النتائج 1 إلى 10 من 10

الموضوع: علامه استفهام

  1. #1
    Pharma Student
    تاريخ التسجيل
    Apr 2010
    المشاركات
    2

    افتراضي علامه استفهام

    ايها الدكاتره المحترمين مع كل احترامي وتقديري
    انا مستغرب على الى انتو فيه
    انا اخي طالب في اولى صيدله
    وفي مكتبه في شارع الجلاء اسمها ****** بتبيع ورق لكلية الصيدله وبتاجر بأسماء الدكاتره والمعديدين وبتقول للطلبه انها بتدفع للدكاتره والمعيدين وان الورق إلي عندها هوه اهم حاجه واهم من الكتب والمحاضرات والسكاشن واي حاجه مهمه هيه بتجيبها من الدكتور نفسه بمقابل مادي وبتبيع ورق باسماء المعيدين
    انا والله مش عارف انا احترت معقول الكلام ده صحيح؟؟؟؟؟؟؟؟؟؟؟؟؟؟؟
    ولو الكلام ده غلط ليه دكاترة ومعيدين كلية صيدله ساكتين على كده دي امانه وممكن يشتكو على النت لوزارة الداخليه على ده
    http://www.moiegypt.gov.eg/Arabic/co.../showComplains

    وهو موقع وزارة الداخلية شكاوى وبالاغات المواطنين
    في الادارة العامة لمباحث المصنفات وحماية حقوق الملكية الفكريه

    ولازم نقضي على المهزلة دي ارجوكم انا بعت شكوي ولازم كلنا نبعت علشان يكون فيه اجراء للصالح العام
    التعديل الأخير تم بواسطة M.tal3t ; 07-04-2010 الساعة 07:47 PM سبب آخر: Bookstore name removed

  2. #2

    افتراضي

    اهلا بحضرتك معانا في المنتدي
    ليا توضيح بس علشن من الواضح في سوء تفاهم
    المكتبة مش بتبيع ورق للدكاترة ومعيدين الكلية ولا حاجة
    مصدر الورق الي بيتباع في كل المكاتب الي برا هوا ورق دكاترة الكورسات
    الي فية ناس كتير بتفضل ان تذاكر منة بدل من كتب الكلية
    زي ايام المدرسة ما كان بيبقي كتبا الوزارة وكان بيبقي فية الكتب الخارجية
    وعلي فكرة هما ملهومش اي علاقة بمعيدين ودكاترة الكلية
    كل تعاملاتهم مع الدكاترة الي بيدو كورسات برا
    الا اذا دكتور ساب hand out من المحاضرة وبيقول ابعتوها اي مكتبة برا علشان للاسف الكلية مفيهاش مكتبة للتصوير
    يا ريت اكون وصلت الفكرة
    واهلا بحضرتك مرة تانية في المنتدي


  3. #3

    تاريخ التسجيل
    Dec 2009
    الدولة
    يارب مع رسول الله
    المشاركات
    2,600

    افتراضي

    اهلا بحضرتك فى منتدانا ...وشكرا لحرص حضرتك على مصلحتنا ...........
    لكن فعلا زى ما الدكتور وضح ان الدكاتره والمعدين بتوعنا ملهومش دعوه بالورق ده خااااااااااااالص يعنى مفيش دكتور بينزل لينا ورق الا اذا قالنا فى المحاضره انه هينزل projector الخاص بالمحاضره فى المكتبه وبيبقى نفس الى شرحه يعنى نفس المحاضره لكن بيبقى مبسط شويه عن الكتاب.....والورق ده خاص بدكاتره تانيين لكن بيكتبوا عليه اسم الدكاتره بتوعنا عشان يعرفونا ان الجزء ده مثلا يخص الدكتور فلان ............لكن مش هموا الى بينزلوه ........
    شكرااااا لحضرتك

  4. #4
    Pharma Student
    تاريخ التسجيل
    Jul 2008
    الدولة
    جمهورية مصرالعربية
    المشاركات
    3,069

    افتراضي

    هو فيه نوعين من الورق بينزل

    الاول هو تبيض المحاضرات اللى بناخدها ودى هدفها بيكون الدعاية للاخ اللى بيدى كورسات لانها بتنزل باسمه ومش بياخد عليها فلوس

    والتانى ورق الكورسات واللى بيكون فيه بعض الحاجات المهمة اللى ساعات الدكاترة بتقولها فى المحاضرات وبتتسجل وتتبعت للاخ اللى بيدى كورسات عشان يديها للى عنده فى الكورس والورق ده مش بينزل المكتبات

    وفى فى الاخر بينزل تجميعات ومراجعة ودى بتبقى للكل سواء للى بياخد كورس او مش بياخد لان اللى بينزلها بياخد نسبة من الارباح من بتاع المكتبة

