني ان في حاجات كتير كنت مذاكراها ونسيتها علي العموم حصل خير
بس احسن حاجة النهاردة النكت دي يا دكاترة بجد جميلة
اما بالنسبة للشفوي بتاع بكرة ده فلا تعليييييييييييييييييييييييق

[نسومه]

الامتحان كان كويس .. وكنت خارجه وحاسه ان اللى حليته كله صح بصرف النظر عن النمر اللى ما حليتهاش .... ولما قابلت اصحابى والحمد لله كل ما اراجع نمره القاها غلط... اقول اكيد اللى بعدها تبقى صح افاجا ان انا الوحيده المختلفه عنهم.... حتى ال titration curve بعد ما رسمتهم وعملت ال indicator وكنت فاكره ان ده هو المطلوب بس لقيت زميلاتى بيقولوا لازم نكتب PH فى كل حاله وان د/ناهد دخلت فى لجانهم وقالت لهم كده ......
الحمد لله على كل حاجه...
اما بالنسبه للشفوى والله انا حزينه من كده .. يعنى هنضيع يوم من الفسيولوجى وهو بجد مش ناقص....
والله الحاجه الوحيده الحلوه "النكت" ميرسى د/انس د/جوهرى...
وربنا يكرمنا جميعا.....
اسفه على الاطاله..

[Mohamed Al Gohary]

اهم حاجه الحاله النفسيه .. الامتحانات بتروح وتيجى ..

قشطه هههههههههههههههه

[Khaled Ali]

هو الامتحان الحمدلله كان معقول .. ربنا يستربقى و تطلع الاجابات صح و نعدي م الليلة الكبيرة ....ربنا يسهل بكرة ف الشفوي ..... و ان شاء الله ف الفسيولوجي و الترم ده يخلص بقى و نرتاح... و شكر يا شباب ع النكت الجامدة