انا لسه طالبه ف الثانويه العامه ونفسي جداااااااااااااااااااااااااااااااا التحق ان شاء الله بكليه الصيدله_ان شاء الله_لهدف ما...ايه بقا مميزات الكليه عن غيرها من الكليات ف نظر كل واحد دخلها ؟وادعولي احصلكوا ان شاء الله.
انا لسه طالبه ف الثانويه العامه ونفسي جداااااااااااااااااااااااااااااااا التحق ان شاء الله بكليه الصيدله_ان شاء الله_لهدف ما...ايه بقا مميزات الكليه عن غيرها من الكليات ف نظر كل واحد دخلها ؟وادعولي احصلكوا ان شاء الله.
ازيك يا قمر
صيدلة دى احسن كلية فى الدنيا
بجد ربنا يبقى بيحبك لو دخلتيها ان شاء الله
الكلية بتاعتنا دى روووووووووووووعه بكل المقاييس
حلوة قوى للبنت خصوصا لانها مش بتتعبنا اد كده
سكاشنها لذيذة بشكل
ولا المحاضرات ........
هتفيدك طبعا فى حياتك كلها ان شاء الله
يعنى هتقدرى تتعاملى مع اى دوا
عندك فى البيت او تفيدى حد من قرايبك , جيرانك, كده يعنى
شغلها كمان مريح لينا
ربنا يكرمك وتحصلينا ان شاء الله يا قمر
السلام عليكم
ربنا يوفقك ان شاء الله وتلتحقى بيها
بجد هى كليه تستهلى انك تتعبى عشانها ومتسمعيش كلام من اى حد يعقدك فيها
لان اى كليه لها مميزات وعيوب بس بجد كلية الصيدله كليه جميله وكانت حلمنا كلنا
واعتقد انها كلية القمه بالنسبه للبنت .
ربنا يوفقك ان شاء الله وتكونى معانا هنا قريب
باذن الله وتكتشفى انتى بنفسك مميزاتها وعيوبها
بس صدقينى هى تستاهل اى حد يتعب عشانها
السلام عليكم ورحمة الله وبركاته
اهلا بحضرتك على منتدى كلية الصيدلة جامعة المنصورة
اولا
احييى حضرتك على رغبتك فى التعرف على كليتك
والتعرف على ممميزات الكلية وعيوبها
فهى خطوة اساسية يجب ان تتخذ
لضمان توافق الرغبة
مع الكلية المختارة..
كلية الصيدلة بشكل عام
تهتم بتخريج طالب متمكن
من المعلومات الدوائية
وطرق تصنيع الدواء
وانظمة تسليمه المختلفة
فالصيدلى هو الخبير الأول
بمضار الدواء ونفعه
وهو الوحيد القادر على تجنيب المريض
الأثار الجانبية المصاحبة للدواء
والصيدلة تنقسم الى فرعين
الفرع الأول يهتم بالصحة
ورعاية المريض
وغالبا مايتخرج طلاب كليتنا
ليعملوا فى هذا المجال
والفرع الثانى
هو التخصصات الأكاديمية
المسئولة عن اختبار وتصميم الأدوية الجديدة
وتطوير انظمة التسليم الدوائية المختلفة
ويعمل بها عدد اقل من الخريجين
عادة المعيدين والأساتذة
وبعض من طلاب الدراسات العليا
----------
وفى الوقت الراهن بدأت تطرأ تغيرات متعددة
على مهنة الصيدلة
تهدف الى تحسين ودعم التعليم الصيدلى
لتمكين الطالب من تقديم الرعاية الصحية القصوى
للمريض
من خلال تخصصات جديدة
مثل الصيدلة الأكلينكية
والفارم د (درجة الماجستير المهنى فى الصيدلة)
وهذه التغيرات كانت نايجة طبيعية لزيادة الأعداد السكانية
بما يفوق مايمكن الطبيب البشرى التعامل معه بنفس الكفاءة
اذ انخفض الوقت الذى يقوم الطبيب بمناقشة المريض وفحص التاريخ المرضى
وهو مايؤدى لأخطاء فى التشخيص ووصف الدواء والجرعات المناسبة للعلاج
وارتفاع نسبة حدوث الأثار الجانبية والتفاعلات الدوائية التى
تزيد من مخاطر سمية الدواء
ومن هنا نرى مدى اهمية ودور الصيدلى الحاسم
فى دعم النظم الصحية وتطويرها
وكلية الصيدلة جامعة المنصورة
ومعظم الجامعات المصرية
تقدم حاليا برنامجين فى الصيدلة
البرنامج الأول هو
برنامج بكالريوس الصيدلة للعلوم الدوائية والتصنيع الدوائى
وهو برنامج عام يتم دراسة معظم علوم الصيدلة من خلاله
فى فترة الخمس سنوات
ويتطلب تدريب 300 ساعة فى احد المؤسسات الصيدلية
والبرنامج الثانى
هو برنامج الصيدلة الأكلينكية
وهو برنامج اكثر تخصصا
حيث يتم دراسة المزيد من المواد
الأكلينكية مثل التغذية وعلاج السموم
والتفاعلات الدوائية والدراسة المركزة
للعديد من الأمراض
وهو مايفتقده البرنامج الأول
يمكن لحضرتك تفقد محتويات البرنامج
من خلال موقع الكلية
هنا
ومقارنة ببرنامج البكالريوس الحالى لدينا
فان برنامج الصيدلة الكلينكية
يعد الأفضل والأكثر اقترابا للجانب العملى والتطبيقى
للمهنة من ناحية الرعاية الصحية
بل يعد ايضا المستقبل الواعد
من ناحية التوظيف وفرص العمل
سواء فى مصر او الدول الأخرى
ولذلك فان البرنامج الخاص بالبكالريوس
لا يزال تحت التعديل ويتم وضع لائحة جديدة
له
ولكن لم يتم تطبيقها بعد
ومهنة الصيدلة
بشكل عام تعطى الفرصة
للعمل فى العديد من الوظائف المختلفة
ولكنها ايضا تتطلب التعليم الذاتى والمستمر
فى حالة اذا رغبتى ان تكونى دائما الفضل فى مجالك
فالصيدلة تتميز بتعدد المواد الدراسية
لتشمل مواد ثلاث كليات
هى الطب والعلوم وايضا المواد الصيدلية المتخصصة
مما يعطى فرصة نادرة لتعلم العديد من الأمور
وتجمع العديد من الخبرات لمن ينتهز الفرص
ناهيك عن الجانب الأجتماعى فى تعامل الصيدلى
مع المريض والعديد من الخبرات الحياتية
التى ممكن ان تكتسب فى هذا الشأن
ولكن
لكى ان تعلمى ان الوضع الحالى للصيادلة فى مصر
ليس بالوضع الأحسن
فالصيدلانى الحكومى ذو مرتب ضعيف
وعدد الصيدليات فى ارتفاع مستمر
ادى الى خفض الربح بشكل كبير
واحيانا فى احتكار النسبة العليا
من الأرباح من جانب الصيدليات الكبرى
والمشكلة الأكبر
حاليا هو ممارسة الصيدلة من قبل اشخاص
من خارج المهنة مما اضر بسمعتها
ورسالتها فى المجتمع
حيث تحولت الصيدلة من مهنة تهتم
بالرعاية الصحية للمريض
الى مهنة تهدف لبيع الدواء والربح
دون النظر الى اى جانب اخلاقى او اجتماعى
وهذه المشاكل التى تواجه الصيدلة والصيادلة
فى مصر تتطلب العديد من الوقفات والتحركات المسئولة
من قبل الصيادلة لأستعادة مكانتهم ولقيامهم بدورهم فى الرعاية الصحية بالشكل الموائم
هذه وجهة نظر عامة
ولكن يتبقى عليكى ان تقومى بسؤال العديد من الصيادلة
الطلاب او الخريجين
لكى تستطيعى الحكم بشكل اكثر دقة
على توافق المهنة ورغباتك
كما انصح حضرتك بزيارة كلية الصيدلة التى ترغبين فى
التقدم بها ان شاء الله
عندما تحصلين على شهادتك الثانوية
وان شاء الله تتمكنى من تحقيق امنيتك واهدافك الخاصة
تحياتى
السلام عليكم ورحمة الله وبركاته
شئ مهم جدا اننا نسأل على مستقبلنا وحلمنا
وبشكر كل الزملا اللى تفضلوا بالرد على سؤال ضفيتنا الكريمة
رأيى فى كلية صيدلة اللى كانت بردوا حلمى
من اول ما أختى دخلتها وانا بحلم ابقى زيها اشيل البالطو والعب بالادوات
وكان اهم حاجة عندى انى اعرف اقرأ جدول محاضرتها اللى كان بالسبة لى
بردية من برديات الفراعنة وكان محتاج شفرة عشان افكه
والحلم اتحقق فعلا وخلا كمان بفضل اللى اتخرجت
كليتنا الغالية اثناء الدراسة اول سنة زيها زى اى كلية
انتى داخلة على عالم مختلف تماما عن ثانوى دراسة
غريبة واسماء علمية شهر كده وبتبدأ تتعودى وتفهمى
وتصبح المسألة عادية جدا .........
