أنا دكتور الشفوي كان من جامعة حلوان ... دكتور ابن ناس يجد و محترم قوي
كان بيكرر الأسئلة بتاعته لكل مجموعة ... و قفت ورا اللي قبلي و حضرت الأسئلة من الورق في ايدي
و الحمد لله مجابش جديد لما دخلتله
بنعالج الـ angina بايه و الميكانيزم ايه ... كذا
طب و السايد ايفيكت و بنعالجه ازاي " ده اول مرة يساله بس الحمد لله اتصرفت "
و خد لفة أسئلة للبنات اللي معايا و جه الدور عليا ... و بقول في سري الكيمو لأ ... الكيمو لأأأأأ
لقيته بيقولي اديني مثالي للـ cephalosporin
بس الحمد لله كنت محضره قبل ما أدخل بثواني
لسه بقوله ان السيفوتاكسيم جيل تالت و السيفيبيم رابع لقيته بيقولي
أنس .. قوم امشي يلا
و الحمد لله قضيت على خير ... الشفوي ده بجد أرزاق و نصيب
أكتر من مرة أجاوب اجابة زي الفل و تكون الدرجة على النقيض تماما
و مرة أدخل ناقص خمس درجات من قبل ما أتسأل ... و مرة ادخل ناقص 10 درجات من قبل ما أتسأل
ربنا يستر في اللي جاي