    هو ده نظام الورق اللى بينزل المكتبات مش دكاترتنا اللى بينزله دى ناس ممكن يبقى خريج صيدلة او خريج اى حاجة تانية وبيدى كورسات للطلبة

  5. #5
    Pharma Student
    تاريخ التسجيل
    Apr 2010
    المشاركات
    2

    افتراضي

    يا جماعه انا مش بشكك في دكاترة الكلية ولا حاجه انا عارف ان الدكاتره ناس محترمين
    انا بقول ان صاحب المكتبه هوه إلي بيدعي كده وبيقول انه هيجيب اسئلة الامتحان كمان انا عاوز اي مسؤل في الكليه ياخذ إجراء ضده لانه بيبتز الطلاب وباخذ فلوس كتير منهم مقابل كده وبيقول إلي هيشتري مني هجيبله المهم اخر السنه وده إلي بيجي منه الامتحان والطلاب مصدقين الكلام ده ودي تعتبر سرقه للحقوق الفكريه وممكن المسؤلين يشتكوا على النت في موقع وزارة الداخليه

  6. #6
    عضـو هيئـة التـدريـس
    تاريخ التسجيل
    Oct 2008
    المشاركات
    1

    افتراضي

    اقترحوا علينا ما يمكن عمله في الكليه عشان نوقف موضوع الورق اللي بينزل في المكاتب و بيرهقكم تصويره كما و نوعا . احنا بنزل Hand Out و مع ذلك بينزل من مصادر أخري لا نعرفها. تعالوا نبدأ دلوقتي نفكر نعمل ايه.

  7. #7
    Pharma Student
    تاريخ التسجيل
    Nov 2008
    المشاركات
    239

    افتراضي

    دى تالت سنه ليه فى الكليه
    واتعاملت تقريبا مع كل المكتبات ومحدش قاللى كده
    ممكن تكون حضرتك واصلالك الصوره بشكل مش صحيح

  8. #8
    Pb Elite
    تاريخ التسجيل
    Nov 2008
    الدولة
    In my own world
    المشاركات
    1,044

    افتراضي

    اقتباس المشاركة الأصلية كتبت بواسطة منال عيد مشاهدة المشاركة
    اقترحوا علينا ما يمكن عمله في الكليه عشان نوقف موضوع الورق اللي بينزل في المكاتب و بيرهقكم تصويره كما و نوعا . احنا بنزل Hand Out و مع ذلك بينزل من مصادر أخري لا نعرفها. تعالوا نبدأ دلوقتي نفكر نعمل ايه.

    و الله يا د.منال الهاند اوت بتاع حضرتك كان جميل جدا السنة اللي فاتت انا كنت بذاكر منه و كان زي المحاضرة بالظبط
    بس هو الموضوع ان الطلبة بتبقي متعودة علي نوع ورق معين و بيكون الدكتور منزل فيه كل حاجة و كمان ساعات الهاند اوت مش بيكون فيه كل حاجة فالحل ان الدكتور يلتزم باللي في الورق لان ساعات الدكتور يقول انه ناقص حاجات عن المحاضرة و ده للتفريق بين اللي بيحضر و اللي مبيحضرش هو منطق مقبول و كل حاجة بس بييقلل مصداقية الورق خاصة لو لقينا ورق الدروس فيه كل حاجة

  9. #9
    Pharma Student
    تاريخ التسجيل
    Aug 2008
    الدولة
    يارب مع الرسول
    المشاركات
    1,239

    افتراضي

    السلام عليكم و رحمة الله

    على فكرة حكاية الhand out دى جميلة جدا و بالفعل قسم التحليلية قام بالحكاية دى و بعض معيدين العضوية بس ده مش لمصلحتهم الشخصية ده علشان نتفادى أخطاء الورق الخارجى و فى رأيى المتواضع ان دى أحسن طريقة شفتها فى الكليه و دى الطريقة اللى نقدر بها نبتعد عن الورق الخارجى ...هو أكيد المصادر التانية هتفضل تنزل ب احنا هيبقى قدامنا نختار و أكيد ساعتها هنختار المصدر المضمون و الأكيد....

  10. #10

    افتراضي

    أهلا بيك معانا فى المنتدى

    اظن إن الدكاتره وضحت الصورة

    لأن الورق ده لاغنى عنه على الأقل بالنسبه لطلبه كلينكال
    لان مفيش عندنا كتب ..كله hand out .. وبيتصور فى الكليه يومى
    فلو فيه حد مش موجود بيضيع عليه الورق بتاعه

    وكمان لضيق الوقت بين الدراسه والامتحانات واللى غالبا بتكون اسبوع
    فبيكون الحل الوحيد هو ورق التجميعات

    اما بالنسبه للمتاجره بإسم الدكاتره .. فحصلت عندنا حاجه شبه دى
    بس الغلط كله على الناس اللى راحت دفعت بسذاجه

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •