البحث المتقدم
pharma board, The Official Board

كلية الصيدلة تفعيل العضوية المحاضرات Practical Gallery ضوابط المشاركة هذا المنتدى الرئيسية

 

العودة   منتدى كلية الصيدلة - جامعة المنصورة ҉ ][ملتقـى طلاب كلية الصيدلة بجامعة المنصورة ][ ҉ الصيدلة الاكلينيكيه أرشيف إكلنيكي 2011


 

 
أدوات الموضوع انواع عرض الموضوع
قديم 04-09-2011, 07:47 PM   #1
genious
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 1729
تاريخ التسجيل: Jan 2008
المشاركات: 98
الفرقة : خريـج


genious غير متواجد حالياً
افتراضي وقفة احتجاجية للالغاء نظام الدبل كورس بجامعة المنصوره (كليه صيدله)

البيان الاول لانتفاضة وثورة مهنة الصيدلة واهلها الشرفاء


السلام عليكم

بني مهنة الصيدلة الشرفاء

اجتازت مهنة الصيدلة فترة عصيبة في تاريخها الأخير. من الرشوة وفساد التعليم وبعده الشديد عن الجانب العملي و عدم استقرار المناهج فهي لا تخرج علماء ولا حتي جهلاء واصبح خريجي الصيدلة كغثاء السيل لا قيمة لهم وقد كان لكل هذه العوامل تأثير كبير على مستوي الخريجين الجدد وتسبب المرتشون والمغرضون في هزيمتنا معنويا ونفسيا في الحياة العمليه وخدمه قطاع الدواء والمرضي في مصر.

وأما فترة ما بعد هذه الحرب النفسية والمعنوية فقد تضافرت فيها عوامل الفساد وتآمر الخونة على القطاع الصيدلي وتولى أمره إما جاهل أو خائن أو فاسد حتى تصبح الصيدلة وقطاع الدواء في مصر بلا خريجين علماء قادرين علي الابتكار والتحليل ومواجهة المشاكل والقدرة علي حلها حلا جزريا وحماية المهنة من الدخلاء وعلى ذلك فقد قمنا بتطهير أنفسنا وتولى أمرنا في داخل مهنة الصيدلة رجال نثق في قدرتهم وفي خلقهم وفي وطنيتهم ولا بد أن الصيادله الشرفاء كلهم سيتلقون هذا الخبر بالابتهاج والترحيب.

إني أؤكد للخريجين الجدد أن الصيدلة اليوم ستصبح كسابق عهدها في ظل الدستور وصياغة قانون ملزم لمزاولة مهنة الصيدلة وعقوبات رادعة لكل من تسول له نفسه من الدخلاء وأنتهز هذه الفرصة فأطلب من الصيادلة ألا يسمح لأحد من الخونة والمتسببين في تدهور مهنة الصيدلة طوال الحقبة الماضية بأن يلجأ لأعمال التخريب أو العنف او الالتفاف حول مطالب الصيادلة العادلة لأن هذا ليس في صالح الوطن والمرضي ومهنة الصيدلة وقطاع الدواء ، وإن أي عمل من هذا القبيل سيقابل بشدة لم يسبق لها مثيل وسيلقى فاعله، جزاء الخائن في الحال وسيقوم الصيادلة القدامي الشرفاء بواجبهم هذا متعاونين مع الخريجين الجدد .


والله ولي التوفيق


التعديل الأخير تم بواسطة a_fouda2 ; 05-09-2011 الساعة 02:35 AM سبب آخر: روابط الفيس بوك ممنوعة في المنتدى :)
 
قديم 05-09-2011, 02:45 AM   #2
a_fouda2
Moderator
  • معلومات
  • معلومات الاتصال
  • احصائيات
  • حالتي

رقم العضوية : 3874
تاريخ التسجيل: May 2009
الدولة: *في رحاب القرآن*
المشاركات: 2,365
الفرقة : كلينيكال 4

male

a_fouda2 غير متواجد حالياً
افتراضي

و عليكم السلام ورحمة الله وبركاته

معلش في الكلام اللي هقوله لو متكرر

حضرتك ليه شايل من طلبة الدبل كورس ؟!

مع انهم مش شايفين انهم يشتغلوا بشهادتهم في شركات ومصانع الادوية وهما مطلوبين

و قالوا يدخلوا صيدلة عشان تكون معاهم الشهاده بتاعة كلية صيدلة

كمان حاجة دول بيدفعوا اغلى حاجة عندهم
خمس سنين من عمرهم بيدفعوها في الكلية عشان كان فرق عندهم في ثانوية عامة درجة او اتنين
شوف لما واحد بيخش الجيش تلات سنين بيبقى نفسه يعمل ايه عشان يدخل عسكري سنة واحده بس

اخر حاجة مش المطلوب ان احنا نمنع دبل كورس انهم يدخلوا صيدلة

المطلوب ان الصيادلة المتخرجين هما اللي يحسنوا نفسهم و يثبتوا ان في فرق بين الصيدلي و خريج علوم او زراعة
او حتى دبلوم تجارة اللي بيقف في الصيدلية سنة واحده تلاقيه فاهم الادوية و بيوصف علاج احسن من الصيدلي ذات نفسه

معذرة نيابة عن باقي طلاب كلينكال اقول لك بكل ثقة

نحن لسنا معك


 
قديم 05-09-2011, 04:04 AM   #3
حنين الأمس
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 3268
تاريخ التسجيل: Jan 2009
الدولة: Mansoura
المشاركات: 1,382
الفرقة : عضو هيئة تدريس
تواصل مع حنين الأمس:

female

حنين الأمس غير متواجد حالياً
افتراضي

يا دكتور genious ......
أنا رديت على حضرتك قبل كدة....
http://www.pharma-board.com/board/sh...ad.php?t=21996
مش هعيد الكلام تاني...
بس عايزة أقول لحضرتك حاجة...
الوقت والمجهود اللي هيتعمل في الوقفة الاحتجاجية دي غاااالي أوووي خصوصاً في الوقت اللي إحنا محتاجين فيه نبني مش نهد.....
فيه حاجات كتيـــر في مجالنا كصيادلة فعلاً محتاجة وقفة ...ابتداءً بالمناهج...انتهاءً بشغل الصيدلي نفسه...
خسااااارة يضيع في حاجة ملهاش أساس من الصحة

اقتباس
مشاهدة المشاركة المشاركة الأصلية كتبت بواسطة a_fouda2

معذرة نيابة عن باقي طلاب كلينكال اقول لك بكل ثقة

نحن لسنا معك



......


 
قديم 05-09-2011, 04:59 AM   #4
genious
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 1729
تاريخ التسجيل: Jan 2008
المشاركات: 98
الفرقة : خريـج


genious غير متواجد حالياً
افتراضي

السلام عليكم

طيب سؤال محير لي بشده لو زي ما حاضراتكم بتقولوا انهم بيضحوا بوقتهم وعمرهم وهو خمس سنين في دراسة كلية الصيدلة طيب ما يروحوا يحضروا في تخصصهم ويرونا هيعملوا ايه بدلا من سرقة مهنه من اصحابها الحقيقين

وان ما حدث في صيدلة طنطا وصيدلة الزقازيق سوف يحدث في جميع كليات الصيدلة التي بها نظام الدبيل كورس


وموضوع الشغل في شركات الادوية ومصانع الدواء هم فقط مساعدين طبقا لقانون مهنة الصيدلة ولكن طبقا لمسودة القانون الجديد سوف يلزم مصانع الادوية بان من يعمل بها يكون حاصل علي ترخيص مزاولة مهنة الصيدلة لكي يعمل بالرقابة والتحليل وصناعة الادوية وكذلك في الدعاية الطبية

انتم لستم معي كيف بالله عليك والنقابة التي تدافع عن المهنة هي التي اصدرت بيانا بعدم تسجيل اي من خريجي كليات الطب او الطب البيطري او العلوم او الزراعة في سجلاتها لان اعداد الصيادلة تفوق سوق العمل في مصر بالاضافة الي الدخلاء علي المهنة

لابد من هدم الباطل لانه باطل ولا يمكن بناء الباطل لان ما بني علي باطل فهو باطل

لماذا لا يوجد الا كليات الصيدلة التي هي هم كل العابثين لمزيدا من الدخلاء كيف يفكر هؤلاء حقيقة انا لا اعرف

طبعا في فرق بين الصيدلي وخريجي العلوم وخريجي الزراعة
اولا الصيدلي هو شخص متخصص في الادوية من الفها الي يائها

اما خرجي العلوم هو شخصص يكفي انه غير متخصص في مجال الدواء

اما خريجي الزراعة يروح يشوف الزراعة الفاسدة ويصلحها بدلا ما يتطفل علي المهن الاخري

لا للدخــــــــــــــــــــــــــــــــــــــــــــــ ـــــــــــلاء

مـــــــــــــــــــــــــــــا حدث في صيدله طنطا وصيدلة الزقازيق سوف يحدث باذن الله في كل كليات الصيدلة


الموضوع مش موضوع درجتين او نص درجة الموضوع ان مهنة الصيدلة هي مهنة رائجة ولا موضوع ميول ولا كلام من دا خالص

الثانوية العامة كانت علي الكل وهي المعيار الوحيد المقبول حاليا للمفاضلة بين الطلبة بالرغم من فشلها

 
قديم 05-09-2011, 06:46 AM   #5
a_fouda2
Moderator
  • معلومات
  • معلومات الاتصال
  • احصائيات
  • حالتي

رقم العضوية : 3874
تاريخ التسجيل: May 2009
الدولة: *في رحاب القرآن*
المشاركات: 2,365
الفرقة : كلينيكال 4

male

a_fouda2 غير متواجد حالياً
افتراضي

انا مكنتش عايز اتكلم في الموضوع ده بس
حضرتك اللي مصر

اقتباس
مشاهدة المشاركة المشاركة الأصلية كتبت بواسطة genious
السلام عليكم
و عليكم السلام ورحمة الله وبركاته
طيب سؤال محير لي بشده لو زي ما حاضراتكم بتقولوا انهم بيضحوا بوقتهم وعمرهم وهو خمس سنين في دراسة كلية الصيدلة طيب ما يروحوا يحضروا في تخصصهم ويرونا هيعملوا ايه بدلا من سرقة مهنه من اصحابها الحقيقين
اولا : للاسف بلدك مبتعترفش الا بالشهادات
كلية زي علوم دي بره مبيدخلهاش الا العباقرة واللي بيتخرج منها بيتقال عليه عالم
بس للاسف في مصر ملوش مجال شغال أد كده الا طبعا بالوسايط عشان يشتغل في مجاله العلمي اللي هو متخرج منه وياخد مرتب محترم
ثانيا : مع الاسف الشديد الصيادلة هما اللي سمحوا بما تقوله ب " سرقة المهنة " وان كنت لا اعتقد ان الدبل كورس هما اللي بيسرقوا المهنة لان نسبتهم لا تتعدى الخمسة او العشرة في المائة من طلبة كلينكال
وان ما حدث في صيدلة طنطا وصيدلة الزقازيق سوف يحدث في جميع كليات الصيدلة التي بها نظام الدبيل كورس
ممكن توضيح حضرتك تقصد ايه ؟

وموضوع الشغل في شركات الادوية ومصانع الدواء هم فقط مساعدين طبقا لقانون مهنة الصيدلة ولكن طبقا لمسودة القانون الجديد سوف يلزم مصانع الادوية بان من يعمل بها يكون حاصل علي ترخيص مزاولة مهنة الصيدلة لكي يعمل بالرقابة والتحليل وصناعة الادوية وكذلك في الدعاية الطبية
تمام كده بس الاولى هو ان الصيدلي يكون ملم و عارف شغله كويس
مش يبقى واحد مبيشتغلش كويس و لما تجيب حد يشتغل مكانه يقدر يفيد الناس و يشتغل احسن تقله لا اصل انت معكش شهاده
انا مش معترض على القرار ده بس بقول ان الصيدلي هو اللي رخص نفسه
انتم لستم معي كيف بالله عليك والنقابة التي تدافع عن المهنة هي التي اصدرت بيانا بعدم تسجيل اي من خريجي كليات الطب او الطب البيطري او العلوم او الزراعة في سجلاتها لان اعداد الصيادلة تفوق سوق العمل في مصر بالاضافة الي الدخلاء علي المهنة
اخي الكريم اعداد الخريجين في مصر تفوق سوق العمل المصري في جميع المجالات
ليست المشكلة في الاعداد المشكلة في سوق العمل
المفروض فيه لجان وخطط عمل مستمرة من الوزارة لتطوير سوق العمل في مصر ليتسع لجميع الخريجين الصيادلة .
رئيس وزراء الصين عندما سُئل ماذا ستفعل وانت لديك كثاقة سكانية 1 مليار مواطن
أجاب ليس هكذا يكون السؤال انما السؤال كيف ستستغل 2 مليار يد لتطوير بلدك .
لابد من هدم الباطل لانه باطل ولا يمكن بناء الباطل لان ما بني علي باطل فهو باطل

لماذا لا يوجد الا كليات الصيدلة التي هي هم كل العابثين لمزيدا من الدخلاء كيف يفكر هؤلاء حقيقة انا لا اعرف

طبعا في فرق بين الصيدلي وخريجي العلوم وخريجي الزراعة
اولا الصيدلي هو شخص متخصص في الادوية من الفها الي يائها
اما خرجي العلوم هو شخصص يكفي انه غير متخصص في مجال الدواء
اما خريجي الزراعة يروح يشوف الزراعة الفاسدة ويصلحها بدلا ما يتطفل علي المهن الاخري
اكاد اقسم ان اكتر من 70 % من خريجي كلية الصيدلة لا يفهمون في الدواء من خلال الدراسة في الكلية
لانه لا يوجد ربط بين المناهج النظرية والمناهج العملية
من فضلك كل هذه شعارات رنانة ولكنه للاسف كلام نظري غير موجود في الواقع الا بنسبة ضئيلة بييجي بالتدريب في الصيدلية
لا للدخــــــــــــــــــــــــــــــــــــــــــــــ ـــــــــــلاء

مـــــــــــــــــــــــــــــا حدث في صيدله طنطا وصيدلة الزقازيق سوف يحدث باذن الله في كل كليات الصيدلة


الموضوع مش موضوع درجتين او نص درجة الموضوع ان مهنة الصيدلة هي مهنة رائجة ولا موضوع ميول ولا كلام من دا خالص

الثانوية العامة كانت علي الكل وهي المعيار الوحيد المقبول حاليا للمفاضلة بين الطلبة بالرغم من فشلها



من الاخر
كل ده كلام ممنوش فايده و مش هيتعمل الا في حالة واحده
لو ان الصيدلي ذات نفسه هو اللي فرض نفسه
بعلمه
بعمله
باخلاقه
بانه يكون قدوة
بانه يكون شخص أد المسئولية الواقعه عليه


طور نفسك الاول
اعمل دورات تدريبية للصيدلي
فعل النشاط التدريبي للطالب الصيدلي بحيث انه يكون مؤهل لسوق العمل
اعمل نماذج لصيدليات اهلية في الكليات و درب فيها الطلاب
استعين بفيديوهات توضيحيه عن كيفية التعامل مع المرضى و كيفية صرف الدواء
امنع صرف الادوية التى تصرف بروشتة الا بروشتة
خلي في تواصل بين الطالب و استاذه حتى بعد التخرج بمده على الاقل سنتين يعرف منه حديث وجديد المعلومات
حبب الصيدلي في مجاله عشان يتميز فيه
و يفرض نفسه في سوق العمل
و عرف الناس في الواقع قيمتك الحقيقة
وان في فعلا فرق بين الصيدلي و خريج اي كلية تانية بس الكلام ده في الواقع
ميبقاش مجرد كلام نظري و شعارات رنانة وخلاص

و بعدين ساعتها من غير ما تصدر قرار ولا حاجة
مش هتلاقي اي دخلاء ولا حد بيسرق المهنة

لكن للاسف نفس التفكير القديم

تحياتي
 
قديم 05-09-2011, 10:17 AM   #6
yojeena
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 3229
تاريخ التسجيل: Jan 2009
الدولة: Under the blue sky
المشاركات: 1,748
الفرقة : خريـج 2010


yojeena غير متواجد حالياً
افتراضي

اقتباس
مشاهدة المشاركة المشاركة الأصلية كتبت بواسطة a_fouda2

من الاخر
كل ده كلام ممنوش فايده و مش هيتعمل الا في حالة واحده
لو ان الصيدلي ذات نفسه هو اللي فرض نفسه
بعلمه
بعمله
باخلاقه
بانه يكون قدوة
بانه يكون شخص أد المسئولية الواقعه عليه


طور نفسك الاول
اعمل دورات تدريبية للصيدلي
فعل النشاط التدريبي للطالب الصيدلي بحيث انه يكون مؤهل لسوق العمل
اعمل نماذج لصيدليات اهلية في الكليات و درب فيها الطلاب
استعين بفيديوهات توضيحيه عن كيفية التعامل مع المرضى و كيفية صرف الدواء
امنع صرف الادوية التى تصرف بروشتة الا بروشتة
خلي في تواصل بين الطالب و استاذه حتى بعد التخرج بمده على الاقل سنتين يعرف منه حديث وجديد المعلومات
حبب الصيدلي في مجاله عشان يتميز فيه
و يفرض نفسه في سوق العمل
و عرف الناس في الواقع قيمتك الحقيقة
وان في فعلا فرق بين الصيدلي و خريج اي كلية تانية بس الكلام ده في الواقع
ميبقاش مجرد كلام نظري و شعارات رنانة وخلاص

و بعدين ساعتها من غير ما تصدر قرار ولا حاجة
مش هتلاقي اي دخلاء ولا حد بيسرق المهنة

لكن للاسف نفس التفكير القديم

تحياتي

في النقطه دي انا متفقه مع حضرتك و ياما طالبت بيه و غيري من الزملاء الافاضل

لكن الكلام دا كله موجه للمنظومة التعليميه مش الصيدلي كطالب نتج عن دراسه باسلوب غير سليم
الصيدلي مفيش اختلاف انه لازم يطور نفسه بعد التخرج بس هتلاقيه بيحارب ضد التيار و لوحده
عشان كدا النقابه لازم تتدخل ودا من حق الفئه القليله من الصيادلة اللي عاوزين يغيروا الواقع بجد

بس مش مبرر اني اوافق ع الدبل كورس

حضرتك اللي عمل الثانويه العامة دي كنظام يجبرني انا و غيري علي الاجتهاد لان دي القوانين اللي موجوده فعلا
و ان في نسب معينه لدخول كل كليه بالاعداد المسموحه
دا اجباري و ارتضاه الكل (ولو اني رافضه اصلا بعبع الثانوية العامة لكن دا الواقع)
اعمل ايه الوقتي الحل من وجهة نظرك نصلح من تحت لفوق
طب ازاي!!!!!!!
و الخلل اللي هينتج عنه زياده رهيبه في عدد الصيادله نحله ازاي؟؟؟
مش تقولي مشاريع ....مين اصلا مسئول فيكي يا مصر عاوز يعمل حاجه بجد

كلية الصيدله الوقتي اللي جايبين طب بيدخاوها و الاقبال عليها شديد جدا من الناس اللي يستحقوها(بالقوانين الحاليه طبعا)

و الناس اللي في علوم و بيطري و زراعه انا بحترمهم لكن لو عاوز تبقي مميز اتميز في مجالك
ماهي الزراعه خربانه و مليانه مجالات للعمل و بجد مصر محتاجه المجال دا يبقي ذاكر و حضر دكتوراه و خليك متميز مش هروب لكليه تانيه و خلاص

و زيه علوم اللي فعلا انا بحترمها بس زي ماهم مظلومين احنا كمان مظلومين
كل الخريجين في مصر مظلومين من طب للدبلومات

مين صيدلي الوقتي اتخرج و قدر يقعد في مصر كلهم بيتغربوا و أكتر مهنة متبهدله بره ...زينا زي غيرنا من الناس اللي هجت من الغلب في بلدها

يبقي نتعامل مع الواقع مش نتكلم بمثاليه محتاجه الظروف المناسبه اولا لتحقيقها
 
قديم 05-09-2011, 11:32 AM   #7
mohamed samir
Pharma Student
  • معلومات
  • معلومات الاتصال
  • احصائيات
  • حالتي

رقم العضوية : 481
تاريخ التسجيل: Aug 2007
المشاركات: 225
الفرقة : خريـج 2011
تواصل مع mohamed samir:

male

mohamed samir غير متواجد حالياً
افتراضي

اقتباس
مشاهدة المشاركة المشاركة الأصلية كتبت بواسطة genious
البيان الاول لانتفاضة وثورة مهنة الصيدلة واهلها الشرفاء



انا متفق معاك غى كل كلمة قولتها وان شاء الله لو مكنتش مشغول هحضر الوقفة دى




اقتباس
مشاهدة المشاركة المشاركة الأصلية كتبت بواسطة a_fouda2
و عليكم السلام ورحمة الله وبركاته

معلش في الكلام اللي هقوله لو متكرر

حضرتك ليه شايل من طلبة الدبل كورس ؟!



الموضوع مش مسالة شايل من حد يا دكتور , بس لما تكون الكلية بتخرج أكتر من المطلوب فى سوق العمل وتزود عليهم خريجى الدبل كورس ده بالاضافة لخريجى الكليات الخاصة يبقى هنيجى فى يوم نقعد فى الشارع .
الكلام ده مش هيبان دلوقتى ,لكن بعد كام سنة شوف الوضع هيكون ازاى .
سوال بسيط لو 10% من خريجى 2011(على اعتبار ان دول فقط هم ساكنى المنصورة )فكروا يفتحوا صيدليات فى المنصورة اليومين دول هيلاقوا مكان؟؟!!!! شوف انت كام دفعة اتخرجت وكام دفعة هتتخرج , وقارن بين عدد خريجى دفعة 2000 ودفعة 2005 ودفعة 2010 وشوف الوضع هيوصل لفين بعد 10سنين؟

مع انهم مش شايفين انهم يشتغلوا بشهادتهم في شركات ومصانع الادوية وهما مطلوبين

و قالوا يدخلوا صيدلة عشان تكون معاهم الشهاده بتاعة كلية صيدلة


فعلا هموا مطلوبين للعمل فى شركات الادوية والمصانع (فى مجال التصنيع الدوائى ) وبيكون الطلب عليهم اكتر من الصيادلة مليون مرة....بس مسالتش نفسك ليه ؟ هل لانهم على دراية اكتر بالكيمياء زى ما واحد صاحبى فى علوم قالى؟؟؟(انا اعترف ان كتير منهم افضل منا فى الكيميا العضوية والتحليلية).....هل لان ده تخصصهم فقط؟؟؟....هل لان قانون المهنة بينص على كده؟؟.

ببساطة يا دكتور المرتبات فى مجال التصنيع الدوائى بتكون منخفضة جدا مقارنةلو سافرت بره او اشتغلت كميديكال ريب او فتحت صيدلية وطبعا اغلب الصيادلة بيرفضوا المرتبات دى عشان كده الطلب بيكون أكتر على خريجى علوم


كمان حاجة دول بيدفعوا اغلى حاجة عندهم
خمس سنين من عمرهم بيدفعوها في الكلية عشان كان فرق عندهم في ثانوية عامة درجة او اتنين
شوف لما واحد بيخش الجيش تلات سنين بيبقى نفسه يعمل ايه عشان يدخل عسكري سنة واحده بس

بيدفعوا خمس سنين من عمرهم مش عشان مجرد الشهادة اللى هياخدوها , عشان هو قارن الفرص اللى هتوفرها له شهادة علوم والفرص اللى هتوفرها له شهادة صيدلة(طبعا ده حقه ومحدش يقدر يعترض على كده خاصة ان الحكومة مش موفره الوظايف اللى يفترض يشتغلوا فيها, كل واحد بيدور على مستقبل احسن له ولاسرته)

بس انا اعتراضى ان بكرة احنا كمان مش هنلاقى الوظايف اللى نشتغل فيها , ولو حضرتك كنت متابع اخبار النقابة هتلاقى النقيب فى يوم طالب الناس انها مدخلش اولادها صيدلة لان النقابة مش هتقدر توفرلهم تكليف بعد كده( على الرغم من اعتراضى على كل كلمة قالها بس هيا دى الحقية ولو ده محصلش دلوقتى هيحصل بعدين)


لو الكلية نزلت اعلان انها تقبل خريجى علوم او زراعة فى الدبل كورس مجانا...تفتكر كام واحد فى علوم هيقدم؟؟!!!

يبقى اللى معاه فلوس هو اللى يتعلم واللى ممعهوش مايلزموش والمسالة معدتش فرق درجتين فى الثانوية العامة


اخر حاجة مش المطلوب ان احنا نمنع دبل كورس انهم يدخلوا صيدلة

المطلوب ان الصيادلة المتخرجين هما اللي يحسنوا نفسهم و يثبتوا ان في فرق بين الصيدلي و خريج علوم او زراعة
او حتى دبلوم تجارة اللي بيقف في الصيدلية سنة واحده تلاقيه فاهم الادوية و بيوصف علاج احسن من الصيدلي ذات نفسه


كلام مظبوط المفروض ان كل واحد يحسن من نفسه سواء كان خريج جديد او قديم ومهما وصل مستواه العلمى.

سوالين هسالهملك بعد اذنك طبعا

"اللى معاه دبلوم تجارة وشغال فى صيدلية وبعد سنة بقى بيوصف احسن من الصيدلى , ده اتعلم من مين من نفسه ؟؟؟؟؟ ولا من الصيدلى اللى كان بيشتغل معاه؟؟؟؟


"بما ان اللى معاه دبلوم تجارة اشتغل فى صيدلية وبقى بيقدر يوصف ادوية يبقى الاحق انه يدخل صيدلة وياخد شهادة صيدلة ولا ايه؟؟؟!!!!

معذرة نيابة عن باقي طلاب كلينكال اقول لك بكل ثقة

نحن لسنا معك







اقتباس
مشاهدة المشاركة المشاركة الأصلية كتبت بواسطة حنين الأمس
يا دكتور genious ......
أنا رديت على حضرتك قبل كدة....
http://www.pharma-board.com/board/sh...ad.php?t=21996
مش هعيد الكلام تاني...
بس عايزة أقول لحضرتك حاجة...
الوقت والمجهود اللي هيتعمل في الوقفة الاحتجاجية دي غاااالي أوووي خصوصاً في الوقت اللي إحنا محتاجين فيه نبني مش نهد.....