محاضرات وسكاشن ممكن يبدأ يومك من 9 صباحا ينتهى بحد اقصى 7 مساءا
ايوة يوم كامل يعنى لو انتى من بلد غير المنصورة تقولى من 6 صباحا الى 9 مساءا
واليوم ده ممكن يتكرر 3 الى 4 مرات فى الاسبوع
ده لو انتى زى حلاتى كنت بتحبى المحاضرات مش بتقيها سكاشن بس
ممكن يكون عندك امتحان فى الاجازات الرسمية زى شم النسيم و6 أكتوبر ويوم الجمعة
وده شئ عادى عندنا لاننا مرتبطين بجدول امتحانات فلا تمثل لنا الاجازات اى معنى
فى معظم الاحيان ...........
شغل العملى كل ما تكبرى يتكرر لان مافيش امكانيات مادية او محاولة للتوفير لان الكلية عارفة
ان الطالب مش هيستفيد بالجديد او احيان اخرى لامن وسلامة الطلبة
الدراسة النظرية اعتقد بعد سنة او اتنين هيفضل الوضع على ما هو عليه
ولو حضرتى المحاضرات بردوا هيبقى لاغنى عن ورق الدروس
ليه بقى لان تمن الكتاب يتناسب تناسب عكسى مع فائدته
يعنى غالبا تلاقى تمن الكتاب يتعدى 100جنيه مصرى ويكون كل دوره
هو تزيين درج المكتب ............
ودى ظاهرة عامة من الحضانة للكلية فى مصر ووفى كل الكليات
اتمنى والله على ايامك يكون حصل تطوير فى المناهج وطرق الشرح والكتب
الامتحانات فى الوقت الحالى طبعا انتى جربتى نظام الامتحانات اللى بيبقى قبل
المادة يومين ده فى مواد الثانوية العامة اللى انتى اصلا بتبقى مخلصاها ومرجعها
بدل المرة 10 قبل فترة الامتحانات بشهر
تخيلى ان فى الكلية هو ده النظام على مواد حجم الفيل وتبقى اشطر الشطار
لو خلصتيها مرتين ولا حاجة من غير درس ( الا لو ناوية تأخدى دروس هنا اعتبرى
نفسك فى ثانوية عامة 5 سنين )
يوم الامتحان يبدأ الساعة التاسعة غالبا لان فى سنة بيمتحنوا الظهر
وبيكون عندك امتحان نظرى مدته غالبا ساعتين لمواد احيانا حل امتحانها
يطلب وقت أكثر من ساعتين (بقى قليل الموضوع ده )
وبعدها الامتحان الشفوى بمعنى بتدخلى لدكتور من دكاترة المادة
يسألك كم سؤال فى المادة دى وخلاص
بس عيب كليتنا فى امتحان الشفوى بالذات حكاية الواسطة
بمعنى فى بعض الدكاترة بيدوا للطالب الدرجة النهائية فى الشفوى
وهو لايستحق بس عشان عنده واسطة
بعد التخرج عندك الاتى
1-ربنا وفقك وطلعتى من اوائل دفعتك (الخمسة الاوائل )ليه ؟؟؟
عشان تضمنى مكان فى التعيين معيدة فى الكلية لان زمن تعيين العشرة الاوائل انتهى
الا لو كان عندك واسطة
2-ربنا يوفقك وتتخرجى بتقدير محترم وحد من العائلة يشجعك ويقولك
خسارة التقدير ده وحضرى يا بنتى ماجستير ودكتوراه
تروحى تقدمى تلاقى كل قسم طالب صيدلى واحد بس وانتى وتقديرك بقى يا صابت يا خابت
3-اتخرجتى بتقدير عادى كبنت اقرب حاجة الشغل فى صيدلية اهلية او حكومية
ودى مش اى حد يستحمل الشغل فيها لازم درجة عالية من اللاباقة والاجتماعية والصبر او بمعنى ادق
برووووووووووووووووووووووووود الاعصاب لانك هتقابلى نوعيات لا حصر لها من البشر
4-السفر للخارج اقدر اقولك ان حال الصيادلة برا من سئ الى اسوأ سواء فى المعاملة او الرواتب
5-بنت طموحة وحلمك زى حلمى زمان اشتغل فى مصنع وابقى انسان منتج ومخترع
اول حاجة تقدير +واسطة +قدرة على العمل بعيد عن محل اقامتك (انتى بنت واقرب
كلمة لما تتجوزى اعملى اللى انتى عاوزاه ده طبعا كلام الاهل )
والله انا مش متشأمة ولا حاجة لكن انا عاوزة انصحك لوجه الله لانى
بابا نصحنى وخالى وقالولى بلاش صيدلة وبردوا اصريت
(لو انتى عندك الحلم ده فعلا وحاسة انك هتتقبليه بحلوه ومره سيرى على بركة الله
اما لو كنتى لسة فى مرحلة الاختيار ف أسألى بردوا ناس تانية كتير
مش هنا وبس)
كانت نصحيتهم طب او اسنان بفضل الله كنت جايبة مجموع طب
واصحابى اللى فى طب واسنان كانوا بيحكولى
1-طب دراسة طويلة صحيح لكن مريحة
يعنى بتدرسى سنة كاملة معلومات كتير لكن بتأخدى
المعلومات براحتك مش زى عندنا مضغوطين جدااااا
اثناء الامتحانات حبيتى تأجلى مادة لاى سبب مثلا مش مذاكرة كويس
عادى تـأجلى المادة وتمتحنيها فى وقت تانى
بعكس عندنا لازم يكون السبب قهرى جدااااااااا
3-اسنان اجمل من طب وصيدلة حتى هى بقت بعد طب على طول فى التنسيق
دراسة 5 سنين عدد الدفعة قليل اليوم الدراسى لحد الساعة 4 مساءا بالكتير
بردوا الدراسة سنة كاملة وامتحان كل شهر يعنى زى اعمال السنة كده
التدريب عملى فى عيادات الكلية وكمان لما تتخرجى تقضى سنة امتياز
تدريب بردوا فى الكلية على عكس كليتنا مفيش سنة امتياز السنة اللى بعد التخرج
دى بتبقى تايهة مش عارفة تعملى ايه الا لو لقيت شغل فى صيدلية محترمة
بالنسبة لاسنان كل اللى بتطلبه منك القدرة الجسمانية طبعا
رغم ان ليا صاحبتى والله ضعيفة جدا جسمانيا
لكن ممتازة فى الكلية والشغل العملى ماشاء الله عليها
وبردوا بتطلب احوال مادية كويسة لان كانت بتقولى
ان المرضى اللى بيعالجوهم اثناء الدراسة بيعالجوهم على حسابهم
لان الكلية مش بتوفر لهم المواد الخام الخاصة بحشو الضرس مثلا وكده
ربنا يوفقك انتى وكل اللى فى الثانوية العامة
وهاقولك نصيحة امى ذاكرى بس انتى وهاتى اعلى مجموع
وربنا يقدم اللى فيه الخير بعد كده
انا بصراحه شايفه انه كلام د/نونى كافى جدا وأحب فعلا اكد انه صيدله كليه لازم تحبيها عشان تمشى فيها وتكونى عاوزاها بجد بحلوها ومرها ومع ذلك مفيش حاجه فى الدنيا ملهاش عيوب وصيدله زيها زى اى كليه فيها الحلو والوحش ونصيحتى ليكى انك تجتهدى وتعملى كل الى عليكى انك تجيبى اعلى مجموع تقدرى عليه وسيبى الباقى على ربنا وتوكلى عليه وصدقينى الحاجه الى هيكون فيها خير ليكى هيقدمهالك
وربنا يوفقك يا رب والى فيه الخير يقدمهولك ويكتبلك التوفيق ان شاء الله
saydala 7lwa