السلام عليكم ورحمة الله وبركاته
مع بداية سكاشن الفيتو تبين انها من النوع المتعب مش في الشغل لكن في جو السكشن اللي ما فيهوش مروحة واحدة برغم كل الفليمات اللي بتشتغل والحاجات اللي بتتبخر وما فيش للطلبة كراسي كاننا إنسان آلي يشتغل يفضل واقف وقت السكشن مع إننا كنا أغلب الوقت مستنيين الريزيديو يتكون والشغل اللي محتاج وقوف ما يكملش ساعة ما يهمش إن ممكن يكو تعبان ضغطك أو سكرك منخفض أي حاجة وطبعا ممنوع تقعد عالبنش ممكن لو تعبان أوي تقعد عالأرض وده كمان ممنوووووووع .
أتمنى إن الدكاترة يعرفوا إن أي إنسان طبيعي بيحتاج كرسي يقعد عليه ممكن حد يقول إننا قربنا نسيب المبنى القديم من بعد الترم ده بس بقول إن حتى المبنى الجديد سياسة إن الواحد يقعد على كرسي مفتقدينها في أماكن كتير زي سكاشن العضويه اللي كانت من غير كراسي وحتى بعد ما خلصنا سكشن االفيتو الطويل وفي انتظار المحاضرة هنقعد فين ؟؟ نفضل واقفين !!!!! إيه المانع إن يكون في مكان انتظار نقعد فيه مكان للأولاد ومكان للبنات ولا الطبيعي القعدة عالسلالم ممكن أطلب من الدكاترة اللي بيدرسونا طلب لما يكون عندهم ساعة فاضية بين محاضرتين ليهم ما يروحوش مكاتبهم ويشاركونا ويحطو نفسهم مكاننا ونشوف الدكتور هيعمل إيه هيقف ؟ هيتمشى ؟ ولا هيقعد فين ؟؟