صفحة 1 من 38 12311 ... الأخيرةالأخيرة
النتائج 1 إلى 10 من 377

الموضوع: ساحة حوار لطلبة ثالثه

  1. #1
    Pharma Student
    تاريخ التسجيل
    Jul 2007
    المشاركات
    19

    افتراضي ساحة حوار لطلبة ثالثه

    موضوع لقيت طلبه اولى وتانيه عملوه قولت ليه مانعملوش إحنا كمان
    اختاروا يا جماعه الموضوع اللى تحبه تناقشوه واتكلمو ا فيه
    مثلا إيه اكتر موقف كوميدى حصلك واسوء موقف فى الكليه حصلك
    مثلا إيه نظام الدورات اللى ناوى تدخلها السنه ديه وعلى فكره الموضوع ده مهم علشان انت كطالب صيدلى مش مطلوب منك التدريب فى الصيدليه بس لا ده فيه دورات فى مصانع وشركات ادويه وفيه دورات فى صيدله عين شمس والقاهره لازم تدخل فى معظهمهم علشان تطور نفسك وإلا مش هيبقى فيه فرق بينك وبين ال 1000 طالب اللى فى دفعتك
    مثلا إزاى نظمت اجازتك السنه ديه وعملت إيه واإيه اخر إنجازاتك
    على فكره من يوم نتيجه تالته ومحدش دخل المنتدى ده

  2. #2
    Pharma Student
    تاريخ التسجيل
    Apr 2007
    الدولة
    Mansoura
    المشاركات
    444

    افتراضي

    طيب الشات ده لتالتة القديمة بس ولا تالتة الجديدة كمان ممكن تدخل؟؟

  3. #3
    Pharma Student
    تاريخ التسجيل
    Jul 2007
    المشاركات
    19

    افتراضي

    الموضوع ياجماعه مفتوح لكل الطلبه تالته قديم وجديد وعلشان انا صاحب الأقتراح فانا اللى هابتدى
    فاظرف موقف حصلى لما كنت بأتدرب السنه اللى فاتت فى الصيدليه الدكتور قالى لف على الأدويه وأعرف المواد الفعاله والأستخدام والكلام اللى ملوش لازمه ده وبما انى كان لسه اول يوم ليا قعدت لفيت على كل الأدويه ولقيت أهمال شديد فى الصيدليه وحاجات خطيره تصوروا لاقيت الأدويه ال tablet مفتوحه من طرف واحد رحت حبيت ارجع النظام للصيدليه واعمل للدكتور مفاجأه رحت قافل كل العلب ومضبطها وميت قشطه وقولت بقه الدكتور هيعملى مرتب وهيخلينى رقم واحد فى الصيدليه بدل بتوع الدبلوم اللى فى الصيدليه ولما عملت كده جاى قوله لقيته اتخض وحط إيده على قلبه علشان يخضنى معاه وفهمنى على الموضوع وشكلى كان بصراحه نص كم بس بعد كده لقيته بيضحك ولسه لحد دلوقتى ذللنى بالموضوع ده ومارضاش يخلينى ارتب الوضع تانى وخلى الناس اللى موجوده معانا يصلحوا اللى لخبطه
    واسؤء موقف فى سكشن المعايرات لما دخلت ولاقيت جايلى ضفدعتين ولازم أشرحهم وبعد ماشرحتهم لاقيت الدكتور بيقول خلوا بالكم من الأسئله اللى فى الورقه وده اللى ماكنتش عامل حسابه رحت ماخلى زميلى اللى جمبى يملينى الأجابه وقعد يملينى ربع ساعه وبعد ماخلصت لاقيت المرحومين الأتنين ماتوا من غير ماأحطلهم المخدر وياعينى اتعذبوا لحد ماماتوا وراحوا الأتنين ومارضوش يجيبولى ضفدعه تانية وربنا انتقم منى وشلت الاساى معاى فى رابعه وقدر الله وماشاء فعل
    اما إزاى قضيت اجازاتى فبعدما رفض الدكتور الصيدلى اللىبتدرب عنده إنى اخش صيدليته طول ماهو عايش فواحد صاحبى دلنى على شويه نصائح للفشل ومارضيتش احتفظ بيها لنفسى وبهديها لكم :

