هيا نحب العقاقير

[Hope1]

اخيرا و بعد تفكير عميق انا خدت قرار خطير و هو اني هحب العقاقير قرار خطير فعلا
الاسباب :
1-عندنا staff مميز جدا في العقاقير
2-ان العقاقير دى اطيب مادة عندنا في الكلية
ازااااااااي؟؟؟؟؟؟؟؟؟!!!!!!!!!
-مفيش فيها لف و دوران
-لسه الانسان متدخلش فيها و طبعا معروف ان الانسان لما بيتدخل في حاجة بتبقي صعبة و معقدة زي medicinal و العضوية كده
-انها جاية من خير الطبيعة لسه
-ان الامتحان العملي الترم ده جاي spots ان شاء الله و ده طبعا أحسن من ان الدرجة كلها تبقي علي البودر أصل يا جماعة بيبقي احساس فظيع ان الواحد يطلع من الامتحان عامل البودر غلط
لذلك انا من هذا المنبر بطالب دكاترة العقاقير ان الامتحان ينزل علي طول spots لغاية ما تتحل المشكلة اللي بتؤرق كل طلاب الكلية .........
مشكلة الميكروسكوبات

[NonY]

امممم

مقتنعتش


انتى مش جاية الا ع العقاقير تقررى تحبيها
بجد صعب أوى

انتى عارفة لو شيلنا منها حاجات معينة
و الله معنديش مشكلة أحاول أحبها

لكن بمنظرها داااا
و بعدين أنا حاليا اصلا مرعوبة من العملى و خايفة مطلعش اى حاجة



بس دا ميمنعش انك تكملى فى مسيرتك لحب العقاقير
الى ان يتوج بـ

هههههههههههههههه

[white light]

بالنسبالى العقاقير ارحم بكتييير من التحليليه

التحليليه هى اللى مسبب لى عقده من اول ما دخلت الكليه دى

[Hope1]

انا بقول انها ارحم من التحليلية و الصيدلانيات علي الاقل بنبقي عارفين الحاجات الغلط مش الغموض اللي في المواد التانية

[DR DOOLA]

انا بحب العقاقير السنه دى و بكره نبات اعدادى
بس التحليله مش صعبه لا عملى و لا نظرى

[Hope1]

سامحيني يا عقاقير غلطة و معدتش هتتكرر تاني
لان دلوقتي انا بكرهك
بكرهك من كل قلبي

[محمد سمير]

سامحيني يا عقاقير غلطة و معدتش هتتكرر تاني
لان دلوقتي انا بكرهك
بكرهك من كل قلبي

شكل امتحان عملى العقاقير بوظ الشعار بتاعك يادك هيا نحب العقاقير...انسى اللى فات يادك وركزى فى اللى جاى وربنا هيوفقك ان شاء الله....تفائلوا بالخير تجدوه....بالتوفيق.....

[د///*مطحونة*\\\]

عقاقير ايه دى اللى احبها!

طب اقولكوا على حاجة
انا بعد الامتحان قولت هزاكر عقاقير
وقولت افتح صفحة جديدة مع المادة دى
المهم

دخلت ازاكر وكلى امل
فتحت جزء الherb
بتعقيداته وبكلامه الكتير وبكترته ودشه
اتعقدت
وكرهت نفسى وكرهت حياتى باللى فيها وقومت وبقالى كام يوم مش طايقة افتح كتاب
ومن قبله جزء البيو حصل معاه نفس الكلام
لو تقصدى العقاقير اننا نحبها وهى بالمنظر دة
فلا وتريليون لالالالالالالالالالالالالالالالالالالالالالالالالا لالالالا
وحب المادة على فكرة مالوش علاقة بالدكاترة
احنا عندنا دكاترة على اعلى مستوى
بس احنا بقا اللى مالناش عمار مع المادة دى
اللى عاوز يعرف السبب
يقوم يزاكرها وهو يعرف

[NonY]

اللــــــــــــــه أكبــــــــــــــــر

[d\omnya]

اخيرا هرد على موضوع صاحبتى وحبيبتى اللى الصراحة بعد ماكتبت الموضوع دة كنت على وشك انى اقطع علاقتى بيها لكن بما انها غيرت رآيها ورجعت للطريق الصح فخلاص مافيش مشكلة سماح وهى خلاص عرفت غلطتها ومعدتش هتعمل كدة تانى.
لان بعد امتحان العقاقير الصراحة الواحد مبقاش عارف هو رايح فين ولا جاى منين ؟ حسبى الله ونعم الوكيل...