صفحة 37 من 37 الأولىالأولى ... 27353637
النتائج 361 إلى 366 من 366

الموضوع: يوميـات BoNbOoNa في الصيدلية Rx 2 !

  1. #361
    Pb Elite
    تاريخ التسجيل
    Sep 2008
    الدولة
    .. مع الله ..
    المشاركات
    3,120

    افتراضي

    Day 20 ... Final Episode


    بعد مرور اكثر من شهر و نص في صيدلية ... بدأت ألاحظ تطورات جديدة ،



    في البداية كنت ألقب بـ " دكتورة "

    ثم ،،

    اكتشفت ان فيه القاب تانية الصيدلي بيتعرف عليها بعد ما يقف في الصيدلية فترة :

    1- أبلة \ أستاذة ، مع ان عمري ما فكرت اشتغل مدرسة ولا اي حاجة تمت بصلة لوزارة التربية و التعليم


    2- بنتي
    .. ( دي كنت بسمعها من أم محمد الله يرحمها )

    3- طنــط .. ( أطفال طبعا
    )

    4- كتكوتة ... الصيدلية المكان الوحيد اللي ممكن يتقال لحد فيه يا طنط و يا كتكوتة في نفس ذات الوقت


    5- باشا .... مش عارفة بعد كده هيسمونا ايـه ..


    لو حد اكتشف اسامي تانية يا ريت يقولنا

    ==================

    ==========

    =====




    تعرفوا اللـوجـو ده بتاع ايـه ؟؟




    ده بيكون موجود علي العلب و الصناديق المخصصة للتخلص من الحقن و الابر المستخدمة (sharps container )
    - طبعا الكلام ده في الدول المتقدمة -

    مفيش عندنا في الصيدلية حاجة مستقلة نرمي فيها الحقن ، بتترمي في الباسكت الكبير عادي مع علب الادوية الفاضية و الاوراق و الجرايد و اكياس الشيبسي ... الخ

    في صيدليتنا مش بندي حقن ،، عشان كده مش بنستهلك حقن كتير و الأغلب بيتباع مش بيستخدم جوه الصيدلية ..

    لكن أحيانا بيتعمل تركيبات تتطلب استخدام حقن

    اشهر حاجة أمبول الـ Epidron



    و بيتحقن جوه بخاخ الأنف Afrin



    بعد ما بنعمل التركيبة بتتقفل الحقنة بالغطاء و بتترمي في الباسكت الكبير



    - احيانا مع الزحمة بتتركن الحقنة علي احد الارفف و غالبا في الحالة دي الغطاء بيضيع
    فمدربتي بتقوم ترميها عادي في الباسكت من غير غطاء ..




    - في ابر تانية شائعة جداااا ، بتبقي صغيرة و بتتركب في جهاز معين بنشك بيها الاصبع و ناخد قطرة من الدم لعمل تحليل السكر




    المشكلة بقة ان الباسكت مش بيحلل اللي جواه ذاتيا ،
    في ناس وظيفتها توصيل الحاجات دي لمجمع النفايات
    و بعدين احتمال يكون فيه ناس بتفرز المخلفات عشان اعادة التصنيع "recycling" ( احتمال مستبعد شوية )
    طبعا اكيد في قطط و فران و كائنات أخري بتلعب في المناطق دي
    و في ناس غلابة بتدور علي لقمة تاكلها ..

    الخلاصة ان الحقن و الابر لما تترمي في الباسكت ده مش المحطة النهائية ليها ، لسه بتتنقل في اماكن تانية فيها ناس و احتمال كبير اوي انهم يتأذوا من الحقن دي ..



    يبقة ممكن الصيدلية تكون بتعالج البرد و السكر و الضغط و في نفس الوقت بتساعد علي انتشار الـhepatitis و أمراض تانية بتتنقل عن طريق الدم ..


    يا ترى الصيدليات اللي بيتعطي فيها حقن بشكل مستمر بتتصرف ازاي
    و الأهم السيرينجات اللي بتتصرف كل يوم من الصيدلية الناس بتتعامل معاها ازاي

    مش عارفة ..



    ممكن نحد مش المشكلة دي بإننا نستخدم علبة او حتي برطمان بلاستك و يبقي ده المكان اللي بنرمي فيه الحقن و الابر و اي حاجة حادة ،
    بحيث تبقي منفصلة تماما عن المخلفات التانية ..
    و ننبه الناس اللي بتستخدم الحقن خصوصا اللي بياخدوها بصفة مستمرة زي مرضي السكر مثلا ، الاستجابة مش هتكون بنسبة 100% بس علي الأقل هتحس انك قدرت تنصح الناس و تعمل حاجة مفيدة اثناء تدريبك في الصيدلية

    ==================
    ========
    ====

    .. Done ..



    كده انتهت " يوميات BoNbOoNa في الصيدلية " ..

    اشكركم
    جميعا من كل قلبي علي الدعم و المتابعة
    و سامحوني علي التأخير و علي أي تقصير أو خطأ صدر مني ،،

    اتمني الفكرة تستمر و الصيف الجاي ان شاء الله يتم افتتاح صيدليات كتير علي صفحات المنتدي أجمل و اقيم .. و اكيد ان كتب الله لي البقاء هتابعها بكل شغف


    في مواقف كتير مش بعرف الاقي كلام مناسب اقوله فيها ... و ده واحد منهم

    فقررت اختم بالدعاء اللي بدأت بيه في أول اليوميات


    اقتباس المشاركة الأصلية كتبت بواسطة BoNbOoNa مشاهدة المشاركة
    " اللهم اجمعني بهذه الوجوه الطيبة في رحاب جنتــك "

    ... اللهم آميــــــــن ..



    ~ الحمد لله الذي بنعمته تتم الصالحـات ~


  2. #362
    Pharma Student
    تاريخ التسجيل
    May 2008
    الدولة
    في أرض ٍ ..كل من عليها فان
    المشاركات
    634

    افتراضي

    اقتباس
    المشاركة الأصلية كتبت بواسطة BoNbOoNa

    " اللهم اجمعني بهذه الوجوه الطيبة في رحاب جنتــك "



    ... اللهم آميــــــــن ..
    آميــــــــن
    جزاك الله خيرا
    ونفع بك اينما حللت

  3. #363
    Super Moderator
    تاريخ التسجيل
    Sep 2007
    الدولة
    Mansoura
    المشاركات
    7,739

    افتراضي

    يا ترى الصيدليات اللي بيتعطي فيها حقن بشكل مستمر بتتصرف ازاي
    عندنا الدكتوره بتغطيها وبعدين ترميها عادى مع علب الدواء الفاضيه فى الصيدليه اللى كنت فيها دى اكتر حاجه هناك هى انهم بيدوا حقن للناس...تقريبا كل يوم كان حد يجى ياخد حقنه

    ======
    جزاكِ الله خيـــراً يا بنبونه على اليوميات من الجزء الاول والتانى وان شاء الله نشوف التالت
    ربنا يكرمك ويبارك فيكِ يــــارب
    فى أمـــان الله

  4. #364

    افتراضي

    جزاكم الله خيرا
    هذا الموضوع اصبح من الملامح
    الأساسية فى منتدانا
    ادعو الله ان يستمر
    ومن تقدم الى تقدم ان شاء الله


  5. #365
    Pharma Student
    تاريخ التسجيل
    Sep 2008
    المشاركات
    3,366

    افتراضي

    لو حد اكتشف اسامي تانية يا ريت يقولنا
    حاجه ., واحد قالى شوفيلى الروشته دى تقطعلها كام كده يا حاجه

    " اللهم اجمعني بهذه الوجوه الطيبة في رحاب جنتــك "
    اللهم امين .,
    جعله الله فى ميزان حسناتك يا بنبونه .

  6. #366
    Pharma Student
    تاريخ التسجيل
    Mar 2008
    الدولة
    mansoura and others
    المشاركات
    438

    افتراضي

    ربنا يكرمك ويجعله فى ميزان حسناتك

صفحة 37 من 37 الأولىالأولى ... 27353637

المواضيع المتشابهه

  1. يوميات BoNbOoNa في الصيدلية !
    بواسطة BoNbOoNa في المنتدى منتدى الصحه
    مشاركات: 538
    آخر مشاركة: 03-04-2011, 12:49 AM
  2. يوميات BoNbOoNa في الصيدلية !
    بواسطة BoNbOoNa في المنتدى أرشيف إكلنيكي 2010
    مشاركات: 555
    آخر مشاركة: 03-07-2010, 12:35 AM
  3. طرائف في الصيدلية
    بواسطة dr_emi في المنتدى المنتدي الترفيهي
    مشاركات: 34
    آخر مشاركة: 30-09-2009, 05:08 AM
  4. حرامى فى الصيدلية
    بواسطة اميرالرومانسية في المنتدى المنتدي الترفيهي
    مشاركات: 20
    آخر مشاركة: 15-03-2009, 11:19 AM
  5. الصيدلية المنزلية
    بواسطة Dr.Mohamed في المنتدى منتدى الصحه
    مشاركات: 10
    آخر مشاركة: 22-09-2008, 10:08 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •