بسم الله الرحمن الرحيم
انا هسأله هل دخل فيها حاجه وبقالها كام يوم كده وهل في حكه فيها ولا لأ وهل فيها ألم ولا احمرار فقط وهسأله اذاكان مريض سكر أو ضغط
بسم الله الرحمن الرحيم
انا هسأله هل دخل فيها حاجه وبقالها كام يوم كده وهل في حكه فيها ولا لأ وهل فيها ألم ولا احمرار فقط وهسأله اذاكان مريض سكر أو ضغط
طيب كويس .. بس إيه مدلول كل سؤال فى دماغك ؟؟
يعنى المفروض أنا بسأل السؤال عاوز أعرف منه معلومة ..
المعلومة دى هتعملى confirmation لحاجة فى دماغى .. أو تلغيها ..
خلينا نفسر الأسئلة سوا كده .. ليه قلتى كل سؤال من دول ؟؟؟ و إيه مدلوله فى دماغك .. هنستفيد بإيه من إجابته ؟؟
بسم الله الرحمن الرحيم
انا لما أسأله هل في حاجه دخلت ف عينه لأن كده سبب الإحمرار واضح وطبعا علي حسب اللي دخل ف عينه لو حاجه بسيطه هنصحه يغسل عييه بالماء الجاري ولو حاجه خطيره هخليه يروح المستشفي
بالنسبه للحكه ممكن تكون دي حساسيه بسبب التراب أو ملوثات الهوا
بالنسبه للألم ممكن يكون ضغط العين عالي يسبب ألم وممكن يكون عنده صداع ونازل ف عينه وممكن يكون اجهاد أو قلة نوم (طبعا دي احنا كلنا جربناها أيام الإمتحانات)
بالنسبه لو مريض سكر احنا عارفين ان مرض السكر بيأثر علي شبكية العين
بالنسبه لمريض الضغط لو الضغط عالي بيحس بصداع ووجع ف العين ولو الضغط منخفض بيحس بزغلله وألم
دي معلومات بسيطه ياريت تشاركونا بمعلوماتكم
لو احمرار وحكه فى العين بطلع فايزين
لو احمرار مع العماص بطلع ديكساترول
وطبعا دى الحالات البعيده عن الضغط والسكر
واحيانا بيكون سبب احمرار العين اجهاد او جفاف العين نتيجة التحديق لمده طويله تلفزيون كمبيوتر وساعتها نطلع اى قطره مرطبه
في حاجه لاحظتها ف الصيدليه اللي بشتغل فيها حواليها ورش حدادين كتير وفي ناس كتير منهم تيجي تطلب قطرة لحام انا طبعا قعدت أفكر خدناها في سنه كام دي بس مش افتكرت لأن احنا ماحدش قلنا عليها فطبعا سألت الدكتور قالي انها
benox e.d(benoxinate hcl)
دي عباره عن مخدر موضعي بيستخدموها أثناء اللحام عشان الشرار اللي بيطلع
إحنا المفروض ناخد بالنا الأول من الموسم اللى إحنا فيه ..
يعنى أغلب حالات الـ Allergic conjunctivitis .. بتبقى فى وقت الربيع ..
و معظم الحالات دى بتبقى عبارة عن احمرار مع حكة ..
فى أغلب الحالات بتبقى مصاحبة بدموع بدموع سبب ..
أو عطس .. أو سيلان من الأنف .. أو احتقان مع سيلان من الأنف ..
و فى الحالة دى .. بتخرج حاجة مضادة للحساسية ..
يكون فيها مثلاً أنتازولين زى .. أو صوديوم كروموجليكيت زى الكروما ..
بالنسبة لحالات العدوى .. ففى الغالب بتبقى فى إفرازات .. من العين ..
و دى بنديلها مضادات حيوية زى السيبروفلوكساسين أو الأوفلوكساسين أو التوبراميسين أو الإريثروميسين ..
أما لو فى التهاب فى جفن العين ..
فدى بتاخد وقت شوية عقبال ما تروح .. ممكن توصل لأسبوع .. و بتعتمد على متابعته ع العلاج و النظافة الشخصية .. و بياخد مضاد حيوى مرهم للعين أفضل ..
بسم الله الرحمن الرحيم
في حاله منتشره اليومين دول لاحظتها هي الكحه وطبعا ده بسبب تغير الفصول وحبوب اللقاح ف الجو انا بقي لو جالي حد بيشتكي من الكحه هسأله عن إيه وهوصفله إيه وإمتي أديله حاجه للحساسيه
عاوزين نعرف الأول إيه سبب الكحة ..
الكحة ممكن تكون عرض مصاحب للبرد .. أو ناتجة من حساسية .. أو بسبب إن الشخص ده أصلاً عنده أزمة .. و دى يعتبر نوع من أنواع الحساسية .. ( أنا قلت يعتبر لأن الأزمة تعرفها إنها chronic inflammation ) ..
النصيحة العادية فى كل الحالات .. إنه ياخد سوايل دافية .. و ميشربش حاجات باردة أو حاجة من التلاجة حتى المية .. متكونش باردة .. تكون عادية ..
طبعاً .. لازم نعرف اللى جاى يشتكى من الكحة ده .. هو اللى بيكح .. و لا بيوصف كحة حد تانى .. أخوه مثلاً .. أو زوجته أو طفل من أطفاله .. و لازم نعرف العمر عشان وصف الدوا المناسب ..
العلاج بقى بيعتمد على كون الكحة دى ناشفة .. و لا فى بلغم ..
أولاً: لو الكحة ناشفة ..
فى قدامنا 4 إختيارات من الأدوية ..
الاختيار الأول: حاجة Demulcent .. زى البلسم ..
الاختيار التانى: حاجة cough suppressant .. شوية قوية زى الديكستروميثورفان ..
الاختيار التالت: حاجة مضادة للحساسية زى الـ promethazine أو الـ Diphenhydramine ..
الاختيار الرابع: حاجة opioid analgesic زى الكودايين ..
أنا مرتبهم من حيث الـ safety و إمكانية إعطاؤهم كــ OTC agent .. و لك مطلق الحرية فى تقييم الحالة و رؤية إيه اللى يصلح لها ... من حيث ترتيبى فكل ما تنزل لتحت .. تعطى الدوا ده لكحة أشد ..
ثانياً بقى الكحة اللى فيها بلغم .. أو الـ productive cough ..
أول حاجة قد يكون البلغم شفاف .. أو لونه يميل من الاصفرار لحد اللون الأخضر ..
اللون الشفاف لا يحتاج إلى مضاد حيوى .. لأن فى الحالة دى الإصابة viral و دى self limiting بتحتاج الـ symptomatic treatment بس .. و بعض الاهتمام ..
من أول تغير فى اللون .. لحد اللون الأخضر .. أول سؤال هنسأله .. إنت بتدخن ؟
طبعاً عشان إحنا فى مصر .. فأغلب الحالات ردها ( أيون ) .. و دى بتلغيلى احتمال الـ secondary bacterial infection لو كان اللون خفيف ..
لو اللون غامق أو مش بيدخن .. محتاج مضاد حيوى .. مش شرط يشتريه .. المهم يبقى عارف حالته محتاجة إيه ..
المضاد الحيوى الـ first choice طبعاً الأموكسيلينات ( بعد الأكل ) .. نزولاً على الكوأموكسيكلاف ( بعد الأكل ) و السيفالوسبورونات .. و انتهاءً بالكينولونز ( بتتاخد على معدة فاضية ) و الإريثروميسين و الأزيثروميسن و غيرهم ..
ده الجزء الأول من العلاج ..
الجزء التانى .. الكحة .. اللى لسة مخلصناش منها ..
ممنوع منعاً باتاً تدى حاجة من الحاجات السابق ذكرها فى الكحة الناشفة فى حالة وجود البلغم .. إلا فى حالة إن إنت هتديله معاها mucolytic منفصل .. سواء أقراص أو شراب ..
....... أكمل فى مشاركة جاية .. عشان الناس متزهقش .....
حد جالي بيقولي حاسس ان فيه شوكة فعينه وبتدمع كتير ياتري نديله ايه؟
طيب فيه سؤال برده فيه ادوية زى مثلا
oplex ده antitussive,expectorant
toplexil بردهsedative,expectorant
هل الحاجات دى تمشي للكحة الناشفة وببلغم؟