    هل تحب أن تصبح فاشلا ا عيك فأنا أدلك على النصائح الثمينة كي تكون فاشلا
    1- اجعل هدفك في الحياة هو الراحة والاسترخاء
    2 - حب سريرك فهومملكتك الوحيدة
    3 - ارتاح بالنهارلتتمكن من النوم بسهولة في الليل
    4- العمل شيءمقدس، لذلك لا تقترب منه أبداً
    5- لا تؤجل عملك للغد طالما يمكنك تأجيله لبعد الغد
    6- اعمل أقل مايمكنك عمله، وحاول أن تجعل غيرك يؤدي عملك بدلاً منك
    7- لا تقلق لن يموت أحد إذا لم تفعل شيئاً، بالعكس قد يتأذى البعض عندما تعمل
    8- إذا أحسست بأن لديك رغبة في العمل، استرخي قليلاً حتى تزول تلك الرغبة
    9- لا تنسى : العمل مفيد للصحة،لذلك اتركه دائماً للمرضى

    اما بالنسبه ياجماعه للدورات فما شاء الله كل الاسر بتتنافس على موضوع الدورات وخاصه الجمعيه العلميه ورساله فياريت حد منهم يدلنا على الدورات اللى هتبتدى من اول السنه فى الترم الاول والترم التانى كمان
    ونشوفكم على خير يا صناع المستقبل

  4. #4
    Pharma Student
    تاريخ التسجيل
    Apr 2007
    الدولة
    Mansoura
    المشاركات
    444

    افتراضي

    انا اول مرة اتدرب في صيدلية السنة دي وطبعا من ساعة ما بدأت التدريب وبيحصل مواقف محرجة كتير
    مثلا حد يقول على دواء ليه اكتر من تركيز او اسمع اسم الدواء غلط او يكون عايز amp. وانا ادور على tab. كده يعني
    بس بجد مبسوطة اني بدأت التدريب على الاقل حاسة اني عارفة شوية من الادوية المتداولة وبحاول اعرف المواد الفعالة بتاعت الادوية دي على الاقل
    بالنسبة للدراسة من كتر ما سمعت عن تالتة حاجات متناقضة مش عارفة اكون فكرة عنها وانا داخلاها
    ناس تقول اصعب سنة في الكلية وناس تقول تانية هي اصعب سنة وناس تقول هي احسن سنة هتحسسنا اننا فعلا في كلية صيدلة فربنا يسترها معانا ويعديها على خير.... يا رب

  5. #5
    Pharma Student
    تاريخ التسجيل
    Apr 2007
    المشاركات
    189

    افتراضي

    التدريب كل اللي فيه ممارسة مش اكتر كل اما تتدرب اكتر هتحس انك احسن من الاول

  6. #6
    Pharma Student
    تاريخ التسجيل
    Jul 2007
    المشاركات
    19

    افتراضي

    انا شايف إن فيه حاجه ناقصه فى الشات بتاع تالته علشان كده فكرت إننا ممكن نضيف اخر نكته نزلت علشان نشجع الناس تدخل
    بيقولك مره واحد كان عنده قمل كتير فى شعره فراح لدكتور وقاله على مشكلته قاله احسن حل تغسل شعرك بميه سقعه فعمل كده وهونايم بالليل سمع قملتين بيكلموا بعض فسمع واحده بتقول للتانيه شفت ياختى الجو كان تلج إنهارده إزاى ده مات مننا 5 فالراجل اول ماسمع كده قال مش كفايه فراح للدكتور تانى فقاله طب خلاص إغسل شعرك بميه سخنه فعمل كده وهو نائم بالليل سمع قملتين بيتكلموا وواحده بتقول للتانيه شفت ياختى الجو كان مولع البارح إزاى ده مات مننا 10 فالراجل قال مش كفايه فراح للدكتور وقاله شوفلى بقى احسن حل فالدكتور قاله حل مشكلتك إنك تجيب راجل عنده قمل كتير زى اللى عندك وتناموا راسكم فى رأس بعض والقمل اللى فى رأسك هيحارب القمل اللى فى رأسه وهيخلصوا على بعض فالراجل عمل كده وهو نائم بالليل سمع قملتين بيتكلموا وواحده بتقول شفت ياختى جيش العدو هجم علينا البارح وقتل مننا 100 فالراجل فرح فسمع التانيه بترد عليها وتقولها هموا صحيح قتلوا 100 بس إحنا أسرنامنهم عشره الف
    وعفوا للأطاله
    ممكن يا جماعه تضيفوا نكت من عندكم وتخلوا كل الفرق التانيه تخش معانا كمان

