فى أمان الله يا أحلى و أغلى دفعه
ياااااااااااااااا رب كلنا نتخرج على خير و اللى عايز يشتغل يشتغل و اللى عايز يسافر يسافر و اللى عايزين يقعدوا فى البيت هما أحرار
انا أفتكر أيام اعدادى و أول يوم ليا فى الكلية و أنا داخلة المدرج الخنقة لأن كل الدفعه كانت حاضرة و قعدت فى أول كرسى و كانت محاضرة heat
سبحان الله حسيت ان فعلا الكلية عالم تانى..و ان صيدلة يعنى تكوين شخصية مش بس مجرد كلمتين بناخدهم..قابلت ناس جميله و بقينا أعز أصحاب و اتصورت كتيييييييييييييييييييييير معاهم
فيه ناس بتقول عادى يا جماعه نتقابل بعد كده و نيجى الكلية بس عمر الذكريات ما هتبقى زى ما كانت..أيام الجرى ع السكاشن و المصايب اللى كنا بنعملها ..أيام ما كان زمايلى بيجروا من الضفادع و انا كنت بلعب بيها حقد طبقى بقى أيام التسلل و القصص بجد عمرى ما هنسى الأيام دى و اللحظات اللى مرت بسرعه رهيبه !!
الناس حست انها بتكبر فى الكلية بس أنا بجد حسيت انى رجعت طفله تانى أنا فعلا كنت بعتبر الكلية بيتى الأول المقيمة فيه و خاصة لما كنا بنروح من 8 الصبح ل 8 بليل و كنا نروح ننام و نيجى تانى يوم (بس طبعا الكلام ده مش السنه دى احنا كنا بنروح نسلم على الكلية و ناخد صورتين و نروح ^^ ) ..السنه دى أنا عرفت ناس كتير للأسف كانت أول مرة أقرب منهم و دى خسارة ليا لأنهم فعلا من أحسن و أطيب الناس و الواحد برضه كان يستغلهم و ياخد منهم فلتر بيبر و لا حاجة
هتوحشونى كلكم الكلية بالدكاترة اللى فيها بالعيال اللى كانوا معايا
و لااااااااااااااااازم كلمة حق تتقال ان فيه دكاترة عمرى ما هنساهم منهم على سبيل المثال لا الحصر.. دكتورة فاطمة النبوية و دكتور شحته رحمة الله عليه و دكتور حسن عيسى و دكتور محمد العوضى و ناس تانية فعلا غيروا مجرى حياتى كلها و سابوا ذكرى حلوة ..ربنا يباركهم كلهم ...أحبكم فى الله يا أعز أصحاب و يا أغلى دكاترة