نصائح مطبخية للبنات وبس !!!!(part3)
بنوتاتي وحشتوني أوي هكمل معاكم النصائح
المشكلة الثامنة
السمنة أو الزبدة لها رائحة مش حلوة
لو حاسة إن السمنة أو الزبدة ليها رائحة مش حلوة يبقى أكيد أنت الغلطانة علشان سبتيها في التلاجة مكشوفة وده لأن الدهون بتتحد مع الأوكسجين الموجود بالهواء، ويترتب على كده الرائحة دي واوعي في الوقت ده تعملي بيها الأكل لأنها هتخلي طعمه مش حلو وفي الوقت ده مفيش قدامك حل غير إنك تشتري واحدة بدلها بس تخلي بالك إنك تقفليها كويس بالغطاء المخصص لها.
المشكلة التاسعة
طعم التوابل طلع كتير في الأكل
لو حاسة أنك كترتي من التوابل في الأكل يبقى في الحالة دي هاتي معلقة صغيرة لبن وضيفها إلى الأكل وهي هتخلصك من أي طعم زيادة للتوابل.
المشكلة العاشرة
طبق الحلو ما طلعش حلو
بعد الوقفة طول النهار في المطبخ علشان تعملي طبق حلو يطلع في الآخر الطبق طعمه مش حلو خالص طبعا أنت ممكن تكوني مش عارفة السبب وهو ممكن يكون إن البيكنج بودر اللي استخدمتيه مدة صلاحيته منتهية أو اتعرض لرطوبة ففقد مفعوله...
وعلشان تتغلبي على المشكلة دي ياريت تعملي اختبار للبيكنج بودر قبل ما تستخدميه والاختبار ده يكون بأنك تضيفي شوية من كيس البيكنج بودر إلى شوية ميه لو حدث فوران يبقى تقدري تستخدميه وأنت مطمنة على الآخر..
استنوني قريب.gif "Fop (22)")
رد مع اقتباس