مين قال اننا كده بنهد , لو الموضوع كده مكنتش النقابة هيا اللى اتبنت الموضوع ده من الاول

فيه حاجات كتيـــر في مجالنا كصيادلة فعلاً محتاجة وقفة ...ابتداءً بالمناهج...انتهاءً بشغل الصيدلي نفسه...
لما تكون كليتك بتقبل طلبة جدد اكتر من قدرة استعياب الكلية مرتين وبتقبل اى عدد فى الدبل كورس يبقى لازم نتكلم ولا نسكت؟؟؟!!!!
خسااااارة يضيع في حاجة ملهاش أساس من الصحة

حضرتك ممكن تسالى فى النقابة عن الموضوع ده







احنا مهما اختلفنا فى وجهات النظر فاحنا زملاء فى الاول والاخر وياريت محدش يزعل من حد
 
قديم 05-09-2011, 03:42 PM   #8
حنين الأمس
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 3268
تاريخ التسجيل: Jan 2009
الدولة: Mansoura
المشاركات: 1,382
الفرقة : عضو هيئة تدريس
تواصل مع حنين الأمس:

female

حنين الأمس غير متواجد حالياً
افتراضي

بالنسبة لأعداد الصيادلة اللي في زيادة مستمرة....
خريج صيدلة كلينيكال الدبل كورس في رأيي مش هيأثر....لا ع العدد ولا ع أماكن الشغل...

المفروض إن شغله
بإذن الله في المستشفى هيبقى غير خريج صيدلة...يعني مش هيعمل إزدحام في المستشفيات...
وهو صحيح ممكن يفتح صيدلية ...
بس هو ليه يضيع دراسة كلينيكال اللي أخدها ويقتصر ع الصيدلية وبس...
ما هو هيسافر برة ويلاقي فرص عمل كصيدلي إكلينيكي في المستشفيات أحسن كتيـــر من إنه يفتح صيدلية....ده لو مدخلش الصيدلي الإكلينيكي بحد ذاته في مستشفيات مصر...

عدد اللي داخلين دبل كورس قليلين جدا....
يعني في دفعتنا بالضبط معانا 6 من 60 طالب...
يعني لو جينا جمعنا دفعتنا + دفعة سنة تالتة.....وحسبنا نسبة الدبل كورس خريجي كلية الصيدلة في العام ده....تكاد لا تذكر أصلا
5 سنين من العمر + فلوس كتيــــــــر = حاجة مش سهلة إنه يضحي بالاتنين....
وإذا كانوا هم داخلين زي ما بتقولوا عشان مش لاقين فرص عمل ليهم....مع إنه مش لقلة فرص العمل ع فكرة...
عشان سياسة النظام السابق اللي تعتمد ع الواسطة والرشاوي في كل مهنة فيكي يا مصر...
الوقتي البلد تتصلح بإذن الله وكل واحد يجتهد في المجال اللي هو فيه.....وكل الخريجين من كل الكليات بإذن الله هيبقى ليهم وظائف...
ومش هتلاقوا حد يدخل كلينيكال دبل كورس إلا قليل جداااااااااااا
مع إن دخولهم فيه إفادة كبيــــرة للمجتمع

وبالنسبة إنهم لو قالوا كلينيكال ببلاش ... خرجي الدبل كورس هيدخلوا كلهم...
لو قالوا لخريجي صيدلة مثلا تجارة إنجليزي ببلاش
"مع إنهم بيدفعوا أقل مننا بكتيــر"وإن الكلية تقبل خريجي صيدلة...هيدخل كتيـــر من الشباب...عشان يشتغلوا في كذا وظيفة ويبنوا حياتهم...

كنت أتمنى إن الوقفة الاحتجاجية دي مادام دخل فيها سيرة كلينيكال....
تبقى عشان كل كليات الصيدلة في مصر تدرس كلينيكال وشهادتها تبقى كلينيكال....
من غيــر تخصيص لقسم منفصل يبقى اسمه "الصيدلة الإكلينيكية"

اقتباس
مشاهدة المشاركة المشاركة الأصلية كتبت بواسطة mohamed samir

احنا مهما اختلفنا فى وجهات النظر فاحنا زملاء فى الاول والاخر وياريت محدش يزعل من حد

أكيد طبعا يا دكتور محمد...
يفعل الله ما يشاء....وربنا يعمل اللي فيه الخيــــر

 
قديم 05-09-2011, 04:26 PM   #9
BoNbOoNa
Pb Elite
  • معلومات
  • معلومات الاتصال
  • احصائيات
  • حالتي

رقم العضوية : 2939
تاريخ التسجيل: Sep 2008
الدولة: .. مع الله ..
المشاركات: 3,120
الفرقة : كلينيكال 4


BoNbOoNa غير متواجد حالياً
افتراضي

اقتباس
طبعا في فرق بين الصيدلي وخريجي العلوم وخريجي الزراعة
اولا الصيدلي هو شخص متخصص في الادوية من الفها الي يائها

اما خرجي العلوم هو شخصص يكفي انه غير متخصص في مجال الدواء

اما خريجي الزراعة يروح يشوف الزراعة الفاسدة ويصلحها بدلا ما يتطفل علي المهن الاخري

لا للدخــــــــــــــــــــــــــــــــــــــــــــــ ـــــــــــلاء



كلام حضرتك مظبوط تماما ،

لما كنت بتدرب في الصيدلية كنت بشوف أخطاء كتير جدا من غير الصيادلة في التعامل مع الادوية و حتي صرفها ..
و اكيد محدش راضي بحال الصيادلة دلوقتي ... كلنا بنحب التخصص و نحترمه

كلمة دخلاء صحيحة تماما في حالة خريج اي كلية - حتي الطبيب - لما بيشتغلوا او يتدخلوا في شغل الصيدلة

و لكن من وجهة نظري اي حد درس خمس سنين و اتخرج من كلية الصيدلة اصبح صيدلي و بالتالي مش دخيل علي المهنة ..