  7. #7
    Pharma Student
    تاريخ التسجيل
    May 2007
    المشاركات
    1,587

    افتراضي

    ما شاء الله

    انا بحييكم اولا على فكرة الشات وربنا يوفقكم ويوفقنا جميعا
    ومعلش انا دخلت كده وانا مش من تالتة ولا حاجة

    وكمان ما شاء الله نكتة زى السكر والله.

  8. #8
    Pharma Student
    تاريخ التسجيل
    Apr 2007
    المشاركات
    189

    افتراضي

    لا حول ولا قوة الا بالله

  9. #9
    Pharma Student
    تاريخ التسجيل
    Jul 2007
    المشاركات
    19

    افتراضي

    نكته إنهارده يا جماعه بيقولكم مره 3 أصحاب رايحين يصطادوا حمام وكل واحد معاه الكلب بتاعه فكانوا كل مايضربوا نار على اى حمام وتقع كان كلبين بس بيجروا على الحمام والتالت يستخبى علشان بيخاف من صوت الرصاص فأصحاب الراجل عرضوا عليه فكره إنه يخلى الكلب بتاعه يحضر افراح فى الصعيد لمده 6 أشهرعلشان هناك بيضربوا نار كتير ومع الوقت هيتعود عليه فعمل كده وبعد 6 أشهر جايين يصطادوا فبيضربوا نار فالقوا الكلب بتاعهم بيزغرط
    ماحدش ياجماعه يعرف الدراسه إمتى والجدول نزل ولا لسه وشكرا يا جماعه

  10. #10
    عضـو هيئـة التـدريـس
    تاريخ التسجيل
    Jul 2007
    المشاركات
    162

    افتراضي

    سلامو عليكو .. ياشباب انا 3 قديم واهلا بكل الدكاترة الشات منور بالكل .... وصباح الفل معلش بقى لس صاحى !!!!!
    thanks alot...A.Elkamhawy

صفحة 1 من 38 12311 ... الأخيرةالأخيرة

المواضيع المتشابهه

  1. ساحة حوار لطلبة بكالوريوس 2010
    بواسطة wh_kaboo في المنتدى الفرقة الرابعة 2010
    مشاركات: 1084
    آخر مشاركة: 28-07-2010, 02:27 AM
  2. ساحة حوار طلبة تالته الجدد 2009 / 2010 " الترم التاني "
    بواسطة dr queen في المنتدى الفرقة الثالثة 2010
    مشاركات: 543
    آخر مشاركة: 27-07-2010, 05:29 PM
  3. ساحة حوار طلبة تالته الجدد 2009 / 2010
    بواسطة dr queen في المنتدى الفرقة الثالثة 2010
    مشاركات: 964
    آخر مشاركة: 16-02-2010, 06:36 AM
  4. ساحة حوار لطلبة بكالوريوس 2009
    بواسطة Alaa_Resala في المنتدى الفرقة الرابعة 2009
    مشاركات: 532
    آخر مشاركة: 08-07-2009, 05:51 PM
  5. ساحة حوار لطلبة أولى ( الدفعة الجديدة ) ... اتكلم من القلب ;-)
    بواسطة Dr.Sheko0o0o في المنتدى الفرقة الاولى 2008
    مشاركات: 1454
    آخر مشاركة: 13-07-2008, 09:11 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •