النتائج 1 إلى 10 من 10

الموضوع: ايه رأيك فى اللى انت عملته فى نفسك؟ (رأيك مهم)

  1. #1
    عضـو هيئـة التـدريـس
    تاريخ التسجيل
    Jul 2007
    المشاركات
    162

    Question ايه رأيك فى اللى انت عملته فى نفسك؟ (رأيك مهم)

    مبدأيا انا عاوز اعرف ليه كل واحد منكم اختار صيدله لما جاب مجموع فى ثانويه عامه؟
    وياترى انت شايف دلوقتى ان الكلية بتأهلك للى انت كنت عاوزه أو كنت فاكر انك هتبقى عليه فى يوم من الايام ويا ترى انت شايف ان انت كدا على الطريق الصح وكان قرارك فعلا سليم؟
    طيب ايه اللى انت كنت تتمنى انك تلاقيه بس للاسف ملقتوش فى الكلية؟.....خللى بالك رأيك مهم
    thanks alot...A.Elkamhawy

  2. #2
    Pharma Student
    تاريخ التسجيل
    Nov 2007
    المشاركات
    464

    Thumbs up

    اقتباس المشاركة الأصلية كتبت بواسطة a_elkamhawy مشاهدة المشاركة
    مبدأيا انا عاوز اعرف ليه كل واحد منكم اختار صيدله لما جاب مجموع فى ثانويه عامه؟
    اقتباس المشاركة الأصلية كتبت بواسطة a_elkamhawy مشاهدة المشاركة
    اولا انا اخترت صيدله عشان خاطر ارتاح من المذاكره بعد الثانويه العامه (اعتقاد خاطى اكيييييييييييد)بس كنت مقتنعه بيها عن طب وغيره بس مكنتش هدفى ودلوقتى الى حد ما مقتنعه بيها واتمنى ان افضل كده
    وياترى انت شايف دلوقتى ان الكلية بتأهلك للى انت كنت عاوزه أو كنت فاكر انك هتبقى عليه فى يوم من الايام ويا ترى انت شايف ان انت كدا على الطريق الصح وكان قرارك فعلا سليم؟ الصراحه لالالالالالالا الكليه لاتؤهلنى لاى حاجه غير الحفظ هو فعلا احنا بناخد معلومات بس باسلوب خاطى بالمرة مع الرغم ان احنا لو لتعلمنا باسلوب تشيغل المخ وتخريج الطاقات او الافكار اللى موجوده عند كل طالب فى صيدله والله لنستفيد بالمعلومه لانى انا اللى وصلت ليها مخدهاش على الجاهز وحفظتها وكتبتها فى ورقهاخرها على الرف او صندوق القمامه سورى هى ديه الحقيقه انا عارفه ان ده نظام تعليمى بس نظام فاشل وكمان ديه مش مسئوليه الدكتور لوحده لا ديه مسئوليه الطالب قبل الدكتور وبالنسبه ان انا على الطريق الصح ولى لا هابقى اعرف لما اتخرج واشوف نفسى فى سوق العمل انفع ولى لا
    طيب ايه اللى انت كنت تتمنى انك تلاقيه بس للاسف ملقتوش فى الكلية؟كنت اتمنى الاقى نظام يخلينى احس لو للحظه واحده انى باستفيد بالحشو اللى انا باذاكره كنت اتمنى ان الخمس سنين الكليه استفيد منهم مش سنتين استفاده وتلات سنين مذاكره على الفاضى واتمنى ان الدكاتره يحترموا تفكير الطلبه ويكون فى مناقشه بدون خجل بين الطالب والدكتور هو ده بيحصل احيانا بس بنسبه صغيره جدا.....خللى بالك رأيك مهم

    ميرسى جدا يا دكتور على اتاحه الفرصه لينا ان نقول راينا بصراحه واتمنى اكون ما طولتش

  3. #3
    Pharma Student
    تاريخ التسجيل
    Jul 2007
    الدولة
    mansoura
    المشاركات
    670

    افتراضي

    للاسف لاء اقولها اسفة على مضى 5 سنوات غير محسوبة لبدا الدراسة الحقيقية...
    و ط ب ع ا الاسباب معروفة للجميع

  4. #4
    Pharma Student
    تاريخ التسجيل
    Sep 2007
    المشاركات
    1,299

    افتراضي

    اقتباس المشاركة الأصلية كتبت بواسطة a_elkamhawy مشاهدة المشاركة
    مبدأيا انا عاوز اعرف ليه كل واحد منكم اختار صيدله لما جاب مجموع فى ثانويه عامه؟
    وياترى انت شايف دلوقتى ان الكلية بتأهلك للى انت كنت عاوزه أو كنت فاكر انك هتبقى عليه فى يوم من الايام ويا ترى انت شايف ان انت كدا على الطريق الصح وكان قرارك فعلا سليم؟
    طيب ايه اللى انت كنت تتمنى انك تلاقيه بس للاسف ملقتوش فى الكلية؟.....خللى بالك رأيك مهم

    موضوع جميل دكتور


    انا كنت جايب مجموع يجيب اي كليه في مصر كنت حابب ادخل صيدلة عين شمس بس معرفتش من ونا في ثانوي نفسي ادخل صيدلة بموووت في حاجة اسمها الكيمياء ودايما بحب التعامل في الادوية

    الكلية لا تؤهل للعمل خالص علي عكس تصوري لا بد من اكتساب الخبره خارجيا

    قراري مش ندمان عليه والحمد لله وان شاء الله علي الطريق الصح

    كنت اتمني التعليم العملي يكون مطور عن كده بس يلا هنعمل ايه

    شكرا من تاني

    تقبل تحياتي

  5. #5
    عضـو هيئـة التـدريـس
    تاريخ التسجيل
    Jul 2007
    المشاركات
    162

    افتراضي

    اولا انا بشكركم على المشاركه والهدف يا جماعه من الاسئله دى اننا نعرف هل احنا ماشيين كدا صح ولا محتاجين نقف مع نفسنا وندور على الطريق الصح وهل ياترى لس الوقت متاح لحاجه زى كدا...طبعا مقصدش اننا نغير الكلية او اننا نشوف مجال عمل تانى...بالعكس مجال الصيدله كويس جدا بس اهم حاجه تعرف انت عاوز تبقى ايه فيه ومن هنا تبدأ اول خطوة فى مشوارك لهدفك وأنا هشرح ازاى نعمل دا بالتفصيل فى مشاركات قادمه....فى انتظار مشاركات اخرى
    thanks alot...A.Elkamhawy

  6. #6
    Pharma Student
    تاريخ التسجيل
    Nov 2007
    المشاركات
    122

    افتراضي

    اقتباس المشاركة الأصلية كتبت بواسطة a_elkamhawy مشاهدة المشاركة
    مبدأيا انا عاوز اعرف ليه كل واحد منكم اختار صيدله لما جاب مجموع فى ثانويه عامه؟
    كنت عاوزه اي كليه غير طب


    اقتباس المشاركة الأصلية كتبت بواسطة a_elkamhawy مشاهدة المشاركة
    وياترى انت شايف دلوقتى ان الكلية بتأهلك للى انت كنت عاوزه أو كنت فاكر انك هتبقى عليه فى يوم من الايام ويا ترى انت شايف ان انت كدا على الطريق الصح وكان قرارك فعلا سليم؟
    للاسف لا فعلا الدراسه في الكليه عباره عن حشو دماغ يعني بعد سنتين من الكليه بجد مش حاسه اني ممكن اكون دكتوره صيدله ناجحه او فاشله حتي اقصد ان شطارة الصيدلي بتيجي من التدريب مش من الدراسه

    اقتباس المشاركة الأصلية كتبت بواسطة a_elkamhawy مشاهدة المشاركة
    طيب ايه اللى انت كنت تتمنى انك تلاقيه بس للاسف ملقتوش فى الكلية؟.....خللى بالك رأيك مهم
    كنت اتمنى اني الاقي نظام التعليم غير كده ما يبقاش حفظ وخلاص

    شكرا يا دكتور على الموضوع ده
    التعديل الأخير تم بواسطة dodii ; 31-07-2009 الساعة 05:02 PM

  7. #7
    Pharma Student
    تاريخ التسجيل
    Aug 2008
    الدولة
    يارب مع الرسول
    المشاركات
    1,239

    افتراضي

    مبدأيا انا عاوز اعرف ليه كل واحد منكم اختار صيدله لما جاب مجموع فى ثانويه عامه؟ المجموع كان السبب بس حاولت أقنع نفسى انى مكنتش هدخل غيرها على كل حال
    وياترى انت شايف دلوقتى ان الكلية بتأهلك للى انت كنت عاوزه أو كنت فاكر انك هتبقى عليه فى يوم من الايام؟ أكيد لا أنا كان عندى طموحات كتيرة تشمل و لا تشمل كلية الصيدلة بس للأسف مفيش حاجة اتحققت بس دى مش مشكلة الكلية دى مشكلة البلد كلها و الروتين0000 ويا ترى انت شايف ان انت كدا على الطريق الصح وكان قرارك فعلا سليم؟ مش بالظبط أنا كنت فاكرة انى هدخل صيدلة ألاقى نفسى اخترغت و اكتشفت كام دوا لأمراض مجهولة و كمان أخدت جايزة نوبل قبل سن ال20 ههههههههه
    طيب ايه اللى انت كنت تتمنى انك تلاقيه بس للاسف ملقتوش فى الكلية؟.التشجيع العملى مش الشكلى فقط يعنى هل لو رحت لأى دكتور من الدكاترة الأفاضل و قلت له أنا عايزه أعمل بحث بالأشتراك مع حضرتك عن حاجة معينة هل0000
    1 هيوافق
    2 ياخدنى على محمل الجد و يكرس الوقت الازم للموضوع ده
    3 هل الكلية ممكن توفر المصادر اللى تساعدنى و لو حتى بقدر محدود
    ؟؟؟؟؟؟؟؟؟؟؟؟:290: :fop (28):
    التعديل الأخير تم بواسطة dina j ; 31-07-2009 الساعة 07:17 PM

  8. #8
    Pb Elite
    تاريخ التسجيل
    Apr 2009
    الدولة
    mansoura
    المشاركات
    630

    افتراضي

    انا دخلت كلية صيدله بسبب مجموعى بس انا حتى لو كنت جبت مجموع اكبر كنت برده هدخل صيدله لانى مش عايزه طب
    انا شايفه ان الكليه بتاهلنا اننا نكون صيادله متفوقين
    اللى كنت اتمنى الاقيه فى الكليه المساواه بين الطلاب فى امتحان الشفوى يعنى بنلاقى دكاتره حتى لو الطالب مجاوبش كويس بيديه درجه كويسه ودكاتره تانيين حتى لو الطالب جاوب كويس الطالب مش هياخد غير حد معين من الدرجات مش هيزيد عنه وهو دا اللى بيفرق الطلاب عن بعض

  9. #9
    Pharma Student
    تاريخ التسجيل
    Apr 2009
    الدولة
    mansoura
    المشاركات
    1,461

    افتراضي

    مبدأيا انا عاوز اعرف ليه كل واحد منكم اختار صيدله لما جاب مجموع فى ثانويه عامه؟
    انا كنت فى البدايه عاوزه ادخل هندسه وكل المدرسين كانوا متوقعين ليا كدا
    علشان كده اخترت كيمياء فى تانيه ولما جبت مجموع عالى فكرت فى هندسه بترول بسسسسسس (بابا) قاللى البنت ما تنفعش فى هندسه اصلا مهما كان تخصصهها وعقدلى الدنيا اتاريه راسم على صيدله وجابلى عمتى وعمى وشويه من العيله صيادله علشان يقنعونى وبالفعل حبيت صيدله اوى واتمنيت انى ادخلها
    وكملت علمى علوم والحمد لله جبت مجموع يدخللنى صيدله بس ما انكرش انى اتغريت وفكرت فى طب بس حبى لصيدله خلانى اضحى ومع اى حال الحمد لله
    وياترى انت شايف دلوقتى ان الكلية بتأهلك للى انت كنت عاوزه أو كنت فاكر انك هتبقى عليه فى يوم من الايام؟
    انا لسه رايحه تانيه يعنى خبرتى ما زالت قليله فى الكليه بس انا من النوع اللى بحب اتفائل مهما كانت الظروف واللى الكليه مش هتقدر تدهوللى هدور عليه بره لحد ما اجيبه باذن الله
    على فكره انا اسمع ان معظم الكليات(النظريه كلها طبعا وشويه من العمليه) مش مرتبطه بالشغل بعد التخرج بس صيدله بحس ان نسبه عاليه من دراستها متعلقه بالحياه العمليه
    ويا ترى انت شايف ان انت كدا على الطريق الصح وكان قرارك فعلا سليم؟
    بحاول اقول لنفسى انى صح والدليل الصيادله الناجحين اللى بشوفهم كل يوم
    طيب ايه اللى انت كنت تتمنى انك تلاقيه بس للاسف ملقتوش فى الكلية؟
    كنت اتمنى ان الدراسه فى الكليه والشغل بعدها يكونوا مرتبطين 100%
    وطبعا فى مشاكل خاصه بالمحاضرات والسكاشن بس انا متاكده ان السبب الرئيسى هو العدد اللى فى تزايد مستمر

