اللي بيفتح حنفيه البلطجيه هو اللي بيقفلها
الناس اللي بتتكلم كتير اوي عن ان احنا دايما بنظلم الشرطه و الشرطه بريئه
من ناس قرايبي في الداخليه الضباط بيسمعوا الاوامر بالحرف و الاوامر تراخي و دلع سيبوهم يولعوا في بعض
مبدأ فيها لاخفيها يعني
الاوامر تسلسليه وزير داخليه قوي يصدر اوامر لمديرين الامن يلموا البلطجيه ف ساعه
لما النظام القديم (او مش قديم لانه لسه موجود)كان بيستخدم البلطجيه لصالحه في الانتخابا و ف غيرها
و الضباط اللي بيعملوا اتاوات و بيدوسوا علي الناس زي الحيوان او اقل
نثق فيهم ازاي؟؟
حلها كان بسيط اوي من اول يوم في الثورة
نقضي علي الفساد و نشيل القيادات كلها حتي لو كان فيهم ناس كويسه مع اني اشك في كدا
وبعد كدا نحاكم المذنب
بس مش تبقي بتتهمي واحد بقتل المتظاهرين و سايباه بيشتغل في مكانه وليه سلطاته؟؟؟
دا اسمه ايه؟؟غباء!!! لا طبعا محدش غبي في السياسه دي طلعت بحر قذر
طبعا اسمه تواطؤ
لا وكمان مساعدي الكلب العادلي يترقوا و ياخدوا مرتبات اكتر......ليه بتكافؤوهم كمان علي حساب دماء شبابنا
مين بقي المسئول عن الوزير .....رئيس الوزرا ,,,,,ولو كان طرطور......يبقي المسئول عنه اللي هوا مين ؟؟؟
ممكن حد يقولي بعد لجان التقصي اللي شغاله من سنه مين المتورط في موقعه الجمل
ميييييييييييين قتل الشباب
ميييييييييييين اللي دفعلهم
طبعا محدش يعرف ولا هنعرف
يعني ايه نسمع ان الادله بتتدمر و المحاكمات هزليه و البراءه اكيده
يعني ايه لما نلاقي فلوسنا في الخارج محدش حاول مجرد محاوله يجمدها .....وكمان الوقتي الدول اللي جمدت شوية فتافيت بتقول الفلوس هتبقي لينا لان مصر معملتش اي خطوه لاستردادها؟؟
فين الثوره
عملت ايه الثورة
الثورة حكمت اصلا عشان نحاكمها
كل بلوي تحصل نقول الثورة و الله يلعن الشباب
معدش في دم خااااااااالص
لا حول ولا قوة الا بالله
حسبي الله ونعم الوكيل في السلبيه و عدم الوعي و السكوت عن الحق و اللي فرقونا و بيقتلوا فينا