المفروض في كل المجالات يكون فيه مرونة ان الانسان يقدر يغير مسار حياته مش يتحكم عليه بحياة هو مش حاببها و يبقي القرار المصيري ده بناء علي امتحانات مش مقياس لمؤهلات اي حد لاي حاجة ..


في رأيي الانسان اللي بينجح بالغش و الواسطة سواء في الثانوية او الكلية هو ده اللي بجد دخيل علي المهنة ..


خلال دراستنا عرفنا ان ممكن الصيدلي بعد التخرج يقدم في كلية الطب و يتخرج طبيب بعد كده .. و يفتح عيادة و يشتغل في المستشفي زي زميله اللي درس في كلية الطب بس


وكمان كليات كتيرمنهم صيدلة بتقبل طلبة معاهم ثانوية عامة من بلاد غير مصر ، واحيانا بكون الطلبة مش مصريين كمان زي ماليزيا

يعني اقصد ان فيه جهات اخري
بتصب افراد اكتر في مهنة الصيدلة من غير امتحان الثانوية العامة بتاعنا " لو اعتبرناه المقياس للقبول بالكلية " ، مش بس الـdouble course

القرار مش معترضة عليه لو بمعني ضبط باب قبول مزيد من خريجين الكليات التانية ( طب و اسنان منهم علي فكرة مش بتقتصر علي كلية علوم و زراعة و بيطري ) حسب امكانيات الكلية و العرض و الطلب في الوظائف .. زي بالظبط ما التنسيق بيبقي علي حسب عدد الطلاب الجدد اللي تقدر تستوعبهم كلية الصيدلة ..

و يا رب يصلح أحوالنا جميعا و
ياخذ بأيدينا لما يرضيه و يستخدمنا ولا يستبدلنا و يهدينا سبيل الرشاد

خالص احترامي لحضرتك



 
قديم 05-09-2011, 05:47 PM   #10
a_fouda2
Moderator
  • معلومات
  • معلومات الاتصال
  • احصائيات
  • حالتي

رقم العضوية : 3874
تاريخ التسجيل: May 2009
الدولة: *في رحاب القرآن*
المشاركات: 2,365
الفرقة : كلينيكال 4

male

a_fouda2 غير متواجد حالياً
افتراضي

اقتباس
مشاهدة المشاركة المشاركة الأصلية كتبت بواسطة yojeena
في النقطه دي انا متفقه مع حضرتك و ياما طالبت بيه و غيري من الزملاء الافاضل

لكن الكلام دا كله موجه للمنظومة التعليميه مش الصيدلي كطالب نتج عن دراسه باسلوب غير سليم
الصيدلي مفيش اختلاف انه لازم يطور نفسه بعد التخرج بس هتلاقيه بيحارب ضد التيار و لوحده
عشان كدا النقابه لازم تتدخل ودا من حق الفئه القليله من الصيادلة اللي عاوزين يغيروا الواقع بجد
تمام ده اللي انا بقوله
المفروض ده يكون الاولوية في مطالبة النقابه بيه
وانا كنت متابع كذا موضوع اتعملوا في قسم الخريجين بتوع عبدالله

بس مش مبرر اني اوافق ع الدبل كورس
الدبل كورس في كلينكال بس
يعني بعيد عن الصيدلي العادي في الشغل
اه ممكن يفتح صيدلية بس مش هيصرف حوالي 150 الف جنيه مصاريف كلية فقط بدون ورق وسفر و مصاريف الدراسية العادية عشان في الاخر يفتح صيدلية ب 70 الف كمان مثلا ويضيع فلوسه كلها على الصيدلية
حضرتك اللي عمل الثانويه العامة دي كنظام يجبرني انا و غيري علي الاجتهاد لان دي القوانين اللي موجوده فعلا
و ان في نسب معينه لدخول كل كليه بالاعداد المسموحه
دا اجباري و ارتضاه الكل (ولو اني رافضه اصلا بعبع الثانوية العامة لكن دا الواقع)
اعمل ايه الوقتي الحل من وجهة نظرك نصلح من تحت لفوق
طب ازاي!!!!!!!
و الخلل اللي هينتج عنه زياده رهيبه في عدد الصيادله نحله ازاي؟؟؟
معلش انا حتى الان مش شايف اي خلل
عدد الدبل كورس في جميع كلينكال مصر كلها في 5 دفعات بيتهيألي ميجيبش 100 واحد !
و شغل كلينكال مختلف عن شغل صيدلة عادي
مش تقولي مشاريع ....مين اصلا مسئول فيكي يا مصر عاوز يعمل حاجه بجد

كلية الصيدله الوقتي اللي جايبين طب بيدخاوها و الاقبال عليها شديد جدا من الناس اللي يستحقوها(بالقوانين الحاليه طبعا)

و الناس اللي في علوم و بيطري و زراعه انا بحترمهم لكن لو عاوز تبقي مميز اتميز في مجالك
ماهي الزراعه خربانه و مليانه مجالات للعمل و بجد مصر محتاجه المجال دا يبقي ذاكر و حضر دكتوراه و خليك متميز مش هروب لكليه تانيه و خلاص

و زيه علوم اللي فعلا انا بحترمها بس زي ماهم مظلومين احنا كمان مظلومين
كل الخريجين في مصر مظلومين من طب للدبلومات

مين صيدلي الوقتي اتخرج و قدر يقعد في مصر كلهم بيتغربوا و أكتر مهنة متبهدله بره ...زينا زي غيرنا من الناس اللي هجت من الغلب في بلدها

يبقي نتعامل مع الواقع مش نتكلم بمثاليه محتاجه الظروف المناسبه اولا لتحقيقها


اقتباس
مشاهدة المشاركة المشاركة الأصلية كتبت بواسطة mohamed samir
انا متفق معاك غى كل كلمة قولتها وان شاء الله لو مكنتش مشغول هحضر الوقفة دى


الموضوع مش مسالة شايل من حد يا دكتور , بس لما تكون الكلية بتخرج أكتر من المطلوب فى سوق العمل وتزود عليهم خريجى الدبل كورس ده بالاضافة لخريجى الكليات الخاصة يبقى هنيجى فى يوم نقعد فى الشارع .
الكلام ده مش هيبان دلوقتى ,لكن بعد كام سنة شوف الوضع هيكون ازاى .
سوال بسيط لو 10% من خريجى 2011(على اعتبار ان دول فقط هم ساكنى المنصورة )فكروا يفتحوا صيدليات فى المنصورة اليومين دول هيلاقوا مكان؟؟!!!! شوف انت كام دفعة اتخرجت وكام دفعة هتتخرج , وقارن بين عدد خريجى دفعة 2000 ودفعة 2005 ودفعة 2010 وشوف الوضع هيوصل لفين بعد 10سنين؟

فعلا هموا مطلوبين للعمل فى شركات الادوية والمصانع (فى مجال التصنيع الدوائى ) وبيكون الطلب عليهم اكتر من الصيادلة مليون مرة....بس مسالتش نفسك ليه ؟ هل لانهم على دراية اكتر بالكيمياء زى ما واحد صاحبى فى علوم قالى؟؟؟(انا اعترف ان كتير منهم افضل منا فى الكيميا العضوية والتحليلية).....هل لان ده تخصصهم فقط؟؟؟....هل لان قانون المهنة بينص على كده؟؟.

ببساطة يا دكتور المرتبات فى مجال التصنيع الدوائى بتكون منخفضة جدا مقارنةلو سافرت بره او اشتغلت كميديكال ريب او فتحت صيدلية وطبعا اغلب الصيادلة بيرفضوا المرتبات دى عشان كده الطلب بيكون أكتر على خريجى علوم


بيدفعوا خمس سنين من عمرهم مش عشان مجرد الشهادة اللى هياخدوها , عشان هو قارن الفرص اللى هتوفرها له شهادة علوم والفرص اللى هتوفرها له شهادة صيدلة(طبعا ده حقه ومحدش يقدر يعترض على كده خاصة ان الحكومة مش موفره الوظايف اللى يفترض يشتغلوا فيها, كل واحد بيدور على مستقبل احسن له ولاسرته)

بس انا اعتراضى ان بكرة احنا كمان مش هنلاقى الوظايف اللى نشتغل فيها , ولو حضرتك كنت متابع اخبار النقابة هتلاقى النقيب فى يوم طالب الناس انها مدخلش اولادها صيدلة لان النقابة مش هتقدر توفرلهم تكليف بعد كده( على الرغم من اعتراضى على كل كلمة قالها بس هيا دى الحقية ولو ده محصلش دلوقتى هيحصل بعدين)


لو الكلية نزلت اعلان انها تقبل خريجى علوم او زراعة فى الدبل كورس مجانا...تفتكر كام واحد فى علوم هيقدم؟؟!!!

يبقى اللى معاه فلوس هو اللى يتعلم واللى ممعهوش مايلزموش والمسالة معدتش فرق درجتين فى الثانوية العامة



كلام مظبوط المفروض ان كل واحد يحسن من نفسه سواء كان خريج جديد او قديم ومهما وصل مستواه العلمى.

سوالين هسالهملك بعد اذنك طبعا

"اللى معاه دبلوم تجارة وشغال فى صيدلية وبعد سنة بقى بيوصف احسن من الصيدلى , ده اتعلم من مين من نفسه ؟؟؟؟؟ ولا من الصيدلى اللى كان بيشتغل معاه؟؟؟؟


"بما ان اللى معاه دبلوم تجارة اشتغل فى صيدلية وبقى بيقدر يوصف ادوية يبقى الاحق انه يدخل صيدلة وياخد شهادة صيدلة ولا ايه؟؟؟!!!!





يا دكتور محمد معلش الكلام ده لو انا بدافع عن ان من حق خريج علوم يشتغل مكان الصيدلي العادي في المصانع او شركات الادوية او الصيدليات
لكن انا طبعا ارفض ده تماما و غير موافق على كده
لكن انا بتكلم عن طلبة كلينكال بس
و بعدين على فكرة طلبة الدبل كورس ليهم شروط محدده في اللايحة وبيقدموا طلب للكلية و ممكن يترفضوا يعني مش مفتوحة عشان اي حد يدخل كلينكال

أعتقد ان دكتورة حنين الأمس وضحت لحضراتكوا كمان وجهة النظر اللي احنا بنتكلم منها
لان مش عارف حسيت ان في لبس بين شغل الصيدلي العادي و شغل كلينكال

اقتباس


احنا مهما اختلفنا فى وجهات النظر فاحنا زملاء فى الاول والاخر وياريت محدش يزعل من حد

أكيد يا دكتور محمد
ده نقاش عادي
مفيش حاجة تدعو للزعل

 
 

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 03:17 PM.

Powered by vBulletin
جميع التعليقات تعبّر عن رأي كاتبها ، ولا تعبر عن رأي الموقع او الكلية مطلقا.