  10. #10
    Pharma Student
    تاريخ التسجيل
    Oct 2008
    المشاركات
    1,064

    افتراضي

    اقتباس المشاركة الأصلية كتبت بواسطة a_elkamhawy مشاهدة المشاركة
    مبدأيا انا عاوز اعرف ليه كل واحد منكم اختار صيدله لما جاب مجموع فى ثانويه عامه؟
    كان نفسى طول عمرى ادخل هندسة او صيدلة مع الرغم ان دى من طريق ودى من طريق تانى خالص ودخلت تانية ثانوى على اساس هندسة وكده وبعد ما جبت مجموع كبير معظم الاراء اجتمعت على ان هندسة للبنات فى مصر مش لذيذة قوى وكملت فى طريق العلوم اللى انا برده بحبه جداااااااااااااااااااااااوالحمد لله دخلت الكلية اللى كان نفسى فيها وكانت اول رغبة
    -----
    اقتباس المشاركة الأصلية كتبت بواسطة a_elkamhawy مشاهدة المشاركة
    وياترى انت شايف دلوقتى ان الكلية بتأهلك للى انت كنت عاوزه أو كنت فاكر انك هتبقى عليه فى يوم من الايام ويا
    لا خالص للاسف ايه الفايدة انى بحفظ وخلاص علشان الامتحان فقط من غير ما استفدت باى حاجة لحد دلوقتى بعد سنتين
    كان نفسى نكون الحاجات العملية اللى بنطبقها اكتر من كده لان العملى افضل من النظرى بكتير وبيفيد اكتر

    -----
    اقتباس المشاركة الأصلية كتبت بواسطة a_elkamhawy مشاهدة المشاركة
    ويا ترى انت شايف ان انت كدا على الطريق الصح وكان قرارك فعلا سليم؟
    بحاول يبقى عندى امل لما اخلص ان شاء الله
    -----
    اقتباس المشاركة الأصلية كتبت بواسطة a_elkamhawy مشاهدة المشاركة
    طيب ايه اللى انت كنت تتمنى انك تلاقيه بس للاسف ملقتوش فى الكلية؟.....خللى بالك رأيك مهم
    ان اللى بذاكره استفاد منه او على الاقل استخدمه فى الحياة
    الامتحانات ميكونش فيها ظلم زى الشفوى ممكن حد يشيل مادة علشان درجة او يقعد سنة علشان درجة شفوى اتظلم فيها

    شكرا يا دكتور على طرح الموضوع
    واسفة جدا على الاطالة
    التعديل الأخير تم بواسطة dr moory ; 01-08-2009 الساعة 01:20 AM

المواضيع المتشابهه

  1. مشاركات: 27
    آخر مشاركة: 23-02-2010, 02:41 AM
  2. ايه رأيك في اللجان
    بواسطة Messi في المنتدى منتدى المناقشات
    مشاركات: 43
    آخر مشاركة: 26-01-2010, 05:24 PM
  3. بدو سيناء قول رأيك
    بواسطة Dr/HULK في المنتدى منتدى المناقشات
    مشاركات: 3
    آخر مشاركة: 15-11-2008, 02:06 PM
  4. ايه رأيك فى.................احترم نفسك!
    بواسطة نور القمر في المنتدى منتدى المناقشات
    مشاركات: 9
    آخر مشاركة: 21-08-2008, 08:51 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •