صفحة 1 من 9 123 ... الأخيرةالأخيرة
النتائج 1 إلى 10 من 85

الموضوع: يوميات شبه شعريه

  1. #1
    Pb Elite
    تاريخ التسجيل
    Nov 2008
    الدولة
    In my own mind
    المشاركات
    1,508

    افتراضي يوميات شبه شعريه

    الموضوع فكرته استوحيتها اولا من دكتورة ايه فاروق موضوعها الاخير
    انا فكرت ان ليه منكتبش عن موقف حصل حاجه سبه اغانى الرابى بس طبعا بدون موسيقى وباايقاع هادى عنه شويه
    انا هجرب حطى ولو نجحخ الموضوع يستمر ولو منجحش يبقى يروح عل الحذف


    النهاردة يوم الاتنين
    7ساعات فى المدرج مخللين
    جيت فى محاضرة الابلايد
    مبقتش شايفه الdark من الlight
    مش عارفه اركز ولا انام
    الدكتور شايفنى وانا نايمه عل الخد اليمين او حتى الشمال
    قلت ابص حوليا واوفق نفسى
    بصيت لاقرب حاجه ليا زميلتى اللى قاعده جنبى
    لقيتها ونعم المعين بتسقط من الجهتين
    تفوق خمسه وتقع عشرتييييين
    قلت خلاص اجرب اغفل ولو ثانيتين
    لقيت نفسى شديت وكانى نايمه بقالى ساعتين
    والدنيا هاديه وجميله
    وانا مطوله فى التعسيله
    هزتنى رفيقتى فى النعاس
    وقالتلى فوقى وبصى على الاستاذ
    قلت يالهوى دا اكيد اكيد شافنى
    قلت لا افوق شويه وبلف اقولها الف شكر
    لقيتها سبقتنى وسكرت سكر
    قلت لنفسى وبعديه بقى فى الازمه ديه
    لا انا بركز ولا عارفه انام شويه
    قلت وماله اطلع ورقه واكتب رساله انسانيه
    بسم الله الرحمن الرحيم
    اما بعد
    اما بعد
    مجتش خالص فى بالى اللى بعد اما بعد
    خمس مرات ابص فى الساعه ديه
    كل مرة بشوفها 11 الا ربع وشويه
    يلا بقى شدى حيلك وتعالى 11 مظبوطه وميه ميه
    ولما جت لقيت الدكتور مستمر فى الشرح وعاااادى خالص
    وانا خلاص ببص عل الباب وهعيط دموع بالازايز
    واخيرا اللحظه التاريخيه
    الدكتور اخيرا قال دا معاد المحاضرة الجايه
    فرحه عمت اساريرى وخلاص جايالك يا سريرى
    وجريت عل الباب زى الجرى عل الجمعيه
    وفى بالى صور سرير ومخده لحاف وبطانيه



    يارب الفكرة تعجبكم



    فهرس المشاركات الجديدة ( متجدد باستمرار )

    1. آية فاروق

    بتاريخ : 11 - 10 - 2011

    2. صاحبة القلم الحائر

    بتاريخ : 13 - 10 - 2011

    3.chocolata

    بتاريخ : 17 - 10 - 2011


    4.eeeman

    بتاريخ : 13 - 11 - 2011


    5.chocolata

    بتاريخ : 14 - 11 - 2011


    6.Mouri Ran

    بتاريخ : 15 - 11 - 2011


    7.chocolata

    بتاريخ : 09 - 12 - 2011

    8. Sara Saso

    بتاريخ : 10 - 12 - 2011

    9.chocolata

    بتاريخ : 14 - 12 - 2011


    10.Dr_Cinderellaaaaa

    بتاريخ : 19 - 12 - 2011


    11.chocolata

    بتاريخ : 01 - 05 - 2012
    التعديل الأخير تم بواسطة M.Hegazy ; 13-05-2012 الساعة 09:31 PM سبب آخر: تم التحديث : 01 - 05 - 2012

  2. #2
    Pb Elite
    تاريخ التسجيل
    May 2010
    المشاركات
    1,158

    افتراضي

    هههههههههههههههه
    حلوة الفكرة اوى

    والله كلام واقعى جدااااا كلنا كده يا دكتورة
    استمرى وانا متابعة

  3. #3
    Pb Elite
    تاريخ التسجيل
    Dec 2008
    الدولة
    MANSOURA
    المشاركات
    2,308

    افتراضي

    جميله ماشاء الله

    هو ده تأثير الابليد

    استمرى يا جميل اكيد هتبتدعى فى محاضره الصناعيه والتوكسو


  4. #4
    Pb Elite
    تاريخ التسجيل
    Apr 2009
    المشاركات
    1,362

    افتراضي

    الفكرة فعلاً حلوة..استمري فيها بقه يادكتورة علشان حتي تهوني علينا الظغط ده...بس الحمد لله ...تخيلي بقه لو المدرج مليان زي الصناعية كده..كان الوضع هيبقي عامل ازاي بقه....
    وعلي فكرة كله مع التعود ببيقي هين وعادي..نستحمل بقه لامفر
    مرة أخري الفكرة جميلة ياريت حضرتك تستمري فيه..

  5. #5
    Pharma Student
    تاريخ التسجيل
    May 2009
    الدولة
    Still Searching ....!
    المشاركات
    1,156

    افتراضي

    جميل الموضوع و فكرته حلوة .. و الكلام معبر جداً .. تسلم ايدك يا دكتورة

    استمرى .. للأمام و ربنا يوفقك



  6. #6
    Pb Elite
    تاريخ التسجيل
    Oct 2010
    الدولة
    Paradise
    المشاركات
    775

    افتراضي

    الفكرة ممتازة ,,, بس الأسلوب ممكن يكون أحسن من كده
    بس بصراحة هوه دا اللي بيحصل بالظبط ,,,,,,,,,,,, تقبلي مروري

  7. #7
    Pharma Student
    تاريخ التسجيل
    Oct 2007
    المشاركات
    61

    افتراضي

    جميلة جدا جدا وخصوصا انتى بتكلمى وانتى فى السكشن وبعدين انتقلتى على المحاضرة
    بس هنعمل ايه ..............تاثير الابلايد
    جميلة استمرى

  8. #8
    Pharma Student
    تاريخ التسجيل
    Jan 2010
    المشاركات
    616

    افتراضي

    اقتباس المشاركة الأصلية كتبت بواسطة chocolata مشاهدة المشاركة
    الموضوع فكرته استوحيتها اولا من دكتورة ايه فاروق موضوعها الاخير
    انا فكرت ان ليه منكتبش عن موقف حصل حاجه سبه اغانى الرابى بس طبعا بدون موسيقى وباايقاع هادى عنه شويه
    انا هجرب حطى ولو نجحخ الموضوع يستمر ولو منجحش يبقى يروح عل الحذف






    ههه ليا الشرف انى اوحيت ليكى بالفكره
    امم حلوة فكرة الراب بكتبه لناس على فكره ههههه جيتى فى ملعبى بس ناو مش فاضيه بس اوك نحاول نفتكس اى منكش ههه محدش يركز مع اللغه
    احم حد يدينى بييت بقا

    انا قاعده دلوقتى عالمكتب بتاعى
    بحاول اخلص شغلى
    بس لاقتنى بتسنكح بدون اى داعى
    عاماله ادرب عالقصيده اللى هقولها بكره
    وماما بتشتكى من صوتى اصله بجد اذاعى !
    طب انا اعمل ايه وانا ورايا ميت الف حاجه
    تقدر فعلا تقول لعشر ساعات محتاجه
    حاليا بكتب مقدمه للحفله بتاعة اسرتى
    ولازم اكتب حاجه حلوه عشان ارضى ذمتى
    انا عامله زى الملح ولازم ارضى بقسمتى
    ودلوقتى شدنى موضوع وحاليا بكتب قصتى
    الست شيكولاته فى المنتدى بطبق فكرتى
    بعدين لازم اخلص والحق اعمل البامفليت
    ومحدش يسألنى دا ايه دا ملخص فقرات الحفله
    بجد انا ملبوخه وحياتى بجد فى ازمه
    مش فاكره اخر مره كلت فيها كانت امته
    اهم حاجه شغلى واى حاجه تانيه عالجزمه
    من غير اسم ليا انا بجد مليش لازمه
    ادعولى بقا
    ونايس توبيك

  9. #9
    Pb Elite
    تاريخ التسجيل
    Sep 2008
    المشاركات
    2,071

    افتراضي

    بسم الله الرحمن الرحيم
    جميلة يا شيكو ................ الحقيقة كانى لسه شيفاكى دلوقتى قدامى ، وانتى فى المدرج

  10. #10
    Pb Elite
    تاريخ التسجيل
    Nov 2007
    المشاركات
    2,342

    افتراضي

    جميلة ياشيكو لانك وصفتى احساسنا بالضبط خصوصا لما لدكتور كمل بعد 11

صفحة 1 من 9 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •