صفحة 1 من 2 12 الأخيرةالأخيرة
النتائج 1 إلى 10 من 14

الموضوع: التاريخ كما يجب أن يكون-بقلم د/كيوان-والمركز الثالث فى المسابقة الادبية

  1. #1
    Pharma Student
    تاريخ التسجيل
    Sep 2007
    الدولة
    senbellaween
    المشاركات
    1,743

    افتراضي التاريخ كما يجب أن يكون-بقلم د/كيوان-والمركز الثالث فى المسابقة الادبية

    قصيدة التاريخ كما يجب أن يكون
    خليك فخور
    أيوه فخور
    انك مصري مش طرطور
    ده مش غرور
    لو تعرف قيمتك
    لو تخلص عملك
    ترجع تاني زى زمان
    وسط الغابه أسد جسور
    خلي الناس تتكلم عنك
    زى بنايه بتكبر دايما
    اوعى تكون بيت مهجور
    راح أقول تاريخك
    وهعيد وزيد
    لاجل ما تعرف
    ان الضلمه بعدها نور
    ان بعد النكسه عبور
    ان الحزن أخره سرور
    ان الصمت لازمله ضمور
    الارض أكيد هتتعمر
    والفكر كمان
    مش عاوزنهم أبدا بور
    وادينا دلوقتي ف رمضان
    بيكبر عندي الايمان
    أقول أه
    المصري بان
    أه لو يفضل كده علطول
    الحال كان يبقى غير الحال
    الحال كان يبقى طبعا عال
    الحزن محال
    الصمت محال
    الكره محال
    والتاريخ بكره يقول
    المصري خلاني
    كما يجب أن أكون
    المصري زمان م الاحتلال عانى
    ضحى و قاوم ووقف وقفة رجاله
    قال لأه بأعلى صوته
    مصر هترجع بايدنا وايده
    فكروا في خطه متينه
    ترجع بلدنا لينا
    بدينا بثورة عرابي
    الناس قالولها عودي
    بعدين انضموا لسعد
    وف الثوره قالوا وعد
    بلدنا دي أمانه
    عاوزينها متصانه
    عانينا م الحربين
    الأولى والتانيه
    والمصري كان صاحي
    منمش ولا ثانيه
    وف حرب فلسطين
    أيوه كنا جامدين
    بس لولا الغدر
    لرجعنا منتصرين
    وف الثورة التحرير
    نالوا شرف كبير
    وبقى لينا رئيس
    جمهورى مش ملكي
    والاقطاع انتهى
    ورفع راسه المصري
    جالنا العدوان الثلاثي
    والعدو كان قاسي
    بس المصري اتعلم زمان
    ان العدو دايما جبان
    فكر وقاوم وبعدين خرج
    خرج أيوه م الحرب كسبان
    جمال قال ديليسيبس
    قالها ف الميدان
    القنال اتأممت
    ورجعت ف الحال
    النكسه كانت آسيه
    في يونيو
    ومين ممكن ينسى
    جمال قال اتنحى
    بس المصري قاله لأه
    خليك يا جمال ده احنا
    معاك هنرجع سيناء
    والأرض هترجع لينا
    ورثناها عن جدودنا
    وبانتصارتهم اهدينا
    جمال سمع الكلام
    ولا فكر ف السلام
    وقال اللي اتاخد بالقوه
    بالقوه يرجع أوام
    وأعلن الاستنزاف
    العدو منها خاف
    موارده قلت كتير
    دي الحرب هدفها كبير
    المصري أيوه انهار
    من موت جمال واحتار
    العدو كان فرحان
    وقال
    أخيرا مات جمال
    اللي واقف لنا ليل ونهار
    السادات جه بعدين
    على طريق جمال مشيين
    دبر وخطط أوام
    وقرر
    سيناء راح تتحرر
    العدو خرج مهزوم
    ف سته أكتوبر
    وأخد يلوم
    أصل السادات حسبها صح
    واسرائيل وقعت ف الفخ
    وبعد الحرب بقينا ف أمان
    في كامب ديفيد كان السلام
    السادات قال فلسطين
    ترجع لحدود سبعه وستين
    والعرب كانوا زعلنين
    م السادات مش مبسوطين
    ازاي يروح كامب ديفيد
    ومع العدو متصالحين
    الاتحاد اللي بين العرب
    انفك أوام يا للعجب
    وبعد السنين عرفوا الحقيقه
    ان السادات حب العرب
    دقيقه بدقيقه
    قال العرب لا ممكن أهينه
    دى المصلحه قدام عينه
    السادات اتاخد غدر
    من ناس عمرهم ما حبوا مصر
    وجه مبارك صاحب الضربه
    اللي كانت مفتاح النصر
    بنى وطور وعمر من جديد
    وقال النصر لازم يزيد
    ومرت السنين.............
    ودلوقتي شايفين انجازات
    عملها مبارك ف المجالات
    ولازم نقول فيه أخطاء
    الانسى بطبعه يا ناس خطاء
    بس النهضه عاوزينها تكبر
    والانجازات تكتر اكتر
    وف النهايه تحيه كبيره
    لكل واحد ف التاريخ
    كان له ولو كلمه جريئه
    قالها ف لحظة حب لمصر
    وصنع بيها نهضة عصر

  2. #2
    Pharma Student
    تاريخ التسجيل
    Feb 2008
    الدولة
    Mansoura
    المشاركات
    599

    افتراضي

    y3ny bgad msh 3rfa a2ol eh dah bgad esmo she3r wely ktbo sha3r bgad
    atmna eltwfe2 lsa7b elkaseda
    thanks

  3. #3
    Pharma Student
    تاريخ التسجيل
    Jan 2008
    الدولة
    algamalia-dakahlia
    المشاركات
    723

    افتراضي

    جميلة اوى اوى

  4. #4
    Pharma Student
    تاريخ التسجيل
    Aug 2008
    المشاركات
    96

    افتراضي

    جميلة جداا

  5. #5
    Pharma Student
    تاريخ التسجيل
    Sep 2007
    الدولة
    senbellaween
    المشاركات
    1,743

    افتراضي

    شاركونا فى التصويت لاختيار افضل خمس اعمال

    http://64.15.152.12/~pharmacy/forums...ead.php?t=5971

  6. #6
    Pharma Student
    تاريخ التسجيل
    Sep 2007
    الدولة
    senbellaween
    المشاركات
    1,743

    افتراضي

    الان صوت لاختيار افضل قصيدة

    هنا

    التصفية النهائية للمسابقة الادبية

  7. #7

    افتراضي

    [quote=mr_toxic;68548]
    قصيدة التاريخ كما يجب أن يكون



    خليك فخور
    أيوه فخور
    انك مصري مش طرطور
    ده مش غرور
    لو تعرف قيمتك
    لو تخلص عملك
    ترجع تاني زى زمان
    وسط الغابه أسد جسور



    ماتخفش يا دكتور او يا دكتورة
    لنا الفخر
    ومصر هى امى
    وان شاء الله نرجع اسووود


  8. #8
    Pharma Student
    تاريخ التسجيل
    Sep 2007
    الدولة
    senbellaween
    المشاركات
    1,743

    افتراضي

    فاكر د/ كبوان
    انت كنت متردد تدخل المسابقة
    وانا قلتلك طالما انت كاتب الكلام باحساس وصدق
    اكيد هيوصل للناس بنفس الاحساس والصدق

  9. #9
    Moderator
    تاريخ التسجيل
    Oct 2007
    الدولة
    In My Home
    المشاركات
    2,754

    افتراضي

    جميلة جداا

  10. #10
    Pharma Student
    تاريخ التسجيل
    Jan 2009
    المشاركات
    18

    افتراضي

    تجمعت الحروف وتشكلت لتصبح عقدا نهديه لصاحب القصيدة الرائعة التاريخ كما يجب ان يكون ياااااااارب ربنا يكرمك وتكون مولد شاعر فنان يمتعنا بشعر صادق الحس وفكر راقى

صفحة 1 من 2 12 الأخيرةالأخيرة

المواضيع المتشابهه

  1. وقد دق القلب المركز الاول فى المسابقة بقلم skelsemo)
    بواسطة Alaa_Resala في المنتدى المسابقة الأدبية الأولــى
    مشاركات: 18
    آخر مشاركة: 18-10-2011, 12:02 AM
  2. المسابقة الرمضانية الكبرى ... للعام الثالث على التوالي
    بواسطة Anas في المنتدى المنتدى الاسلامى
    مشاركات: 478
    آخر مشاركة: 21-09-2010, 05:01 PM
  3. رباعيات كيوان (1)
    بواسطة ahmed kewan في المنتدى المنتدى الأدبي
    مشاركات: 3
    آخر مشاركة: 27-03-2009, 03:29 AM
  4. مشاركات: 10
    آخر مشاركة: 14-11-2008, 10:35 PM
  5. نتيجة المسابقة الادبية الاولى.
    بواسطة Alaa_Resala في المنتدى المسابقة الأدبية الأولــى
    مشاركات: 28
    آخر مشاركة: 11-10-2008, 02:54 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •