.. استفتاء .. لتقييم امتحان الكمياء العضويه ..

[طبيبةمسلمة]

أنا عندى الحل لهذه المشكلة ولن تجدوا له مثيل:::
اللجوء والتضرع لله \\\\
وصدقونى والله جربت الدواء ده كتير ونفعنى جدا
ياصحب الهم ان الهم مفترج:: أبشر بفرح فأن الصانع الله

[المشمرون للجنة]

ياااااااااااااه انا كنت مفكرة ان انا بس اللى بشتكى من قصر الوقت وتعقيد الامتحان

على فكرة دكتورة ماجدة منزلتش من مكتبها ولا جت وسالتنا يا جماعة محتاجين حاجه الامتحان كويس ولا اى حاجة وطلبنا وقت اضافى قالولنا دكتورة ماجدة منزلتش ومش حد هيقولها
ربنا ينجحنا يا دكاتره يااااااااااااااااااارب وتكون اخر تجربة لينا مع العضوية

وان شاء الله ربنا مش هيضيع تعبنا ونركز فى التحليلية الجميلة ودكاترتها الطيبين ان شاء الله
-----
وفعلا والله التضرع الى الله هو الحل الاول والاخير يارب يتقبل منا ولا يعاملنا بذنوبنا

[طبيبةمسلمة]

أنا هقول لكوا حاجة علشان كلنا نقول الحمدلله \\أنا لى واحدة زميلتى ف3 طب \\دخل زميلها متأخر الامتحان بعد نصف الوقت يعنى بعد ساعة \\ورفضوا يعطوا له وقت زيادة قولوا لى ده يلحق يعمل ايه فى الوقت ده مع العلم الامتحان كان تقيل جدا ومادة صعبة جدا ومحتاجة حفظ ده غير القلق الذى أصاب هذا الطالب\\الحمدلله \\احنا أحسن منه لان محصلناش اللى حصله
\\قال الله تعالى\\
::الذين قالوا لهم ان الناس قد جمعوا لكم فاخشوهم فزادهم ايمانا وعلى ربهم يتوكلون::
أتمنى نكون منهم \\الحمدلله على كل حال

[sara yousif]

حسبى الله ونعم الوكيل قدر الله وما شاء فعل اللى مكنوبلنا هنشوفه الحمد لله على كل حاجه

دكتورة ماجده نزلت وقالت انتوا اللى مكنتوش بتحضروا محاضرات ولو حضرتوا كنتوا حليتوا

[كوكى 66]

انا مع حضرتك يا دكتوره في اللي بتقوليه بس ده قضاء وقدر ربنا ... بس احنا في ادينا اننا نطلب وقت زياده احنا مش بنقولهم انتو جايبين امتحان صعب ولا لاه احنا بنطلب بس حقنا انهم يدونا وقت نحل مش اكتر ...بس للاسف احنا اللي مش بنطلب بحقنا

[ضياء القلب]

المشكلة ان لما دكتر عاطف دخل لجنتنا وقال هتاخدوا 10 دقايق زيادة قالنا هما 10 دقايق بس مش اكتر لاننا حسينا ان الامتحان طويل
يعنى حتى مستخسرينهم فينا

بس بصراحة حتى لو الامتحان سهل والوقت كفاية مينفعش كل شوية يدخلوا يصححوا ف الاسئلة ونزود حاجات تانية
والتشارت كلها مش واضحة ارقامها والطباعه ماشاء الله حاجه تشرف !!

بجد مهزلة ومش عارفة امتى طلبة صيدلة المنصورة هيخلصوا من روتين العضوية اللى كل سنة بنشتكى منه
الدكاتره يقولوا متقلقوش من الامتحان والوقت هيكون كافى
وكالعااااااااااااااااااادة
مفيش تنفيذ للى اتقال

[daylight]

المشكلة ان الامتحان وترني جداااااا ونسيت كل حاجه وحسيت ان دماغي اتضربت في خلاط
.... فضلت ادعي طوول الامتحان يارب انجح ...ودي اول مرة بجد اتوتر في امتحان كده وخلاني في الشفوي متنحة ومش مجمعة حاجة مع ان اسئلة الشفوي اللي جايالي كانت سهلة جدا
المشكلة بجد ان الدكتورة ماجده وكمان الدكتور حسن في اخر محاضرة اتكلمو عن الامتحان وكان الامتحان هييجي سهل وبسيط ويتحل لوحده ........ نقول ايه بقى الحمد لله......
-----
بس هما نزلوش نموذج الاجابة ليه ...انا كنت عاوزة اجمع انا هجيب كام ..

[Dr\Emy]

انا لحد الان مش قادرة افوق من الصدمة
وعايزة ابدا مزاكرة تحليلية مش قادرة خالص
ربنا بقي يستر ويكرمنا ان شاء الله
كل اللي نقدر نعمله ان احنا ندعي ربنا وهو عالم بمزاكرتنا وتعبنا في المادة دي
يا رب ننجح كلنا ان شاء الله

[dr corundom]

دكتورة ماجة فالت هتجيب الوقت الى المفروض نحل فيه السؤال ودا محصلش

الوقت كان وحش جدا جدا جدا

[madok]

يا جماااعة انا بجد بعد الامتحان ده حسيت اننا ضعاف اوى ...كل الناس بتاخد حقها بعد الثورة و اللى مخدوش لسا بيدوروا عليه و هيخدوه و احنا مستخسرين فينا ربع ساعة زيادة مع امتحان طويل و صعب زى ده بجد احنا كتير اوى كده علينا و مش كل تيرم نتظلم كده فى الامتحانات كفاية علينا صدمة امتحان الميكرو و قصر الايام اللى قبل العقاقير اللى كان كمان فيهم يوم شفوى الميكرو واللى اثر بشكل كبير على درجات ناس كتييييير فينا ... و لسا كمان منعرفش اللى جاى عامل ازاى !! ..اللى انا عايز اقوله اننا ادام شايفين ان لينا حق فى حاجة وان المفروض انهم غصب عنهم يحترمو راينا لان احنا مش عيال صغيرة بنلعب معاهم فلاازم منسكتش عالحق ده ولازم نغير ثقافتنا القديمة دى وكل واحد ليه حقوق و عليه واجبات و حرام ان ميكنش حد قصر و يتظلم كده ..
اللهم اضرب الظالمين بالظالمين و اخرجنا منهم سالمين يــــــــــــــــــــــــــــــــــــــــــا رب