مبادئ .....فكرت ولا لسة ؟

[...مصر...]

السلام عليكم ورحمة الله وبركاته
ازيكو يا اعدادي يارب تتبسطوا في الكلية كليتنا فيها حاجات حلوة وفيها حاجات ياريت تغيير وفي حاجات كتير اسباب تغييرها بايدنا بس للأسف مش بنعمل بيها
المهم ايه رأيكو كل واحد يسأل نفسه إيه المبادئ أو القيم اللي ناوي ألتزم بيها في الكلية لغاية ما أتخرج ؟ ممكن كتير يقولوا قيم ايه أنا زي ما أنا بس أنا بقول إنك ممكن تمر بحاجات تخليك تتغير وما تكتشفش كده إلا بعدين أو ممكن ماتحسش إنك اتغيرت مثلا
س1 لو سألتك إنت ممكن تدخن ؟ لأ طبعا إجابة كتير
لكن الغريب إننا كل مع كل سنة جديدة في الكلية بنكتشف إن الي بيدخنو بيزيدوا
س2 لو سألت الشباب أو الشابات انت ممكن تقعد عالسلم والناس يعدوا من جنبك ويخبطوا فيك
أكيد معظمنا مش ناوي النية دي بس الغريب إن ده بيبقى حاجة عادية جدا عند ناس كتير
وللأسف دي حركة تتنافى مع الشهامة اللي المفروض يتحلى بيها الشباب حتى لو مفيش كراسي قدام المدرجات وانت تعبت وقعدت فأقل حاجة إنك تقوم لما تلاقي حد عايز يعدي ...
س3 هل إنت رخم ؟ أو تحب يتقال عليك كده ؟
في كتير هيتقال عليهم كده ....
ليه ... لما يزعجوا اللي حواليهم في المحاضرة ولما ياخدوا أدوات ناس من غير استئذان حتى لو ناويين يرجعوها ولما ....
س 4 انت ناوي إيه مع البنات وانتي ناويه إيه مع الأولاد ؟
دا بالذات لازم تكون ناوي ومصر
وأكيد النية إن انت أو انتي ماتصاحبوش بعض لإرضاء ربنا سبحانه وتعالى
لو انتي مش ناويه على مبدأ انك ما تصاحبيش ممكن بخطوات الشيطان خلال مدة قصيرة تلاقي إنك بقيتي بتوقفي مع أولاد فلازم تمنعي أي حاجة ممكن توصل لده

كفاية كده عليكو عشان ماتتعقدوش ...
الحاجات اللي فاتت دي انت اللي بتنوي تعملها ولا لأ وعشان تستمر على مبادئك استعن بالله وإياك إنك تصاحب ناس بيعملوا حاجات كتير انت رافضها دايما لازم تقيم اللي انت مصاحبهم قبل ما تتغير ولازم تفضل ناوي الطاعة وانك ماتفوتش أي صلاة لأن حتى لو استأذنت تروح تصلي وانت في سكشن لو السكشن بيضيع وقت الصلاة فما فيش حد من الدكاترة هيمانع أبدا إن شاء الله .

[متفائل]

ولازم تفضل ناوي الطاعة وانك ماتفوتش أي صلاة لأن حتى لو استأذنت تروح تصلي وانت في سكشن لو السكشن بيضيع وقت الصلاة فما فيش حد من الدكاترة هيمانع أبدا إن شاء الله

جزاكم الله خيرا على هذه النصائح الثمينة
و ربنا ينفعنا كلنا بيها

و بالنسبة لنقطة الصلاة اعتقد أن الكلية انتهت من بناء المسجد و ده طبعا هيسهل الامور كتير

[Mostafa 3laa]

ولازم تفضل ناوي الطاعة وانك ماتفوتش أي صلاة لأن حتى لو استأذنت تروح تصلي وانت في سكشن لو السكشن بيضيع وقت الصلاة فما فيش حد من الدكاترة هيمانع أبدا إن شاء الله .

فى دكتور ف النبات وقف السكشن ونزلنا نصلى ف المسجد
تقريبا كان دكتور سيد المهدى

حاجه حبيت اقولها بس مش اكتر

وبجد موضوع القعاد ع السلم ده بيحصل كتير اوى
احنا كنا بنعمله

موضوع مهم فعلا لطلبه اعدادى وجه ف وقته

[شيماء حمزة]

جزاكم الله خيرا
بجد المبادئ دى مهم اوى كلنا نآخد بالنا منها . مش بس لطلبة اعدادى كمان لكل فرق الكلية

[...مصر...]

شكرا لمشاركاتكم وجزاكم الله خيرا إيه رأي الباقيين مش شايفين إن في مبادئ كتيرة لو اتمسكنا بيها هتكون حياتنا أرقى كتير أهم حاجة ما نقولش اللي حوالينا كده و أكيد كل واحد درس في الكلية كان في أوقات كتيرة مخير إنه يتمسك بمبدؤه أو لأ ويارب السنة دي ما نلاقيش إن اللي بيدخنوا زادوا ... يا رب

[muna7assan]

فعلا والله عندك حق فى كل كلمه
والكلام موجه طبعا لكل الطلبه اعدادى واكبر
مادام فيه غلط يبقى اكيد لازم يتصلح فى اى سن
جزاك الله كل خير

[loyalty]

فعلاً دخول الجامعه ده عامل كأن طفل دخل عالم جديد لسه بيكتشفه ومنبهر بيهولازم هيصطدم بحجات جديده وصعبه يمكن مشفهاش قيل كده ولإما يتعلم منها ويحذر الغلط لأمااا هيلاقي الغلط شئ عادي

انا بقترح لو الكليه نظمت زي برنامج لمده إسبوع
وإختارت دكاترة ونماذج من الطلاب الكليه الكبار
وعملو ندوات للطلاب الجداد بتوع إعدادي
وبلاش الكلام النظري يكون مثلاً قصص حقيقيه حصلت ومشاكل واجهت ناس بالفعل
ويا ريت لو طلاب أولى وتانيه وتالته ورابعه إشتركوا إنهم يقولو تجاربهم في الكليه والمواقف إللي مروا بيها

ده مجرد إقتراح

[dr...meshmesha]

فعلا ابوخ حاجه القعده على السلم بالذات بالنسبه للشباب وياريتهم بيقعدوا وبس لاء دول كمان ممكن يتكلموا على اللى رايح واللى جاى

[...مصر...]

السلام عليكم
في مبدأ كمان ياريت نتمسك بيه .............النظافة !!!
احنا في الكلية وبنتكلم عن المبدأ اللي بنكلم الطفل اللي عنده سنتين عليه !!!
لكن لازم نتكلم عنه لأن منظر المدرجات بعد المحاضرات يكسف ! دا الغير الحاجات المتكسرة مننا في السكشن اللي ممكن نسيبها وللأسف كل المدرج ده بيكون في واحد بس مسئول عنه ويشيل أكياس الشيبسي والمناديل ... يعني الموضوع كمان يتعلق بالرحمة هل نحب اننا نشيل الحاجات دي لغيرنا خلو بالكوا
قال رسول الله ( لا يؤمن أحدكم حتى يحب لأخيه ما يحب لنفسه )

[MoRsY]

السلام عليكم
في مبدأ كمان ياريت نتمسك بيه .............النظافة !!!
احنا في الكلية وبنتكلم عن المبدأ اللي بنكلم الطفل اللي عنده سنتين عليه !!!
لكن لازم نتكلم عنه لأن منظر المدرجات بعد المحاضرات يكسف ! دا الغير الحاجات المتكسرة مننا في السكشن اللي ممكن نسيبها وللأسف كل المدرج ده بيكون في واحد بس مسئول عنه ويشيل أكياس الشيبسي والمناديل ... يعني الموضوع كمان يتعلق بالرحمة هل نحب اننا نشيل الحاجات دي لغيرنا خلو بالكوا
قال رسول الله ( لا يؤمن أحدكم حتى يحب لأخيه ما يحب لنفسه )

معاك يا دكتور في كل كلمة قلتها وطبعا (النظافة من الإيمان)