مشاهدة نتائج الإستطلاع: المرشحون للوزارة (انتخب الذى يحقق امانيكم)

المصوتون
56. أنت لم تصوت في هذا الإستطلاع
  • Barbie

    1 1.79%
  • dr/noony

    21 37.50%
  • **SAMAR_RESALA**

    1 1.79%
  • *محبة رسول الله*

    30 53.57%
  • رحيق

    2 3.57%
  • عائشة

    1 1.79%
صفحة 3 من 10 الأولىالأولى 12345 ... الأخيرةالأخيرة
النتائج 21 إلى 30 من 100

الموضوع: وزير للصحة

  1. #21
    Pb Elite
    تاريخ التسجيل
    Apr 2007
    الدولة
    life prison
    المشاركات
    1,312

    افتراضي

    استكمالا للبنود

    1-زيادة بنوك الدم فى مصر والغاء فكرة التبرع فى سيارة الاسعاف
    دى حاجة غلط جدا اننا نأخد ناس كده من الشارع ونخليهم يتبرعوا بالدم
    من غير تحليل للدم او كشف طبى كامل قبل التبرع على الاقل صورة دم كاملة
    غير كده انا سمعت ان الدم ده بيتباع للناس مش بالمجان ده لو لقوه اصلا

    2-سياسة جديدة لتداول الادوية وهى عدم نزول اى دواء تحت مسمى تجارى
    بمعنى كل شركة هتنزل دواء ينزل بالاسم العلمى generic name وممكن نضيف شرطة
    ثم اول حرف من اسم الشركة مثال paracetamol-aوهكذا عشان نلغى فكرة
    المندوب اللى بيروح للدكتور مش لاهمية الدواء او مميزاته لا عشان الرشوى المقنعة
    ونترك الحرية للصيدلى فى صرف الادوية دون اعتراض او خوف من المريض ان ده دواء غير
    المكتوب او بديل او الاوضاع اللى بنشوفها دى ........................

    3-بالنسبة للادوية المخدرة والمؤثرة على الحالة النفسية ممنوع صرفها الا من المستشفيات
    الحكومية لان فى كارثة حقيقية فى مصر بسبب الصيادلة معدومى الضمير للاسف لو عملنا
    حصر لكمية المخدرات و عدد المدمنين وازاى بدأ الادمان هتلاقى نسبة كبيرة جداا سببها الصيدلة
    وللاسف النوعية دى من الصيادلة اثرت على الزملاء المحترمين المحافظين على مبادئ وقسم المهنة
    واخرها الحادثة اللى حصلت من السنة اللى فاتت وادت لمقتل صيدلى ف صيدليته بسبب المخدرات

    4-صرف الروشتات ممنوع صرف روشتة بخط الطبيب ولكن لابد ان تكون مطبوعة على الحاسوب
    طبعا كلنا عارفين السبب .........................

    5- بنك للتبرع بالاعضاء لمنع الحوادث الخطيرة التى تحدث من خطف للاطفال وكبار وسرقة اعضائهم
    تخيلو ان بقى فى بلدنا البسيطة دكرنس حوادث من النوع ده بجد شئ مؤسف الناس اتغيرت من أجل حفنة جنيهات


    6-بنك للنخاع الشوكى او بمعنى اخر خزعات من النخاع الشوكى لمن يريد (صراحة انا لسة بدور فى الموضوع
    وبحاول اشوف برة فى الدول المتقدمة الية تشغيل مؤسسة من النوع ده )
    لانى بسمع ان فى ناس بتحتاج زراعة نخاع زى مثلا فى حالات سرطان الدم وبيحتاجوا السفر للخارج
    وطبعا على نفقة الدولة وبيكون مكلف جدا واحيانا بيفوت الاوان قبل ما المريض يقدر يجمع المبلغ
    المطلوب وللاسف احيانا بحس ان الحكومة لها دور كبير فى التقصير لانها مسئولة انها توفر امكانية زى دى


    الى ان يجد جديد مرشحكم منكم ولكم (dr/noony)
    التعديل الأخير تم بواسطة dr/noony ; 23-06-2010 الساعة 03:07 PM

  2. #22
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    المرشحون للوزارة حتى الان حسب التزامهم ببنود الترشح المعلنة هم:
    1 dr/noony الفرقة الرابعة

    2. barbie الفرقة الثالثة
    3 **SAMAR_RESALA** الفرقة الثانية
    4 *محبة رسول الله* الفرقة الثانية
    5 رحيق الفرقة الإعدادية
    كلهم بنات ماشاء الله

    واضح ان المرأة بقت كل المجتمع مش نصه بس

    انا بطالب بتحديد كراسى للرجال عشان صوتنا يوصل

  3. #23
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة Dr/HULK مشاهدة المشاركة

    كلهم بنات ماشاء الله

    واضح ان المرأة بقت كل المجتمع مش نصه بس


    انا بطالب بتحديد كراسى للرجال عشان صوتنا يوصل
    كنت حريص فى مدرج الفرقة الثالثة ان أخصص مقاعد أمامية للأولاد لأن وضعهم فى اخر المدرج لم يعجبنى و لكن اتضح فيما بعد ان البنات كان عندهم حق فى احتلال تلك المقاعد لأن الأولاد تقلص عددهم فى الحضور بالتدريج و انكشفت الهمة و لم يحافظوا على هذا المكسب و أصبحت انا كمن دافع عن حق لم يكن حريص عليه اصحابه. فهذه هى المحصلة و اكون سعيد جدا لو أثبت لى الأولاد عكسها.

    "من لا يتقدم يتقادم .. فلا بصمة و لا أثر"

  4. #24
    Pharma Student
    تاريخ التسجيل
    Mar 2009
    الدولة
    يا رب مع النبى
    المشاركات
    1,178

    افتراضي

    ازى حضرتك يا دكتور
    يا رب تكون بخير دايما ان شاء الله

    حضرتك ايه المقصود من الالتزام ببنود الترشيح؟

    هل عدد البنود بس؟
    ولا فيه حاجات تانية

    أنا كده هبقى فى الآخر خاااااااااالص

  5. #25
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة *محبة رسول الله* مشاهدة المشاركة
    ازى حضرتك يا دكتور
    يا رب تكون بخير دايما ان شاء الله

    حضرتك ايه المقصود من الالتزام ببنود الترشيح؟

    هل عدد البنود بس؟
    ولا فيه حاجات تانية

    أنا كده هبقى فى الآخر خاااااااااالص
    الحمد لله و جزاك الله خيرا يا *محبة رسول الله*
    بنود الترشيح مكتوبة فى صدر هذا الموضوع و هى
    1. محاور خطتك (الأهداف التى تحدد خطة الإصلاح و التغيير الخاصة بك- حددناها بخمسة فقط) للنهوض بالوضع الصحى فى البلد.
    طبعا هناك فرق بين الأهداف و الوسائل التى فى بند 2
    2. ما هى إجراءاتك (الوسائل) التى ستتبعها حتى تنفذ خطتك
    3. كيف تقيس النجاح في تنفيذ خطتك؟
    بالتوفيق.
    "من لا يتقدم يتقادم .. فلا بصمة و لا أثر"

  6. #26
    Pharma Student
    تاريخ التسجيل
    Mar 2009
    الدولة
    يا رب مع النبى
    المشاركات
    1,178

    افتراضي

    حاضر يا دكتور ان شاء الله هرتب افكارى وأكتبها من تانى بإذن الله

    أكرمكم الله

  7. #27
    Pharma Student
    تاريخ التسجيل
    Mar 2008
    الدولة
    alone on the moon
    المشاركات
    639

    افتراضي

    طيب إستكمالاً للبنود بتاعى كمرشحه للوزاره
    عايزه أضيف 3 بنود كمان بعد إذن رئاسه الوزراء طبعاً


    1- الإهتمام بالمستشفيات والوحدات الصحيه فى القرى الريفيه
    وتخصيص ميزانيه محدده لتتطويرها
    وجعلها بصوره لائقه آدميه
    2-الأهتمام بمياه الشرب اللى هى سبب معظم الأمراض والبلاوى اللى بتحصل للناس
    بإنى أخلى فى رقابه على محطات تنقية المياه و تحديث محطات تنقية المياه ودعمها بأجهزة قياس حديثة لمراقبه الجوده وأقلل إستخدام الكلور وأستخدام الأوزون أو ال u.v بدل منه والإهتمام بصيانه وغسل شبكات المياه بصفه دوريه والإهتمام بالأبحاث المتخصصه فى توفير وسائل حديثه لتنقيه مياه الشرب (وبكده يبقى أنا عملت اللى عليا فى الجزء ده والباقى على وزارة البيئه هى المسؤله عن الحد من التلوث اللى بيحصل بالصرف الصحى والزراعى وغيره )

    3- فى محاوله لحل مشكلة تمويل البحث العلمى فى المجالات الطبيه
    وبالإتفاق مع وزراء الصحه العرب(وخصوصاً بتوع الخليج عشان فلوسهم كتير

    يتم إنشاء مؤسسه لدعم البحوث العلميه فى المجال الطبى ونسميهاArab institute for medical research
    (AIMR) هدفها دعم وتمويل البحوث الطبيه ومعونة الباحثين فى العالم العربى وهيبقى فى لجنه متخصصه مسؤله عن تمويل كل بحث وتقدير المبلغ المخصص ليه



    وأبقى أنا كده وضعت البذره ممكن التعاون ده بعدها يحصل فى مجالات تانيه أكتر
    وبحوث علميه أوسع من المجال الطبى
    فنسمع مثلاُ خير اللهم ما إجعله خير إن العرب صنعوا طياره أو حاسب إلكترونى


    وأتاريها وزاره ما تمت
    التعديل الأخير تم بواسطة **SAMAR_RESALA** ; 27-06-2010 الساعة 09:36 AM

  8. #28
    Pb Elite
    تاريخ التسجيل
    Nov 2008
    الدولة
    In my own world
    المشاركات
    1,044

    افتراضي

    أنا انسحب


    لم يكن الموضوع بالنسبة لي ترشحا للوزارة بقدر ما كان نقدا

    لأوضاع أراها سببا في عرقلة أي مساعي للنهضة في شتي

    المجالات و ليس الصحة فقط

    أتمني التوفيق لجميع المرشحين و أطيب

    الامنيات و في النهاية


    ( ان أريد الا الاصلاح ما استطعت و ما توفيقي الا بالله )


    و أتمني ان يكون القادم الجديد عند حسن ظننا

    جميعا

    Omnia Elbdrawy

  9. #29
    Pharma Student
    تاريخ التسجيل
    Mar 2009
    الدولة
    يا رب مع النبى
    المشاركات
    1,178

    افتراضي

    بعد إذن حضرتك يا دكتور لو حد وضع نفس البنود او احد البنود الخاصه بأحد المرشحين هنتعامل ازاى

    يا ريت يا دكتور نصفى كل المشاركات دى
    بحيث انى لو عامله بند من بنود المرشح اللى قبلى احذفها

    وهكذا كل واحد يشوف لو حد وضع بند قبله يحذفه

    مظبوط يا دكتور؟

  10. #30
    عضـو هيئـة التـدريـس
    تاريخ التسجيل
    May 2007
    المشاركات
    765

    افتراضي

    اقتباس المشاركة الأصلية كتبت بواسطة *محبة رسول الله* مشاهدة المشاركة
    بعد إذن حضرتك يا دكتور لو حد وضع نفس البنود او احد البنود الخاصه بأحد المرشحين هنتعامل ازاى

    يا ريت يا دكتور نصفى كل المشاركات دى
    بحيث انى لو عامله بند من بنود المرشح اللى قبلى احذفها

    وهكذا كل واحد يشوف لو حد وضع بند قبله يحذفه

    مظبوط يا دكتور؟
    مفيش مشكلة يا *محبة رسول الله* ; سوف نترك المجال لكل مرشح حتى لو كرر بعض البنود و لكن انا منتظر لبعد نهاية الإمتحانات بأسبوع ثم سأقدم اسماء المرشحين فى جدول مع اقتراحاتهم و المميز فيها فقط ثم نعمل تصويت على هيئة استبيان.
    -----


    اقتباس المشاركة الأصلية كتبت بواسطة Hope1 مشاهدة المشاركة
    أنا انسحب
    بسهولة كده, طيب و أين المثابرة؟
    "من لا يتقدم يتقادم .. فلا بصمة و لا أثر"

صفحة 3 من 10 الأولىالأولى 12345 ... الأخيرةالأخيرة

المواضيع المتشابهه

  1. عاجل...زيارة وزير التربية و التعليم لمدرسة الخلفاء الراشدين
    بواسطة Dr Anonymous في المنتدى المنتـدى العـام
    مشاركات: 10
    آخر مشاركة: 08-04-2010, 03:11 AM
  2. مشاركات: 11
    آخر مشاركة: 05-01-2010, 01:01 PM
  3. قرار وزير التعليم العالى ان المتحانات تبقى اسبوعين بس؟؟؟؟
    بواسطة Dr/HULK في المنتدى المنتـدى العـام
    مشاركات: 18
    آخر مشاركة: 15-10-2009, 04:48 AM
  4. أمسية "الطريق إلى الامتياز " مجانآ لد. إبراهيم الفقى
    بواسطة عامر إبراهيم في المنتدى الجمـعيه العلميـه
    مشاركات: 2
    آخر مشاركة: 12-01-2009, 10:26 PM
  5. مشاركات: 15
    آخر مشاركة: 31-12-2008, 09:33 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •