الجدول دا فيه اييييه؟
السلام عليكم ورحمه الله وبركاته
ازيكم يا دفعه اعدادى
انا كنت ناويه اعمل التوبيك دا من زمان بس فضلت انى انتظر ظهور اول طالب منكم
التوبيك دا ها يكون فيه شرح بسيط عن الجدول
لأن فيه ناس كتيييييييير جدا مش فاهمه حاجه فى الجدول للأسف
وما يعرفوش حد اكبر منهم يفهمهم
دى مشاركه ليا فى توبيك هنا باشرح فيها الجدول لواحده زميله هأنقلها هنا علشان تكون ظاهره للكل
ولو فيه حاجه مش مفهومه
اسالوا عادى مفيش احراج طبعا
.gif "Fop (29)")
بصى يا ستى
فرضا ان انتى اسمك منى زيي كده وعلى الاساس دا هانفرض ان انتى رقم 800 فى كشف دفعتك
بدايه احنا هانتفق ان الدفعه مقسومه مجموعتين
مجموعه أ من رقم 1-500
ومجموعه ب من 501- لاخر الدفعه
يبقى انتى فى مجموعه اييييييه؟
ب
شاطره
.gif)
لو بصيتى للجدول هاتلاقى انه مقسم بالطول لايام الاسبوع الخمسه
وبالعرض الشرط كبيره عليها ارقام بدايه من 8 و9و 10 وهكذا
وشرط صغيره كلهم عليهم 30
الشرط الكبيره دى بتمثل الساعه 8 واللى بعدها تكون 8 ونص وهكذا
نرجع للجزء اللى بالطول
هاتلاقى ان كل يوم من الاسبوع مقسوم نصين
نص اسمه محاضرات فوق (النظرى)
ونص للسكاشن ( العملى ) تحت
احنا قولنا انك رقم 800 فى مجموعه ب
يبقى تمشى فى الجزء الخاص بالمحاضرات فى كل يوم وتشوفى المحاضرات اللى مكتوب جمبها ب يبقى اكيد دى محاضراتك
السكاشن دى بقى ها تمشى برضو فى كل يوم تدورى على رقمك
والمعاد اللى تلاقى فيه رقمك هايكون دا معاد سيكشنك
يعنى مثال
اول يوم يوم السبت عندك محاضرات من 8 الصبح ل12
دى اللى هيا محاضرات المجموعه ب
وكمان عندك سكشن كيمياء تحليليه ونبات
بس بالتبادل اسبوع واسبوع حسب التظليل
لو لاحظتى فيه سكشن رقمك مظلل وسكشن تانى رقمك فيه مش مظلل
يا رب بس تكونونوا فهمتوا الكلام الملخبط دا
.gif "Fop (23)")
